حلمت بخطيبي السابق حلم غريب - ارجو المساعدة والتفسير

[dndsh]

عزيزتي وجه الشمس

ارجو ن تفسرلي حلمي الغريب بخطيبي السابق

حلمت ان خطيبي السابق جاء الى الاردن الى زيارتي علماً ان مقيم في مصر وذهبت انا وهو الى مدينة اربد وانا سكان عمان وجلسنا في مطعم ومقهى في فندق هناك هذا المكان زرته مرتين فقط ولكن لم ارى المكان بالتفصيل في الحلم بعدها ركبنا السيارة ولم انتبه شو نوع السيارة الي راكبها والمسافة من اربد الى عمان ساعةه تقريباً فأنا قلت مع نفسي واو الطريق طويلة وسأستطيع الكلام معه فجأة وخلال خمس دقائق وصلنا وانا استغربت كثيراً وانا اخبرتك ان المسافة ساعة كاملة واستغربت كثيراّ في الحلم بعدها وفجأة ذهبنا الى شركة في عمارة طويلة جداَ وكانت بدون مصعد صعدنا ونزلنا كثيراً للبحث عن شركة والعلم عند الله اسمها الحجاز او شيء شابه ذلك وكانت هذه الشركه من عدة طوابق ولم نجد المكان المحدد الذي كان يبحث عنه وفجأة قال لي لقد وجدته فقلت له اذهب لوحدك انا تعبت من صعود الدرج فذهب وفجأة دخلت على الطابق الارضي ووجدت ثلاث فتيات موظفات في نفس الشركه وسألتهم سارة موجوده فقالو لي سارة تركت العمل من زمان فسألتهم هيه كانت وظيفتها موظفة استقبال فقالو لي نعم عملت لمدة 3 سنوات موظفة استقبال ثم تركت العمل حظها كان دائماً يطلعهلها بالقرعة انها تكون موظفة الاستقبال (هاي سارة كان على علاقة معها انا ما بعرفها هوه حكالي عنها كان يحبها قبل ما يخطبني ، وسألت البنات كيف شكل سارة حكولي طويلة كتير حكتلهم معقول اطول مني لاني انا طولي 178 حكولي تقريباً اطول منك بشوي صغيرة فأنا استغربت وحكتلها متأكدة هوه حكالي انو سارة قصير القامة وهو بكره البنت الطويلة وكان يحبها عشانها قصيرة القامة وبعدها سألتها هيه حلوة البنت حكتلي يعني مش كتير وفجأة تحكيلي لأ حلوة وسألتها وين ساكنه حكتلي في الدوار السادس مع بيت جدها هاي منطقة راقية في عمان بجابن كافي كوستا علماً انو سارة مصرية وتسكن في مصر ولا يوجد في الدوار السادس كافيه كوستا ببل هوه موجود في مصر)وانا كنت كأني مدايئه بس مش كتير كنت حاسه انو تامر يبحث عن ساره هوه حكى بس احساس وفجأة اجت بنت من الثلاث بنات وحكتلي دينا تامر بحكيلك جيبولو ورق من السيارة وهو كان صافف السيارة بكراج العمارة تحت الارض فأنا حكتلها صراحه مش عارفة وين صفها بالزبط فتعالي معي ادور عليها لاني خايفة انزل على الكراج لا حالي فنزلت معي البنت ووقعت ثلاث مرات كانت الارض كأنها مبلوله وبتزحلق بعدها تغلبنا لا حتى وجدنا السيارة وكانت سيارتو نوعها ميتسوبيشي باجيرو لونها اسود ال بكونو الكبار والعالين ولونها اسود بس كانت اصغر بشوي من السيارات الاصلية ومكتوب على نمرة السيارة مش متزكرة الكلمة اظن عابرين القاهرة واستغربت كتير لا انو مغير سيارتو ولونها كمان وبعدها اخدنا الورق او ما بعرف وفجأة نزل هوه واخد سيارتو وحكالي دينا انا رايح انام في الفندق برجعلك فأنا ازعلت كتير لا انو ما اخدني معاه ولا اني عارفه طبعو انو ازا نام بنام كتير وما بصحى لا تاني يوم ، بعدها ارجعت على بيتنا كنا في بيتنا القديم الي كنا نسكن فيه من سنة او اقل ووجدت امي طابخه منسف وكان في موجو في طنجرة صغيرة بس الي بتزكرو اني ما اكلت منو.

