شمووووووووس ... تفضلي قلبي بسرعه

[قطريه قمر]

منذو فتره بعيده شوي حلمت اني في مرر مظلم وفيه غرف جنب بعض على صوب اليمين واليسار مافيه شي طوفه وكانت واقفه ام الولد الي كلمتج عنه تبتسم لي وكان داخل راقد ولدها اخوو الي احبه وانا كنت لابسه قصير شبهه عاريه تقدرين تقولين قميص نوم ودخلت ابي ارقد وهي كانت واقفه برع تشوفني مع ولدها وانا اول ماشفته معاي في سرير واحد قمت الغرفه الثانيه وانا طالعه اشوفها ومستحيه منها رحت الغرفه الثانيه بعد حصلته جنبي وانا مستغربه شيبي هذا وليش امه راظيه ورحت الغرفه الي جنبها ورضيت انه يرقد جنبي وخليته يتقرب مني ويحضني وامه برع مستانسه استسلمت للامر الواقع وبعد فتره قمت من عنده يات امي خذتني ودتني حق الي احبه في مكان اشبهه بمدرسه وكان منور والناس حوله كثير اكلمه مايرد علي احاول اعطيه نظرات اللفت انتهباه لاكنه مو معطيني ويه كلش وانا اقول في بالي يمكن شافني مع اخوه وخلاص مايبيني ورجعت السياره مع امي لقيته قاعد ورى مع اثنين من اهلي وتمينا نمشي بالسياره اقول حق امي وقفي هني في دكان ابي حلاوه ابي مارضت توقف ودتنا بيتنا القديم وكان مظلم وفي شكل التماثيل على الارض وكنت جالسه على الدرج حزينه اشوف التماثيل على الي صار وهم الشباب كانو فوق الطابق الثاني كل مابي اركب لهم انزل اقول مب عدله بيقلون البنت مب ثقيله قاطه عمرها


* اخوو الولد الي رقدت معاه هو مايبيني بس اهله يبوني له
* وياريت تقولين كل شي ولاتخشين علي حتى لو كان شر
* السياره الي ركبناها سيارة اخوي حاليا
*اي اسئله ثانيه انا حاظر

[المحبوبه@]

خير رايت وشر كفيت باذن الله ياقلبي

[قطريه قمر]

ثانكس .....!!

[وجه الشمس]

قلبي الحلم واضح يفسر نفسه وانا بناء على طلبك بفصلة جزء جزء
انا تقريبا عرفتك زين وممكن لو عندي اسأله راح تكون عن الاسماء الي معك وهل تفكرين توافقين على اخوه وانا ما اعتقد انك تفكرين لانك تقومين من السرير الي منسدح فيه يعني رافضته ؟؟؟؟
المهم خذي التحليلل للحلم
انتي تعيشين قلق وربما مكتئبه تبين ترسين على بر وتبين طريق واحد يعبر بك بر الامان ومتشتته بين امرين حبيبك او الي بيكون من نصيبك وهذا تفسير الممر المظلم الظرف الي مظلم ومسبب لك قلق في نفسك والغرف الي يمين ويسار تشتت فكرك في امرين ومنتي عارفه الخير يعني الغرف الي على اليمين ولا انتي عارفه الي موخير وهو الغرف الي عاليسار (اوكيه) طيب نجي لنقطه الثانيه
امه جالسه صوب الطوفه (الجدار) وتبتسم يدل انهاتتمناش لولدها الي ماتحبينه بس كونك انتي كل ما انسدحتي في مكان تشوفينه قدامك (امامك ) يدل انتي رافضته رفض بات ولا تكنين له مشاعر حب لانك تحبين اخوه

انتي بترفضين مبدأيا شاب بيتقدم لك يا اخو الي تحبينه او واحد ثاني بس بيضايق حبيبك شعوره بانك ممكن تتخلين عنه بحكم سنة الحياه لانك حضنتي اخوه بس مو شرط الموافقه لانك تركتيه بعد الحضن موشرط الموافقه على اخوه ممكن اخو الي تحبينه وممكن شاب ثاني بس كونك تحتضنين يدل على قرلرك بالزواج من شاب ربما غير اخو فلان بس انتي ماراح تقبلين بالزواج ممكن كونك تحضنينه ممكن تقولين بفكر او شي زي كذا منه ولا من غيره وهذا يضايق حبيبك وبيزعله بحكم الغيره عشان كذا شفتيه زعلان بس بيرجع يتبعك ولا راح يتخلى عنك لانك شفتيه وراك فالسياره بس روحتك للمكان الي فيه تماثيل مرميه التمثال يفسر بحبيبك الي تحبينه ورافعه مرتبته مثل التمثال المجسم في حياتك لاكن سقوطه يدل انه مو ممكن يكون من نصيبك لانك كنتي في مكان مظلم وبحزن منعزله وكونك تقولين لامك يايمى ابي ها المحل ابي حلاوة ممكن انتي تقنعين امك في شي تستحلينه على قلبك بس في اختلاف وجهت نظر ربما بينكم وانتي ربما تبين تتحفضين بناء الموقف على عزة نفسك لانك ما طلعتي فوق لحبيبك لانك تقولين اخاف يقولون اني قاطه عمري عليهم ممكن شعور يخالجك تجاه مشاعرك الي تكنينها لحبيبك بس ممكن تحفظ لعزة نفس او شي ثاني بس بقائك اما التماثيل يدل على انك بتتذكرين حبيبك في كل لحظه كالتمثال المجسم لاكنه مو من نصيبك والله اعلم

[قطريه قمر]

مو مصدقه مستحيل قلبي يعورني
الله ينولني الي في بالي
دعواتج شمووس تكفيين
والله يجدم الي فيه الخير

..........

جعله في ميزان حسناتج بارك الله فيج
وجعل حياتج كلها نور ليتني عرفتج من زمان

[وجه الشمس]

آمين ياقلبي وشرف لي معرفتك