عفوا سيدتى من تكونى(من شاف بلاوى الناس يعرف قيمة بلوته)

[مصرية وافتخر]

[size=4]

[center]عفوا سيدتى من تكونى
بسم الله الرحمن الرحيم والصلاة والسلام على اشرف المرسلين محمد صلى الله عليه وسلم عليه افضل الصلاة والتسليم
احبابى الكرام اعتقد اننى فى اول بدء مشاركاتى مع موقعكم الجميل واتمنى ان افيدكم وانا استفيد منكم
ولكن لقد فكرت كثيرا كثيرا
وقد ابتكرت ان افعل هذا كاننى اتحدث الى شابة امامى واسألها عن مستقبلها وماذا تقول؟؟؟؟
الشخصية التى اسألها تدعى (اروى)
وانا مصرية وافتخر سأخذ دور المذيعة
مصرية وافتخر: عفوا سيدتى من تكونى
اروى: انا اسمى اروى وبابا اسمه باسم وامى اسمها هنادى وعندى اخين زياد وسيف ولى تلات اخوات بنات لارا وكلارا وجودى وانا فى كلية آداب وعمرى 18 سنة
مصرية وافتخر: اها ماشاء الله
طيب قوليلى يا اروى انتى ايش رأيك فيما تفعله البنات الان من اتخاذ الحجاب بأنه موضة
ولبس البنطلون والتيشرت ومايدعى البادى وفوقه طرحة
اروى: والله هو شىء جميل جد جدا وانا لابسة الاسدال ده عشان هو موضة اصلا ولما موضته تنتهى خلاص الموضة اللى تطلع بعده هلبسه
مصرية وافتخر: طيب عذرا حبيبتى
هل يمكنكى تحديد موقع الحجاب فيما تلبسه البنات الاخرى
وفيما يسمى اسدال الموضة
اروى : بصى هو ممكن بنطلون وتيشرت او بادى وتنفع طرحة عليهم
والاسدال الموضة بصى هو الحكاية دى لازم البنت تكون دايما احسن حاجة تطلع تلبسها الموضة دى حاجة اساسية عندى يعنى لو الموضة جات بعد الاسدال بنطلون استريتش وبادى وطرحة هلبسوا
مصرية وافتخر: اه طيب ده رأيك
اروى : اه بالظبط كدة
مصرية وافتخر: طيب قوليلى يا اروى ليكى صديق
اروى : اوف كورس كتير تامر وهيثم وهشام ومازن ووووووووو
مصرية وافتخر : طيب اروى تقدرى تقوليلى اصدقائك فى اوقات بتقضيها معاهم ولو بتقضى معاهم بتعملى ايه
اروى: والله معظم الاوقات معاهم يعنى وانا لما بقضى معاهم بصى اصلا هى حاجات خصوصية المفروض ما حدش يعرفها بس يعنى انا هفوتها المرة دى
بصى هو يعنى ممكن بنروح الديسكو او بنروح نعد على الكورنيش او بنروح فى النادى اواواواواواواواواو
مصرية وافتخر: طيب ما شاء الله
قوليلى يا اروى ابوك وامك عارفين بكدة
اروى: اه طبعا انا ما اقدرش اعمل حاجة من غير ما اقولهم
اروى فى رد اخر لان فى اباء كدة واباء كدة
اروى: لاطبعا ما يعرفوش وهما لو يعرفوا كان هيبقى ليا اصحاب صبيان
مصرية وافتخر:طيب عذرا حبيبتى
الكلية بتنجحى فيها بالعافية ولا بتقديرات
اروى : لا ده انا ماشية بالعافية والسنة اللى فاتت شيلت مادتين وربنا يستر بئه
مصرية وافتخر: طيب اروى تفتكرى ايه هو اللى بيخليكى تشيلى المواد
اروى : اصل هى المواد رخمة شوى وكمان عشان اصحابى وبروح اقضى معاهم اليوم كله
مصرية وافتخر : طيب اروى انتى مش ملاحظة ان ممكن ان ده ياثر على مستقبلك
اروى : بصى انا ماليش دعوة بالمستقبل انا اعمل اللى انا عاوزاه فى حياتى الحاضرة والمستقبل الغيب هو اللى يعلمه الله وبس
مصرية وافتخر: طيب اروى والدك ووالدتك مابيسألكيش انتى كنتى فين