اسفة اذا اطلت بالحلم ولكن احببت ان اكتب لكٍ كل التفاصيل بناء على طلبك


ارجو مساعدتي والتفسير
وشكراً جزيلاً لك مقدماً

[dndsh]

حبيبتي وجه الشمس فسرلي الحلم والله مقبوض قلبي من هذا الحلم وحابه كتير اعرف التفسير

[وجه الشمس]

قلبي
س الي اسمها ساره يبيها ويبغى يتزوجها ؟
س ماهي الظروف التي حالت خطبتكم ؟هل خطبك ثانيه ولا ايش ؟
س هل تفارقتم ورحل بالسيارة الي مكتوب عليها قاهرة ؟
س انشالله خير بس لين كتبتي حلم ولا فسرته ممكن يروح ورى اكتبي للرفع وللرفع لين افسره من عيوني ياقلبي واشكرك على كتابة الحلم بالتفصيل

[dndsh]

الي اسمها سارة كان بدو يتزوجها واهلو كانو مش موافقين وتركها وبعد شهرين خطبني هاد الحكي من شهر 5 السنة الماضية خطبني وكان تاركها الو شهرين وبعدها انقطعت علاقتو فيها ايام ما كنا خطبين طبعاً

ما رجع خطبني ثانية احنا من قبل الطلاق بشهر وعلاقتي منقطعه معاه

احنا ما تفارقنا بالضبط هوه ركب سيارتو وحكالي دينا انا رايح على الفندق انام وراجعلك

وشكراً كتير والله يوفئك وبعرف اني بغلبك معي بس اتحمليني .

حبيبتي وجه الشمس انا من شهر حلمت حليمين بخطيبي السابق واخونا ابو مره الله يجزيه الخير فسرلي وحكالي انو رح نرجع لا بعض بس ما صار شي . الاحلام موجوده بس من شهر ازا بهموكي برفعلك اياهم .

انا ماشي نفسيتي تعبانه بس هاي البنت ساره ما بفكر فيها لا اني بكره اسمع اسمها وهو حتى بطلت افكر فيه كتير زي زمان فا مش عارفه ليش حلمت فيهم .

[وجه الشمس]

الحلم خير انشالله ممكن لو رائيتي المسافه من الساعه 5قطعتوها في ساعه وربما يفسر والله اعلم بالفتره الزمنيه
الي الكلام صار من خمس شهور بس كونك تسألين عن ساره ويقولو تركت العمل يدل على تركها تامر او الي تبينه وقوعك وانزلاقك ممكن صعوبه في العوده لاكن سوف يعود بحول الله لاتيأسي لان السياره مكتوب عليها عابرين القاهره يعني لو كنتي مقهورة فسوف تعبرين الالم والقهر الي الراحه وربما كونه فالفندق يفسر بقدوم تامر او الي تبينه والله اعلم انا ابي اتابع احلامك عشان افيدك اكثر ممكن معلومات تهمك والله اعلم

[dndsh]

حبيبتي وجه الشمس الله يوفئك وينولك الي في بالك ويجزيك الخير دنيا وآخره ، وانشاء الله يفرج همي وهم كل المهمومين لا اني والله بعلم نفسيتي لسه زي العمى ، بس ممكن سؤال بعرف اني زودتها يعني في أمل انو هوه يرجع حتى لو كانت العلاقة منقطعه نهائياً ؟ طبعاً بناءً على هذا الحلم الي شفتو.

[وجه الشمس]

انا ممكن افيدك اكثر من خلال الرؤى الاخرى الي ترينها فيه انتي لاتقولي تعبتك لا تزعليني لان تعبك راحه
وعشان افيدك بأجابه واضحة راح اتابع حالتك وامر على احلامك وافيدك اكثر قلبي تسلمي على دعائك والله يجازيك خير ولو عندك حلم محرج والا جنس ارسليه عالخاص احلام الجنس لها دلائل قويه برضو والله اعلم

[dndsh]

انا السبت احلمت فيه حلم غريب قبل هذا الحلم بس كتير كان مخربش كانو كان نايم معي بس مش واضح نهائياً وما كنت ئادره اجمعو عشان هيك ما بعتلك اياه .
واليوم صاحبتي حكتلي انها حلمت فيه حلمين واحد حكتلي مش منيح فيه جنس بس حكتلي اكتر من هيك
التاني كنت انا وهيه طالعين على كافيه وكنا بين ناس كتير وهمه معنا وانا كنت مبسوطه كتير بين الناس
ما وضحتلي اكتر من هيك بحاول اعرف منها بكرا التفاصيل
وانا عشان ما اغلبك هلأ برفعلك الحلمين تقرأهيم العنوان الخطبه
وشكراً كتير الك حبيبتي وجه الشمس

[وجه الشمس]

حبي كبرى الخط 5 وراح افسر من عيوني يا قلبي

[dndsh]

هي كبرت الخط وتسلميلي حبيبتي انتي