شوق
تنهدت من قلب
وارسلت له:انا بخير وانت وش مسووي
تحس بالراحه والطمأنينه مع انسان حبها من كل قلبهااا خالد وشوق قصة حب ولا احلى
خالد كان في بيته وبالتحديد في الصاله وجالس يكتب رسايل واخته نوره بجنبنه
نوره:خلاص خلوووود درينا انك خطبت ياسرحان ياتكتب رساله
خالد:ههههه مبين علي
نوره:وبقوه بعد
خالد:فديتني
نوره:مالت توقعتك تفداني انا صدق ربي ماوفق يوم جلست معاك
خالد:ههههههه نوره عن الخباال
نوره:أي شرايك اكلمها الحين احطه سبيكر
خالد:يالله بسرررررررعه
دقت نوره وبكل براءه على شوق اللي انقلبت من رجه ودجه الى انسانه راقيه ومؤدبه
نوره:هلا بمرت الغالي اخوي حبيبي وقلبي
شوق:حدك عاد اغاااااااار
نوره:ههههههههههههههاي شخبارك
شوق:بخير وانتي
نوره:نشوفك الليله ولا
شوق:اكيييييييييد
نوره وهي تغمز لخالد اللي داخل بدوامة صوتها الناعم:طيب وش بتلبسين
شوق:للحين مدري عندي فستان قصير لتحت الركبه احمر ناعم وبسيط
نوره:لاحضت ان كل ملابسك احمر
شوق:امووت في الاحمر فجأه ااااااااه راكان شوي شوي
نوره:هاا تبين الفزعه على هالماصخ
شوق:كسر ايدي الا شوي هالرجه
خالد وبصوت خفيف:قولي لها يقولك خالد بسم الله عليك
نوره:ايييي شوق ترى خلود جنبي
شوق ضاعت حروفها وكلماتهااااا:هاااا بجنبك
نوره:شفيكم انتوا مفهين أي بجنبي ويسلم علييييك ويبي يكلمك
شوق:لالالالالالالالا
نوره:لماذا لماذا لماذا؟؟
شوق :استحي ااااااااه راكان شوي شوي يدي راحت فيهاا
نوره:تبين اقوم حرب عليه
شوق:لا مشكوره كان يموت تحت يدك
نوره:يقولك خالد شخبارك
شوق:بخير بعد ماحست ان الصوت سبيكر ::اقول نونو انا مشغوله شوي
نوره:امووووت على البزنس ومن
شوق:ههههه
نوره والدموع بعينها:شوووووق ليه تغيرتي
شوق:انا تغيرت
نوره:أي ماكنتي كذا كنتي دايم تضحكين معي الحين انا اضحك بروحي
شوق:يالدووووووووووووبه ان شالله تعرسين بالعكس عادي بس انتي ينقال اخت خطيبي لازم اضبط نفسي قدامك واصير رزه
خالد من جهه ثانيه مات من الضحك ونوره:ههههههههههههههههههههههههههههههههههههههههههه
شوق:ولو اني داريه بعد انك حاطه سبيكر ومفشلتني بس هيين خليني اعرس واقوم عليك
نوره:ههههههههههههههههه اه اه بطني بطني
خالد نفس الشي يموت من الضحك على سوالف شوق
شوق:باااااااااااااااااي
وسكرت السماعه
خالد:واللللللله انها فلله ووناسه
نوره:الله يوفقك وعقبال لي
خالد :وهو يضرب كتفها :اعقلي يابنت
نوره:ههههههههههههههههههه أي كفختني ماقصرت انت
ام خالد و هيا جايين من المطبخ:وش في الضحك قاايم
نوره وهي تطللع بخالد:العااشق الولهاان سمع صوت خطيبته
الكل ضحك على نضرات نوره واسلوبها في الكلاام
خالد:أي والله جناااااان صوتها يمه عجلوا العرررررس
ام خالد تضحك على ولدها:متى تبيه
خالد:اليوم الملكه وبكره الدخله ههههه
لن ينكسر قارب الحياة على صخرة اليأس مادام هناك مجداف اسمه الأمل
الجزء الحادي عشر
في شقة نايف
مريم:نايف انا ماشريت لهم هديه
نايف:خلاص انا وانتي واحد عطيناهم شقه
مريم في خاطرها وش يفهمه هالبدوي:لابصراحه ودي اعطي منور هديه
نايف:بكيفك بس ترى مو فاضي بتطلعين اطلعي مع السو اق والخدامه
مريم:يعني عادي اروح الحين
نايف:الحين الساعه خمس!!
