السلام عليكم ورحمة الله وبركاته

[يتيم الدهر]

السلام عليكم ورحمة الله وبركاته
هلا والله وغلا .. باحلى اعضااء

===>> مو كلكم حلوين طبعا .. بس احب ارفع المعنوياات ..

انا اليوم صحيت من النوم وقعدت افكر .. لين راسي صدع ..
قلت احط لكم هالموضوع وابيكم تجاوبون بصرااحه يعني عطوني راايكم ..

لاني تعبت وانا افكر .. عاد ما ترضونها لي اني افكر لين يصدع رااسي !! ===>> لوول

المهم يلا الله يعين اابعي على الطقطقه على الكيبورد !!
ندخل بالموضوع ..

^
^

فيه مقوله اشتهرت عند اغلب الناس لا شفت البنت اعرف ان الفساد جايك
مادري هالمقوله من الي تكرم واطلقها بس الي انا مو فاهمته هالانسان هل قالها وهو بكامل عقله او لا يعني يبي يفهمنا ان الرجل لا يفسد الا اذا كانت البنت ورائه يعني بسم الله على شبابنا اخلاقه عاليه بس بمجرد ما يتعرف على بنت تخرب اخلاقه ليه البنت هي الي تحط انها سبب كل شي وان الشباب هو الحلم الوديع الي مايسوي شي غير انه يتأثر بها الوحش الكاسر البنت

وهذي بعض الامثله يعني من الوااااقع ...

..الخيانه والغدر اذا سألت اي شاب عن سبب الخيانه في المجتمع قالك البنت هي راس الخيانه وانها غداره يكفي انها خانة اهلها وكلمتني طيب لو جينا للحق هل البنت هي الي راحت اطامر وراك وقالت تكفى خذ الرقم وكلمني بديهي لا فيه بنات يكونون مايعرفون عن هالسوالف شي وصدفه يتصل واحد على جوالها وينشب لها الين اطيح على وجهها وتكلمه هاااه هنا من الحلم الوديع البنت او الرجل بعد فتره طبعا يمل الشاب ويتركها في همومها واحزانها تعاني الهجران وخيانة هالشاب وادور غيره بس مو هي الي تكلمه لا نفس الحركه شخص يتصل عليها ويزعجها وطبعا عندها خبره في هالسوالف وتمشي معه هنا من الي بداء لاتقولون البنت يعني الزبده في كل الحالات البنت مستحيل تبدا في شي الا ورأه شاب لطيف بريء يجررها الين تطيح في هالبلاوي والنهايه يقولون البنت غداره والبنت خاينه

تقولون البنت السعوديه او غير سعوديه اذا سافرة للخارج تصيع ... ومو كل البنات يسوون ذا الشي طبعا ..
بس كلا يرى الناس ....اجل انتم وش تسوون ياحضي ملتزمين هناك عيونكم في الارض صارت البنت هي الصايعه وفيها عيوب الدنيا بس ما سألتو ليه هي تسوي كذا من الي تشوفه برا ماخذ راحته ويسوي الي يبي

ليه هالتحامل على البنت وتحميلها كل المشاكل اذا قالو الشباب يتزوج من الخارج وسألوهم ليه قالو والله البنات في السعوديه مهرها غالي وبس تتشرط حرااام عليكم لا تعممون طيب فيه بنات ماهمها الا الرجال الصالح بس فيه شباب يحط عذر للي يسويه البنت ليه مانعترف بالحقيقه ونقول ان البنت هذي معجبتني وابي اتزوجها ولاتقول المهر غالي استغرب من بعض الشباب الي يقول ياشيخ طق لك تذكره وعلى اقرب دوله وتزوج منها بلا سعوديه بلا هم

بصراحه شوهتو سمعة البنت السعوديه في كل شي هي السبب مابقى الا تقولون ان سبب خسارة الاسهم هي البنت السعوديه

ياعلم خافو ربكم البنت السعوديه هي امك واختك وزوجتك وبنتك في المستقبل والله وش حليلنا مافي احلى منا يكفي الدين ولله الحمد تلقونه عندنا والاخلاق عندنا ماعدا البعض

اخيرا هذا الي عندي واتمنى اشوف رأي شبابنا وبناتنا في هالشي راضين بالكلام الي ينقال او لا


تقبلو تحياتي ...

وقولو لي ..
انتو مع المقوله هذي بعد كل هالكلام .. والا ضدها ؟؟