شـــــــــــــلوووونCom؟
هذي أول قصه أكتبها فحياتي وأبي رايكم فيها..
طبعاً أبي رايكم بهالجزء هذا وإذا عجبكم نزلت الباقي
مع العلم اني للحين أكتب فيها!! أتمنى تتفاعلون معاي
حــــــبي الكــــــبير
"بدأت كتابة القصه
يوم الجمعه 21-9-2007"
قبل لا أبدا القصه بعطي شرح بسيط لأهم شخصيات القصه..شخصيات ثانويه نتعرف عليها
خلال أحداث القصه ومجرياتها
..أحداث القصه في مدينة الخبر
الخبر ثاني أجمل مدينه عربيه!
ريم: بطلة القصه
العمر: 20 سنه
الطول: متر و68 سم
الوزن: 54 كجم
المستوى التعليمي:
ريم تدرس سنه ثانيه جامعه تخصص لغه انجليزيه الصفات: بيضا مررره وعيونها سود وساع شعرها أسود ناعم
يغطي ظهرها كامل ولنهايته..
جسمها بين بين هالنوع أحبه.. ريم وحيدة أمها وأبوها يعني دلـــــــــــــوعة أمها وأبوها..
أبو ريم: محمد
العمر: 40 سنه
المستوى المعيشي:
تاجر له وزنه فالسوق شركاته ماليه البلد عقاراته عماراته وثلاث فلل سكنيه تصميم أوروبي فالخبر وجده والدمام مجمعاته التجاريه والسكنيه وسلسلة مطاعم أرقى وأفخم المطاعم الموجوده فالسعوديه وسلسلة الفنادق والشركات المنتشره فكل دول الخليج..
أم ريم: نوره
العمر: 36 سنه
هدى: بنت عمها الوحيده وهي بعمر ريم وأختها وصديقتها
أبو هدى: عبدالله
العمر: 42 سنه
المستوى المعيشي:
شريك مع أخوه فكل شي..
أم هدى: فاطمه
العمر: 38 سنه
محمد: بطل القصه
العمر: 22 سنه
الطول: متر و72 سم
الوزن: 60 كجم
المستوى التعليمي:
حاصل على شهادة الماجستير فإدارة الأعمال من أمريكا
وحاليا" يشتغل مع أبوه
الصفات: أبيض البشره أسود الشعر والعين وشعره حلو وملامحه ورسومه حلوه
شهد: أخت محمد الوحيده وصديقة ريم وأختها وكاتمة أسرارها وظلها وتوأم روحها المستوى التعليمي:
مع ريم هي بعد..سنه ثانيه جامعه تخصص لغه إنجليزيه
نوره: عمة ريم وأم لبنتين
زهره: خالة ريم الصغيره وأكبر منها بثلاث سنوات
ندى: بنت خالتها وبعمرها
علي: أخو ندى 18 سنه
فارس: أعز أصحاب محمد
فيصل: زوج زهره..
وهو بعد أعز أصحاب محمد
نبدا القصه..
الجزء الأول
"الوقت الساعه 4 الفجر"
أم ريم (تبتسم):
صباح الخير يمه
ريم (تطوي سجادة الصلاه):
صباح النور يمه
(تقوم ريم مبتسمه وتبوس يمين أمها وتبوس راسها)
أمها: ها يمه ذاكرتي زين؟
أنا ما أرضى بأقل من امتياز مو غرور بس بنتي حبيبتي معودتني دوم على الإمتياز ريم: يمه دامك تدعين لي يالغاليه بجيب أحسن الدرجات
وبرفع راسك فوق قدام الناس
أمها: أنا يكفيني علشان أرفع راسي قدامهم كلهم انك بنتي أقول هذي ريم بنتي وأنا أمها
ريم (تحضن أمها):
الله لايحرمني منك يالغاليه
أمها (تبتسم):
ولايحرمني منك يمه..
ريم حبيبتي أنا بروح أصلي
ريم: زين يمه بنام هالثلاث ساعات وقعديني الساعه 7
أمها (بابتسامه):
انشا الله حبيبتي (تطلع)
(الساعه7)
ريم (ماسكه جوالها تتصل):
بدق على هدو أشوفها..
ألوووووووو! (تضحك)
هدى (تصارخ):
ريموه بطيتي اذني أنا نايمه ريم (تضحك):
وش منومك للحين؟يلا اصحي!هدى: الله ياخذك
ريم (تضحك):
هدو يالدبه إذا الله أخذني ماحد
بيبكي علي غيرك بكره أموت وتقعدين عند قبري تتمنيني أرجع للدنيا من جديد يالسباله..
