قصه من تأليفي وأتمنى تعجبكم....

[ألما,,,ــة]

بسرررررررررررررررررررررررررررررررررعة كمليها لوووسمحتي

[العنود]

مشكورهـ
ياليت تكمليهااااااااااااا
تحياااتي

[همــ الشفاة ـــس]

شاكره لكم تفاعلكم مع القصه وأتمنى تكون عجبتكم وهذي التكمله...




خالد:هلا يمه هلا بتاج راسي أخبــــــــارك؟! وحشتيني
الوالده:بخير يابعد قلب أمك وووينك فيه طولت الغيبه والله أشغلتني عليك
خالد:شسووي يمه أنشغلت أعذريني يالغلا بس عندي لك خبر أنا متأكد بيشفع لي عندك وبترضين علي
الوالده:عطني بشرني فرحني
خالد:أول شي الوالد وينه بكلمه مشتااقله يمه
الوالده:أبوك نايم الحين أول مايصحى بخليه يدق عليك بس قلي وش الخبر
خالد:يمه تزوجت وحده تجنن وطيوبه صدقيني مرتــــــــاح حيل معها وماراح ألاقي أحسن منها
الوالده:خالد وش تقول لاجد قلي وش الخبر لاتلعب بأعصابي
خالد:والله يمه هذا الخبر هذي البنت كانت تساعدني بدراستي وأي شي يصعب علي تفهمني إياه تحبني وأحبها وماصار لنا أسبوع متزوجينن وأنا الحمدلله مرتاح حيل معها
الوالده:خالد....أخذت أجنبيه ياخالد...ليش شفيهم بنات ديرتك حرام عليك أبوك إذا درى وش بيسوووي ...والأم ماقدرت تمسك نفسها وجلست تبكي وخالد قاعد يهديها ويقنعها بالسالفه وقفلت الخط منه وهي تبكي
روان حست أنه في شي مو زين صار وشكت بالوضع وسألت أمها:يمه شفيك خالد شفيه وش قالك ليش تبكين...
الوالده:روان ياويلي وش أسووي
روان:يمه وش صاااار فهميني
الوالده:خالد تزوج ياروان ياويلي من أبوك إذا درى
روان:يمه من جدك ليش طيب وش فيه أنهبل يتزوج أجنبيه

