جلس اصيل فغرفته يفكر وصدره ضايق مقهور ومتحسف على كل لحظه عاشها غلط مع مى ...
ااااااااااه لوتدري بشعوري يا مي غيبتك بتقتلنى غيبتك تحرقنى غيبتك بتذبحنى فراقك كبير على قلبي ااااااااااااااه وش الحل يعنى بأتركها تضيع منى وانا عاجز عن اني اسوي اى شئ بأجلس اتفرج فالشيطان وهو يوقف بينى وبين زوجتى وام طفلى وانا ساكت وش هالضعف اليي صابنى انا ماكنت سلبي ولا استسلامي ليش الحين مسلم الامر للايام ومنتظر وش بيصير بدون ما احاول او اتحرك اى خطوة ..........استــغفر الله العظيم عقلي بينشل مــن كثـــر التفكير تعبت ولا بيدي شئ ياااااااااارب توكلت عليك مالي غيرك يالكريم..
يارب انا السبب او هى تذكر اصيل تحذير عمر له....<< اصيل:الو
ناصر:هلا والله
اصيل :شلونك ناصر بشر عن احوالك
ناصر:الله يسلمك الحمدلله كل شئ تمام انت شلونك وشلون الوالد والاهل
اصيل:بخير جعلك بخير.......الا ناصر بغيتك فسالفه
ناصر:سم
اصيل:ابغى احدد الزواج
ناصر و فرح من قلبه اما اصيل فما قصد ناصر الا وهو متأكد انه بيوافق: اكيد هذا حقك
اصيل:انزين بغيته في اقرب فرصه
ناصر:انت حدد وحنا تحت امرك انت بيتك جاهز مضبط نفسك ؟
اصيل:ايه بيتى جاهز والقاعه من بكرة بحجزها وما ابي الا العروس
ناصر:هههههههههه لا من هالناحية تطمن العروس جاهزة لو بغيت اليوم تاخذها
اصيل:ههههههه لا ما ابي اليوم ابي الاسبوع الجاي بعد اذنك
ناصر تفاجئ:الاسبوع الجاي؟؟
اصيل:ههههه توك تقول اليوم تاخذها
ناصر:وانت ما صدقت عالعموم الاسبوع الجاي الاسبوع الجاي حدد اليوم وانا بعطي الاهل والعروس خبر
قفل السماعه اصيل وهو حاس برجولته أي كذه بدل ما انا معذب نفسي واجري وراها عالايميل وعالجوال وادور رضاها بجيبها هني بيتي واشوف اخرتها معك يا بنت الناس......
عمر باستنكار:انت مجنووووووووووووون
اصيل:ليش سويت غلط او حرام
عمر:الا غلط ومليون غلط انت الغلطان شلون تقول بطلق وما تبيها تزعل والحين تغصبها عالزواج وفي مده قياسيه
اصيل:مزاااااااااااج انا بربيها وما بسمح لها تمشينى على كيفها هي فحكم زوجتى دام ملكت عليها ومن حقي اخذها وانا ما سويت غلط يوم فكرت بهالحل
عمر تعب منه:بكيفك لكن البنت مو هينه وباين انها بتتعبك وانت اذا من الحين ماتحملتها واستخدمت القوة اكيد بكرة ما بتتحملو بعض والله العالم وش النتيجة لكن تأكد انك انت السبب
اصيل كان مو مقتنع باليي سواه لكن عناده وعصبيته دفعوه للاستمرار والاصرار على استخدام القوة معها
اما مي المسكينه فصحيت على صوت الزغاريط والصراخ وانصـــــــــــدمت لمن عرفت السبب وطاحت مغمى عليها من الصدمه..........
مناهل لمن عرفت ركضت ودقت على مي وردت عليها مهجه اليي سمعت الجوال يدق في غرفة مي وخبرت مناهل باليي صار ومناهل كالعادة ركض قالت لـــــــ أصيل اليي تأثر بالخبر لكن استحالة يقدر يتراجع بعد ماحجز القاعه وخبر اقاربه واهل مي وانتشر الخبر .......
ايه والله البنت طلعت قويه وانا اليي ماعرفت شلون اروضها واكسب رضاها والمثل يقول الطيب غلب الطبيب كان حاولت اكسبها بدل مااعاندها واشد الحبل وهى تشد لحد ماانقطع وانقطع الوصال بيننا وافترقنا ااااااااااااااااااااااه ياعمر وينك تشوف حال اخوك وش سوى فيه الزمن وبدون تردد اتصل على اخو دنياه عمر
اصيل:الو
صوت انثوى:مين؟
اصيل بشك:هذا مو جوال عمر
البنت:ايه
اصيل:وينه
البنت بصوت باكى:عمر سوى حادث و........