هدى: الله ياخذك انشا الله
ريم (معصبه):
هدو اتفووووو انقلعي.. باي
(تحت على الفطور)
ريم (تبوس راس أبوها):
صباح الخير يالغالي
أبوها (يضحك):
صباح النور والورد يبه
ريم (تبوس راس أمها):
صباح النور يمه
أمها (تبتسم):
صباح النور حبيبتي..
(بعد نص ساعه فبيت هدى)
ريم: شلونك خالتي؟
خالتها: هلا ريومه
ريم: خالتي وين هدى؟
خالتها: فغرفتها
ريم: عن اذنك خالتي..
(فغرفة هدى)
هدى (ماسكه جوالها):
أخاف ريموه زعلت بد...
(ينرفس الباب بقوه)
ريم (تضحك):
هاااااي!
هدى (معصبه):
هاي فعينك! كسرتي بابي!
ريم: انتي للحين واقفه؟!
(تمسك ريم يد هدى وتسحبها ميته ضحك وهدى تصارخ)
هدى (تسحب يدها بقوه): لحظه! شفيك انتي؟!
ريم: يلا أبوي تحت!
لا خذتي قيس انقعيه فالشارع
(تمسك ريم يد هدى تسحبها)
(فالسياره..)
هدى: صباح الخير عمي
عمها: صباح النور عمي..
كيف الجامعه معاك؟
هدى: تمام
(فمكان ثاني الساعه 8)
أم محمد: يمه محمد يلا قوم
محمد (يبوس راس أمه): صباح الخير يالغاليه
أمه (تبتسم):
صباح النور معرسنا
محمد: يمه حبيبتي أنا إذا مابصير معرس الا بزواجي من بنت أخوك موضي مابعرس
أمه (تعطيه فوطه):
ليش يايمه؟ شفيها موضي؟
حلوه وجامعيه وبنت أخوي
محمد (الفوطه على كتفه):
يمه حلوه جامعيه بس مغروره
وأنا ما أحبها فهمتيني يمه؟
أمه: الله يهديك على بنت خالك
محمد: يمه حبيبتي تبين أكون فحياتي الزوجيه تعيس؟
أمه: بسم الله عليك يمه من التعاسه! ليش عاد؟!
محمد (يبوس راس أمه):
زواجي من موضي تعاسه
أمه (تبتسم):
فبالك وحده معينه؟
محمد: إذا فيه بقولك..
(بعد ماسبح محمد ولبس ثوبه
وشماغه وتطيب وتعطر بعد ماتحير ثواني فمجموعة العطور فرنسيه قدامه.. تحت)
محمد (يده على راس اخته): شهد مارحتي الجامعه؟ شهوده حبيبتي انتي ماطبتي؟
شهد (ترفع راسها وتبتسم):
لا والله ياخوي مابعد طبت ووجع راسي ماخف من البارحه
محمد (ماسك يدها):
قومي حبيبتي شهد المستشفى
شهد: ماني رايحه
محمد: لأ بتروحين
أمه: والله تعبت معاها يايمه يامحمد من أمس علشان نروح المستشفى بس ماطاعتني شهد (تبتسم):
محمد انت خايف علي؟
محمد (يضحك):
يالهبله انتي أختي الوحيده..
شلون ماتبيني أخاف عليك؟!
شهد (تضحك):
أنا هبله؟ أنا زعلانه منك
محمد (يوقفها ويضمها):
حبيبتي شهوده لاتزعلين مني
شهد: يابعد عمري ياخوي..عطني بس دقيقه ببدل ونروح
أمهم (تضحك):
ربي لايحرمكم بعض ويخليكم
(الساعه 9)
محمد: ها شهوده علميني شقالت لك الدكتوره؟
شهد: سلامتك ياخوي بس محتاجه أنام زين وآكل زين
محمد (يمزح):
زين يلا يلا علشان أوديك البيت وأروح الشركه أخرتيني
شهد (بانزعاج):
آسفه مره ثانيه مابقولك ودني
المستشفى حتى لو أموت
محمد (يضحك ويمسك يدها):
شهد حبيبتي أمزح معاك
شهد (تطالعه وتبتسم):
زين يلا أخرتني على فراشي
(طالعو بعض وضحكو)
(فالجامعه)
ريم: شهوده ماجات اليوم
هدى: ماكلمتيها البارحه؟
ريم: كلمتها بس ماقالت شي
مشاعل: هي من أمس تعبانه
ندى: شفيها شهوده؟
قمر وسمر (توأمين):
سلامتها ماتشوف شر
أماني: بنات اليوم لازم نزورها
ريم: وناخذ لها جالكسي
هدى: ريموه بلا سخافه عاد البنت مريضه وانتي تستهبلين!