مريم:أي بروح للدهام وبشتري ساعه وبعدها بروح لباتشي بشتري صينيه
نايف:بكيفك كم تحتاجين؟
مريم:ام مدري بالضبط
نايف:عشره
مريم:اتوقع تكفي
نايف:اوكيه اذا ماكفت سحبي من بطاقتنااا اوكيه اوتدرين اسحبي من بطاقتي وعطاها اياه
خذي اللي تبين
مريم:مشكور
نايف يطالع في بطنهاا:ماسمنتي؟!!
مريم:بسم الله علي ليش اسمن
نايف:قصدي ماطلعت لك دبه؟
مريم:ههههههههههه اقول رح لشغلك احسن
نايف:مع انها طرده بس مقبوله و قبل لاتروحين ابي شاااي من صنع يديك
مريم:ولايهمك بروح اسوي لك
راحت تسوي له شاي ونزلت مع سوهاتي وزوجها للسوق
............................................
في شقة فهد
فهد:ارتاحي
منور وهي تصيح:موقادره ضهري وبطني يالمني
فهد:تبغين مسكن؟!
منور:لاخلاص لاتتعب عمرك ارتااح تعودت
فهد وبعطف:يعني كل مره تتالمين
منور وهي تشد على عيونها :تقريبا فهود ممكن تروح تناام
فهد:ماراح اتركك
منور:انا باخذ مسكن وبلحقك تعباانه
فهد وهو يقوم:انا بجيب لك
راح يجيب لها مسكن لانها تعباانه بالحيل ضهرها وبطنها يالمونها بدرجه مو قادره تتحرك من الكرسي اللي جالسه فيه ولدرجة انها تبكي
فهد:هذا بندول سليب وهذا كاس مااي
منور:مشكور قلبي
فهد:ماسوينا شي لك يالله والله قلبي متقطع مو عارف انام بدونك
منور:فهد تعودت خلاص رح نام وربي لاحقتك
راح لسريره ووجهه لها وهي في احد كراسي غرفة النوم وماحس بنفسه الا ناايم
... بعد فتره او في الحقيقه ساعاات
منور:يالله فهد قم من النوم
فهد:همممم
منور:يالله فهووووود ترى الناس تحت واحنا مانزلناا
فهد وبصوت كله نووم:مين الناااس؟
منور:فهود تراني لبست وخلصت صعبه انزل بروحي
فهد يرفع يده يشوف الساعه:الله الساعه ثماان ولاصليت ولاشي
منور:يالله طيب قم
فهد:يالله توكلنا قم من سريره وراح يتوضا ويصلي
بعد ماخلص
فهد:شخبارك الحين؟
منور:احسن
فهد:نمتي؟
منور وهي تحاول تكذب:أي نمت بعدك
فهد:زين طيب طلعي لي ملابسي
منور:طلعت لك
راح فهد لملابسه وهي راحت للتسريحه تضبط شكلهااا عدلت مكياجها الاخضر وفستانها الحرير كان ساده ماعدا قصة الصدر اللي بارزه صدرها وتوب فتحت شعرها وتركته على كتوفها وبانت فيه القصه ولبست صندلها الكعب صايره تسحر العيون
فهد:خلصتي؟!
منور:أي جاهزه
فهد يطالعها باستغراب: وش لابسه انتي
منور باستغراب:فستاان
فهد:فستان ولاقميص نووم
منور وهي مننحرجه:فستاان شوفه
فهد بغيره :اعذريني بس غيريه
منور وهي تحس نفسها بتبكي:ليه؟
فهد:اولا ساقك كله مبين وكتوفك عاريه انا مارضى
منور:طيب عادي انا كان لبسي كذا
فهد:الاول اما الحين انتي تحت يدي ولا ارضى بالهاللبس منور يالله غيريه علشان ننزل ترى تاخرناا
منور وبدت تبكي:وش لون اغيره وانا مجهزته لهاليوم والحين لازم اغير مكياجي ولبسي وكل شي
فهد:انت حلوه بلا مكياج ودولابك وش كثرر الملابس اللي فيه
منور:فهوود
فهد:سمحي لي فستانك قميص نوم مو فستان سهره شوفي ساقك من فوقه لتحته مبين وكتوفك كلهاا وانتي بيضااء وبتسلمين على رجال وبصراحه مارضى
منور وهي تبكي:طيب ماراح انزل
فهد:حساااد هو منور لاتعصبيني بسرعه
منور:لا ماراح انزل قل لهم تعباانه
فهد وهو بجد عصب:بتزلين غصب
منور:ماراح انزل
فهد:يعني شلون تلبسين ولا البسك
منور:كل شي غصب عندك ماراح انزل وخلاص وبجد انا تعبانه ولانمت زين
فهد:عن الهبال منور ترانا تأخرناا بسرعه البسي
منور وبعناد:ماراح انزل
فهد:طيب مع السلامه وتركها بعد ماسكر الباب باقوى شي عنده
...
