الحلم الثاني ..... وجه الشمس

[قطريه قمر]

وفي حلم ثاني ..

حلمت اني فالبر وكان اخوي والي احبه و واحد ثاني من الاهل معاي ...
واخوي راكب سياره سوده رفعيه يسوقها وجنبه الي من اهلنا وحبيبي في سياره بروحه وانا كنت ورى معلق راسي في السياره بمقاش ابيض من رقبتي وكنت مشنوقه وجسمي كان علاارض كنت حاسه اني بعد شوي بموت وابي حد يساعدني يدخلني السياره وحبيبي كان يشوفني يبي يساعدني بس موقادر خايف من اخوي يكتشف علاقتنا ويذبحني ركب سيارته وراح حبيبي وخلاني عشان مايذبحوني وانا انادي اخوي يساعدني يركبني معاه بس مايرد علي ولا كانه شايفني [/size]

[قطريه قمر]

وجه الشمس ارجو التفسير

[وجه الشمس]

انتي كنتي فالمقعد الثاني فالسياره الي راكب فيها اخوك وفلان صح؟(كنتي تطالعين مين هل هو حبيبك)
الي تحبينه كان فالسياره الثانيه راح وابتعد ولم يساعدك ولا انتي ركبتي معاه ؟
قلتي كنت مخنوقه بمقاش(تقصدين قماش) تبين أحد يدخلك في سيارة حبيبك؟ولا من ؟لماكنتي تطالعين حبيبك هو غير النظر والتفت غير وجهك يعني صد عنك ولا صار يناظرك ونفس الشي انتي بعد؟ولا جلستي تطالعينه لين صحيتي؟
آخر شي ركبتي سيارة الي تحبينه ام لم تركبي وراح عنك؟
اسم الي راكب يم اخوك لاتقولين اسم اخوك اعرفه هو اخوك ع صح ؟
هل تتوقعين لاخيك سلطة وتدخل ما يريحك لعلاقتكم او زواجكم من بعض اقصد انتي والولد؟

[قطريه قمر]

1- كنت ورى كلش في نهاية السياره كان الباب الخلفي مفتوح ومتدلي من قماش ابيض وهالقماش ملتف على رقبتي وكان حبيبي برع في البر يشوفني يبي يساعدني بس مو قادر خايف اخوي يكشف علاقتنا
2- راح وابتعد لم يساعدني خوفا من اخوي بس هو وده
3- كنت ابي اي حد يدخلني سواء اخوي ولا حبيبي ولا الي من الاهل لاني كنت بموت وقاعده اختنق انا كنت اطالعه مستغربه اشلون تركني وهو يضحي بكل شي عشاني
4- لم اركبها لانه راح
5- صح هذا اسم اخوي ..... الي جنبه محمد
6- لا مستحيل حد يتدخل في هالامور

[وجه الشمس]

االسلام عليكم ورحمة الله وبركاته

ألحلم يبين رغبتك في الارتباط من فلان الي تبينه وتشعرين بحاجه ماسه للارتياح لانك
تعانين من لحضة اختناق نفسي وعاطفي وخاصة انتي قلقه تبين الزواج منه ولاكن الظروف لا تتماشى مع رغبتك
قال الشاعر (تجري الرياح بما لا تشتهي السفن)
لاكن خيرة لك لانك جلستي مع اخوك ومع محمد هذا خير لك انتي ماتعلمينه الله يدبر لك الخير والصالح

والله اعلم