=- ألقاب اطلقت على -=
^(( ناصر بن فارس الفراعنه السبيعي ))^
شاعر الثقلين- شاعر الجزيره - شاعر العرب - شاعر الملاحمّ -
ملك الشعر - شاعر الارض - مارد الشعر - شاعر الأقصى -
سلطان القصيد -شاعر القرن - الشاعر المعجزه -
سبع الشعر ـ فرعون الشعر ـ شاعر مضر
***************
من أبياته
من صار لي في الرخا عبدٍ وانا عمه
........ لا جاء القسا صرت له عبدٍ وهو عمي
****
ياالغضي ما جيت ابارك لك على نيلك شهادة
..........جيت ابارك للشهادة نفسهـا ,مصافـح يدينـك
يا كبـر حـظّ الشهـادة فيـك يـا راعـي القـلادة
..........من يمينك أَخْذَت اللي مـا خذيتـه مـن يمينـك
****
قد علِمَت نجد والأرضون قاطبةً
.......... إني لأشعرُ من يمشي على قدَمِ
ناصر الفراعنة
قصيدة (( إلا بسم الله الرحمن )) *****
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][/web]
بسمك اللهم منزل سورة الاحقـاف والاعـراف منـزل(ن) (قاف)(كاف,ها,يا,عين,صـاد)"="عالم سر العباد ومهلك فرعون ذو الاوتاد عاد هل ارم ذات العمادومن بنـوا صخـرا بـواد
جيت لا حي ولاني ميت بين اقبلت بيـن اقفيـت احـط البيـت تلـو البيـت واشـد القيـاد"="جيت للحفل اعدي شهلول هملول بردي قامت يدي تصفق يدي طبعي لجيت ابغـى القصيـد
جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر"="ما زهمني غير بدر الشمري في الخامسة عصرا وجيت اجري جري بامر العزيـز المقتـدر
جيت خيروجيت شر سر ضر وحلو مر وبين كر وبين فر انفـذ الايعـاز الـى اليميـن در"="في مثل لمح البصر جيت العصر في حفل ابن خالد حفيـد القائـد الوالـد ولا نعـم الحفيـد
فيصل فيصل سمي السيف راع الكيف ريف الضيف برد صيف هيـف هيـف ليـس زيـف"="من هل المجد الأبي العود منهم والصبـي مرملـة سـود العبـي نزالـة القفـر المخيـف
فوق قين وفوق خف وكل كف فوق كف الصف تلو الصف لين اشتف مـن شـف شفيـف"="يوم تصرخ نارها هل من مزيدمسلسلينـه بالحديـد احمـر وريـد وكـل شيطـان مريـد
في سباق اليوم شفت الخيل خضب ليل راس وذيل قوم وقوم مـا بيـن النيـازك والنجـوم"="يا رمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرهـا جيـش مـن الرومـان قابـل مـن غـزاة التـرك قـوم"="وشفت منها اشقر تقل مشروب خولاني اشقر صخرة في راس عنقر بـل وذو عـزم شديـد
ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول"="والله يا لولا الرسن فوقه يحوفه يا نهار ارخى كتوفه ما تشوفه من عيونـك عيـن طـول
ما تقول الا شعاع الشمس في وقت الاصيل او سندس في جوف ليل مرصع جوهـر ولـول"="اسمه المرسول كنه بموية التبر مغسول اليا صهل كنـه يقول:انـا هنـا الغـوج الوحيـد
يقفي قفاية جبان ويقبل قبالة شجاع وكن ساقـه فـي سياقـه مـن مساقـه صولجـان"="لا عقاب ولا حمامة لا قطاة ولا نعامة مثل ابو زيـد سلامـة لاانتهـض وسـط المكـان
لا تنشر ما تقول الا رسول جا يبشر كن سرجـه فـوق مرجـه حـول درجـه طيلسـان"="جرتـه يـوم اتتبـع لا مثلـث لا مربـع كالخديـوي متربـع فوقـه الجوكـي مهـيـد
لا تعصب ثم تنصب ما تقول الا مقصب تاج كسرى ما تغصب عرض طول وطـول عـرض"="فزته فزة قريص مونس بالساق لسعة في سباق النخبة التسعـة يـرى ان الفـوز فـرض
كن تفتاله تفتـل روس رهبـان تبتـل ركزتـه حافـر وحافـر زلزلـت فـي كـل ارض"="تقل لا طوف حصان يقول له :هاه!اقتنعت اوكيه ثاني مـرة اعـرف قيمتـك علـم وكيـد
الله اكبر والله اكبر تصغر القالـة وتكبـر يكسـر العايـب ويجبـر يـا بـدر علـم بـدر"="الله اكبر والله اكبريقبل العايـل ويدبـر يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در"="جت بي امي في رماده وارضعتني في حماده يا نميـر بن(ا)عبـاده جـدي الشاعـر لبيـد
من وانا حي نسوني وفـي عباتـي كفنونـي هـل اذا مـت اذكرونـي لا ورب العاديـات"="لا ورب العاديات الضبـح رب النازعـات الغـرق رب الناشطـات النشـط رب السابقـات
والله لو عندي فراغ ان قد رسمت الشعر صاغ وجبت ما لا جابه(و)اهل العصورالماضيـات"="مير اشغلني الزمان وضرب أنس عند جان وعشرة راحـت ثمـان وصـرف عبـاد عبيـد
شاعر من خلقته ما قد شحذ بالشعر قرش ولا طلب في الارض عرش يموت قبل يقول (ابي)"="من خلق ما شال هم الا ثنين ابا وأم الموت عنهـم بعـد (كم)ورضاهـم اقصـى مطلبـي
ولا هالدنيـا متـاع فرحتيـن ثـم وداع القبـر بـاع فـي ذراع ولا جهلـه الا غـبـي"="نفخ صور ثم نشور من قبور ثم سعادة او دبـور المسعـد اللـي ذالـك اليـوم(ا) سعيـد
ملاحظة : هذه بعض قصائد الشاعر ويوجد أكثر من ذلك بكثير
أتمنــــــى أن تحــــــوز عـــلى رظـــــــــاكم وإعجــــابكم
10-01-2008, 04:07 PM
مجموعه من قصائد ناصر الفراعنه السبيعي ((رووعه)) 
رد: مجموعه من قصائد ناصر الفراعنه السبيعي ((رووعه)) 
[/IMG]
العرض العادي