اصيل:شنو
البنت:فالعنايه
اصيل:أي مستشفى؟
**
نوف وهى تقتحم الغرفه بقوووووووووووة:بمممممممممممممممم هههههههههههههههههههههههههههه
مى كانت سرحانه ومن قلب خافت وفزت من مكانها
سارة وهى تركض لجهة مي:يمى مي بسم الله عليكي كنتى بتطيحى من السرير من الفزعه.......نوف عاجبك يالخبله تصرفك لو كانت اختك طاحت وتأذى البيبي كنتى بتنبسطين
سامى:مافيها الا العافيه بعدين مى تستاهل والا المقالب اليي كانت تسويها فينا شوى ........ياما فزعتنا وياما بهدلتنا بمقالبها وحركاتها هههههههههههه
مؤيد:الله يستر مايطلع ولدها عليها
الكل:ههههههههههههههههههههه
***
ام مؤيد:مو وقته
عاليه:الا يمى وقته الناس مستعجلين وانا كلمت مهجه وموافقه ليش التأجيل
ام مؤيد:واختك المريضه؟؟
عاليه:يمى مى معها حاله نفسيه هذا كلام الدكتور يعنى ممكن تطول لسنين بالله بتقطعون نصيب البنيه عشان خالتها حالتها الله العالم متى بتنفك
ام مؤيد بشهقه ولاول مرة:سنيين؟؟؟؟؟
عاليه:ايه يمى سنين ... مي معها عقده نفسيه يعنى صدمه ومثل هالحاله ماتشفى الا بصدمه ثانيه او فجأة او حتى معجــــزة يعنى ممكن فجأة نفسيتها تتحسن وترد تحكى يعنى باختصار شئ ماله وقت ولا مده مرض عشوائي يجي بدون اعراض او بدون مقدمات ويروح نفس الشئ فجأة وبدون مقدمات يمى مرضها الحمدلله مو كايد يكفى انه نفسي مو عضوى عشان نـأجل او نوقف فطريق سعادة غيرنا ونجلس ننتظر مى..
ام مؤيد بضيق:يعنى ممكن تولد وهى بكمه..؟
عاليه:طبعا ممكن ......يمى وش قلتى بموضوع ولد اخت رجلى ومهجه .......... خلاص احدد معهم موعد للخطبه والملكه..
ام مؤيد وهى توقف:والله عندها ام وابو ومو من حقك تاخذين قرارات تخصهم بدون شورهم
عاليه:يمى وانا ليش جايتك ابيك تكلميهم وتقنعيهم هم مايردون لك كلمه
ام مؤيد بعصبيه:بخلافك انتى اليي ماتسمعين لى كلمه
عاليه بتعجب من عصبيه امها معها:يمى وش فيك قلبتى علي؟؟
ام مؤيد:عاليه اطلعى واتركينى
عاليه:يمـ.......
ام مؤيد:اطلعى بررررررررررررررررره
عاليه بقهر:زين يمى لكن حرام تكسرين بخاطر البنيه بعد ماوافقت لا تنسين ان سبب بلاوي مى هو خطبها الفاشله وتعلقها باليي يخطبوها وبعدها ينكسر خاطرها بان السالفه انتهت مهجه الحين تعلقت بالمووع وبنت احلام لو خربتوا عليها يمكن تتعقد مثل خالتها ويمكن تصير اردى من حالة مى لان مى كانت كبيرة مو مثل مهجه اليي ماطافت الــ14 عن اذنك يمى...
خرجت وتركت ام مؤيد اليي فلحظه حست بحزن يجتاح صدرها ماتدري ليش ضايق صدرها ومستاءه ...قطع افكارها صوت زوجها
ابو مؤيد:مسالخير عالشيخه
ام مؤيد بضيق:حياك
ابو مؤيد:وش فيك اليوم جالسه لاخرجتى تزورين احد ولا تسيرين على احد مو من عادتك؟
ام مؤيد ضاقت فيها الدنيا وقامت للحمام وتركته مذهوووووول من تصرفاتها الغريبه اليوم..
***
كانت مى تناظر اخوانها فصمت لكن الكل حاس انها مرتاح ومبسوطه بهالجو...