ريم: فديتها شهوده والله أحبها
هيام: كلنا نحب شهوده
ريم: علشان كذا بنزورها اليوم
(الساعه 2)
ريم (تبوس راس أمها):
شلونك يمه؟
أمها (تبتسم):
دامك بخير يمه تأكدي أنا بخير
ريم: يمه شلون خالتي زهره؟
أمها: خالتك بعدها عروس
لها اسبوعين من تزوجت
ريم (تقعد):
شحلاتها خالتي زهور فقدتها
أمها: توها مكلمتني من ساعه
ريم: يمه اتصلي فخالتي
أم علي وقوليلها عشاهم الليله عندنا واتصلي فخالتي زهره وقوليلها ولهت عليها أمها: تبينهم كلهم؟
ريم: وإذا بتعزمين عماتي ومرت عمي عبدالله خير وبركه وإذا بتعزمين هدى زين ما أستغني عنها (تضحك)
أمها (تضحك):
وإذا تعذرو شسوي؟
ريم: قوليلهم الريم عازمتكم
أمها: الساعه 5 بتصل فيهم
أبوها: ريم يبه
ريم: نعم يبه
أبوها: يبه ريم حطي لنا غدا ترا أبوك جوعان يبنيتي
ريم (تبتسم وتوقف):
من عيوني يالغالي
أبوها (يبتسم):
تسلم عيونك يبه
(فشقة خالتها زهره)
زهره: فيصل حبيبي
فيصل: عيون فيصل
زهره: حبيبي أبغاك توديني بيت أختي فاطمه العصر..
ريموه بنت أختي وحشتني
فيصل: كلكم تحبون هالريم
زهره: ريوم قمرنا
فيصل: بكم سنه أصغر منك؟
زهره: 3 سنوات
فيصل (يضحك):
يعني طبايع وحده
زهره: فديتها الريم أحسها صديقتي مو بنت اختي
فيصل: الله يخليكم لبعض
زهره: آمين يارب العالمين
(فبيت محمد)
محمد (يتأفف):
شهوده شتبين؟
شهد (ساحبته من يده):
تعال العب معاي بلاي ستيشن
محمد: مابتفوزيني
شهد: انت اقعد العب
محمد: يمه في كيك؟
أمه (تضحك):
إيه يمه فيه
محمد: شهد قومي حطي لي كيك علشان أبلعب معاك
شهد: انت خذ لي فرنسا وعدل لي الخطه (تضحك)
محمد (يضحك):
كم الخطه الي تبينها؟
شهد (داخله المطبخ.. تمزح):
9-1-1
محمد (ميت ضحك):
يخبله عمري ماسمعت بهالخطه
شهد (تضحك):
أمزح معاك 1-3-6
محمد: وش غيرتي يعني؟!
الفريق كله دفاع!.. كالعاده شهد (تصرخ):
كيفي أنا حره
محمد: زين يلا تعالي
وجيبي لي كاس عصير
شهد (تقعد):
وش لي إذا فزتك؟
محمد: الليله بوديك المول
شهد (تضحك):
كشخه بتوديني المول
(الساعه 4)
أم ريم (تكلم أختها زهره): شلونك انتي؟ وفيصل شلونه؟
زهره: احنا بخير انتو شلونكم؟
ريموه الدبه شلونها شمسويه؟
أم ريم: تسأل عنك
(تجي ريم تطالعها أمها تضحك وتعطيها السماعه) ريم: ألوووووو! (تضحك)
زهره: ريموه كيفك يادبه؟
ريم: أنا مو دبه يالبقره الفاتنه
زهره: ريموه وحشتيني يادبه
ريم: وانتي بعد وحشتيني يالبقره الفاتنه (تضحك)
زهره: أجي ولا أقعد فشقتي؟
ريم: كنت أقول لأمي تعزمك على العشا يالبقره الفاتنه
زهره: يلا أنا جايه
ريم: لاتجين بعدها عصر
زهره: هونت ماني جايه
ريم (تضحك):
خالتي والله أحبك وأمزح معاك
زهره (تضحك):
زين وأنا بعد أحبك يادبه
قوليلي كيف الجامعه؟
ريم: لاتخافين على بنت اختك
زهره: كفو كفو بنت اختي
ريم: وش نويتي؟ بتخلصين السوالف على التلفون؟
زهره: هذي طرده؟
ريم: طرده علشان تجين بيتنا
زهره: زين يلا يادبه باي
ريم (تضحك):
نلتقي يالبقره الفاتنه باي..
