قصة ميار بنت الرياض

[مالكة الإحساس]

أعمى ولكن

لاأحلل من ينسب القصة له او يحرف مافيها
............

قصة قد تكون قريبة من الواقع
قصة تتطرق لمواضيع جريئة
وحزينه لنعلم فقط كيف يكون الإنسان أعمى البصيرة مع انه يمتلكها ويشاهد فيها مايرضيه أو مايرغب فيه فقط لاغير
وتقبلو فائق تحياتي
للكاتبة ميار
أبطال القصه

عائلة أبو تركي...

ابو تركي متوفي من 7 سنين بالمرض الشين وكان مطلق ام تركي من زمان من 18 سنه
أم تركي عمرها 45 مثقفه جدا
تركي عمره 28 خريج علوم إدراه ويشتغل في شركة ابوه المرحوم جاد في عمله وحياته وسيم بس مهمل في شكله
نواف عمره 25 يدرس طب تخصص جلديه مرح جدا محب للحياة متفائل وسيم وأنيق
ونسيت أقولكم انهم عائله حبوبه ومتواضعه وربي منعم عليهم خير...

عائلة أبو سامي...

أبو سامي عمره طاق الـ60 متقاعد ومديون ويلقب بـــ أبو البنات
أم سامي عمرها 50 وهي أخت أم تركي
سعاد عمرها 36 متزوجه وعندها 4 أولاد
ساره عمرها 34 متزوجه وعندها 5 بنتين و3 أولاد
سحر عمرها 30 متزوجه بس ربي مارزقها بعيال
سمر عمرها 26 معيده وماتفكر نهائيا بالزواج
نوره عمرها 22 ذكيه وجميله ومغروره
سامي عمره 20 أنواع الدجه وباقي عليه يفحط في الثانويه

..........................................
الجزء الأول
الفصل الأول
مع الفجر مع النوري وحين يقوم عصفوري
صحى نواف على صوت المنبه بعد كم غفوه من النوم بكل تكاسل
وتحمم وراح صلى الفجر وهو طالع من غرفته قابله أخوه تركي وبعد مارجعو من الصلاة رجع نواف لغرفته يكمل نومه
أما تركي راح لـأمه

تركي السلام عليكم
أم تركي وعليكم السلام
تركي وش تسوين ياام تركي
ام تركي ابد صليت وتسننت
وهذاني جالسه ودي يجيني النوم
تركي اجل تدرين ابروح انام واتركك يايمه على شان تنامين نوم العوافي
ام تركي الله يعافيك

الساعه 8 الصباح يصحى تركي على شان الدوام
اما نواف ماعنده وقت محدد
طلع نواف الساعه 10 الصباح وراح للجامعة وأول ماوصل الجامعة
نواف هلا فيصل وينك
فيصل في الكفتريا تعال
نواف صباح الخير والإحساس والطيبه
فيصل وش عنده
نواف لازم يكون عندي شي
فيصل لا بس مستغرب الرواقه الزايده
نواف اسمعني عاد لاتقلب يومي نكد
فيصل بس بس ماقلت شيء وانشالله دوم مو يوم يالغالي
نواف تسلم وش افطرت
فيصل شربت قهوه
نواف على الريق
فيصل ايه وتعرفني ماأقدر أكل شي على طول
نواف لا وبيصير دكتور طيب اشرب عصير تفاح برتقال كلها منشطه
فيصل صه ولا كلمه
نواف عجيب امرك
فيصل سكت وجلس يقراء الجريده
نواف اقول يا فيصل وقت المحاضره
فيصل قم أجل نروح لانتأخر والدكتور مايصدق
نواف ههههههه والله انه مابقى دكتور ماحقدت عليه
وهم داخلين الى والدكتور يدخل معاهم
وبدت المحاضرة

تركي في الدوام لا تغيير هذا حاله معاملات واوراق وحوسة شغل
الساعه 2الظهر يرجع تركي للبيت ويتغدا مع امه اما نواف يتغداء لحاله

وصل نواف الساعه 4
ودخل السياره وهو نازل من السياره شي اجبره انه يرفع راسه لبيت الجيران
نواف ياربي هذي ماتمل انا بقول لمي اليوم على شان أحط ساتر