**
خرجت ام مؤيد من الحمام وجلست عالكرسي اليي جنب الدريشه وبالها مو معها وهالشئ مافات ابو مؤيد اليي حس بتغيرها اليوم وكثرة شرودها وبفضول سئلها:شيخه وش السالفه؟؟........عسى ماشر
ام مؤيد سمعته لكن من ضيقتها مالها خاطر تحكى
ابو مؤيد بفضوله اليي زاد:يا مره وش فيكى انتى انخرستيـ....
ام مؤيد بعصبيه صرخت وهى تفجر اليي بقلبها:لا بنتي اليي انخرست اخر العنقود اليي مفروض ندللها هى اليي انخرست بنتى ضاعت بتروح مني وانخرطت فبكى
ابو مؤيد انفجع من انفجار زوجته وجلس يهديها مع انه بعد اليي سمعه من زوجته حزن على بنته وحس بحزن وضيق
**
بعد ماخرج الكل بقت سارة مع مى تحاول تتقرب منها وبجس نبض سئلتها:مى حبيبتى انتى تضايقتى من جيت اصيل؟...سامحينى حبيبتى انا مادريت الا بعد ماراح
انتظر تشوف اى ردة فعل من مى لكن مى كانت ردة فعلها الصمت ومراقبة سارة...
سارة:مى انا اختك ويشهدالله وش كثر احبك واغليك واتمنى اقدر اعوضك عن غيابي وتقصير فحقك كأخت طوال22سنه عشتيها معنا كنا نعاملك وكـأنك شئ لاوجود له..لكن تـأكدى يا اختى انى من اليوم مو انا بس الا انا وكل اخوانك وخواتك مابنسوى الا اليي يرضيكى ويريحك واليي يزعجك او يزعلك مستحيل نسمح او نرضى فيه او حتى نتركك لحالك حنا نحبك لكن ماعرفنا نعبر عن هالحب الا بعد ما ..........وخنقتها الدموع......لكن الحمدلله لحقناكى قبل مانخسرك او تضيعى مننا وانشالله نعوضك عن اليي راح والله يقدرنا الله يلعن الدنيا اليي فرقتنا.......مى حبيبتى لا تفكري ولاتخافي ولاتتعبي نفسك ارتاحى......
**
ام اصيل:طيب طيب لحظه ياليي تدق يعنى انط من الدرج عشان ارد عليك لاحوول ولاقوة الا بالله من المتصل فهالوقت.........
مدت يدها وهى تلهث من نزول الدرج وبنفس مقطوع:الوو
المتصل:حشى مابغيتوا تردوا قلت ماتوا
ام مؤيد برمت شفتها فضيق:هلا ام خالد الله يهديكى هذا وقت اتصال؟ الساعه وحده وربع الليل ايد نايمين
ام خالد:من الخبر اليي سمعته ماقدرت اتحمل للصبح......وبصوت باكى شلونكم الحين
ام مؤيد باستغراب:الحمدلله بخير ..........عسى ماشر وشو له البكى
ام خالد:شنو وشوله قلبي يقطع على اصيل ياعينى عليه من تزوج هلت عليه المصايب مات ابوه والحين صارت بكمه بعد شلون بيعيش مع بكمه والله كاسر خاطري
ام اصيل تذكرت ولدها وحالته اليي انقلبت من صار اليي صار ونفسيته الي فالحضيض وشهيته المعدومه للاكل او الكلام وبحزن تنهدت وهى تحس بضيق يخنقها
ام خالد بخبث:مسكين اصيل الله يعوضه بـأحسن منها يارب والله يستاهل كل خير
ام اصيل بحسن نيه:ادعيله الله يشفيها ويرجعها له احسن من الاول مسكين حالته ماتهون عالكافر
ام خالد بأصرار:الله يرزقه اليي احسن منها ويسعده معها يارب
ام اصيل ببراءة وهى مو فاهمه:حنا مانبي غيرها ولاشئ نبي الله يرد لها لسانها ويقومها بالسلامه.......يالله انك تشفيها يا كريم
ام خالد:اتمنى لكن اليي ينعمى او ينخرس صعب يرد مثل اول والاصعب ان الزوج يتحمل يعيش مع وحده مايسمع الاصوته هو بس فالبيت وكانه وحيد لا تكلمه ولاتدلعه ولاتسئل عن حاله طول الوقت البيت هادئ وصامت كنه قبر
ام اصيل عصبت:اعوذ بالله صدق ناس كلامهم من نور وناس يودي القبور انتى ليش تفاولين بالشر تفائلوا بالخير تجدوه
ام خالد باستعطاف:شموخ بنتى من عرفت بالسالفه وهى تبكى وتقرأالقران فمويه زمزم وتقول يمى بارسله لها تشربه يا عمري كاسره خاطرها
ام اصيل:الله يشفيها ماتستاهل والله انها كاسره خاطرنا جميع ماشفنا منها الا كل خير الله يقلب عليها قلبت خير ويحول حياتها من حزن لفرح وفرج يارب
ام خالد باصرار:شموخ بنتى بس تدعى لها وتقول يمى خلي نزورها الا هى فأى مستشفى؟
ام اصيل:لا هى فالبيت خرجت من المستشفى من زمان
ام خالد بثقالة دم:شموخ بنتى تقـ....