يمه بروح أشوف شهد اليوم ماجات الجامعه ساعه وبرجع
أمها: زين موتتأخرين
ريم (تحضن أمها):
مشكوره يأحلى أم بالدنيا
أمها (تضحك):
علشان وافقت؟
ريم: علشان أنا أحبك
(فبيت محمد)
شهد: يلا باقي 20 دقيقه وتنتهي المباراه وانت مهزوم
محمد (يوقف):
أحسن أصلا" أنا ببدل وبطلع
شهد: لاتنسى توديني المول
محمد: الساعه 9.30
(يلتفت يطالع أمه)
يمه تبين شي قبل لا أطلع؟
أمه: سلامتك يمه.. مع فارس؟
محمد: إيه يمه فارس
أمه: سلم عليه
محمد: يوصل يمه
(يرن جواله..)
هلا فارس.. دقايق وبطلع..
علي معاك؟ ونواف؟ زين..
(فالشارع توقف سياره
2007 B.M.W 740 Li
ومحمد يطالعها.. تنفتح النافذه الخلفيه وتكلمه بنت)
ريم: السلام عليكم
محمد: عليكم السلام والرحمه ريم: شهد موجوده؟
محمد: شهد بالمستشفى
ريم: شفيها؟!
محمد: انتي صديقتها؟
ريم: إيه..شهد بأي مستشفى؟
محمد: أمزح معاك شهد داخل أنا الي بروح المستشفى ريم: سلامتك
محمد: صديقتك غاثتني
ريم: فديتها شهوده..
محمد: شهد وأمي داخل
(نزلت ريم ودخلت وجا فارس)
فارس: يلا ياخي أخرتنا
ومن هذي الي واقف معاها؟ محمد: صديقة اختي وبعدين بدري باقي 20 دقيقه
علي: أبو وليد خله عنك هذا
هم مهزومين مهزومين
فارس: وش قولك نواف؟
نواف: لا ماعليك بنفوز
(فبيت محمد)
ريم: شهد أخوك نشب بحلقي
شهد (تضحك):
يبعتلو حما
ريم: حرام! يهبل (تضحك)
شهد (تضحك):
ريموه اعترفي انتي جايه تشوفيني ولاتشوفين أخوي؟
ريم (تضحك):
حرام عليك! والله جايه أشوفك(دقايق ووصلو البنات..)
(الساعه 5.30 عند بيت ريم)
فيصل: يلا ياقلبو سلمي عليهم
زهره: وين بتروح؟
فيصل: بمر على الشباب وبشوف علي ولد اختك
زهره: عليوي! امممم سلم عليه
قول له خالتك تقولك مر سلم
فيصل (يضحك):
بخليه يمرك الليله
زهره: مع السلامه
فيصل: مع السلامه حبيبتي
(داخل البيت)
زهره: قوه (تضحك)
ريم: يالبقره الفاتنه شنو قوه؟!
قولي سلام مثل مالناس تسلم
أمها (تضحك):
هلا زهره تو مانور البيت
ريم (تمزح):
يمه! شهالكلام بس
تو مانور البيت وأنا النور كله
خالتها (تضحك):
هين يالدبه (تقعد)
(الساعه 8.30)
ريم (تمزح):
شنو هذا؟! سويتو لنا زحمه عشانا مايكفيكم! انتو يبيلكم
مطعم ناين ستارز (تضحك)
خالتها: ريموه نقوم نطلع؟
ندى (بنتها):
قومي قومي يمه نروح بيتنا
ريم (تضحك):
شفيكم أمزح معاكم
عمتها: ريامي
ريم (تبتسم):
شفتو؟! انتبهتو؟!