ومرت شهور وتخرج نواف من كلية الطب قسم جراحةوتجميل
وام تركي جالسه تتقهوى هي وعياله
نواف اقول يمه
ام تركي امر
نواف اسمعي انا بصراحة بصراحة وكان نواف مره متوتر
تركي يناظره من طرف عين
ام تركي تكلم يانواف وش فيك
نواف بصراحة انا ودي ورفع راسة من الارض وشاف تركي ونظرة الاستهتار عليه
نواف خير خير انشاالله وش هالنظرات يعني ماعمرك شفت واحد يتكلم
تركي اخذ فنجاله وتقهوى ولا كان نواف يتكلم وهذا حالهم اصلا
نواف اسمعي يمه ابسافر اكمل دراستي برا
تركي شرق بالقهوه
نواف بسم الله على قلبه
تركي بينه وبين نفسه مابغيت
نواف وش قلتي يمه
ام تركي بعد ماتغير وجهها مادري الي تبيه سوه
تركي انا اقول يسافر احسن على شان مستقبله واستشاري احسن من طبيب
نواف عارف انه مب لله بس ميخالف وش قلتي
ام تركي انت استخر ربك وشف
نواف انشالله

من بكره كان نواف جالس مع امه وتجي الخدامة ماما تلفون
ام تركي مين
الخدامة ام سامي
ام تركي جيبي التلفون بسرعه
الخدامة تفضلي ماما
نواف يطالع التلفزيون
ام تركي بلهفه هلا هلا وغلا وينك يالقاطعة
ام سامي ههههههههههه لاوالله مادري من القاطع
ام تركي وش اخبارك وش اخبار سامي والبنات
نواف اول ماسمع طاري البنات جدع اذنه
أم سامي الحمدلله انتي وش اخبارك وش اخبار العيال
ام تركي الحمدلله تركي ونواف كلهم بخير
ام سامي تعينت نوره مدرسه
ام تركي لا والله مبروووك وين تعينت
ونواف منسجم من هي اللي تعينت
يارب سمر >>> على باله مايدري انها تحضر الدكتوراه مسكين
ام سامي اللي مضيق صدري انها مو عندنا برا الديره
ام تركي لايكون باخر الدنيا
ام سامي لا لا تعينت بالرياض عندكم
ام تركي والله الله يحيها عندنا والله هذي الساعة المباركة
نواف باين على وجهه الوناسة بنت ببيتنا والله اللي اببطل السفره ويموووت قهر تريك انا اخلي الجو للتريك يخسى والله
ام تركي متى تجي
ام سامي بعد كم يوم
بس مااوصيك عليها تراها برقبتك
ام تركي لاتوصين حريص وهي تناظر نواف اللي باين عليه انه متشقق من الوناسة (وبينها وبين نفسها الله يعين هذا وهي مابعد جت الله يستر)
ام سامي اهم شي نواف يبعد عن بنتي اعرفه
ام تركي ههههههه لاتوصين حريص
يالله مع السلامة
نواف وش السالفة من اللي بتجي عندنا وتعينت مدرسة
ام تركي بنت خالتك
نواف تكلفتي يمه ادري انها بنت خالتي اي وحده
ام تركي الله يسترمن هالحماس
نواف سمي
ام تركي لا نوره تعرفها
نواف من هي نوره هي عندها وحدها اسمها نوره؟
ام تركي هاه وش هالكلام نوره اصغر وحده من أخواتها
نواف بعد ماتذكرها
وععع وليش هذي وين سمر
ام تركي عيب عليك وهي مبسوطة انه مايفكر فيها
نواف تدرين يمه اني في حياتي كلها انا وتركي ماتفقنا الى على شي واحد
ام تركي مستغربه زين وشو هالشي انشالله خير
نواف نوره
ام تركي وش لون ماني فاهمه شي ووجهها صاير مثل اشارة المرور
نواف اقول بنت اختك هذي اتذكر كانت مغروره منتهيه وكان تركي يكفخها لين تقول آمين وبعدين يجي دوري ويضحك
ام نواف >>>> ياحسرة عمري هذا اللي اتفقو عليه عيالي
ام تركي اقول البنت مدرسة اللحين وماله داعي هالكلام
نواف طيب يمه استأذن
راح نواف لغرفته وهو يفكر في سمر الله عليك ياسمر وينك ولا هالكريهة وش جابها