نزل تحت لعيال عمه واهله وعماته حاول يصرف نفسه بس قلبه وفكره مشغول فيه وده يتاسف بس كلمة الحق ماتزعل ووده يروح لها بس يقول احسن تتعلم طاعة الزوج
مو قادر يركز حتى مع عيال عمه
خالد:علامك فهد فيك شي
فهد:ولاشي
خالد:طيب علمنا ش سويت
فهد:الحمدلله كلو على بعضو عسل
خالد:والله هذا اني ابي اقرب الملكه ؟؟
فهد:الله يعينك فيصل ولد عمي وينه؟؟!
خالد:سافر لبريطانيا مع ربعه
فهد:اهااا
انضم لهم منصور:هلاشباب
فهد وخالد:هلا
منصور:وش هالملل عندكم واضح جديين
خالد:نوعا ما
فهد كان باين عليه انه متضايق بس يحاول يخفي هالشي بالابتسام كل شوي يطري في باله يروح فوق بس يقسى على قلبه ويجلس
منصور:وش سويت فهود تايد الزواج
فهد:وبقوه بعد
منصور:والله انا بعد ودي بس مدري شلون احس نفسي صغير شوي
خالد:لاصغير ولاشي عمرك 25 وتقريبا هذا السن المعتاد للزواج
فهد:صح يمكن
منصور:استاذن باايون
خالد:اجلس معناا
منصور:بروح شوي وبرجع
فهد:براحتك
كان المجلس متفرق خالد وفهد مع بعض راكان ونواف ونايف مع بعض الشياب مع بعض كل ناس يسولفون بروحهم
خالد وبصوت خفيف:فهد اناعارفك فيك شي؟
فهد:لا بس تعباان شوي
خالد:علم النفس اختصاصي
فهد:مو طب
خالد:الله قويه ياولد عمي مره وحده طب نفسي
فهد:ههه
خالد:تدري على اني ادرس علم النفس الا اني اقرى كتب الطب النفسي واستفدت منها كثير
فهد:ماشالله عليك خالد احس انك مجتهد
خالد:ابي اكمل الدكتوراه
فهد:ومتى؟؟
خالد:اذا خذت حبيبة قلبي نطير نكمل
فهد:هههههههه وخذت اللي تبي ياخالد
خالد:أي والله احس نفسي مرتاح نفسيااا
فهد:طيب واهي
خالد:نفس الشي مرتاحين لبعض
فهد:الحمدلله الله يوفقك
ومع السوالف المتفرقه نسوا عمرهم
تعشوا وفهد فرفش شوي ورجع لطبيعته بس مع ذالك تفكيره معها على الساعه 12 الكل طلع
جلس يسولف شوي مع ابوه الى ان ناام وراح لشقته او جناحه
فتح الباب الغرفه ضلام ماعدا نور الابجوره المنخفض منور نايمه بالسرير والمكان هادي
بدون أي كلمه او حركه كبيره غير ملابسه وناام وهو حاط بباله بكره بيفتح معها الموضووع
....
في الرياض طلال حس بفقده لزوجته حس بطيبتها بس كيف يرجعها وهي مصره اخر شي قرره انه يطلع السوريه بس يبي ام عياله ترجع له
ضغط اخر رقم بعد ماكان متردد المره الاولى ماترد والثانيه مشغول اخر شي الثالثه يوم ردت عليه بصوت تعبان وهزيل
طلال:السلام
غصون:وعليكم
طلال:ممكن نتكلم
غصون:انا تعبانه الحين لا مو ممكن
طلاال:دقايق ماراح يضيع من وقتك
غصون:طلال بجد تعبانه ابي ارتاح من صوتك بس
طلال:انا واثق انك تحبيني بس الضروف غيرتنا
غصون في خاطرها مدام انك داري ليه تستغل حبي لك: الضروف انت صنعتها بيدك طلال ممكن تنسااني
طلاال:لا ماقدر والله حسيت بفراقك انا اتاسف
غصون:لاتتاسف لان الجرح عمره ماراح اثره
طلال:غصون وعيالنا كيف بيعيشوون ولاتنسين انك حامل
حست كان احد يعطيها كف على وجهها حست بانها بتموت اللي سوته انها ضاعت في دوامه بكا وصياح وطلال يهدي فيها من جهه ثانيه والله لو انها قريبه كان جاها ركض
غصون:حطمتني والله حطمتني
طلال:قلت لك اتاسف
غصون:بس هذا اللي قدرته وقدرك ربي عليه
طلال:بدينا بهدوء وممكن نكمل بمثل الهدوء وبلا بكى غصون
غصون:من زمان كنت داريه من كلام الناس وادق عليك والست هانم ترد وتقول طلال نايم ومايقدر يكلمك الحين بالله وش تبي اسوي ؟؟ احب راسك على اخلاصك ولا ابوس ايدك على استغلالك لحبي
طلال:بطلقها
غصون:بس بعد ايش طلال سويتها اول مره بتسويها ثاني مره
طلال:اعاهدك
غصون:لا لا ياطلال اتعبتني
طلال:حلفت بالله اطلقها بس ارجعي لي ياغصون تعبت والله تعبت
غصون:ليه حسيت بالفرق وانت ماكملت لك يوم؟!!