روان طبعا ماكان فبالها ويهمها ألا ريم وكيف حالتها بتكون إذا درت بالموضوع
ردت الأم وقالت:أكيد من جدي أخذ وحده تعرف عليها بالجامعه روان شلون أقول لأبوك
روان:يمه هدي شوي خلينا نفكر والله يستر أنا بعد مدري خصوصا أن أبوي حيل تعبان هالأيام
أحسن شي نقوله بطريقه غير مباشره ونبين له أننا راضين عشان نخفف من ضيقته شووي وأنتظرت روان أبوها لحد ماصحى من النوم ودخلت عليه بالغرفه وقالت:يبه لو سمحت فاضي يعني لك خلق تسمعني
الوالد:أكيد لي خلق لك تعالي جنبي وقوليلي شعندك
روان:في موضوع حابه أقوله لك....
الوالد:روااانوووه شعندك
روان:يبه بصراحه ماني عارفه كيف ببدا ووش أقوول
الوالد:أدخلي بالموضوع تراك أقلقتيني
روان:يبه بصراحه أبغاك تهدي أعصابك...الموضوع يخص خالد أخوي...
الوالد:خالد؟!شفيه صار له شي...
روان:يبه خالد....بصراحه خالد أخوي تزوج
الوالد:وش هالحكي ياروان بطلي هبالك ذا وتكلمي زين خالد شفيه؟!
روان:ياربي أنت كذا تصعب علي طيب شوف هو أتصل على الوالده وقال لها كذا وهو يمدح البنت وأنها كانت تساعده بدراسته و..........
الوالد:خالد مستحيل يسويها ولدي وأعرفه وش تقولين أنتي
روان:أبوي خالد الأسبوع الجاي بيجي للرياض وبنفهم منه كل شي بس تكفى لاتسوي له شي مانبغى نخسره
الوالد:يصير خير بس خليه يجي ويصير خير بس هو قال بيجيبها معه؟!
روان:لا ماأتوقع يجيبها
الوالد:نشوف واللي يكتبه ربك يازينه
ومن هاليوم وروان منقلب حالها وماهي عارفه كيف توصل الخبر لريم ومن الصبح وهي ترقع بالسالفه وقالت:أحسن شي لما يجي خالد هي راح تعرف من نفسها لأني مقدر أقولها شي وريم لما عرفت أن خالد على نهاية الأسبوع بيجي الأرض ماشالتها من الفرحه وأخيرا بتشووفه بعد هالغيبه وكان كل همها كيف تقابله لأن كان بقلبها كلام كثير ودها تقوله له...وجا اليوم المنتظر يوم رجوع خالد وأجتمعت العائله وكان محمد كالعاده هو اللي راح يجيب خالد من المطار وريم كانت عيونها عالباب تنتظر دخول حبيبها ...أتصلت روان على محمد وقالت:هلا حمود وووينكم طولتوا
محمد:هلا روانوووه أحنا عند الباب ألحين بندخل عليكم...
ريم سمعت روان تقول أنهم عند الباب شهقت شهقه بنت كلب ونبضات قلبها بدت تزيد مع كل ثانيه تمر ودخل محمد ودخل وراه خالد وسلم عالجميع بس لما جا دور ريم ماقدر يطالعها ومد يده وهو منزل راسه وقال:هلا ريم شخبارك؟! وجلس ولا كأنه خالد اللي فارقها وهو ماوده يفارقها
ريم حست أن خالد متغير حتى سلامه عليها كان بارد مع أنها توقعت أنه بيرجع وهو ميت من الشوووق...
جلست العائله وقال أبو خالد:خالد كأن فيه حكي ودك تقوله والا أنا غلطان...
خالد:بصراحه فيه موضوع حاب أقوله لكم بما أني جيت اليوم أنا.....أنا تزوجت
ريم سمعت الخبر من هنا ورحت فيها من هنا ماتدري تصدق اللي قالته والا تكذبه هو حلم والا حقيقه ومن كثر ماهي تحب خالد من الصدمه فيه طاحت غشيانه وماحست على نفسها الا وهي بالمستشفى وروان كانت المرافقه لها وكانت معها بكل دقيقه ومافارقتها...ريم كانت غشيانه لكنها من داخل تتعذب وتبكي مقهوره من اللي صار وروان تشوفها وماتقدر تسوي لها أي شي ولا لها وجه أصلا لأن السبب بهذا كله أخوها خالد
ولما بدت ريم تتحسن حالتها قالت لروان وهي تبكي على حب عمرها اللي راح
قال لي قبل يرحل لو تفارقنا أموت...
وفعلا رحل لارسايل ولاصوت...
وكنت دايم عنه أسأل...
قالوا يزقح ماعليه...
فرحت وقلت هذا اللي أبيه...
بس مدري كيف صدقته يوووم قال:لوتفارقنا أمووووت
حضنتها روان بقووه وقالت:ريم صدق خالد أخوووي بس صدقيني اللي يبيعك بيعيه
ريم:روان شلون أبيع الأنسان اللي حبيته من وعيت على هالدنيا شلوون أبيع اللي ملك كل مافيني
روان طبعا سكتت وحاولت تهدي فيها لأن ماكان بيدها شي وماتقدر تدافع عن خالد
وبعد نص ساعه تقريبا دق خالد على روان ردت عليه وقال:هلا روان شخبارك ووين ريم أبي أكلمها بتطمن عليها
روان وبدون نفس:هلا خالد أنا بخير بس لحظه بشوف لك ريم
ولما قالت لها ردت ريم وقالت:روااااااان له عين يكلمني بعد اللي سواه فيني ماأبغى أكلمه ولا أسمع أي شي تكفين روان
قالت روان لخالد:ريم تعبانه وماتبي تكلمك خلها لما تهدا شوووي
بس خالد طبعا مافقد الأمل وكان كل همه يكلم ريم ويتطمن عليها لأنه هو السبب فاللي صارلها...
أرسل لها بوكيه ورد مع كرت مكتوب عليه
((سامحيني لاقسى قلبي عليك...لو زعلتك ماملى عيني سواك))
حبيبك خالد...
.................................................. ..............................................

[ألما,,,ــة]

وااااو

يلا أنا أنتظر ع أحرمن الجمر نستناك

[الهام روحي]

يعطيك العافيه حبيبتي

بس بليييييييييييييييييييييييز كمليها حرقتي اعصابي

هههههههههههههههههههههههههههههههههههههههههههههههههه ه

[nouna]

مممممممممممممممممممممم


بليييييييييييييز الباقي بسرعة هيك الواحد بموت هو وعم ينطر



يلالالالالالالالالالالالالالا بسسسسسسسسسسسرعة بليييييييييييييز

[همــ الشفاة ـــس]