تعلمو من عمتي نوره فديتها
نوره: فديتها بنت أخوي والله
زهره: سمر قمر
سمر قمر (توأم.. بنات نوره):
هلا أم عبدالله
زهره (تبتسم):
تاخذون توأم؟
سمر وقمر (بصوت واحد):
لا قالها الله
(الكل يضحك.. وتكمل زهره)
زهره: ليش؟
قمر: ما أتخيل نفسي مع زوج
اختي ولا زوجي مع اختي
زهره: شحلاتكم انتو توأم وهم بعد مثلكم توأم.. تهبلون!
سمر: لا لا مو حلو (تضحك)
زهره: كيفكم.. عاد أنا لو الله
رزقني توأم بنات أتمنى لهم
توأم أزواج.. والعكس أتمناه
ندى: أم عبدالله
زهره (تلتفت لها):
هلا ندوش
ندى (تبتسم):
ماتتمنين توأم؟
زهره (تبتسم):
توني متزوجه من اسبوعين.. توني خلصت نص شهر العسل
(تضحك).. بس التوأم يهبلون
أم ريم: ريم يمه
ريم: نعم يمه
أمها: لو انك عازمه شهد
ريم (توقف):
بروح أشوفها
(فغرفة ريم)
ريم: ها شهوده
شهد: هلا ريميه
ريم: شهد شتسوين؟
شهد: جايه
ريم (تضحك وتهمس):
من جايبك؟ أخوك الحلو؟
شهد (تضحك):
لأ.. سواقنا
ريم (تلوي شفتها):
زين يلا لاتطولين.. باي
(تحت فالصاله)
ريم: خالتي وين أحمد؟
خالتها: مع العيال برا
ريم: بروح أدخلهم يتعشون
(فالحديقه.. شهد داخله)
ريم: انتي وصلتي؟
شهد: أرجع؟
ريم: مدام أخوك الحلو ماجا ارجعي بيتكم مابيك (تضحك)
شهد (تضحك):
ياتافهه أنا الغلطانه الي جايه
ريم (تضحك):
أمزح معاك.. يلا يلا ندخلهم
شهد: تافهه (تضحك)
(بعد العشا.. الساعه 11)
شهد: هلا محمد يلا تعال
محمد: أنا برا
شهد: أنا طالعه.. باي (توقف)
ريم: هذا الحلو (تضحك)
شهد (تضحك):
إيه هذا الحلو.. يلا باي
(بعد يومين..)
محمد: شهد أنا عند الجامعه
شهد: زين أنا طالعه..
ريموه يلا بيننا ألو
ريم: أوكيه
(أول ماركبت شهد السياره)
محمد (بابتسامه):
شهوده حبيبتي
شهد: خير حبيبي
محمد: هالغزاله الي معاك..
(تقاطعه شهد)
شهد (تلتفت له بسرعه):
نعم! انت تغازل صديقاتي؟!
محمد: أنا وش لي بصديقاتك!
ياهبله أنا بس أبي أعرف
هالدلع هالزين كله هالقوام الممشوق شسمها؟ من بنته؟
شهد (تضحك):
زين ودنا البيت الحين انت..
يعني انت تبي تعرفها؟
محمد: شهوده هي قمر؟
ولا احساسي يخدعني؟
شهد: قمر؟ الا ملاك
محمد: صحيح شهوده؟
شهد: والله العظيم
محمد: اوصفيها لي
شهد: بأي صفه
محمد (بنبرة رجاء):
علشان خاطري
شهد (تضحك):
زين كسرت خاطري
الإسم: ريم
العمر: 20 سنه
الطول: متر و68 سم
الوزن: 54 كجم
المستوى التعليمي:
ريم تدرس سنه ثانيه جامعه تخصص لغه انجليزيه.. معاي الصفات: بيضا مررره وعيونها سود وساع شعرها أسود ناعم
يغطي ظهرها كامل ولنهايته..
جسمها بين بين يعني يجنن.. ريم وحيدة أمها وأبوها
محمد: كل هذا بزوجتي؟
شهد (مستغربه):
من متى زوجتك؟!
محمد (يبتسم):
قريب انشا الله..
شهد: باقي شي
محمد: شنو؟
شهد: دلــــــوعة أمها وأبوها..
محمد (يبتسم):
يعني عمي وعمتي مدلعينها
شهد (عيونها بتطلع):
بعدهم ماصارو!
محمد (يبتسم):
بيصيرون.. قريب بيصيرون
(داخل البيت)
شهد: بس فيها شي يزعل
محمد: شفيها فديتها؟
شهد: مريضه بالقلب
محمد: فديتها هي وقلبها..
