التميمي لا زعل شـيٍّ عظيـم
تزعل لأجله نفدها والهضـاب
في جميع الأرض موجودٍ تميـم
ومع نجوم الكون والبحر العباب
امّةٍ تحيـا ولا تخشـى غريـم
اسأل التاريخ يعطيك الجـواب
من زعيم اليا زعيم اليا زعيـم
يومها بالسيف حكّـام الرقـاب
خاسرٍ من عاند البحر اللطيـم
موجه العالي تميمـيَ الشهـاب
ماضيٍ مشرق وحاضرنا نعيـم
بالعلم والجاه محمـود الجنـاب
فالحضاره من بناها من قديـم
غيرنا بالفكر في كل الرحـاب
اسمعي يا أرض وافهم يافهيـم
المجد حنّا وحنّـا لـه ركـاب
من تجاهلنا فهو غـرٍ غشيـم
شمسنا مايوم غطاها السحـاب
التميمي من ذهب صاغه سليم
ما تدنس بالنحاس ولا التـراب
والتميمي فكر من عقلٍ حكيـم
في صراطه مستقيـمٍ بالكتـاب
وما يهاب إلا من اللي به عليم
واحدٍ قهّار غيـره مـا يهـاب
04-10-2006, 04:03 AM
تميممممممممممممممي 
العرض العادي
