حلم غريب

[فلسطردنية]

السلام عليكم :
حلمت اختي نورالحلم التالي وارجو التفسير:
رأت ان اختي سوسن انجبت توأم بنات وكان لونهم مايل للحنطي وكان في بنت احلى من التانية بس كانت البنت التانية هادية وساكتة . ورأت ان اختي خولة ماسكة الدهان لونه احمر وبتحكي بدي ادهن اطار للعمارة لونه احمر وبدأت تدهن في الدرج الي كان امام بيتنا مع النوافذ الي لبيتنا ثم جاء اولاد خالتي سعاد محمد وعمرو ودخلوا على البيت وبدا ظاهر ان محمد ندمان على القطيعة الي صارت بينا وبينهم وصار يعيط فطلعت امي من عنده زعلانة وبدها ترجع العشر دنانير الي اعطاها اياهم محمد فأجت وهي حاملة مثل الصرة وطالت منها العقد والحلق ولبستهم ولبست كمان عقد كان شكله مثل اللولو فجاء محمد يطالب بالصور الي صورناه اياها بعرسه مع عروسته واحنا بنحكي طيب احنا ما صورنا نحند بعرسه فقالت اختي سوسن انا صورته وهيهم مخزنين على تلفوني وانه بدنا نعطيه اياهم , بعدين نزلت نور عند دار عمي محمد وجدتهم قاعدين على باب البيت في الحوش وكانت معهم سيتي عائشة فقامت سيتي وطالت مصاريها بدها تعطي نور نقوط سوسن على الولادة وطالت ورقتين من فئة العشرة والعشرين بس في بال نور انه مجموع الورقتين خمسين دينار فقالت لسيتي انه المبلغ كبير وما في داعي وكمان مرة عمي حكت لسيتي انه المبلغ كبير فقامت سيتي اعطت نور بس عشرين دينار بس مكتوب على العشرين دينار انهامن فئة الخمسة واربعين دينار فقالت امي لسوسن بس هذا كتير ما في داعي فقالت سوسن لامي يمكن عنها وعن عمتي اماني لانها ما اجت ونقطت .
نور التي حلمت الحلم 20 سنة طالبة جامعية ملتزمة لم تفكر بشيء قبل النوم وتعيش بالاردن
سوسن 23 سنه ملتزمة وتعيش باليونان لكنها الان في الاردن وهي حامل بالشهر السابع
خولة 22 سنة ملتزمة تعيش بالاردن وعزباء وتعمل موظفة
محمد وعمرو ابناء خالتي ومهم اخوان لا اعلم الكثير عنهم لكن محمد تزوج من 3 شهور وعمرو اعزب وكانت في مشاكل بيننا وبين دار خالتي لكن الان لا نزورهم ولا يزورونا الا بالمناسبات فقط ارضاءا لله تعالى
امي ملتزمة عمرها 46 سنة وتعيش بالاردن
سيتي عائشة تكون عمة ابي وبنفس الوقت سته لزوج اختي سوسن وهي الان كبيرة بالسن ومريضة لكنها هي التي ربت زوج اختي وتحبه كثيرا
معلومة : ذكرت سوسن انه يوجد لها عمة اسمها اماني في الحلم لكن حقيقة لا يوجد لها عمة بهذا الاسم

[فلسطردنية]

ارجو ان يتم تفسير حلمي