شهد: على فكره هذي نفسها البنت الي كلمتك قبل يومين
محمد (يبتسم):
فديتها وفديت قلبها وعمرها
(عند الدرج)
أمهم (تبتسم):
من سعيدة الحظ هذي الي تفتديها وتفتدي قلبها وعمرها؟
محمد (يبتسم):
يمه أنا راجعت نفسي و...
أمه (بلهفه):
أنا قايله يمه بس تراجع نفسك وبتقتنع.. الحمدلله الي هداك على موضي بنت خالك
محمد: نعم يمه! موضي!
من جاب طاري موضي؟!
أمه: أجل من تقصد؟!
(شهد تضحك عليهم وتضحك لأنها عارفه محمد من يقصد)
محمد (يبتسم ويبوس راسها):
أقولك بعدين منهي ومن بنته؟ يالغاليه حطي لنا غدا
أمهم: انتظرو أبوكم جاي
شهد (تبتسم):
بروح غرفتي أسبح وبنزل
محمد: وأنا بعد
(فبيت ريم)
ريم (تبوس راس أمها):
يمه حبيبتي شلونك؟
أمها: هلا يمه ريام
ريم: يمه أبوي جاي؟
أمها: بعد ساعه
ريم: يمديني أسبح وأريح
أمها: روحي يمه
(فغرفة شهد شهد تقرا مجله)
محمد (قاعد قبالها):
شهوده عيوني
شهد (تنزل المجله):
شهوده عيوني؟!
عندك شي منت خالي.. خير؟
محمد (يبتسم):
سولفي لي عنها
شهد (تحاول تكتم ضحكتها):
من هذي؟!
محمد (بانزعاج):
من يعني؟! أنا كم وحده أبغى أعرف من وراك أنا!.. ريم
شهد (تضحك):
إييييه! رييييم!
محمد: إيه ريم نويت أخطبها
شهد: شقولك عنها غير انها جمال دلال أخلاق أدب وعلم
وانها صديقتي من 7 سنوات وهي أعز وأغلى صديقاتي
وزواجكم فرحه كبيييييره لي
(فغرفة ريم.. فصخت عباتها ورمت جوالها على سريرها)
ريم: أفففف ياني محتاجه الحين لحمام بارد و...
(يقاطعها صوت الجوال)
ريم (تلتفت بترد):
أوووه! هذا وقتك انت بعد؟!..
ألو.. ها شهد مامداني فارقتك
شهد: بعد اليوم مابتفارقيني بتلازميني العمر كله (تضحك)
ريم (رافعه حواجبها):
هيه هيه! انتي شفيك؟
شهد: خبلتي الولد بقوامك الممشوق وعيونك الي تذبح ريم: أي ولد هذا؟!
شهد: شلونها أم وليد؟
ريم: أم وليد؟! من أم وليد؟!
شهد: انتي أم وليد (تضحك)
ريم: شهد مالي خلق خبالك
شهد: مسموحه يازوجة الغالي
ريم (بعد ثواني صمت):
شهد قصدك ان...
شهد: إيه قصدي ان أخوي..
الحلو! يبغى يخطبك ريموه.. أخوي أبو وليد وانتي أم وليد وأنا احم عمة وليد ولا ماتبيني أصير عمة وليدوه؟! (تضحك)
ريم (تضحك):
زين زين يلا.. سيو
شهد: كلمه حب منك للعاشق الولهان الي عندي (تضحك)
ريم: أقول شهد كل شي
ولا حبيبي أبو وليد (تضحك)
شهد (تضحك):
هين وربي بقوله
ريم: شهد والله أزعل منك!
شهد: زين (تضحك)
ريم: بس قوليلي متى كلمك؟
بعد ماكلمته عند بيتكم ولا؟
شهد: طلعتنا من الجامعه
ريم: غريبه! ذاك اليوم كلمني ماكلمك واليوم شافني وكلمك!
شهد: الموهم انك حتبئي مرات أخويا الوحيد (تضحك)ريم: يلايلا بروح أسبح وبنزل أتغدا سلمي على أبووليد باي
شهد: يوووووصل باي
(فبيت محمد)
محمد: ليش تضحكين؟
شهد (تبتسم):
تسلم عليك أم وليد
محمد (يبتسم ويقعد):
صحيح والله شهوده؟!
