كيفكم يا حلوين
جايبتلكم اليوم قصةوااااااايد حلوة وكمان رومانسية كتييير ...
كنت حابة انزلها في بداية رمضان بس خفت الناس تكون مشغووووولة ...
لكن قررت اني انزلها....
القصة منقولة ...وغيرت الاسم من "ولد العم " الى ""ااااه من الحب وعذابه"
اظن اني طولت عليكم ...اتركم مع ابطال القصة .... سمر : بنت حلوة وعليها حركات صبيان لأنها البنت الوحيدة من بين 3 صبيان ..
يعقوب : ولد عم سمر حلو ومغرور وميت على سمر ..
سارة : إخت يعقوب الحلوة وصديقه سمر ..
حمد : ولد عم سمر وسارة اللي راد من السفر ..
حمدان : أخو سمر الكبير عاشق سارة ..
مشعل وناصر بعد إخوان سمر ..(((((الجزء الأول)))))
صبحيه يوم الجمعة الكل كان نايم في بيت بو حمدان .. ماعدا سمر اللي تاخذ راحتها بعيد عن إخوانها عشان تمارس رياضتها اليومية كرة السلة..
سمر البنت الأولى بعايلة بوحمدان اللي معروف عنه بأبو الشباب من كثر الصبيان اللي عنده " لا اله الا الله "
أمها نجاة البحرينية الأصل تزوجت من أبو حمدان قبل 25 سنة يوم كانوا يدرسون مع بعض في مصر ..
حبوا بعض من أول نظرة وما قدروا إنهم إلا يتزوجون .. وإنتقلت نجاة مع زوجها الكويت بعيد عن أهلها ..
الشمس للحين ما جاست حرارتها الأرض وسمر فرحانة حيل بالجو وجالسة تتنقز وتنقز الكورة وياها وهي تقول في خاطرها ..
لا يوبا اليوم لازم لازم ألعب وياهم مو على كيفهم .. لمتى لازم أتحمل ثقل دم حمدانو ومشعلو وأخليهم دايم ينفذون فيني مقالبهم!!
وظلت تتدرب ليما دقت ساعتها الإلكترونية بموعد قعدة أمها ..
ولقفت الكورة وقامت تراكض بعمرها عشان تلحق على غرفتها قبل لا يشوفها أحد ..
للأسف الشديد الوالدة كانت صاحية وقاعدة بالصالة تشرب شاي الصبح ..
وتهز ريلها( رجولها ) لأنها تدري إن بنتها للحين على حركاتها " الصبيانية" على حد تعبيرها ..
بس سمر اللي ماعطة أمها إقنور( يعني مطنشتها بالعامية ) .. على فكرة سمر ما تتكلم عربي عشان تقهر أمها ..
" إنتي ما تيوزين " أوووووووووووف" قالت سمور في خاطرها بدت محاضرة يوم اليمعة(الجمعة) ..
المشكلة إن سمر حافظة هالمحاضرة بالتفصيل الممل ..
وحافظة المقطع اللي ينزل فيه أخوها ناصر اللي هو توأم سمور بس ما يتشابهون على الرغم من علاقتهم القوية مع بعضهم البعض ..
يوم نزل نصور ظل مكانه واقف عند الدري (الدرج ) وهو يضحك على إخته وشكلها الملان(ملانة = طفشانة ) من كلام أمها وما تدري شنو تسوي ..
وإلتفتت حق نصور اللي مو شايل روحه من الضحك والكركرة على سمور المسيجينة(مسكينة ) وهي يالسة (جالسة ) تتوعد فيه وتقول له بصوت واطي ما ينسمع
"بوريك يالدب بوريك"
وهو راح فوق عشان ينادي إخوانه عشان تكمل التطميشه عليها ..
ويوم نزلو الشباب إنصدموا بأبوهم اللي كان قاعد بالصالة وسمور الدبة تتدلع عليه ..
حمدان أكبر الإخوان أول من سلم على أبوه وحب راسه ويده ويلس(وجلس ) حذال)قبال = مقابل له ) أبوه بعد ما شبع من مرافس سمور المسيجينة عشان تتباعد شوي ..
وهو يقول لها "خفي دلع يالدبة" ردت عليه سمور "إنت مو شغلك يا ويه (وجه ) البطة لا تتدخل ياملغك ( يعني دمك ثقيل )" وقامت سمور وهي تتحدى إخوانها كلهم..
