كيف نحل المشكله بمشكله اكبر(للفائده)

[حلمي الشارد]

[size=6]البيوت أسرار وبلاوي


[ونحن في حياتنا اليومية نتعرض لمشاكل كثيرة
وأنا من (( طيبة قلبي)) حبيت اجمع لكم أكثر المشاكل إزعاجا
وأرفق معها حلول لها
# أكيد أن مافي بيت مافيه جدار والأكثر تأكيد أن مافي جدار يخلو من بقعه شنيعة
والأم هي المسكينة تقعد تدعك الوسخ بكل أنواع المنظفات لدرجة إنها ممكن تفقد الأمل
فتقعد تبخ عليها بف باف
ليش بدل هالتعب ماتروح اقرب استديو وتتصور وتأخذ الصورة وتبروزها
وتحطها مكان البقعة وإذا احد قال سلامات وشو له حاطين الصورة هنا ماعليك
الا أن تقول( حركه )

# بالنسبة للي يستعملون سررهم مكان لقضاء حوائجهم يعني يأكل ويشرب عليها ويحل واجباته 000الخ
فطبيعي إنها بتحفظ بشي من اللي سويته عليها للذكرى
فمثلاً كنت تشرب شوكلاته ساخنة " أكيد بتقولون وش سر الشوكلاته لأني ما أحس بطعم الشوكلاته الا ع السرير"
بدال ماتروح المغسلة وتدفع فلوس ويقولون بعد يومين واحتمال يقولون والله ضاع ماعليك الا أن
تأخذ أكواب من الشوكلاته وتسكبها على اللحاف بشكل عشوائي وإذا سألك احد وش ذا؟؟
ماعليك الا أن تقول : (وش عرفكم بالفن)



# هذي نقطه مهمة للي يسوون رياضه أو للبنات العربجيات اللي يسوون جاكي شان على إخوانهم
وينشق البنطلون في لحظات الحماس فبدل ماتروح لامك وتقول خيطيه
وتقعدون تدورون ابره وخيط وقد تضطر انك تروح تشتري خيط نفس لون البنطلون ماعليك الا أن تلبس سروال داخلي نفس لون البنطلون
وخلك ساكت لان ماحد بيلاحظ



# هذي مهمة للرسامين في حال دخلت جو في الرسمه وخانك قلم الرصاص وانحرف عن مساره المطلوب
بدال ماتروح وتقطع الجو اللي كنت داخل فيه وتدور مساحه أو تتعب حبالك الصوتية وأنت تنادي احد عشان يجيب لك مساحه
ماعليك الا أن تلعق سبابتك وشبعها باللعاب وتضع إصبعك مكان الشيء اللي تبي تمسحه
ولكن انتبه لاتكثر كمية اللعاب عشان ماتتمزق الورقة




# بالنسبة للي ماعندهم دخل مادي ومتأزمين من جوا لاتهم مثلاً عنده ( الدمعة) وطموحهم ( N95)
وماودك الناس يقولون ياااااااااااااااااه انت باقي ع الدمعة
بدال ماتقعد تجمع وعلى بال مايجتمع عندك المبلغ المطلوب قد الجهاز اللي تبيه راحت موضته
لاتخاف عندي لك حل روح مكان تغليف هدايا وقول للي هناك أبيك تبدع فيه
خله يحط ورود خنافس خرابيط أي شي أهم شي أن معالمه تختفي تماماً
وشوف يوم يصير كل الناس يناظرون جوالك وشوف كم واحد بيجي يسألك وش نوعه هالجوال


( هذي بعض المشاكل وأكيد فيه كثير غيرها ولا تقول عندي مشكله بس مالها حل كل شي له حل انت بس حك صلعتك شوي وبيجيك الحل وإذا ضاقت عليك هنا ماعليك الا أن تتواصل معي وتطلق مشكلتك من دون خجل
ولك مني ابسط الحلول ) ودمتـــم
ســـــــــالميـــــــــــن

[مغرومه ومهمومه]

الله على الحركات
مشكور

[miss_siwar]

ههههههههههههههههههههههه
مشكور اخييييي تسلم

[حلمي الشارد]

يعطيكم العافيه
ومشكورييييييييييييييييييييييييين ع المرور
ونردها لكم في الافراح