¤ô§ô¤*~حبيبتي اسمحي لي بخونك من غلاك~*¤ô§ô¤*~

صاحبة السمو · 20-06-2006, 04:37 AM

قبل لا أقول لكم القصيده اسمحولي أقول لكم قصتها

كان في واحد يحب وحده حيل وبينهم قصة حب بس لما صار ما في مجال يكملون
مع بعض لانه قصة حبهم مستحيل تكتمل
لظروف أقوى منه ومنها

وشاف أن البنت متعلقه فيه وقاعده تضيع على عمرها فرص ثانيه
بالسعاده مع واحد أحسن منه

قام ومثل عليها أنه يخونها عشان تكرهه
وفعلا البنت صدقت انه خانها ومرت الأيام والسنين والأيام لعبت لعبتها
وتلاقى هو وياها في لندن وشافها مع واحد ثاني
وكلكم تدرون شو نوع المشاعر اللي حس فيها
فقام وكتب هالقصيده

تقول القصيده يا طويلين العمر

حبيبتي اسمحي لي بخونك من غلاك
اكرهيني واتركيني وقتليني يا ملاك
لا صار في موتي حياتك من اكون
اجرحيني واهجريني بس اخون
ادري طريقي صعب
وادري فراقك صعب
حتى رجوعي صعب
ما به حلول,, لكن بقول
اتعذبي يوم,, ويمكن شهر
وانسي السهر وانسي القهر,, وانسيني

******* * *

عيشي حياتك كلها
بحلوها ومرها
يمكن تلاقيك حبيب
يصير لجروحك طبيب
وترجع فرحتك ثاني
وتنسى الحب وتنساني
وتترك ديرة احزاني
واشوفك في ليالي الصيف
تمر جنبي كأني طيف
واشوفك مع حبيب ثاني
اشوف بعيونك الفرحة
وحزني شوه اجفاني
وقلبك انبرى جرحه
وقلبي انجرح ثاني
جلست اذكر امانينا
ودمعي حرق أوجاني
وتذبحني اغانينا
وهي جنبي مع ثاني
تضم ايدينها بيده
كأن اليوم ذا عيده
وانا يدي على خدي
وهمي والزمن ضدي
وجتني بنظرة الشفقان
تسأل ليه ذا الاحزان
وبيدها تمسح دموعي
وأطفت وقتها شموعي

******* * *

وتسأل من تكون انت
وردي صار بعيوني
شفاتي تكتم العبرة
ووجهي اظهر حزوني
انا ضحيت من قلبي
وحبي سبة جنوني
رضيت الموت لي وحدي
وتحيا دامها عيوني
بديت بقصتي ابكي
وتبكي من بكى روحي
وقالت قصتك عكسي
حبيبي سبة اجروحي
يخون وعني ما يدري
ولا همه كثر نوحي
تركني مكتفي بغدري
ندهته وكنه ما يوحي

**** * *

مشيت ودمعتي تبكي
وقلبي سجنه ضلوعي
يبي يصرخ يبي يحكي
وباسي صار في طوعي
رضيت بحكمها القاسي
رضيت السم في كاسي
رسالة حبرها احساسي
احبك لو تكون ناسي

وسلااااااامتكم خلاص عاد لا تصيحووون ..وعلى فكرة ترا القصيده للشاعر بدر بن عبدالمحسن

رشة عطر
أبــي شــاعـر يصــورنـي ويــكتبــني ســماء وبحـور
يــقـول الشــعر بعــيوني وبــعيوون الشــعر أقــراااه
وأبــــي شـاعـر يعــاهدنــي عهــوود الـواافي المأسـوور
يـدووس النــار لــرمـوووشي ولايــــرضى أقــوول الآآآآآه
صاحبة السمو

اميرة الاحلام · 21-06-2006, 05:09 PM

مشكورة على الشعر

تحياتى لك

الله يسلمك

صاحبة السمو · 21-06-2006, 10:58 PM

هلا وغلا ][®][^][®][أميرة الاحلام][®][^][®][
شاكره لكي مرورك الذي اسعدني كثيرا لكي مني أرق التحايا
أختك ×?°صاحبة السمو×?°

24-06-2006, 07:31 AM

من جد تحززززززززززن
وتذذذذذذذذذذكر بأشياء
كانت غاااااائبة عن الذاكرة
يعطيك الف عافية عنوني
صاحبة السمو ما تقصري
والف شكر لك

صاحبة السمو · 25-06-2006, 02:56 AM

تسلم يالغالي *·~-.¸¸,.-~*balck divel*·~-.¸¸,.- والله يعافيك على المرور مشكوووووووووووووووووور
تقبل تحياتي ×?°صاحبة السموووو ×?°

26-06-2006, 04:46 AM

قصه وقصيده رائعه

مشكوره اختي تحياتي

صاحبة السمو · 27-06-2006, 11:02 PM

تسلم على المررررررررررو ماجد
تحياتي

حنونه · 12-07-2006, 02:16 AM

قصيده خطييييييييره
تعور القلبي
يعطيك العافيه حبيبتي

حنونه

zvix00 · 12-07-2006, 03:18 AM

رووووووووووووووووووعة ..القصيدة مؤثرة بشكل تدمع له الأعين

ahmed · 12-07-2006, 05:28 AM

قصيده جدا رائعه ومؤثره ومحزنه بالوقت نفسه وكيف لاتكون رائعه وهي من ملك الاحساس

الامير بدر بن عبد المحسن اشكرك اختي على هذه القصيده الاكثر من رائعه

تحياتي لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بالمحبه توج غلاك	نار الغرام	منتدى الـشعر	6	08-07-2007 09:58 AM
فضحني غلاك	بكيفي سعودي	منتدى الـشعر	7	14-06-2007 08:15 AM
اسمحي لي..............	الحب الكاوي	منتدى الـشعر	19	07-06-2007 01:05 PM
لو تعرف على قلبي غلاك	توتو	الاغاني	5	09-11-2006 06:24 PM
حبيبتي اسمحي لي بخونك من غلاك	احلاهم وبتحداهم	منتدى الـشعر	4	19-08-2006 09:22 AM