(جرحنى وانا عروسه) ارجوكم ساعدونى بالرد

[beba2007]

تزوجت منذ شهرين فى بلد غير بلدى وضحيت بوظيفتى واخذت اجازة من اجله وبعد زواجى بعشرة ايام اكتشف ان موبيله يرن طول الليل فكان ردة ان هناك بنات يعرفهم لن يعلمو انه تزوج ومع الايام سيعلمو وبمرور الايام اكتشفت انها واحدة بعينها هى التى ترن عليه وهو يرد عليها الرنات بل ويكلمها وقت ما تسمح له الظروف من ورايا على الموبيل وعلى النت بل واكتشفت انها يقابلها فى الشارع من خلال رسائل ارسلها لها وانا اكتشفتها وواجهته كان رد فعله انو اعترف انو جرحنى ولكن فى نفس الوقت دبحنى وجرحنى بكل كلمه قالها لى وهيا انه يعرفها منذ عامين وهى بنت ناس ومؤدبه ولكن لم يحبها واحبنى انا وتزوجنى انا ولكن من الصعب ان يتخلص منها فى يوم وليلة وصعب انو يعترفلها انو متزوج لانها متعشمة فى زواجة منها رغم انه لم يعشمعها بذلك على حد قوله وانها صعبانه عليه وانو ميعرفش عواقب الموضوع عليها ايه اما يقولها وما زال يكلمها حتى الان وانا لم اعرف ماذا افعل انا تركت له البيت لاننى وصلت لدرجة انى مش طايقة اسمع رنه موبايله بالرغم من ان معاملته لى قبل ما يعلم انى عرفت كانت كويسة جدا جدا ودة بيستشهد بيه وبيقولى ان معاملتى ليكى متغيرتش انا بحبك انتى وهيا حتاخد وقت وانهى الموضوع دة بس مش فى يوم وليله وانا مش قادرة اتحمل انى اعرف انو ما زال يعرفها وبيكلمها ارجوكم افيدونى هل اترك البيت للابد وانا لسه عروسة ام ارجع بيتى واقبل بالوضع دة لحد ما ينتهى ان انتهى ام ماذا افعل؟؟؟؟[/color][/color][/color]

[engys]

أختى العزيزة بتفكرينى بخيبتى زيك انتى أخطأت أولا انك تركت وظيفتك وتركتى بلدك مع انسان واضح انه لايستاهل حبك انا خايبة كده زيك بس مش عايزاك تكونى خايبة كتير لأنى خايبة بقالى 10 سنوات ومعايا ولد وبنت وللأسف لا أستطيع التراجع مع انى حاولت لكن الأطفال هم اللى بيمنعوا النهاية الحتمية لكل زواج فاشل عشان كده بقولك انتى لسه فى الأول ولسه مافيش أطفال فكرى أختى كثيرا لأن اللى يعمل كده بعد 10 أيام من الزواج هايعمل أكتر بعد 10 شهور وأكتر بعد 10 سنين انتى لسه فى الأول فكرى كويس استخيرى الله وابقى طمنينى عليكى

[ضى القمر]

اختى انا مش عارفة ازاى بيحبك انتى ومستمر مع التانية لانها بنت ناس ومؤدبة وهو مش بيحبها يعنى بيخدع اتنين فى نفس الوقت
اختى من رايى كويس انك تركتى له البيت عشان تقدرى تفكرى وانتى بعيد
وانتى ادمك حل
اطلبى منه انه ينهى علاقته بهذه البنت فورا اذا كان بيحبك فعلا
يعنى خيريه بينك وبينها وشوفى
ولو وافق انه يبعد عنها اطلبى منه انك تحضرى معاه المقابلة يعنى يحدد معاد مع البنت وتروحى معاه وتشوفيها وتشوفيه وهو بيقول لها الحقيقة وانك زوجته
عشان تتطمنى انه مش هيرجع لها تانى
ولو اكتشفتى بعدين انه لسة على علاقة بها
ابعدى
والاحسن لو تاجلى موضوع الخلفة شوية يعنى لحد لما تتاكدى انه يستاهلك

[لحظة عمر]