اروى: لالا الكدب ده لعبتى بئه
مصرية وافتخر: ممكن توضحى
اروى : بسيطة جدا كل يوم بخترع كدبة جديدة وبعدى من خرم الابرة
مصرية وافتخر : ماشاء الله لاقوة الا بالله
طيب قوليلى يا اروى جربتى شرب البيرة او الخمرة او السجاير
اروى : بصى هو انا اصحابى لما بقولهم عايزة اشرب زيهم بيقولوا انتى لسه صغيرة كمان ازازة البيرة غالية اوى اوى
وكمان ممكن اكتر واحد فيهم بيحن على بيدينى بق واحد هو تامر يعنى بس ساعات بيقولى هاتى خمسة جنيه ولو كانت مركزة بيدينى ب10 جنيه وساعات ما بيخدش حاجة وربنا يكرمه يا رب ويرزقه ويبعد عنه امه وابوه اللى كابسين على نفسه
مصرية وافتخر : طيب قوليلى يا اروى انتى عيشتك ديه مستريحة فيها
اروى : اه اكيد يعنى وربنا يوفقنا كمان وكمان
مصرية وافتخر : طيب قوليلى يا اروى
بتحبى رمضان
اروى: جدا جدا جدا
مصرية وافتخر بتقول فى نفسها : الحمدلله البت طلع فيها حاجة عدلة
مصرية وافتخر : قوليلى بتحبى فيه ايه
اروى: رمضان شهر المسلسلات والمسرحيات والحفلات ويوميا بروح السينما بالليل
مصرية وافتخر فى نفسها يا نهر اسود يخرب بيتى انى عملت حوار معاكى
مصرية وافتخر: طيب قوليلى يا اروى غير كدة بتعملى ايه
اروى: والله هو اوحش حاجة صلاة االتراويح اصل الراجل اللى عندنا بيصلى بنص جزء بحاله كتير اوى ولما بزهق بطلع من الصلاة واروح اقضى الوقت مع اصحابى
مصرية وافتخر : طيب ما سمعتيش عن حاجة اسمها الصيام
اروى: اه باين كان فيه ناس بتقول عنه
مش هو باين اللى بيدأ من عند السحور لحد ما المدفع بيضرب صح ولا انا غلطانة
مصرية وافتخر : اه صح مظبوط جدا بيبدأ من عند السحور وينتهى لما المدفع بيضرب
طيب قوليلى يا اروى انتى ناوية يعنى او نويتى تجوزى حد من اصحابك دول
اروى: بصى بقولك ايه انتى تبع الارهاب ولا حاجة شغل الشيوخ ده ما بحبوش
مصرية وافتخر: عذرا حبيبتى ده حوار والحوار يتضمن كل شىء
ممكن تجاوبى على السؤال بئه
اروى : طيب حاضر
لا هو الموضوع صداقة وترفيه وبس
مصرية وافتخر: طيب ممكن يا اروى توجهى نصيحة لكل البنات اللى فى سنك
تقوليلهم ايه
اروى: والله اقولهم انهم لازم يكون فيه صديق لكل واحدة فيهم
وتسيبك من كلام الشيوخ بتاع انك تلبسى اسدال صحيح وعلى انه مش موضة
خلى حياتك هى اللى فى الموضة وبس وزى ما انا قولتلكوا انا لو بنطلون استريتش طلع موضة بعد كدة هلبسه
بصى من الاخر خلى كل حياتك هى الموضة
ثانيا المود يعنى المزاج اختاريلك مغنى ويكون مشهور واسمعى لاغانيه ورحى احضريله حفلات
والسينما
لازم ولا فيلم يفوتك الا لما تشوفيه
وبس وجود باى يا حبايبى
مصرية وافتخر: احم احم
طبعا كان معانا اروى النهردة اسعدتنا بطريقة فظيعة جدا
وعرفت كل الشباب ازاى يعيشوا حياتهم
نشكرك جدا جدا جدا يا اخت اروى ونسأل الله العظيم ان يزيدك علما ونبقى نعمل معاكى حوارات ومش حوار
اعزائى المشاهدين كنتم مع برنامج من شاف بلاوى الناس يعرف قيمة بلوته
طيب يا جماعة انا عوزاكو تقولولى بقى ايه تعليقه على البنت ديه وهل هى ماشية صح ولا غلط ولا فيه حاجات حلوة وحاجات وحشة
واتمنى ان يكون الموضوع نال اعجابكم