بداية القصه لما كان عمر(ريم)8سنوات..كانت تعيش بعائله صغيره حيل أمها أبوها وأخوها (محمد) وعمره 11سنه وأمل آخر العنقود...كان ساكن معهم ولد عمهم خالد وهو بعمر محمد تقريبا وطبعا مقر السكن بالرياض...ووالد خالد ساكن بالشرقيه جاه أنتداب ولكنه أستقر هناك ووله أخت أسمها(روان)هذي عاد فلذة كبد ريم وهي أقرب أنسانه لها وهي الوحيده اللي كانت تدري بحب ريم لخالد وكانت فرحة ريم لاتوصف لما تلعب مع خالد لأنه كان يفضلها عالكل ...
ودارت الأيام وكبرت ريم وصار عمرها 19 سنه أما خالد فصار عمره 22سنه بهالوقت ريم كانت بوقت أمتحانات عمتي شاده حيلها وأكيد محمد وخالد ماكانوا يقصرون معها ساعدوها بالدراسه لحد ماأنتهت من هم ثالث ثانوي وتخرجت بنسبة96أما روان كانت بنفس السنه وتخرجت بنسبة98>>>دوافير هع
قررت روان بعد جهد جهيد ونشبة فحلق أهلها أنها تنقل للرياض عند عمها وتدخل مع ريم بنفس الجامعه وبعد ماأنتقلت للرياض جت ريم وأنواااااع الترحيب وياهلا وغلا بالزين كله هلا بقمر نجد ومن الحكي هذا البنت متقطعه من الفرحه مالومها....
بعد شهر تقريبا جاوقت التسجيل بالجامعه طلعت ريم وروان شوي بيفحطون من الوناسه >>>تكارونه أول مره يدخلون جامعه ...طبعا اللي كان بيوصلهم المغلوب على أمره خالد ...ريم لمحت خشة خالد بالسياره ضاعت علومها لدرجة أنها تنحت فيه وتكرفست عند باب السياره >>>ومن الحب ما تكرفس
وتعال شف روان وخالد فقعوا ضحك عليها أما ريم يابعد حيي وجهاا صار أشارات ألواااان <<<بيني وبينكم طيحة وجه عالأقل قدام خالد
وركبت عمتي وطول الطريق للجامعه وهي ساكته وروان وخالد طايحين لي فيها سوالف وضحك لاحظت روان أن ريم مو معهم فعالم ثاني قالت روان:ياهووووووه نحن هنا وين وصلتي...؟!
ردت ريم وهي تغمز للخبله روان:لالا معكم بس سرحت شوي>>ماظنتي شوي الا كثيــــــر
المهم روان كانت تتعمد تحرج ريم طول الطريق وقررت تطلب من ريم موبايلها على قولتها بتآخذ منه رقم...دخلت عالأسماء لحد ماوصلت لأسم خالد طبعا ماكان أسمه خالد ...أعطت الجوال لخالد وقالت:أقرا وقلي رايك وقلي وش قريت...
سكت خالد لما قرا أسمه وتلعثم ماعرف وش يقول لأنه ماكن حاس بأي شي وماكان يدري عن ريم ولا عن هوا دارها
قالت روان:مو مكتوب(خالد حبي الأول والأخير) خالط عطى روان نظره لأنه تضايق من أسلوبها أما ريم واعليا عليهاضااااااعت وماعرفت وش تسووي وعيونها غرقت بالدموع وحست نفسها سخيفه بعد حركة روان معها وطول الطريق الثلاثه ساكتين ولما وصلوا للجامعه نزلت ريم ومشت ولاعبرت روان أما روان قالت لخالد خلاص روح وحنا لما نخلص بنتصل فيك تجي تآخذنا
خالد شغل سيارته ومشى بدون مايعطي روان أي رد
.. .. .. .. .. .. .. .. .. .. .. ..