طلال:غصووون ارجوك اجي اخذك بكره
غصون:اسفه ماراح استقبلك ولا اهلي بيستقبلونك احفظ كرامتك يازوجي العزيز في بيتك احسن
سكت طلال عارف اهل زوجته العناده ساكنه راسهم فماحب يدخل معاهم بهالموضوع:غصون والله بطلقها
غصون:طيب ممكن ارتاح في بيت اهلي هالفتره
طلال :سوي اللي تبغينه بس ابيك ترجعين لي ومن بكره بتوصلها ورقة طلاقها
غصون:والله انت واخلاصك لزوجتك انا تعبانه حيل ومالي خلق مشاكل ياطلال
طلال:طيب ارتاحي وبعده بفتره بجي اخذك
غصون:ولاتكلمني
طلال في عيونه الدموع:والله صعبه
غصون:مو صعبه على رجال
طلال:طيب بس اهم شي ترجعين لي
غصون:طيب
طلال:مشكوره يالغلا تروحين ترتاحين
غصون:أي نشوفك على خير
سكرت الخط تذكر انه يسال عن العيال اتصل مره ثانيه شافه مغلق
.....
في بريطانيا الجو ثاني عند فيصل
كان جالس في مقهى ليلي مع واحد تعرف عليه كندي وصديقه متعب ووليزي اللي تعرفوا عليها
من كثر كره لشوق قام يحقد على المجتمع كله وقام يحقد على نفسه كرهاا وكره خالد معها وخصوصا بعد ماسمع باذنه انها تحبه وانها ماتبغاه لانها تحب خالد وخطوبتها بعد اللي غيرت احواله وسافر في ثاني يوم حتى ان الكل استغربوا من سفرته المفاجاه بس غصب عنه مايقدر يشوفها سعيده معاه لانه من الممكن يحرقها او يقتلها من كثر ماشال بقلبه عليهاا
حبها من كل قلبه وبكل بسااطه ترفض حبه
خطبها ووهبها روحه وبكل بسااطه تتركه وتروح لحبيبها نفسه يعر ف ليه حبها هل هو لجمالها او لاخلاقها او او .... الخ
بس صدق مقولة الشاعر يوم قال
الحب من ربي يجي ماله اسبااب
جلس معاهم الى نهاية سهرتهم وهو شايل من باله السعوديه بكبرهاا
.........................
في الصبااح
قامت منور من فراشها بعد ماشافت فهد نايم بجنبها ماهتمت له راحت خذت لها شاور ولبست لبس البيت وراحت المطبخ تسوي فطور الا سمعت التلفون يدق راحت له ارفعت السماعه وطلعت الطباخه تسالهم وش بيغون فطور طلبت منها فطور اوربي راحت للمكتبه وجلست تستطلع في الكتب الى ان اخذت لها كتاب وجلست تقراه زهقت منه بعد عشر دقايق من فتحه وافتحت التلفزيون يمكن تشوف شي يعجبها وبالصدفه كان في ام بي سي اكشن فلم رومانسي تحبه كانت تتابع بصمت وسكووون
فجاه فهد:عجبك الفلم
منور:بسم الله الرحمن الرحيم خرعتني
فهد:والله حلاتك متخرعه
منور وهي تضحك:يعني
فهد:أي لحقي على شكلك في المرايه كان تحرمين تطالعين نفسك
منور وبدى الشك فيها:ليه ؟ وش فيني
فهد:تهبلين وتاخذين العقل وتجيبين راسي غصب
منور وباتسامه:اروح اجيب الفطور احسن وقامت
فهد:والله وفهمتيني روحي جيبيه احسن
دقت على الطباخه وجابت لهم فطورهم لفوق
وهم يفطرون:ليه مانزلتي امس؟؟
منور:نزلت
فهد:وش لبستي؟
منور:فستان
فهد:نفسه
منور:لاغيرته
فهد:طيب كنتي تقولين انك ماراح تنزلين
منور:بنات خالي جاو عندي لفوق واستحيت اني ما انزل
فهد:جاو غرفتنا
منور:أي في شي غلط؟
فهد:لابس الغرفه لنا بروحنا ياليت مو الكل يدخل فيها
منور:ان شالله عمي تامر على شي ثاني
فهد:تتمسخرين؟!
منور:فهود علامك فاهمني غلط تامر على شي ثاني
فهد:لاسلامتك عمتي
كملوا اكلهم بصمت
...........................................