في الشرقية
نوره وسمر يسولفوون
نوره وانا ماتعينت الى في الرياض عند العن اثنين
سمرهههههههه الله يعينك
بس كبرو اللحين تركي خريج علوم إدارية ونواف دكتور
نوره نعمممممممممم نواف المغازلجي دكتور
تمزحييين اكيد تمزحييين
سمر وبربي لا
نوره دكتور ايش
سمر سمعت جلديه
نوره وطبعا اكثر المرضا حريييم
سمر وش علينا منه
نوره اي والله وش علي منه
جلست سمر تتذكر نواف وكان كلما شافها يعطيها ورده
ونزلت دمعه حاره على خدها انا مستحيل افكر في رجال مستحيل
اما نوره حالتها حاله تتذكر كل المواقف اللي صارت لها
لما حطولها مسهل في العصير
ولما نواف قصص فستان العيد وجلست في الغرفه ماطلعت لأحد
ولما كانت بتروح لزواج اختها وكبو عليها مويه بعد مالبست
والموقف الصعب لما حطت راسها بتنام الا وشي يمشي في السرير عليها وتطلع حيه
الله يسترر يارب
...............
الفصل الثاني

الساعة 4 الفجر دق جوال نواف
نواف ياربي وش ذا
ويرفع الجوال يتصل بك
ابو خالد
ويرد نواف نعممم
وليد نعم الله عليك صباح الخير
نواف يصبحهم بالنور امر وش عندك
وليد افففف وش دعوه هذا جزاي اني داق عليك ابقولك تخاوينا
نواف قام وفز من النوم ويننننن؟؟؟؟
وليد ههههههههههههه ماني قايلك
نواف لا عاد تكفى ياله انقلععععع
وليد لحضه لحضه رايحيين للشرقيه تخاوينا
نواف اوكي متى
وليد الحين
نواف خييرررر وداق ليش ماعطيتنا خبر قبل كم يوم
وليد وانت حرمه
نواف لا أقول وشلون أمرك ولا تمرني
وليد لا تعال أنت
نواف دقايق وأكون عندك يالله بااااياااات
أخذ نواف شنطته وأخذله كم غيار

في نفس الوقت كانت نوره تتقلب في فراشها مو جايها نوم وبيني وبينكم ماألومها لانها بتترك بيت أهلها
وصل نواف عند وليد بعد 5 دقايق
وليد هلا والله أخيرا جيت مابغيت
نواف ويناظر الوقت ومستغرب
وليد أمزحح أشفيك جدي
نواف لا عمي اقول فكنا وين الشباب
وليد افاااا مامليت عينك
نواف مليانه وشبعانه وينهممم؟؟
وليد أنا وأنت من تبي بعد؟؟
نواف نعمممم أنا وأنت!!
وليد ايه أنا وأنت فيها شي اذا رحنا للشرقيه ومرينا على البحرين شوي
نواف لا مافيها شي فكره حلووووه صراحه يالله انقلع
وليد افااااااا
نواف امزححح وش فيك عمي
وليد هههههههههه
نواف مشينا
وليد مشينا

وصلو الشرقيه الصبح الساعة 7
في نفس الوقت كانت نوره لابسه عبايتها بتجي للرياض
نواف يا الله على البحر
وليد من زمان يانواف ماجلسنا مع بعض من أيام النادي والثانوي

واللي ماحد يعرفه منكم ان نواف كان عايش مع ابوه لما أنفصل عن امه ولما مرض ابوه راح يتعالج ببريطانيا
وكان يزور امه في الأعياد بس
وتعرف على وليد في النادي

ترقبو بقية احداث الفصل الثاني
يتبـــــــــــــــع

[ميوية]

مشكورة ريانة
وننتظر الباقية

[مالكة الإحساس]

شاكره مرورك

[soosoo7007]

مشكوره بس ويييين الباقي
تحياتي لك