ام اصيل وهى تشوف اصيل نازل من الدرج:اقول ام خالد انا اكلمك مع السلامه وقفلت بسررررررررعه
ام اصيل:يمى وين رايح
اصيل وهو يفتح ازارير ثوبه وشكله يخوف:يمى متضايق مخنووووووق بخرج مو طايق نفسي
ام اصيل ودموعها متجمعين فعيونها حزن على حال ولدها:الله بحق مافرج عن يعقوب ورد له بصره يفرج عنكم ويرد لمرتك حسها ولايحرمك منها ومن ولدك ويسعدكم يمى اصيل تذكر ومامن شدة الا سيــأتي لها من بعد شدتها رخاء توكل على الله وادعيلها وخل عندك يقين وايمان بالله
اصيل وهو يمسح وجهه فضيق:ونعم بالله الله كريم عن اذنك يمى
ام اصيل:الله يحفظك ويقر عينك باليي تحب يارب
**
ام مؤيد:السلام عليكم ورحمة الله السلام عليكم ورحمة الله
ابو مؤيد:تقبل الله
ام مؤيد:منا ومنكم صالح الاعمال
ابو مؤيد:اقول شيخه وش رايك نشوف مي
ام مؤيد:اااااااه يا ابو مؤيد ماتعرف هالبنت شلون مأثره فينى ومضيقه صدري ااااااه وشكثر ظلمتها
ابو مؤيد:صراحه يا شيخه انتى ظلمتيها وكنتى ابد ماتسئلي عنها ولا تهتمى بها حتى لمن مرضت ماقد زرتيها وقربت تتجنن لمن تركها اخر خطيب ووداها مؤيد لطبيب نفسي وكانو بيحجزونها فمستشفى المجانين وانتى ولا تحرك لك ساكن وش سر اهتمامك الحين ؟......وش الفرق بين مرض اول ومرض الحين ؟...كلهم امراض الا بالعكس مرض الحين اخف من اليي قبل ؟
ام مؤيد ودموعها تسيل بغزارة:مااعرف يا ابو مؤيد بس قلبي فجأة حن لها ورق عليها مااعرف ليش كنت هاملتها كل اليي اعرفه انى يوم حملت بها تخانقت معك ورميتنى فبيت اهلى لمن ولدت وكبرت هى وصار عمرها شهور وانت حاقرنى ولمن رديتنى قلت عشان بس خاطر هالطفله البريئه وعيالك اليي ماابيهم يلومونى لمن يكبروا من ساعتها كرهت عيالي وخصوصا هى وصرت انانيه مايهمنى الا نفسي وبس الحين المشهد يتكرر قدامى بنتى زوجها راميها عندنا من حملت وبتولد وهى عندنا اخاف تتعقد وتكره الطفل او يصير فيها شئ لاتنسى مى صغيرة واول طفل لها ممكن يصير لها شئ دام من النفسيه السيئه فقدت النطق فممكن من النفسيه تفقد اشياء وايد انا خايفه عليها مى صارت مسؤله صارت ام لازم اكون جنبها مااعرف خايفه خايفه وحاسه بتأنيب ضمير وقلبي ماعنده الا هى مشغول فيها وقلقان عليها .......تصدق عاد ماتفارقنى لا بيقظه ولا بمنام
ابو مؤيد:والله انا عنى كنت مع الكل متحفظ لانى بدوى وتربيت على القسوة والشده لكن عمرى ماضربتهم ولا ظلمتهم كنت البي احتياجاتهم ويوم امرضت كنت جنبها وملازمها وعمري ماقصرت معها الا فالدلال انا اعترف انا ماعرف ادلل احد
ام مؤيد:وانا اشهد
ابو مؤيد رفع حاجبه:هالشئ ماانكره ومن تزوجتك فهمتك ياه انا مااحب الدلع والمياصه
ام مؤيد وهى تقوم:انا بروح لها
ابو مؤيد:زين انك صحيتى من اهمالك
ام مؤيد طالعته فقهر وراحت..