في بيت نايف
مريم:قلبوو عندي موعد
نايف:مريم ترى راسي يالمني ابي ارتاح دقايق
مريم:طيب وولدك
نايف فز من السرير:انا حاضرن له
وقام وبكل سرعته لبس ثوبه وشماغه وراحوا للمستشفى حتى يكشفون كان ولد ولابنت
طلعت من الغرفه
نايف:يلاا نقوم
مريم:يالله
باالسياره
نايف:وش طلع
مريم:ماراح اقول
نايف:بنت؟
مريم:مدري
نايف:ولد؟
مريم:مدري
نايف:اجل وش اللي تدرينه
مريم:هههههههههه طير ماراح اقولك اللي يجي من الله حيا الله
نايف:يعني خلاص مافي امل
مريم تقريبااا طيب ممكن توقف عند باسكن ابي ميلك شيك
نايف:ولا يهك بس على جوع انتي مافطرتي
مريم:مابي افطر يلاا عاد ابي
نايف:اول افطري
مريم:ذا وحااااام وبيتاثر ولدك
نايف:يالله امرنا لله باسكن باسكن
الجزء الثاني عشر
[color="Purple"]
في الشركه
خالد ماسك مكان ابوه هالفتره مع ان شغله مو عاجبه ولا له علاقه بقسمه بس جلوس الرجال عيب في بيته
خالد وهو في مكتب ابوه طبعا مستاانس مكتب وش كبره له
السكرتير:استاذ خالد عندك مكالمه من استاذ منصور احولها ولا
خالد:الا حولها
منصور:هلا خويلد
خالد:اصغر عيالك بس مقبوله منك
منصور:اسمع تفلها معي ولا اسويها بروحي
خالد:ولو ان فيني النوم الا اني بسويها معك
منصور:شرايك نترك الغنم يرعى وننحاش
خالد:هههههههههههههه حلو الغنم يرعى وننحاش
منصور:بجد طفشت هااا تنحاش معي ولا
خالد:لا والله مافيني ابي انام بس يلاا منصور تراك تضيع وقتي انحاش بروحك بااي
منصور:هين واللي معطيك ياوجه ياولد ابوك مع السلامه
خالد:الى القااااااااااء >>>>دايخ
سكر السماعه وشاف جواله يمكن فيه رساله من حبيبة قلبه للاسف مافي رسايل
شاف الساعه على الوحده قرر يطلع من العمل وبيروح يرتااح
وهو في طريقه جاته رساله من عذبة الروح
فتحها ومكتوب فيهاا
سمعت ان السكر يذوب مع الماي
انتبه على نفسك لانزل مطر علينا اخاف تذوب وتروح علي..
اللي سواه انه قال:ااااااااااااااااااااااه ياعذبة الروح صدق عذبتيني
..........................................
عند طلال الجو ثااني زهق من نفسه حس نفسه ضاايع بدونها صدق بنت ناس ولاعمرها اشتكت منه تذكر ملامحهاا هو يبي يعرف وش اللي خلاه يتزوج سوريه تذكر واحد من الشباب وتذكر كيف كان يصر عليه انه يتزوج ومدري ايش الى ان دخلت الفكره في راسه وصدق تزوج وجلس معها سنه ...
وقف سيارته عند بيت اهله اللي مايدرون اصلا بالسالفه وكان عندهم عزيمه لان خواله اللي في الخبر جايين عندهم الرياض
نزل ودخل عند الرجال شوي وبعدها راح لغرفته القديمه لحقته اخته الصغيره في اولى جامعه اسمها رنا
رنا:هلا طلال
طلال:هلا رنا
رنا هي الوحيد اللي تعرف لطلال على كثر السن البعيد اللي بينهم يعني طلال بال43 وهي بالعشرين الا انه يفضفض لها ويرتاح يتكلم معها
رنا:ادخل معك عادي
طلال:رنوه والله تعبان
رنا:طيب وين غصون
طلال:راحت لاهلها في الخبر روحي لبنات خوالي
رنا:اممم طيب ابي اسولف معك
طلال:رنووه خلاص قلت لك راسي مصدع ومالي خلق احد
رنا:طيب بااي
طلعت منه وراحت لبنت خالتها ساره متخرجه من ثالث ثانوي<<<صديقة شوق
وجلست معها
طلال مو قادر يومين وماكملهم على بعض موقادر يعيشهم حس بفراقها حس بحنينه لعياله دق عليها اكثر من مره مغلق وكم مره البيت بس يصرفونها ولايعطونها ايا
قرر بكره يروح لها الخبر يرجعهاا
بس تذكر ان طلاق هالسوريه مابعد يخلص
جلس يفكر ويهوجس في نفسه الى ان ناااااااااااااااااااااااااام
...................................