يا اختي الفكر والمنطق يقولان ان ترجعي ولاتدعي اولا تبتعدي عن زوجك الذي اختارك انت فلو كانت هذه الفتاة هي التي كان يود الايرتابط بها لارتبط غير ان تعلق زوجك بهذه الفتاة هو يمكن ان نعبر عنه بنزوة تمر وتعدي وانت في يديك ان تجعلي زوجك ان ينساها وهذا ما لااعلم اياه اونما كل امراءة اوجد الله فيها فطرة تقدر بواسطتها ان تجعل زوجها يكون خاتم في اصبعها وذلك من اكتشاف مواطن القوة والضعف فيه واستغلالها وليس الابتعاد والهروب ولاتنسي ان لكل رجل لابد ان تكون لديه علاقة سابقة وان الرجل لايعيب على ذلك بعكس المراءة فمدام الرجل كان صريحا معك ولم يخبيء عنك علاقته هذه فانها نقطة تعد لاصالحة وليس ضده فلو كان زوجك غايته اللعب بمشاعرك ولاستهتار لكان قد خبأ عنك هذه العلاقة ولعب عليك او قد لم يتزوج بك نهائيا عودي ياحبيتي وكل ما رن الموبايل كوني بجنبه وداعبيه ومزحي معها بدلا من ان تتتعاركي معه افعلي هذه النصيحة وانظري النتيجة قد تفشلين باديء الامر مرة مرتين اواكثر لكن صدقيني انت الرابحة

[meshooo57]

لاتتركى بيتك مهما كان حتى لايعتاد على ذلك منك ويصير بالنسبة له امر عادى-قولى له يتقى الله فيك ولا يعشم بنات الناس بالزواج مادام صارت له زوجه - ويحترم مشاعرك كزوجه -وكلمه فى سرك بينى وبينك -اتصلى بهذه الفتاه من تليفون عام وقولى لها ان من تحلم بالزواج منه صارت له زوجه وان علاقتها به تسير فى طريق مسدود -وانك فاعل خير

[ضى القمر]

تصدق ميشو فكرة حلوة جدا
خدى الرقم فعلا واتصلى بيها وقولى لها
تعبد وانه تزوج وان انتى زوجته وبدافعى عن حقك لانها تعباكم فى حياتكم
وربنا يكرمك يارب

[engys]

يا اخوانى بنضحك على نفسنا ليه ونقول يمكن يختار زوجته اللى بيختار زوجة وهايخلص ليها استحالة مهما كانت المبررات انه يكلم واحدة تانية والحمد لله ان مافيش أولاد يبقى ازاى نستنى انه يكون أحسن والله ياجماعة اسألونى انا فمريت بتجربة وان كانت تختلف عن مشكلتنا بس اللى هأقوله ان الطبع مش هايتغير وهو بيعمل كده ولسه متجوزين أمال بعد كده هايعمل ايه ؟؟؟ أختى فكرى كويس واختارى حياتك القادمة ولا ترضى انك تكونى بديلة حلال لزوج خائن

[AISEL]

اختى فى الله
اولا ...انصحك ان لا تتركى بيتك مهما كانت الظروف
ثانيا انتى تقولى انه اختارك انت ويحبك انت فهذا يجعلنا نتريس فى اختيارنا لاى حل
صدقينى ليس معنى انه يعرف بنت او بنات قبل الزواج انه لن ينصلح حاله ووسوف يبقى هكذا حتى بعد الزواج من الممكن من معاملتك له ان تغيريه الى الانسان الذى تتمنيه وتجعليه لايرى فى هذه الدنيا سواكى
كيف
اولا ..ناقشيه فى الموضوع بالحسنى وان اصر على موقفه ابداى بالتهديد انه لو لم يترك هذه الفتاه ويقطع الاتصال بها فانك سوف تشركى اهلك فى الموضوع وهم يتصرفون
اما ان يختارك انت او يختار هذه الفتاه
حبيبتى فى الله مادانم انتى تحبيه وهو يحبك فاصبرى وحاولى ان تغيريه اكثر من مره لا تيأسى ولا تستسلمى
انها حياتك قدرها لكى الله فلا تستغنى عنها بكل بساطه
حاربى من اجل بيتك وسعادتك وزوجك وحاولى بكل السبل السلميه والنقاش الهادئ مع زوجك
وباذن الله سوف ينصلح حاله

[meshooo57]

وقفت كثيرآ امام رد أختنا engys وأختنا aisel - والحقيقه انا لا ألوم engys على رأيها ولكنى اراها متحامله ربما لظروف قاسيه مرت هى شخصيآ بها كما هو واضح من رسالتها -ولكن ياعزيزتى لن نخسر كثيرآ لو حاولت ولو محاوله المحافظه على بيتها دون جرح لكرامتها أو كبريائها -لذلك اجدنى أؤيد أختنا aisel فى رأيها ربما ينصلح حاله ويهديه الله - انا لا اطلب منها الأستسلام او التنازل ولكن اطلب المحاوله ربما تكون هفوة او نزوة -ونحن جميعآ غير معصومين

[infirmiere]

السلام عليكم ورحمة الله وبركاته


أختي تمعني جيدا في مختلف ردود الاعضاء..


ثريتي و فكري جيدا ..ثم اتخذي القرار المناسب


بالتوفيق