دخلت ريم للجامعه ولحقتها روان وكان طول الطريق تناديها وريم ولاكأنها تسمع تمشي وكاتمه حسرتها بقلبها...وحابسه دموعها مسكت روان يد ريم وقالت:ريم ليش ماتردين علي البنات جالسين يطالعونا
سحبت ريم يدها من روان ومشت لأنها ماتقدر تتكلم لو تكلمت راح تنفجر وتبكي
روان حاولت مره ثانيه مع ريم وقالت:ريم أنا ماسويت اللي سويته الا عشانك........قاطعتها ريم وقالت:روان بليز ماأبغى أتكلم بشي خلينا نسجل ونطلع وبعد ماخلصوا تسجيل دقت روان على خالد...لما شاف خالد رقم روان عطى الجوال لمحمد ولد عمه وقاله رد...رد محمد وقال:هلا روانوه هاه بشري...قالت روان:حيلك علي كل شي تمام أنقبلنا الحمدلله بس وين خالد؟!
رد وقال خالد نايم ووصاني أجي آخذكم والا ماتبوني>>أنواع التصريف
ردت روان:لا شدعوه بس بسرعه لأن ريم تعبت شوي ولما عرفت ريم أن اخوها محمد هو اللي بيجي يآخذهم فرحت لأنها ماراح تقابل خالد بعد اللي صار بس حست أنها تصريفه من خالد عشان مايشوفها...وصل محمد للجامعه وركبت ريم وروان وسألهم:شفيه خالد أحسه متضايق وحالته حاله..
ريم سكتت وماكانت تقدر ترد وكان كل همها خالد وكيف بتكون ردة فعله لأنها كانت متأكده أنه بيتغير عليها بعد اللي صار
ردت روان وقالت:أبد سلامتك بس يتغلى علينا الأخ
وصلوا للبيت وراحت ريم لغرفتها وجلست تبكي وطلعت كل اللي بقلبها أما خالد فكان مهموم ويفكر شلوون ريم اللي تربيت معها فبيت واحد تكون تحبني وأنا اللي كنت أظن أننا أخوان ومتى هالشي وليش و....و... حتى تعب من التفكير وحط راسه ونام...راحت روان لغرفة ريم وشافتها حيـــــل منهاره وتبكي راحت روان وحضنتها وقالت:سامحيني ريم وربي ماكنت أقصد أضايقك كان كل همي أساعدك لأني شايفه شكثر أنتي تتعذبين يمكن أسلوبي غلط والوقت مو مناسب بس والله كان كل همي أساعدك...
ردت ريم بصوت مبحوح ومخنوق وقالت:تساعديني كذا أنت بطريقتك هذي تكرهينه فيني ليتك ماسويتي كذا ليتك حتى ماجيتي للرياض ماكان صار اللي صار
روان تضايقت من كلام ريم وقالت:قبل ماأطلع ياريم تأكدي أني ماسويته الا عشانك وسامحيني إذا ضايقتك وطلعت وصكت الباب وراها
ريم حست أنها زودتها شوي مع روان ومر اليوم الأول من دون ماتقابل ريم روان ولما جت الساعه 1بالليل راحت ريم لغرفة روان وقالت:ممكن أدخل...
ردت روان وقالت:حياك أفا عليك دخلت ريم وقالت لها:
ســــــــامحيني لاقسة قلبي عليك....لو زعلتك ماملى عيني سوااااااك....
وقامت روان وحضنت ريم وقالت لها ريم:روان يابعدهم سامحيني جد ماكان قصدي ياشيخه يلعن الحب اللي خلاني أغلط عليك وكملوا عماتي سهرتهم على فلم لبراد بيت اللي تمووووت عليه ريم ومر اليوم الأول ومر أسبووع وأثنين وريم طول هالمده تتجنب خالد وهو طبعا نفس الشي وبعد شهر.........
.... ..... ....... .................................................. ..................................................
راح أنتظر ردودكم أذا عجبتكم القصه بكملها
24-09-2006, 04:28 PM
قصه من تأليفي وأتمنى تعجبكم.... 
المواضيع المتشابهه 
العرض العادي