في بيت العم سالم((ابو محمد))
ناصر:يبه
العم:نعم
ناصر:زهق ابي سياره جديده
العم:توك شاري اذا تخرجت السنه الجايه شريت لك سياره جديده
ناصر:يببه ابي سياره
العم:طيب افكر
ناصر:يبببببببببببببببببه عادي شفيك مو خطوبه تفكر كلها سياره
العم:شفت فيصل لما تخرج عطيته هديته سياره
ناصر:يايبه ابي سياره>>>يعاند
العم:انتهى الموضوع رح شف لك شغل تسويه
ناصر وهو يقوم:انام احسن لي
وطلع
في
طلعته دخل محمد:السلام عليكم
العم:هلا بولدي شخبارك
محمد:والله بخير
العم:شخبار فيصل كلمته اليوم؟
محمد:أي كلمته يسلم عليك ها وين امي
العم:امك في المطبخ مع الطباخه تطبخ الغدا
محمد:اهاا زين بتغدى عندكم
العم:ومرتك
محمد:في بيت خالتي
العم:ماخلصت
محمد:اسبوعين
العم:اهاا زين وشخبار رياان
محمد:يسلم عليك لبى قلببه فديته
العم:الله يخليه لك
محمد:امين يبه انا بنسدح هنا بالصاله
العم:رح غرفتك بعد
محمد:لا لاني جوعان وابي اقوم بسرعه
ولا وماقصر اكبر كنبه انسدح عليها واخذ له غفوه على مايجي وقت الغدى
.................................................. ...
مر شهر كله احداث روتينيه ماصار شي مهم يستحق الذكر
__فيصل:غارقان في بريطانيا ولا يدري وش السعوديه وانقلب لانسان ثااني
__نايف وزجته مع وحامها خياااااااال كل شوي طلعت له بفنتق
__فهد:ينتضر حمل منور بفارق الصبر
__منور:عايشه مع فهد احلى عيشه ماعدا بعض الهوشات البسيطه ولاتنسون ان المشاكل ملح الحيااه
__خالدوشوق :في عالم ثاني عالمهم الخااص اسمه عالم الحب والله ولايدرون الدنيا هشت ولا نشت
في عااالم اخر
__محمد زوجته طلعت من النفاس ورجع بيته
__غصون اهلها دروا بالسالفه وعصبوا في البدايه ورفضوه وطلبوا الطلاق بس لما دروا انها حامل حاولوا يرجعونها وهي رافضه حتى تسمع صوته
__منصور اجل موضوع الخطبه الى ان ربي يفرجها وتنتهي ممشكلة اخته
__راكان فتح مكتب للاستشارات الهندسيه
__طلال تعبان نفسيا ولحد يقدر يكلمه حتى اخته
__ناصر اصر على ابوه يشتري له سياره في الاخير اشترى له بي ام دبليو اخر موديل
__هيا مازالت على هدؤها ونوره مازالت على دجتها وفلتهاا
__نجود ودانه صديقات شوي ويدخلون في بعض مازالوا ثنائي منفرد تقريبا
__والوليد وعزوز وسعود مازالوا اصدقااء
باختصار الاحداث روتينيه ولاشي جديد
...............
في بيت فهد كانت منور جالسه ببجامتها وفي حضنها صحن بوب كورن<<فيشار وتطالع التلفزيون
رفعت يدها تشوف ساعتها طلعت ثنتين الليل والاستاذ ماجى وهو عنده بكره دوام
حست بباب الجناح ينفتح طلعت من المكتبه وراحت وهي ماسكه الصحن
منور:هلا فهود
فهد:وهو مروق :::هلافيك ياقلبي وروحي وحيااتي افاا تاكلين بروحك ولاتقولين لي؟
منور وبصيغة عتاااب::والله محد قالك تتاخر ولاكأن عندك زوجه في البيت تنتضرك
فهد:طيب اعتذر
منور وهي تمشي ومعطته ضهرها وبلا مبالاه:حطه بجيبك مابغااه
فهد:افااا الحلوه زعلانه مين يراضيها انا ارضيها
ابتسمت غصب لان اسلوبه وهو يغنيها كانه طفل يطلب الاعتذاار وغير صوته الحلووو
منور وهي تطالعه باستهزااء:قبلت الاعتذار بس على شرط
فهد:امري وتدللي ياقلبو ماعندي الا انتي
منور:ااممم لاتتاخر مره ثانيه فهد وهو يجلس في احد كراسي غرفة النوم:ولايهمك بس هالهبل بو يزيد مضيع وقتي
منور:امممممم طيب زوجته ماشفناها
فهد: تبين نعزمها
منور بعد ماجلست بجنبه:نشووف طيب ممكن تنام لان وراك دوااام
فهدوهي يطالعها بنضرات استعطاف ويحك لحيته:يعني لازم اناام
منور:أي وراك دوام وبعدين بالموت بتقوم فارح نام احسن لك
فهد:يعني مصرره
منور:وبقوه بعد
فهد:مافي امل من هنا ولاهنا
منور:لا والله مافي يلاا قم هز طولك وناااااااام
فهد ويسوي نفسه مغصوب ويقوم يغير ثيابه:طيب مانقدر نرد الغاليه
منور وتذكرت:ههههههههههههههههههههههههه
فهد:وش فيك
منور:بكره الخميس ههههههههههههههههههههه
فهد وراح لها ويشيلها ويحطها بالسرير:وتكذبين علي بعد اوريييييييك وقولي فهد ماقال
منور:لاااااا ارجوك
فهد:مافي رجاوي عندي اعتذري بسررعه
منور وصاير شكلها غلط منسدحه على السرير ورجوالها بالارض وحضرته فوق راسهاا:اسسسسسسسسسسسسسسسسسفه
فهد:طييييييري علشان اقبل منك اسفك
.................................................. ..........