سمر "اليوم إنتو زهبو (جهزو ) حالكم حق أكبر فوز ياإخواني الأعزاء لأني راح أشارككم في اللعب مع عيال عمي يوسف وعمي سليمان" ..
الكل سكت ومرة وحدة إنفجروا كلهم الشباب بالضحك ..
ووقف مشعلو أكبر مليغ بالعايلة وهو يحاربها ..
مشعل"إنتي شفيج جذي وايد ( انتي ليش كذا دايم ) تتلزقيين بالرياييل(الرجاجيل ) لايكون ريال(رجال ) وإحنه ماندري؟!
لاتحلمين يا بعد قلبي لأن ماكو(مافي ) لعب وكافي عااااااااد صار لج دهر وإنتي دوم تهددينا بهالموضوع وماردج تنثبرين مكانج يم راما الخدامة"
.. سمر "إنت ماتقول من وين لك هالملغ"
وإلتفتت صوب أبوها اللي يالس(جالس ) يضحك من قلب عليها ..
سمر "يوبا شوف ولدك هاذا الجيكر ما يخليني ألعب وياهم" ..
الأب "يوبا مايصير تلعبين ويا الشباب إنتي بنت حلاتج مثل بنت عمج (بنت يا حلوك مثل بنت عمك ) سويرة يحليلها كل الأنوثه فيها "
سمر "أووووووووووووف آنه هاذي سارو ما أدانيها ولا تقعد تقولي تشبهي فيها يوبا ..
متى راح تفهم إني يونيك(منفردة من نوعي )
" حمدانو "قلبي ويهج زين قال شنو قال يونيك ..
إنتي فهمي معناتها يوبا بعدين تحجي" .
. سمر "آنه أعرف معناته مو مثلك ياللوووووووووح ما تعرف الـ yes من الـ no" ..
نصور وهو حذال حمدان وهو ناوي نية على إخته "آنه أقول لج الـ yes والـ no حقت أخوي no لعب و yes
حقران لج هههههههههههههههههههههههههه"
ويلس(جلس ) الكل يضحك عليها وهي منقهرة حييييييييييل منهم ويلست (جلست ) تكمل دلع على أبوها ..
سمر "يوبا شوف هالبط هاذولي ولا واحد فيه خير يالسين يتعافرون وياي مو من شي من الخوف إنهم يغلبون كبديل عن كل يمعة جدام يعقوب ورشود"
.. وهي تتدلع أكثر "يوبا حبيبي تكفى عاد عاد أحبك آنه ..
محد يحبك كثري .. تكفى يوبا طلبتك" ..
الأب "إنزين يله عاد ساح نصج وإنتي تتدلعين" .. كمل كلامه وهو يحاجي الشباب "يله ياعيال خلوها تلعب" ..
الشباب كلهم بصوت واحد "تكفى تكفى يوبا شنو نلعبها"
.. حمدان "هاذي أصلا تفشلنا جدام(قدام ) عيال خالي وعمي ..
شنو بنت تراكض ويانا" ..
مشعل "إي يوبا شنو خبلة هاذي بتمشي خبالها عليك ..
لا يوبا إنت أكبر من جذي" .
. نصور "إي نعم هاذي أكبر خبلة يوبا لا تمشي كلامها عليك" ..
سمر "نصور أوريك يالخاين أن كلمت النسرة زينو عنك هاذا ويهي"
.. مشعل "تكفين عاد ويا ويهج" ..
نصور "أصلا آنه مو محتاجج يالخبلة .. كفاية إني أتكشخ وأركب سيارتي وأيي صوب مدرستكم وأخبل رفيجتج هاذي وأخليها تستخف بالهدة..
لذا لا تقعدين تهددين" ..
الأب "يلة عاد كافي ياعيال وإنتي ياسماري حبيبتي فظيها سيرة يعني كل مرة لازم تعلينا بهالسالفة"
.. سمر عاد بوزت ونزلت البراطم من القهر وهي تقول لأبوها "يا ريتني ولد ..
جليلة (قليلة ) حظ آنه والله لكن إنتو ياقوم البط بيي(بيجي ) اليوم اللي بتتوسلوني ألعب وياكم لكن اللي يوافق" ..
وكملت كلامها وهي تركض على الدري وحابسها دموعها من القهر لأن ماعندها رفيجة (رفيقة )تشكي لها همها ومشاكلها....
27-09-2007, 10:29 AM
ااه من الحب وعذابه ....قصة رومانسييييية 100% 