**
اصيل وهو يدور بالسيارة ويفكر مو عارف شيسوي ولاوين يروح الا يتذكر<<<لاشعوريا لقى نفسه يجلس جنبها عالسرير ويلف عالطاوله اليي بجنب السرير ويأخذ كاسة المويه ويكبها كلهــــــــــاعلى وجه مي النايمه....مسكينه انتفضــــــــــــــت بخووووووووف وشهقت من الفجعه وشرقت من المويه وصارت ترتجف وتكح...
اصيل مسكها من شعرها وحط وجهها فوجهه وبقرف واحتقار:اسمعينى زين يا زفت انتى من اليوم وطالع تنامي النهار ومن الساعه9الى الساعه7الصباح لا أشوفك فغرفتى فاهمه اى مكان انا فيه لا اشوفك فيه ..........نامى النهار والليل روحى صيعي مثل ما انتى متعوده يا المجـــرمـة......والحين انقلعى من الغرفه بنام وما يشرفنى تكوني فمكان انا فيه..ورماها من السرير عالارض
مى كأنها فحلم مسحت وجهها بيدهاكأنها تحاول تتخلص من هالكابوس المزعج لكن تأكدت بعد لحظات انها الحقيقه المره وهى تشوف اصيل بنظراته الناريه المحتقره ينظارها...
قامت على حيلها بانكسار وألم واطرافها وشفايفها ترتجف...مااصعب ان تتهمى بتهمه تجهلينها وتعاقبي وانتى جاهله ذنبك...خرجت تسحب رجولها ماتعرف وين تروح وهى فبيت ارحامها يعنى وين تروح؟؟الصاله مكشوفه لاتنفع نوم ولاجلوس والكل بيستغرب لو شافوها فيها وزوجها فغرفته لحاله...
راحت لمناهل وهى محرجه يعنى وش بتقول عليها البنت لكن كانت تردد طوال الطريق بين غرفتها وغرفه مناهل"لا اله الا انتا سبحانك انى كنت من الظالمين"اللهم اجرني في مصيبتى واخلف لي خيرا منها"
فتحت مناهل الباب وهى لابسه بيجامه كحلي فيها ورود حمره ورافعه شعرها والقلم ففمها وبابتسامه:هلا والله وش صحاكي؟
مى باحراج من الموقف اليي حطها اصيل فيه كرهت اليوم اليي فكرت تتزوج فيه يعنى ذل فبيت اهلي اهون من ذل عبيدالله يعنى فبيت ناس مايجمعنى بيهم الا ولدهم وولدهم طردنى وايش بقى لي داعي:صاحيه.......
مناهل:يس مدام......تفضلي كنت طفشانه بكرة عندى اختبار ونمت من الساعه11الصبح للمغرب حتى اواصل لوقت الامتحان
مى:ومتى اختبارك يا فالحه
مناهل:الساعه اممممممممممممم 8
مى:الله يوفقك وتجيبي الفل مارك
مناهل:ميامى الساعه11ونص وش رايك نطلب بيتزا هت ونسهر والله طفششششششششششششششانه
مى بسدة نفس:لا عمرى انتى ذاكري وبكرة انا عازمتك على اليي تبين لو اشتريلك فرع التخصصي كله لك
مناهل:ههههههههه اخس يالبطرانه
جلسوا يسولفوا شوى وتذاكرمناهل شوى عالساعه3قامت مى تصلي قيام الليل وتســأل الله العون والستر والتوفيق والنصر وجلست تقرأقران للفجر صلت ونزلت مع مناهل بعد مالبست من مناهل تنورة لنص الساق اورنج وبدى كم قصير ماااااااااسك عالجسم اورنج واصفر ولمت شعرها على فوق بالمشبك وكانت من البكى طول الليل خدودها مــحــمــــــره جلسوا يفطروا شوى ويسولفوا شوى ومناهل ماسكه كتابها عالساعه7وربع نزل ابوطلال وام طلال ورحبوا بــ مي وجلسوا يسولفوا كلهم مستانسين لمن نزل اصيل على سبع ونص مى انقلب وجهها180درجه وهى تشوفه يناظرها بحقد وقهر وكأنها ذابحه امه ...