شقالت لك؟! شقلتي لها؟!
شهد (تضحك):
هونك علي شوي!
محمد: شهد لاتلعبين بأعصابي! شهد (تضحك):
فاتحتها بالموضوع ماعطتني رد بس كانت تضحك وتسولف سلامها لك إشارة خير ياخوي محمد (يبوس راس اخته):
ياعساني فداك ياشهوده
شهد (تضحك):
كل هذا علشان أم وليد؟
محمد (يبتسم):
علشان أم وليد وعلشانك انتي اختي الوحيده حبيبتي..
شهوده عيوني طالبك تكفين
شهد: خير
محمد: بقولك كلام ارسليه لها شهد (تضحك وتمسك جوالها):
شنو الكلام؟
محمد (بعد تفكير ثواني):
"أبو وليد يسلم عليك ويقولك ربي يسلم له قلبك روحك عمرك وعيونك الحلوه ياريم"
(بعدما رسلتها شهد نزلو تحت)
(فغرفة ريم بعد ساعه جاتها رساله التفتت ومسكت جوالها)
ريم (تجفف شعرها):
من الي راسل هذا...
"أبو وليد يسلم عليك ويقولك ربي يسلم له قلبك روحك عمرك وعيونك الحلوه ياريم"
(تبتسم ريم وتحط جوالها.. وتنزل تحت على صوت أمها)
(بعد الغدا..)
أبو محمد (واقف):
أنا بنام للعصر
أم محمد: بصحيك الساعه 4 محمد (قاعد جنب أمه):
يمه بغيتك بموضوع
أمه (تلتفت له):
خير يمه شفيك؟
محمد (يبتسم):
كل خير يالغاليه.. أبخطب
أمه (تبتسم):
نويت تخطب الي تفتديها وتفتدي قلبها وعمرها؟
شهد (تضحك):
نوى يخطب الزين كله
أمهم (تضحك):
أووه! انتي عندك علم؟!
محمد: يمه شرايك بريم؟
شهد: يمه ريموه صديقتي
أمهم (تبتسم):
ريم كامله والكامل وجهه..
محمد (يبتسم وبلهفه):
ها يمه؟.. شقلتي؟ الليله؟
أمه (تضحك):
شفيك مستعجل كذا؟!
محمد: خايف تطير مني
شهد (تضحك):
لاتخاف اختك قصصت جنحانها
أمه (تضحك على شهد):
شهد كلمي زوجة أخوك
محمد (بفرح يبوس راس أمه):
الله يخليك لي يالغاليه
أمه (تضحك):
ويخليك لي انت واختك يمه
(العصر.. فغرفة أبو محمد)
أم محمد: أبو محمد.. اقعد
أبوه (يعتدل من نومته):
تصدقين يا أم محمد أحس نفسي نايم ثمان ساعات
أم محمد (تبتسم):
نوم العوافي انشا الله
أبو محمد: الله يعافي قلبك
أم محمد (تبتسم):
ولدك محمد كبر يابو محمد
أبوه: شقصدك؟
أمه: ولدك خلاص ناوي انه بيسويني جده (تضحك)
أبوه (يقعد جنبها ويبتسم):
وش تقولين يا أم محمد؟
أمه (تبتسم):
محمد ناوي يتزوج
أبوه: ومن الي فباله؟
أمه: ريم بنت محمد *****
أبوه (يبتسم):
ريم؟! ريم ونعم فيها والله
صديقة شهد من سبع سنوات وهي مثل بنتنا ربت فبيتنا
وأبوها معاي عشرة عمر
أمه: وأمها مثل اختي وأعز
أبوه: شتنتظرين يا أم محمد؟
أمه (تضحك):
هونك يا أبو محمد علي شوي!
الليله بزورهم وأكلم أمها
أبوه: على خير انشا الله
أمه: تصدق اني دايم أقوله
خذ موضي خذ موضي لكن هو دوووم يرفض ويقول لأ
أبوه: موضي عاد؟!..
يأم محمد يازين اختياره والله
أمه: تصدق يابو محمد مدري شلون ريم ماكانت فبالي
أبوه: والحين؟
أمه: الحين لو يقول يبغى موضى أقوله ماتاخذ الا ريم
أبوه: عجلي لاتروح البنت منا
أمه: لا مابتروح.. ريم لولدي
(الساعه 5)
شهد: ألوو
ريم: ألوو
شهد: مدام ريم؟
ريم (تضحك):
مس لو سمحتي
شهد (تضحك):
لا عيوني مدام غصبن عنك..