ههههههههههههههههه فديتكم وهذي التكمله وأنشالله تعجبكم وهذا القسم قبل الأخير


ريم لما قرت الكرت قطعته ورمته وقالت لروان:للحين مصر يمثل علي الأنسان الوفي اللي مايعرف يخون ويحب من قلب روان بليز تكفين الورد هذا مابغاه بالغرفه بليـــــــز روان...
روان:من عيوني كم عندي من ريم وحده وتهبــــــــل
ريم:يابعدهم والله من دونك أضيع أروح ملح
روان:انت بعد شدي حيلك وخلينا نطلع من ذا المستشفى تراني طفشت من جد وأشتقت لطبخ امي اللي لايعلى عليه....بس تدرين ريم أحس خالد للحين يحبك وشاريك والدليل خوفه عليك وتصرفاته من يوم تعبتي
ريم:يوووووه فرح لاتذكريني كان أشين يوم بحياتي وخالد صار ماضي بالنسبه لي سواء كان يحبني أولا ماعاد يهمني...
روان:ريوومه بصراحه للحين تحبينه؟!
ريم:أكذب عليك أن قلت ماعدت أحبه أو حتى كرهته حتى بعد اللي سواه فيني بس مو معناته أني أحبه راح أرضى أرجع له مستحيـــــــل...خالد أختار حياته مع غيري والله يوفقه....
روان:ريوومه تلوميني فيك والله كلامك خلاك تكبرين بعيني أكثر عموما هو الخسران لأنه ماعرف يحافظ عليك
ريم:وش يحافظ علي أنت بعد وش شايفتني شنطه وع عليك بعدين وش كبرتي بعيني يعني كنت صغيره قبل هاااااااه؟!
روان:لااااااااا يالدبه نفسي أفهم من وين تفهمين انتي على كيفها هذي...
ومن هاليوم وريم تحاول تنسى اللي صار وترجع مثل قبل وتصبر عمرها بكلمة(اللي يبيعني أبيعه)ومر أسبووع لها بالمستشفى وبعدها سمحوا لها تطلع بعد ماتحسنت حالتها ولما طلعت تفاجأت بأن اللي راح يآخذهم للبيت هو خالد
رفضت ترجع معه وقالت لها روان...
يالدبه تعالي لاتفشلينا ماعندنا غيره يعني نركب مع ليموزين أنت وخشتك تعالي ولاتكلمينه ولاتطالعينه
خالد لاحظ أن ريم ماتبغى تركب معه ونزل وقال:ريم حبيبتي.......
ردت ريم معصبه:لاتقول حبيبتي لو سمحت وأنا راح أركب بس مو عشانك عشان روان
خالد:آسف إذا ضايقتك بس يالله ترى الشمس حاره
وركبت ريم وروان بدون ماتقول ولا كلمه وطول الطريق ساكته وخالد حب يلطف الجو طالعهابمراية السياره وقال:وش تبغون نحط أي شريط؟!
ردت ريم وقالت:إذا ماعليك كلافه أغنية راشد(جاني حبيبي) وطالعته بنظره ولفت وجهها حتى ماتشوفه
وروان كالعاده تبي تغير الموضوع بس الخبله كبت العفش وقالت:لالالا نبي أغنية(أحسن)لأحلام...عطاها خالد نظره سكتها فيها...وبعد دقايق قالت ريم:ماتلاحظ أن طريق البيت مو من هنا
رد خالد وقال:بصراحه حبيت آخذكم ونروح لأي مطعم نغير جو وأخذت الأذن من الأهل