في جناح نااايف ومريم تهذر على راسه نايف شوي من النوع الهادي وزوجته نفس الشي بس من تعرفت على اهله وهي صايره فله ورجه
مريم:ابي ترااب
نايف:هاا من وين اجيب لك ترااب
مريم:كيفك ابي ترااب
نايف:طيب ليه
مريم:ابي اشمه
نايف:خبلللللله
مريم:وحاااام
نايف:وش ذا الوحام مره كلتي ثلج ومره طحتي بالغبار والحين ترااب
مريم:والله حلو يالله عاد بسرعه ابي تراااااااب
نايف:مو جايب
نايف:بس لاتشوه ولدك قول لي ليه
نايف هو مابين مكذب هالجمله ومابين انه مصدقهاا وقام توكل على الله الساعه ثنتين ونص يجيب لها ترااب
>>>>>>>>>>>>والله فله
.................................................. ...
شوق وهي تكلم بصوت نعومه ورقه عمره ماطلع منها الا لما انخطبت
شوق:في غرفتي
خالد:طيب وش تسوين
شوق:على السرير
خالد:هههههه انا قدام البحر
شوق:حلوو صح؟
خالد:اااااااااااااه أي والله
شوق:سلامتك من الاه
خالد:والله وش اسوي خاطب وحبيبتي خطيبتي تكلمني ولابراضيه تقدم الملكه ماعندي الا البحر اشكي له
شوق:طيب ابي اخلص دراسه قبل
خالد:من حلات دراستكم في السعوديه والله لاتزوجنا رحت معاك امريكا وتدرسين هناك باي جامعه تطلبينها
شوق:مابي افارق اهلي
خالد:وصلنا للنقطه نفسها معناتها ماتبغين اهلك يعبدون عنك صح
شوق:أي والله ماطيق فراقهم
خالد:طيب انا اجلس معلق حراام عليك دواي فيك قلبو
شوق وبحيا:تسلم خلود بس
خالد مقاطعها:لابس ولا يحزنون انا خالد حبيبك من اهم بالله انا ولا الدراسه
شوق وهي مصبوغه بالاحمر وبصوت حيوي:انت
خالد:خلاص اجل نقدم الملكه
شوق:يصير خير
خالد:اي كذا خليك قلبووو
شوق:هههههه
خالد:تسلم لي هالضحكه شوقي تامرين على شي الكورنيش فضى ولابقيت الا انا
شوق:أي والله الحين اربع الفجر ويالله رح صل مره وحده
خالد:ان شالله نشوفك على خير
شوق:ان شالله مع السلامه
خالد:مع السلامه
سكرت منه وعلى طول صلت ونامت اما هو راح يصلي وبعدها قعد يفكر فيها مثل كل ليله وناام
............................................
