المسبحة

[فهد الغامدي]

بسم الله الرحمن الرحيم
السلام عليكم ورحمة الله وبركاته موضوعي اليوم يتكلم عن ظاهرة غريبة غاية الغرابة وهي تحويل استعمال المسبحة (عبارة عن مجموعة من الحبوب عددها عادة ثلاثة وثلاثين تزيد وتنقص حسب الطلب – تستعمل عادة في التسبيح و الاستغفار نظرا لعددها المساوي لعدد التسبيحات بعد الصلوات المفروضة ولما للسنة حث للتسبيح بهذا العدد) استعملها البعض في المشخصة واعتبرها البعض الآخر جزء من اكتمال زيه والبعض يلوح ويتلاعب بها أثناء الحديث والبعض الآخر يبالغ ويفرط في شرائها , البعض يفضلها براقة ولامعه والبعض يريدها والأغلبية يفضلونها مصنوعه من الخشب لعدة أسباب منها أن الخشب يمسك بريحة العطر والبخور ومنها أنها رسميه مرة لدرجة لو أخذها واحد مراهق راح تتغير النظرة في هاذ المراهق وراح يقولون عنه ما شاء الله ناضج أما البعض الآخر ما أهتم لكل هاذي الأشياء وحب إنها تكون غالية أكثر من إنها تكون رائعه ومرتبه وحبها مصنوعة من الفضة والبعض عندما دخل المعرض طلب أغرب ما صنعت به هذه المسبحة فلما قال له البائع –هذه مصنوعة من العاج- قال الأخ / وشو عاجه ,, قاله البائع/ العاج هاذا تعرف أنياب الفيله وقرونها هاذ هو العاج .!!!!!!!!
أنا مستغرب ذاك اليوم وبالتحديد قبل أيام العيد داخل معرض مستلزمات رجالية إلا فيه واحد قضا جميع أغراض العيد من عطور لغتره وعقال الجزمه وما نسي((( المسبحة))).؟؟؟
الأخوان بالإمارات هم أكثر من يلبسها
قاله شفلي عاج مع فضة أبغيها لامعه مرة واللي ما يخاف ربه ممكن يقول أبغاها مذهبة ؟؟ .,,
طيب أنا اللي لفت انتباهي اليوم أحد المدرسين من يوم دخل الحصة و المسبحة في يده وجلس يشرح وهي بيده مره يدلدلها ومره يجمعها في يده اليمين وينقلها مرة ثانيه في اليد اليسار والمرة اللي بعدها صار ياخذ كل حبتين مع بعضها وكل هاذ يصير وهو جالس يشرح أنا عن نفسي ما اذكر وش كان يقول لأني كنت مندهش في اللي جالس يسويه هاذ المدرس , بيني وبينكم المسبحة ما كانت مره مكلفه ولا مره معفنة كانت لونها أصفر داخل عليه لون برتقالي وكانت مصنوعة من البلاستيك الخايس لكن المميز فيها هو الزيادة الخيوطيه اللي في نهاية المسبحة كانت أشبه بذيل تلك الفرس الأصيلة ,,
هل ما فعله المدرس هاذ نقص في الشخصية أم تبرير لأنه مندمج مع الشرح لدرجة أنه نسي هذه المسبحة في يده أم هو مرض نفسي أم وشي السالفه بالضبط ليه الناس كذا ما دققوا في هذه الأشياء اللي لو فكر فيها الشخص وجدها حاجات محرجه لشخص بالغ عاقل ,؟؟؟
أنا اللي قاهرني شئ واحد إني كنت في أحد الأيام لابس بنطلون (برموده) وبلوزه شد شوي وكنت جالس في أحد الكوفي شوبات إلا جاني أحد الأشخاص من الملتزمين الله يصلحهم إلا دخل فيني شرق وغرب يقولي / أنت ما تخاف ربك تلبس لبس الكفار إنت لا مبالي , هاذ اللبس حرام ما يجوز إنك تتشبه بالكفار ..؟؟؟؟؟؟؟؟؟؟
طيب من باب أولى نعدل الأشياء اللي داخله من جد على مجتمعنا ..,,
والرجاء المشاركة بالتفاعل ..,,

[اشواك ناعمة]

الله يقطع ابليسك يا فهد لها الدرجة مشغول بالمسبحة احس من كثر ما وصفت كأني شفت الموقف
ههههههههههههههههه

وبالرغم اني ما اؤيد المسبحة بس ما شوف فيها شيء اما زيادة التكلف في مظهرها وقيمتها ونوعها وكيف شكل حباتها وما دري شنوهذا من باب صرف المال في غير محله

وحكاية ان الشخص يحركها ويلعب فيها يمين وشمال اعتقد هذه حركات لا إرادية ما في وراها مقصد ثاني

واذا كان على التسبيح فيها فالتسبيح بالاصابع افضل لإن الاصابع تستنطق


والموقف الي صار لك ما احس له علاقة بالموضوع على الاقل من وجه نظري

الا اذا تقصد تعديل كل الحركات الدخيلة على مجتمعاتنا

تحياتي