ردت ريم وبسرررعه:من قالك اننا نبغى نغير جو أحد أشتكى لك
رد خالد متضايق من ردة فعلها وقال:ريم شفيك علي ترى للحين أنا ولد عمك ماكنت أظنك قاسيه كذا
ردت ريم والدموع ماليه عينها بعد ماتذكرت اللي سواه فيها:تبغى تعرف من مين تعلمت القساوه ...منك ياولد عمي منك ياخاين العهد وين كلامك لي لما قلتلي:ياريم لو تفارقنا اموت...
ماني مصدقه أنك طول هالمده اللي راحت كنت تخدعني ليش سويت فيني كذا عطني سبب يقنعني ويريحني لأني تعبت وأبي أرتاح بجد تعبت حرام عليك.....
رد خالد:ريم حبيبتي أنا ماخدعتك وربي كنت أحبك وكنت صادق بكل كلمه قلتها لك ولما سافرت مدري شلي صار فيني حبيـــ...............
ريم:حبيت غيري قولها شفيك سكت...خالد إذا فيه شي بحياتي راح أندم عليه هو أني حبيتك بس حسافه جد حسافه...
خالد:ريم تكفين لاتقولين كذا باللحظه اللي شفتك فيها لما رجعت وجيت أسلم عليك عرفت شقد أنا أحبك ومقدر أستغني عنك والله أحبك...
ريم:خالد....خالد تكفى خلاص كافي ماأبغى أسمع أي شي
خالد:أنا متأكد أنك للحين تحبيني والدليل كل هاللي صار أعترفي أنك تحبيني
ريم:أحبك...إيه أحبك بس مستحيل أسامحك وأرجع لك ولو سمحت روح للبيت لأني تعبت وأبغى أرجع للبيت
روان بعد ماحست أن الوضع هدا شوووي قالت:خالد خلاص قفل عالموضوع البنت توها طالعه من المستشفى خذنا للبيت......
ولما وصلواللبيت طلب خالد من روان تروح معه للغرفه لأنه يبي يكلمها
ردت روان وقالت:أوكيه بس أوصل ريم لغرفتها وأجيك ثواني بس
ولما راحت لغرفة ريم قالت:أبصم لك بالعشره أنه يبيني عشانك....ريم حاولت ماتبين أنها مهتمه وتبي تعرف وش يبي خالد من روان....وراحت روان لخالد وقال لها:هلا روان حياك تعالي عندي
روان:آمر أخوي شبغيت مني؟!
خالد:روان صدقيني مدري ليش سويت كذا مع أني أحب ريم وأموووت عليها بس عجزت أفسر الحركه اللي سويتها مدري كنت بلحظة ضعف أو نزوه بس والله احبها ياروان أحبــــــها...أنتي فاهمتني؟!
روان:فاهمتك ياخوي بس إذا كنت فعلا تحبها راح تعرف شلون تخليها ترجع لك يمكن ماراح ترضى بسرعه ومالومها لأن اللي سويته فيها مو شووي بس يااخالد ترى ريم تحبك وأكثر من قبل صدقني
خالد:طيب شلووون أرجعها؟!
روان:لاعاد شلون هذي أنت تجيبها وأنا متأكده أنك راح تقدر أخوي وأعرفك...ومن طلوع روان من عند خالد وهو يفكر شلوون يرجع ريم اللي عرف أنه مايقدر يستغني عنها وشاف أن أول خطوه ممكن يسويها السفر عشان يطلق زوجته ويرجع ويكمل الباقي وفعلا سافر.....