مناهل:يالله صباح خير اخوى المزيون استيقظ
ام طلال:هلا وليدى شلونك يمى
اصيل:هلا يمى الله يطولى عمرك انتى وابوى
قامت مى وهى تتحاشاه:عن اذنكم
مناهل:وش دعوى وراك دوام او زهقتى منا
اصيل:خليها يامناهل ..وقومى يالفالحه مابقى شئ على دوامك لاتتأخري
طلعت مى وهى تركض لان دموعها خانتها كانت ناسيته وهى مع ابوه وامه واول ماجاء هو اليي المفروض احن عليها من الكل خافت حست بأنها منبوذة ومالها مكان هنا ......راحت لغرفته وهى تمسح دموعها بألم المظلوم وقهر الضائع المرفوض ...غسلت وجهها ورتبت نفسها وجلست عالكرسي اليي بجنب الشباك تناظر الحوش وسرحت مع افكارها وماحست باصيل اليي دخل بيغير ملابسه واستغرب من شرودها ياترى فمين فحبيب القلب اليي تشاركه الهواء وهى فنفس مدينته"بدر"او الحبيب اليي سافرت عنه "فيصل"او فاليي تزوجته وجالس معها فنفس الغرفه ولاهى حاسه فيه ولاتدري عنه...........قرب منها وتم يناظرهاوالافكار تلعب فيه ...قلب وجهه لدولابه سحب ثوبه وشماغه واغراضه بسرعه وصفق الباب وراه بقووووووووووووة صحتها من غفلتها...شافته من الحديقه ماشي لسيارته وكأنه معصب رتبت نفسها ونزلت تحت وفبالها والله مااخليك بعد ما اخذت قلبي ومااسمح للشيطان يدخل بيننا انا استخرت وش اسوي البارح وسألت الله يزيح الغشاوة عن عيونى ويرشدنى للطريق السوي والحين احس برغبه شديده اكسبك واكسب اهلك ومااوقف عند نقطة وحده وهى زعلك منى واحرق نفسي فالبكى والتفكير واستسلم لليأس والظلم والحزن لا لازم اشغل نفسي في أي شئ حتى ماتلعب فينى الذكريات والافكار واتعب نفسي عالفاضي...ونزلت تسولف مع امه فالصاله عالساعه9دخل وبصوت متضايق وهو لابس النظارة الشمسيه:قوى يمى
ام طلال وفصوتها الضحك اليي اختفى من وجه مى وحل القلق والترقب والخوف:هلا يمى يقويك ويهنيك شلونك حبيبي
اصيل وهو واقف:الله يسلمك يمى
مى وقفت وبتردد وصوتها يرتجف:بروح المطبخ
اصيل ولاعبرها ولمن مرت من جنبه همس:باليي مايحفظك عله يشتعل فيكي
مى سرعت خطواتها وهى تكتم العبرة اليي غلبتها ونزلت>>حس اصيل بنيران فصدره مستحيل تسامحنى يالله وشثر عذبتها الحمدلله فقدت بس النطق ماماتت من القهر انا اليي سويته يقتل بلد يالله وشكثر تحملت هالمسكينه اااااااااه واللا لمن فشلتها وكسرت بخاطرها وهى فرحانه بالهديه اليي اهدتنى لمن نقلونى الرياض ااااااااااه مااغبانى ضيعت على نفسي وحرمت نفسي افرح وش اسوى يارب دلنى وخرلي واخترلي يارب مالي غيرك انت عالم الغيب وعالم الخير وين ساعدنى يالله...
**
سارة:يالله عاد يمى من جيتى وانتى تصيحين
ام مؤيد ويد مى بين اياديها ودموعها تسيل:يمى مى سامحينى سـ...............ــامحيـ.. وخنقتها الدموع
سارة وهى تبتسم وتلطف الجو:يمى بشرط..........قومى ارقصي لنا
مى لاشعوريا ابتسمت والكل فرح من هالخطوة وضمتها امها بقووووووووووووة وبحرارة وساره قامت تغطرف من الفرح بهالتحسن اليي ظهر على مي...