في الصباح الساعه 8 كانت غصون كالعاده جالسه لان نومها مضبوط
كان الجو مره رايق طلعت عند الساحات الخارجيه وهي ماسكه كوب قهوه تركيه وبفستان البيت ابيض بس ساتر لانها الحين ساكنه مع اهلها كان بطنها واضح لانها في الخامس
جلست على احد كراسي الحديقه وهي سرحااااااانه وبروحها تحس بخلوه حست بنفسيتها الدمااار وتعبها وبطنها اللي يالمها لان الجنين ناازل وووجها المصفر هالحمله غير حملاتها اللي قبل لانها ماتوقعت انها تحمل وبنتها توها مالها ثلاث سنين
حست بخطوات وراهاا التفتت شافته هو هو نفسه سبب كل شي بحياتها هو اللي بسبب حبها صارت لها هالاشياء كلها
من اول ماشافته تركت كوبها وقامت من مكانها جاها بسرعه مسك ايدها ولفها له ورفع راسها
شافته
انساان محطم تعبان هزيل وجهه اصفر لحيته طالعه وحالته حاله مو اللي تعرفه ابد
...:غصوون
وبدون شعور:عيونهاا
حس بالاماااااان وقربها منه وحضنهااا يبي يحس بحنانها اللي فقده لشهر:والله تعبت ياغصوون
غصون:وانا اكثر محتاجه لك والله محتاجه لك
طلال وهو يطالع بعيونها اللي تدمع:ترجعين معي
غصون وهي منزله راسها :اطلب كل شي الا هالشي
طلال والدمع يجري على خده الهزيل:غصون ارجووووووووك رجعي معي والله تعبان ومحتاج لك محتاج اشوف عيالي محتاج لك ياغصون ولا ترديني
غصون وبلامبالاه وبطرف اصابعها تمسح دموعه :لاتبكي دموعك غاليه علي اغار من ان تلمس خدك
رجعها لحضنه مره ثانيه وهو يبكي مثل الطفل لان الرجال طفل بس كبير يحتاج للحنان يحتاج للحب وصعبه انه يفقده فجاه:ترجعين
غصون:ارجع معك والله مالي غني عنك يابو عيالي
مسحت دموعها ودموعه وابتسموا من جديد وراحت معه للمطبخ وسوت له كبتشينو وهو جالس على احد كراسي المطبخ ويسولف عليها وهي تضحك ونسوا ان الناس صبح ونايمين
سرح فيها وفي بطنها اللي كبر :غصووون بطنك كبر
غصون:شفت شلوون
طلال:الله يخليه وعقبال مايطلع عبدالرحمن
غصون :اميييييييين
وهم يسولفون العمه قامت من النوم تسوي فطور للعيال وابو منصور لانهم يداومون وشافتهم في المطبخ ولاصدقت المنضر ورجعت الصاله وهي تبكي من الفررح
نزل منصور وشماغه على كتفه وعقاله فوق طاقيته:هلايمه
العمه:هلافيك يبه منصور رح لاختك في المطبخ
منصور:شفيهاا؟
العمه:رح لها وبس
منصور وهو فيه النووم:طيب
راح المطبخ طبعا حس بصوت ضحك وتنكت وسوالف بس ماهتم وتوقع ان دانه وغصون ودخل والله وبدون شعور شرب مااي وسوالف مع اخته شوي
بعدين حس:لحضه انتي تسولفين مع مين
غصون وهي تاشر على طلال :مع المزيوون اللي هناك
التفت منصور وهو مستغرب:طلاااااااااااااااااااااااااااااااااال
طلال:بسم الله الرحمن الرحيم أي طلال
منصور:وش فيك متغير
طلال:الفراق ومايسوي
منصور:احلىىىىىىىى يالفراق
طلال:والله جعلك ماتفارق غالي
منصور:/طيب شلون كذا تصالحتوا صدفه
طلال:الله عاد خصوصيات بلا لقافه
منصور:بس والله غريبين يعني بسرررعه
طلال:ليه وش ناوي عليه محاكم وقضايا
منصور:لالالالالا بس بسرعه تراضيتوا يعني امس حالتنا حاله مع اختنا في الله وفجاه اليوم نقوم ونشوفكم متراضين
غصون:ربي سهل
منصور:زين الله يوفقكم منك المال ومنها العيال
طلال:أي انت صح مو ناوي تتزوج
منصور وهو يطالع اخته:لاسباب كنت انتضر تنتهي مشكلتكم وثاني شي مالقيت اللي يعجبني0
طلال:طيب انت رجال تنشرى
منصور:مشكور
طلال:طيب خلني اخلص كلامي
منصور:طيب
طلال:انت رجال تنشرى وانا اشتريك لاختي
منصور وغصون حالة استغراااااااااااااب ويطالعون في بعض
طلال:بسم الله الرحمن الرحيم خلاص اسحب كلامي
غصون:لالالاتسحب رنا تصلح لمنصور كثيبر
منصور:والله مدري اول مره اسمع فيها
طلال:اغنيه هي علشان اول مره تسمعها
منصور:والله مدري الشور شورك ياختي ولاتنسون امي وابوي وراحتي بعد
منصور:انا قلت لك تعرف انت ابوي متوفي وانا متولي اخواتي لاني الوحيد ومابغى لاختي الا رجال يعتمد عليه ولقيتك
منصور:ماتقصر بس اشوف الاهل والجماعه وارد لك خبر
سولف معهم شوي وطلع راح لشغله بعد ماشرب كوب قهوه
وابوه ماراح الدوام اليوم
طبعا راح وهو يقلب الفكره في راسه انه يخطبهاا
15-11-2007, 08:25 PM
رد: لو يموت الشوق قصة **رومنسيه روعه** (كامله بدون تاخير ) 