[همــ الشفاة ـــس]

وريم كان فبالها أنه سافر حتى يجيب زوجته هنا وتتعرف عالعائله وبعد يومين من سفر خالد رجع ودخل على أهله يبشرهم أنه طلقها بعد ماحس أن الكل مو متقبل الموضوع وبعد ماعرف انها غلطه وأنه للحين يبي ريم وللحين يحبها...
ريم لما عرفت أن خالد طلق زوجته عشانها حست أنها بدت تحن له وفكرة أنها ترجع له بدت تدور فبالها بس ماكانت مقتنعه حيل ومتردده...أما خالد من رجع وهو يحاول يرج ريم لأنه حس أنها بدت تلين وترجع له ومافقد الأمل وقال أفضل خطوه لازميسويها يكلم أهله عن ريم وأنه يبيها تكون زوجته..وطبعا ماله ألا روان تساعده بهالموضوع وتكلم أهله معه وتقنعهم راحت روان وخالد لم أمهم وقالت روان:يمه خلودي عنده كلاميبي يقوله لك
الوالده:خلود يمه تعال شفيك كأني بآكلك تعال قلي وش عندك؟!
خالد:يمه بصراحه وش رايك بريم بنت عمي ناصر؟!
الوالده:ريم والله والنعم أنا عني هالبنت أموووت عليها يكفي أنها بنت عمك بس ليش؟!
خالد:يمه بصراحه.....
روان:على بلاطه خالد يبيها يعني يبي يتزوجها يايمه وش رايك؟!
الوالده:خالد صدق تبيها؟!
خالد:إيه إذا كنتوا راضين
لوالده:وين بنلاقي أحسن من ريم والله أني أبيها لك من كل قلبي وأنشالله بقول لأبوك يكلم عمك ناصر واللي يجيبه الله زين
طبعا الام فاتحت أبو خالد بالموضوع وهو حيل فرح لأن ريم لها مكانه بقلبه ويحبها مثل روان بنته وفعلا كلم أبو ريم قاله:هلا اخوي ناصر شلوونك وش مسوووي وشخبار الأهل عساهم بخير؟!
أبو ريم:بخير الحمدللله أنتوا شلونكم طمني عنكم؟!
أبو خالد:حنا بخير ولله الحمد أقول أخووي بكلمك بمووضوع يخص خالد ولدي وأبي رايك فيه
أبو ريم:آمر باللي تبي
أبو خالد:بصراحه خالد ولدي يبي ريم له وقالي أكلمك بالموضوع شرايك؟!
أبو ريم:والله والنعم وسبع انعام خالد ولدي وريم بنتكم بس تعرف ياخوي لازم أشاور ريم وأشوف وش بتقول
أبو خالد:من حقها تشاورها بس متى بترد علينا
أبو ريم:أنشالله كلها أسبووع بالكثير وبيجيكم الرد
أبو خالد:أنشالله يالله اجل أشوفك على خير مع السلامه
.................................................. .................................................. ....................
ولما جا بالليل بعد مارجع أبو ريم من الدوام راح لغرفة ريم وقال لها:هلا ريومه بنتي شلوونك؟!
ريم:هلا يبه تفضل حياك
الوالد:هلا ببنتي والله وكبرتي ياريم وصرتي تنخطبين
ريم خافت من كلام أبوها وقالت:وش يعني أنخطب وش تقصد بكلامك يبه
الوالد:ريم خالد ولد عمك خطبك مني وأنا جاي آخذ رايك هاه وش قلتي؟!
ريم شهقت ومو مصدقه اللي قاله أبوها وقالت:خالد....بصراحه مدري هو ولد عمي والراي رايك
الوالد:لا مابيك توافقين عشاني أو عشان أي احد أبيك توافقين وأنتي مقتنعه وراضيه فكري ومتى ماقررتي قوليلي ردك بس لاتطولين لأنهم ينتظرون مننا رد
ريم:أنشالله يبه تآمر أمر
ومن طلع أبو ريم من عندها وهي تفكر بالموضوع ومتردده وخايفه وبنفس الوقت أستغربت من جرأة خالد ووثوقه بأنها راحج توافق عليه...
الأبو دق على خالد وقاله رد ريم بس خالد حس براحه لأنه عرف أن ريم تبغاه وللحين شاريته والدليل أنها طلبت مهله تفكر فيها ومارفضته بس بنفس الوقت كان خايف انها ترفضه...ومر أسبوع عالسالفه هذي وكل يوم يمر تتأكد ريم فيه أن خالد تغير وأنه فعلا يبغاها وأنه ضحا بكل شي عشانها وأن زواجه كان غلطه وممكن تصير هالغلطه مع أي أحد كان يكفيها ندمه عاللي سواه فقررت وبعد تفكير أنها تروح لأبوها وتقوله رايها دخلت عليه وقالت:يبه شلونك؟!
الوالد:الحمدلله ريم شفيك تعالي أجلسي بجنبي
ريم:بصراحه يبه انا جايه أقولك ردي ورايي بخالد
الوالد:هاه يابنتي أنشالله فكرتي زين وقررتي وتأكدي ياريم مافي أحد بيحبك ويخاف عليك كثرولد عمك
ريم:أدري وواثقه من هالشي وعشان كذا انا جيتك أقولك أني موافقه على خالد...
أبو ريم طار من الفرحه لأنه كان يتمنى رضا ريم مو رفضها وأتصل على خالد يبشره بموافقة ريم وخالد شووي ويفحط من الوناسه مو مصدق ان ريم وافقت عليه وراح يخطبها رسمي ويشوفها لأنه زماااااااااااااااااااان ماشافها من لما كان عمرها 16 سنه
ودخلت عليه ريم هو شافها من هنا ضااااااعت علوووومه المسكين لان ريم كانت معروفه بجمالها وهو ياعمري أنهبل عليها وكان نفسه يقولها أنها احلى بنت شافها وعرفها بحياته ...وبعد أسبووع تملكت عليه وسافروا لشهر العسل وكانوا اضين كل الرضا وريم نست كل شي صار وخالد نفس الشي وعاشوا أحلى أثنين.......



أنشاللله تعجبكم القصه وأبي رااااااايكم بكل صراحه حتى لو مو حلوه عادي قولوا

[The_pianist]

قصة زي العسل بس النهاية؟؟؟؟؟؟؟؟؟؟؟؟؟؟؟
حرام تنتهي النهاية دية
علشان ريم الغلبانة وشكرااااااااااااااا جدااااااااا

[The_pianist]

القصة جميلة جداااااااااااااااااااااااااااا
بس حرام تنتهي النهاية دي؟؟؟؟؟؟ مش كـــــده؟؟
علشان بس ريــــــــــــــم الغلبانة وشكرااااااااااااااا