**
ام خالد:والله لا اطلقها هالدخيله انتى اولى بولد عمك
شموخ:وهو حمار وش يبي فوحده خرسه بكمه ماتنطق مثل الصنم يجلس يسولف ومايلقى اى تجاوب منها كنه يكلم جدار
موده:حرام عليكم والله المرض مو عيب الا امتحان وابتلاء من الله لتطهير الذنوب وغسل ذنوب المسلم على صبره
ام خالد:هى كلها على بعضها يبيلها غسيل يالله يقدر الواحد يطالعها ياشينها وش يبي فيها هالمهبول
موده:لاتنسون الحاله مؤقته يعنى لو تحسنت نفسيتها بترد تحكى وتسولف واى رجال فيه خير لازم يصبر على مرته مو من اول طيحه يرميها ويقول ابي غيرها واصيل ماظنيته خسيس حتى يرميها ويدور غيرها.........خصوصا وهى ...........حااااااااااااااامل
شموخ بقهر:وش يبي بحمالها يمكن تجيبله ولد اخرس بعد ويتوهق
ام خالد:ايه بقول لامه تقولهم ينزلوه قبل ماتورطهم هالشيطانه
موده:الله يهديكم وش هالكلام .....عن اذنكم
ام خالد:انقلعى انتى صغيره وماتعرفين مصلحتك وين ولد طيب وغنى ومزيون ليش نسمح للغريبه تأخذه وبنت عمه فيه
شموخ:يمى طيب ليش مااتزوج فيصل؟
ام خالد:فيصل بخططه حق اختك هالغبيه وانتى لك اصيل
شموخ بخوف:يارب
**
عاليه وهى فالصاله بقهر تهز رجولها تفشلت مع اهل زوجها الا تسمع:هاااااااااااااى
عاليه بفزع:بسم الله انتى ليش تصارخين
:لا والله بهالشكل تقابلينى مالت عليك احسبك بتنطين على وتضمينى
عاليه بغرور:مرام عن الغباء وقومى عن وجهى حشى اليي يقول ساكنه فاوروبا مو معنا فالسعوديه
مهجه:وااااااااااااااااو وش هالمفاجئه الرووووووووعه خالتى موري عندنا ونطت عليها
مرام:هههههههههههه ايه عندكم الا وين خويتك
مهجه:من ؟؟
مرام:العروس
مهجه بحياء:كلنا عرايس
مرام وهى تضيق عيونها:كلكم؟
عاليه اغتنمت الفرصه:ايه نوف ومهجه الثنتين انخطبوا وبيتزوجون قريب
مرام وهى تفتح عيونها:نوف وعرفت من زماااااااان اما مهجه.......لالا تمزحون مهجه طفله
عاليه بصراخ:طفله فعينك عمرها14 وعلبال الملكه والشبكه تكون وصلت الـ15 مشالله عروس وش زينها
مرام ماعجبتها السالفه وحبت تغيرها:وين امى وسارة
مهجه بحزن:كلهم عند مي
مرام وهى تحط يدها على خصرها:عشتو امى تسافر الشرقيه لمى وانا ولا تعبرنى طييييييييييييب ياامى ما كــأنى بنتك
مهجه:لا مى مو بالشرقيه مى بالملحق
مرام:ملحق؟؟؟؟؟؟؟؟
نوف :هلا والله بريري تعالى انا اعلمك السالفه
مرام"ريري فعينك مالقيتى الا هالدلع الماصخ
**
ام اصيل:لكن يا أم خالد حرام وش هالكلام
ام خالد بخبث:وتبين حفيدك يجى ابكم اخرس لايلعب مع الاطفال ولا يقبلوه فالمدارس
ام اصيل:لكن المرض مو معدى شلون بيصيبه
ام خالد:انتى قلتيها مرض يعنى اكيد بيصيبه الولد فبطن امه يتـأثر بزعلها وبضيقها وبكل شئ واكيد انه بيطلع عليها ياوخيتى انا استشرت طبيب واكدلى هالشئ وماجيتك الا وخايفه عليكى وعلى ولدنا اصيل اليي نحبله الخير ونبيله الصالح
ام اصيل:خلاص لا جاء قلت له مابسكت واظلم طفل برئ يخرج للدنيا معذب محطم ناقص
ام خالد:لا لاتجيبين له طاري انتى كلمى اهلهــا من وراه هو اكيد شفقان عليها ومابيعطيه قلبه يطلب هالطلب لكن بكرة لمن يشوف نظرات ولده المعذبه بيندم ويتمنى انك ساعدتيه وسويتى اليي اقلك
ام اصيل وهى بدأت تتحمس وتتأثر :شلون؟
ام خالد:انا اقلك...................
**
مرام بفزع وصدمه:حامل و............لالا مااصدق
نوف:الدكتور يقول السالفه كايده وعلاجها نفسي لازم كلنا نكون جنبها
مرام:وزوجها وينه؟
نوف:سارة طردته بس مؤيد يقول انه بيسمحله يشوفها ولو حس انها تضايقت بيمنعه منها
مرام:ليش هو السبب؟
نوف:مااعرف بس فجأة سارة انقلبت عليه وصارت ضده وتحرش اخوانى عليه وتطلبهم يقسون عليه
مرام:وهى بـأى شهر؟
نوف:يمكن الــ السابع ..... مومتـأكده
مرام وهى توقف:بروح لها
نوف:مرام طلبتك
مرام :سمى
نوف:اقنعى عاليه تزورها تخيلي ولاعمرها شافتها الله يخليكى حاولى فيها...
