الى وجه الشمس حلم بالحلويات

[dndsh]

السلام علكم ورحمة الله وبركاته

شموس حبيبتي بالاول انا من قبل ما اخطب ب 5 شهور وانا كل ما يسير عندي اشي يزعلني ويبكيني اكون قبلها بيوم بالزبط حلمت اني اكنت اكول حلويات وبالذات كيك ولازم ازعل ابكي بس ما بكون مصيبه كبيرة الحمد لله يعني الكل بحكيلي انو الحلويات والبكاء بالحلم خير انا لازم ابكي وراهم وصرت انتبه من اول ما خطبت كل ما كنت احلم اني اكل حلويات تاني يوم يسير مشاكل بيني وبين خطيبي السابق وابكي وامبارح حلمت اني باكل قطعة كيك كبيرة وخايفة وهلأ رح احكيلك الحلم بالتفصيل مع اني مش فاكرة كل تفاصيلو بس رح احاول اعطيكي رؤوس الاقلام

فاكرة سلام الشب المسيحي الي كنا نحب بعض ولما ئدر يسلم وقطعنا الامل سيبنا بعض مبارح بالليل اجى ببالي قبل ما انام وحلمت فيه

زي بدو ينام معي بس مش لائيين منطقة ما في ناس عشان ناخد راحتنا وين كنا في منطقة فيها تراب وفيها اعشاب ومناطق غريبة اول مرة بشوفها بحياتي المناطق وكل منطقة بكون فيها ناس وفجأة زي انا دخلت على الحمام وطلعت لئيت سلام جالس مع اختي ريما زي بكافيه بس هيك شكلو قديم وبياكلو كيك قطع كبيرة كتير وانا ما ائبل اكل حكتلهم ما بدي شكراً وزي رحت مكان مش فاكرة بالزبط وارجعت لئيتهم بياكلو بنفس الكيك على شكولاته وحكولي كلي كتير زاكي وفيه بسكويت وللأسف اكلت معهم وعجبني طعمو وبس وانا يا شمس بتشائم بس اكل حلو وبخاف لا اني لازم ازعل بعدها والله يستر وعالعموم انا صاحيه منكده وعيطت شوي لاني كنت افكر بالماضي وبالخطبه

وجزاك الله خيراً يا وجه الشمس يا نوارة المنتدى والدنيا

هاد الحلم من يوم السبت وارجعت مبارح احلمت اني باكل كيك مرة تانية وانا خايفة لاني بعرف اني لازم ازعل وابكي بس الحمد لله ما صار شي لا هلأ

كنت انا وصاحبتي دانا جالسين في مكان هوه كافتيريا بس في مدرسة او مطعم او اشي تاني مش عارفة ومقابلي صاحبتي ندين جالسه هيه وكمان بنت مش عارفاها مين هيه وكان امامهم صحن وفيه قطعة كيك كتير كبيرة ومليانة شكولاته وكانو ياكلو فصرت احكي انا ودانا انو شوفي ما اقل زوقهم عم ياكلو وما عزموا علينا انا ناكل معهم وفجأة صار صحن الكيك امامي انا ودانا بس كان مأكول من الكيكه وصرت اكل منها انا ودانا .

دانا عمرها 26 وعزباء بتشتغل
ندين عمرها 24 سنة وعزباء كمان وما بتشتغل

[وجه الشمس]

ليش حاطه في بالك ان الحلو نكد هذا غلط لان الحلو محمود فالاحلام

هل انتي مقبله على مشروع سفر؟

ندين اقبلت على امر دون مشاورتكم انتي ودانا ؟بعدين كلفتكم؟
او تصرفت تصرف فيه قلة ذوق ولم تبالي بكم؟

[dndsh]

كيفك يا احلى شموسه بالدنيا ويا نوارة المنتدى انتي

لا انو اكتر من عشرين مرة يا شموستي وكل احلم اني باكل حلو ابكي وازعل

انا مش مقبلة على مشروع سفر ويا ريت اسافر

ندين ودانا ما بعرفو بعض

لاء ما اقبلت على اشي لا انها اصلاً ما بتحكيلي كل شي عنها

ندين مرات انا بدايأ منها برن على جوالها وما بترد فا بدايأ منها وبحكي عنها ئليلة زوء

[وجه الشمس]

الكيك دال على السفر وممكن احتمال اخر يدل على

من كان في خير او شر وانفصل عنه عاد اليه لان اوله كآخره انا اتوقع لانك تكلمين نادين مابترد تتلقين منها عزومه او اتصال لانها قدمت الكعك وعادت لك والله اعلم توقعي الاحتمالين

[dndsh]

بتعرفي وجه الشمس ممكن انو الحلو يدل على سفر لا اني من قبل ما ابدأ اسافر على مصر واخطب بلشت احلم بالحلويات من بعد ما فسخت الخطبة بطلت احلم بس ارجعت احلم من جديد بالحلويات وانشاء الله اني اسافر لا اني كتير حابه اسافر

بس ما فهمت عليك حبيبتي هاي الجملة :

من كان في خير او شر وانفصل عنه عاد اليه

وجزاك الله خيراً

[وجه الشمس]

يعني لو كنتي تبين تسافرين ولا قدرتي لسبب ترجعين مره اخرى للسفر هذا على سبيل المثال او لو قاطعتي ندين ترجعين تصالحينها برضو على سبيل المثال عرفتي تدل على العوده للسفراو الامر الي منقطعه عنه في خير ولا في شر لاقدر الله لان الاسم كيك اولها حرف ك واخر الكلمه حرف ك كانه بداية ونهايه نفس البدايه والله اعلم

[dndsh]

جزاك الله خيراً وما يحرمني منك