شوفوا في البريك شيصير في المدارس

[ست الغرام]

بسم الله الرحمن الرحيم
السلام عليكم ورحمة الله وبركاته
.
.
اولاً البنات :
اول ما يرن جرس الفسحة
- تشوف شلة بنات داشين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوته في اخوها الصغير امس ..

- كل ابنية تمشي وفي مخباها كافي واذاعطيتهاشبس تقولك : سوري .. انا مسوية ريجيم .. ( الله واكبر ) .. اول ماترد البيت على طول تسوي تليفون للدكان اللي على الشارع ..

- والبنات الاذكية البوحمص اول مايرن الجرس تشوفها داخلة غرفة المدرسات تبي الابلة تشرح لها الدرس اللي كانت رفيجتها غايبة فيه ..

- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..

- اما الاهم .. تشوف بعض البنات يستأذنون من الحصة قبل البريك بثلاث دقايق ويركضون للكافتيريا –يحجزون لهم مكان – واول مايرن الجرس الاكل كله مخلص مافيه الاعصير يتضاربون البنات عليه واخرتها يطلع خربان ......
خلونا من البنات وانروح انشوف شو يسووون الشباب في البريك ..

- تحصل واحد منهم راقد طول الحصة واول مايرن الجرس يدعي على اليوم اللي دش فيه المدرسة ( لان حلمه انقطع بسببهم )

- واثنين من الأولاد ينطرون متى يروح المدير اللي صار له واقف ساعةجدام الصف واول مايتحرك خطوتين يشلون شلايلهم وينطون من الطوفة ويشردون من المدرسةويمرون على كم دكان في طريجهم وبعد نص ساعة يرجعون المدرسة ..

- وشلةتروح ورا المدرسة ويتمون يدخنون لين ما يقولون بس وما امداهم يشفطونها الا واحدكشخة رايح يفتن عند المدير وما يوعون الا المدير حابسهم في غرفة الاحتجاز ويسوي تليفون حق ابهاتهم .

- اما واحد تشوفه فارش غترته على الارض ويكمل رقاده ( لان طول الليل مارقد يشوف فلم ويلعب سوني



ههههههههههه منقول لعيونكم ياحلوين

[قلب ابوها]

كككككككككك يعطيك العافيه ع الموضوع

[اكبر فخر للناس اني منهم]

ههههه يعطيك العافية

[بو عبد الرحيم]

خخخ ... خخخ.... خخخ.... ( عسى بس ما تكونين وحده منهم يا ست الغرام بس بصراحة أنا كنت واحد من هالشباب إلي نايم لأني قاعد أطالع فيلم في الليل )