مرام:اشوف
**
ام اصيل كانت متردده لكن لمن شافت ولدها كل ماله ينحف وعلطول سرحان ومتضايق وغيابه زاد عن العمل وطول وقته يفكر وحزين وماله خلق لا لاكل ولالكلام انقلب ترددها لتقبل تام لكلام ام خالد وبحسن نيتها قررت تساعد ولدها وتخرجه من مصيبته وحزنه...
**
ام مؤيد:لا ياشيخه
مرام :انا مرام مو شيخه هههههه الا اذا حابه نتبادل انا وانتى فمافي مانع
سارة:عناد فيكي دام تهددين اول ماتقوم مى بالسلامه انشالله قريب بناخذها انا وامى ونروح الشرقيه
مهجه:يمى وانا ابي اشوف بيت خالتى تكفين يمى
نوف:لاوالله والمدرسه
سارة:الا يا مهيج اليوم بعد غايبه مارحتى المدرسه؟
مهجه:ايه يمى وشوله المدرسه وخالتى تقول ان خطيبي مايبينى اكمل
سارة ولعت لكن ماحبت تصارخ وتخاصم قدام مى المريضه اليي اخيرا بدأت تتحسن ويحسوا بتعابير وجهها تتغير مع حكيهم وسوالفهم
مرام:ميامى من الحين حجزتك اذا بنت علي
سارة:لا والله اذا بنت على
نوف:لا والله اذا بنت علي
مهجه:ياسلام خالتى بتجيب ثلاث توائم مرام ونوف وسارة
الكل:هههههههههههههههههههههههه
مى اكتفت بالنظر لهم وعيونها يظهر فيها الارتياح من كلامهم وانها مو متضايقه
**
اصيل قرر يزورها واتصل على مؤيد اليي رحب به لكن بلغه انه بيحضر معه وان شاف أي ضيق من مى فيعذره لانه مضطر يبعدهم حتى ماتتـأزم حالة مى وتزداد سؤء واصيل بضيق وافق...
**
ام مؤيد خرجت من عند مى عالمغرب وهى مبسوطه بجمعت بناتها فعلا اول مرة تحس بهالشعور الحلو وحست فخاطرها انها كبرت وهى تركض للعزايم والمناسبات وتوجب ذى فولادة بنتها وذى بخطوبة ولدها وذى فتخرج حفيدتها وناسيه عيالها وحارمه نفسها من هالشعور الحلو والاحساس الرائع...
**
مؤيد بلغ سارة باليي صار وسارة راحت تعطي مي خبر لأنها وعدتها انها ماتغصبها على شئ فلو دخل اصيل بدون مااحد يقولها ممكن تفهم انهم يبون الخلاص منها
سارة :مى حبيبتى اصيل زوجك له فترة وهو كل يوم يطلب يشوفك وانا اعتذر لأنى خفت تكونين ماتبينه واليوم أصر الا يشوفك .....حبيبتى براحتك ترى بكيفك مااحد بيغصبك الا انتى تبينه بيصير وبس......هاه وش رايك؟
مى كانت تناظر الارض ........
سارة:مى لو تبين نصيحتى خليه يجيكى وجربي تعطيه محاولة ثانيه ترى كلنا نغلط بس اهم شئ نندم ونعرف غلطنا ونصلحه ومانتمادى فيه
رفعت مي راسها وحست سارة انها موافقه......
قربت منها وباستها على راسها وضمت راسها لصدرها وفحنان:الله يرفع الباس عنك ويسعدك ويوفقك امييييين
**
عزيزاتى القراء واخواتى وصديقاتى اعذرونى ع التــــــــــأخير لكن والله لظروف خارجه عن السيطرة اتمنى اليي يحبونى ماينسونى من دعواتهم والف مبروك لملكه الحزن ولكل العرايس وعقبال الباقيين يارب واسئل الله للجميع السعاده والتوفيق والف الف شكر لحبيبه قلبي اليكس الله يسترها ويسر امرها واتمنى البارت عجبكم واعدكم بالتواصل لكن حسب الظروف والقصه بحاول اكملها فاقرب فرصه وارجوووووووووووووووكم اعذرونى......
16-10-2007, 08:47 AM
رد : اااه لــــــو تــدري بـــشعوري غـيــبــتــك تنـــهي حــضــوري@رومنـــســـــيـه@( 
العرض العادي
