نفس ملامحه.........؛
نفس الضحكة اللي أنا عاشقها
مابيفرقش كتير عن صورة.......؛
كنت زمان لعنيه رسماها
نفس اللون إللي إتخيلت إنه هيختاره ونفس اللحن
بتبسمله في وسط الزحمة......؛
لكن خايف تبان في عيوني ملامح حزن
بيبصلها.........؛
وبيهديها رقصة حلمت ارقصها معة
هو أكيد مش قاصد يجرح.........؛
لازم فاكر إن الماضي خلاص ناسياه
ناسيه العشق وناسية إمبارح
إلا العهد إلللي قطعناه
"إحنا مجرد حلم جميل......."
"إحنا رواية ومابتكملش........"
"هنعيش فيها وهنقبل كل التفاصيل"
إتمنيت لو أقرب منه وأهمس ليه......؛
"مين قال القصة ماكملتش؟؟"
"حلم بأكتر من كدة إيه؟؟"
"إنت لقيت أرض هتسكنها.......وانا عاشقاك"
"بكرة فاتحلك كل ضلوعى.....حتي إمبارح لسه معاك"
"فاكر لما زمان حلفتك تبقي سعيدة؟!!؟"
"لو حتي هتبعد عن قلبي..........؛
بس بشرط........؛
إنك تبدا عمر جديد"
وأنا بتخيل صورة لبكرة
وإنت بتوعد إنه أكيد راح يصبح أحلي
وإني اكيد هفضل سكناك
فاكرة لما وعدتك إني.......هفضل عاشق
وهستناك
انا والقهوة وحضن كتاب........؛
أول مرة قريته معاك
هستني معادك من تاني
تسرق من وقتك والزحمة........؛
لو حتي دقايق علشاني
وإني أكيد هتجمل وارمي........؛
من أيامي سنين منسية
ضاعت مني....؛
وانا لمعادك مستنية
واجري وأقابلك.......؛
وأتمني أضمك لحناني
بس أخاف تترد لما.......؛
وبشوقي تفاجئك احضاني
بس هنقعد زي ما كنا......؛
نفس الشارع..........نفس مكانّا
نحكي كتير عن عمر مسافر..........؛
واللي إتحقق من أحلامنا
وهتتامل زي العادة..........لون فستاني
وهتتعجب من تفاصيلي ومن ألواني
وهتتأمل نفس الخاتم اللي زمان كان عاجبك عندي
وهتسكت لثواني ونحلف..........؛
إن إنت بتشتاقلي في بعدي
وبإيدي اللي الخاتم فيها...........؛
همسك إيدك
وهقولك:::هفضل علي وعدي
وقت ماتحتاجني هتلقاني
وأسرح تاني
وأما هتسأل ليه سرحانه..........؛
هبكي واقولك.:::
إوعي تكون مش راجع تاني
هتطمني إنك راجع مهما هنبعد
وهنشرب فناجين قهوتنا بعد ماتبرد
وهنحلم بمعادنا الجاي........؛
وهنتعجب من أشواقنا....؛
رغم البعد ولسه بنوعد
وهنتفارق عند رصيف مش راح ينسانا
هنودع وبنفس الكلمة..........؛
اللي أكيد هتعيش جوانا
وأرجع وأستناك م الأول
وأتمني بعادك مايطول
علشان أرجع أشوفك تاني
وأهرب من حزني وأتجمل
.......................
......................
ياااااااااااه
كل ده بتمني أقولهوله وبسرح فيه
وإتمنيت لو أقرب منه وأهمس ليه::؛
"إن طريقي الصعب بدأته..........إن الوعد قدرنا عليه"
....................
...................
إتأملت عنيه في سكوتها.........؛
لكن لعنيها بتتكلم
وأنا بضحك وكأني بقوله:
"إوعي تخاف أنا مش بتألم"
"كمل لوحه عشقك وإرسم"
"إحلم وإوعد.........."
أنا مثلت الدور ببراعه.......؛
بس فاضلّي اّخر مشهد
قبل ما أسيبله ضلوعه وأبعد
لازم بعد سكوتي اتكلم
وأقرب من إيده وأسلم
وألمس عشقي لاّخر مرة
وهحاول وأتخيل بكرة........؛
بكرة صحيح أبعد من غيره.........؛
بس هيرجع..........؛
هو وعدني ببكرة أكيد......؛
بعد ما أسلم..........؛
هطلع برة النور والزحمة وهمشي بعيد
بعد ماهنطق اّخر كلمة::؛
"بتمنالكم عشق سعيد
21-01-2008, 04:25 AM
عشق 
العرض العادي
