وجه الشمس

[شذى السعودية]

بسم الله الرحمن الرحيم

لو سمحتي اختي وجه الشمس فسري لي حلمي ولا عليك أمر


الحلم هو ,,,
حلمت انني كأني في مبنى الدراسة وكأنني متزوجة من أخو صديقتي التي بالواقع والذي هو متزوج اخرى بعد ان طلق زوجته الاولى المهم كان فيه شي مضايقني هل هو مانعني من شي ماأذكر المهم كنت أبكي بحرقة في الحلم وقلت لازم أقول للمرشدة الطلابية ورحت دقيت على باب غرفته وكانت لابسه تبي تصلي بس اول ماشفتها قلت خلاص ورديت ماقلت لها المهم وانا راجعه من عندها كان فيه محاضرة عندنا ودخلنا القاعة ( الفصل ) وكنت ابي اخذ شي اتوقع انه منديل ( كلينكس ) او ورقة مو متذكرة بالضبط ايش كان لكن المدرسة رفضت وماخذيته بعدها لمن رديت كانت وحده معصبة تقول وش فيها اذا كنت بكندا انا ماتغيرت طباعي تقصد انها ماشية على عادات بلادها ( البنت هذي في الواقع كانت من مدرساتي) بعدها كان فيه مكان يدرسون فيه اجانب يعني جزء من مبنى واتوقع ان الجو كان مطر وهم كانوا برا ....ولما خلص الدوام جيت انا واختي خارجين من المبنى نبي نرجع للبيت وانا ارجع بيت زوجي وكأنيي اعاند مادري كيف لبسي تغير وصار بنطلون وردي ولبسنا العبايات انا واختي وطلعنا ( كأن المبنى بيتنا القديم بالواقع اللي اهو بيت عمي الحين ) طلعنا من الباب علشان نركب السواق لكن اختي مرت تسلم على بيت عمي وكانت متغطية ومحتشمة وانا كانت طالعه قلت من الباب الثاني لهم بمر واسلم قبل اروح فقالت مرة عمي وش فيها وكنت وانا طالعه شايله شنطتين على اليدين يعني سلمت على بنت عمي اللي اهي بالواقع صارت زوجة اخوي وابتسمت قالت لي كلمة كانها تسألني عن زواجي قلت لها ايه تدرين اني ماعرفه ولو يدخل علي اخوه عادي ماراح اعرف من هو اخوه والا هو من باب اني ماشفته..ركبت السواق ودخلت ركبت اختي قدام وانا ورا وعبايتي مفتوحة كنت ابيهم يشوفون البنطلون يعني عناد ولما وصلت وجلست كنت اقول في نفسي بيعصبون لاني بنزل اول وحده ونزلت بنت بعدين السواق خلا السيارة تسوق وجاء يسال عن حسابه اتوقع كانت مرسلته وحده بالسواق حامل يجيب بطاطس لاطفالها المهم انفك البطاطس وصار ياكله وانا مستغربة واضرب اللي بجنبي وبعدها قالت لي زوجك (مانع) قلت لا اسمه ( صالح ) قالت ثلاثة على بالي اولاد فاستغربت قلت لها مالي الا ثلاث شهور ولا اعرفه لو يدخل اخوه ماعرفت هو والا خوه نفس الكلام اللي قلته لبنت عمي قالت لي تعرفين هنادي قلت لا ماعرفها عايلتهم كبيرة وماعرفهم وصحيت وانا لسه بالسواق ( سيارة ) بس كنت قريب من بيتي اللي هو بيت الرجال في الواقع اللي هو اخو صديقتي ...

الحلم كان بعد ماصليت الظهر ..عزباء 26 سنه مش موظفة متخرجة بكالوريس
وأختي تمت ملكتها قبل أسبوعين
الرجال في الواقع متزوج بعد ماطلق حرمته وحالتهم ماشاء الله وعنده من الاولى بنت ومتزوج الثانية ومرتاح معاها وصديقتي بعد متزوجة..

[شذى السعودية]

ولا عليكم امر حلمي فسروه لي