لأن احنا الليله بنجي نخطبك للحلو ياحلوه يعني مدااااام
ريم (تضحك):
بس أنا مابيك تجين تخطبيني
أنا ياحبيبتي عروس وبتشرط أنا والله أبغى حمودي حياتي يجي ويخطفني مو يخطبني
شهد (تشهق):
ياخطييييره! وربي بقوله
ريم: آي دونت هاف بروبلم
شهد: بعد! زين أوريك
ريم: ومتى بتشرفونا (تضحك)
شهد (تضحك):
ريموه! الله يغربل شيطانك البنت لا قالولها اخطبوك تسكت
انتي قاعده تغازلين المعرس!
ريم: أي ساعه علشان أجهز
شهد (تضحك):
إيه علشان تخفين البلاوي
ريم (معصبه وتصارخ):
ياسباله أنا حلوه بدون مكياج
شهد (تضحك):
أمزح معاك يالسباله
ريم (تضحك):
زين يالسباله
شهد: 8.30 احنا عندكم
ريم: زين يلا باي
شهد: طرده؟!
ريم: والله ياعيوني بسولف عن حمودي حياتي وانتي كل كلمه والثانيه قلتي بقوله..
شهد: زين انتي موافقه؟
ريم: إيه موافقه
شهد: وأمك وأبوك
ريم: أمي وأبوي بيقولون الراي الأول والأخير لي..
بس اسمعيني زين ياشهد
أنا أبشرك اني موافقه بس ها!
لا أحد يدري بموافقتي الحين شهد: وليش؟
ريم (تضحك):
كيفي.. عروس وحلوه بتدلع شهد: وأخوي؟!
ريم: أخوك حبيبي بس خليه ينكوي شوي على نار الحب شهد: بس هذا أخوي
ريم: أخوك الله يخليه لك بس مابتخافين عليه أكثر مني شهد: ولين متى؟
ريم: اسبوعين بس مو أكثر وبعدين أبعلن موافقتي للكل شهد: زين يلا باي
ريم: باي
(فشقة خالتها زهره)
زهره: عساك ع القوه ياقلبي
فيصل: الله يقويك يا أم عبدالله
زهره: يعني المفروض انت الحين تدلعني مو أنا أدلعك
فيصل (يضحك ويقعد جنبها ويبوس خدها اليمين):
تستاهلين الدلع كله ياقلبي
زهره: أم عبدالله! ياقلبي مالنا الا اسبوعين متزوجين قولي ياعمري.. ياحياتي.. ياروحي
فيصل (يبتسم):
من عيوني.. لك طيبة الخاطر يازهرة عمري وحياتي انتي
زهره (تبتسم):
صدقني كلام الدنيا مو أحلى من قولتك لي أم عبدالله
فيصل (يبتسم):
الله لايحرمك مني يا أم عبدالله
زهره (تضحك):
ولايحرمك مني يا أبو عبدالله
فيصل (يوقف):
حمامي جاهز؟
زهره (تبتسم):
حمامك وبعده ملابسك مكويين مبخرين ومعطرين وغداك بعد جاهر بس محتاج تصخين وإن
بغيت العشا من عيوني الثنتين
مستعده أسويلك أحلى عشا..
وش بغيت بعد ياقلبي انت؟
فيصل (يبتسم):
بغيت سلامتك يابعد عمري
زهره (تبتسم):
الله يحفظك لي ويسلم لي عمرك من كل شر يالغالي
فيصل (يبتسم):
محتاج شي
زهره (تبتسم):
عيوني لك
فيصل: محتاج مساج أنثوي
زهره (تفهمه وتبتسم):
روح وأنا جايه وراك..
(المغرب قامت ريم تصلي وبعد ماخلصت وهي قاعده على سجادة الصلاه من قلبها دعت ربها يوفقها ويسعدها)
(الساعه 9 فالكورنيش محمد قاعد كل شوي يطالع ساعته)
فارس: انت شفيك اليوم؟
فيصل: محمد بالك مشغول
محمد: ياشباب الليله مصيريه
فارس (يضحك):
وش بلاك انت داخل حرب؟!
فيصل: خير أبو وليد
محمد: أمي راحت تخطب لي
فيصل: أووه! نويت تخربها؟
محمد: لعنبو ابليسك بتزوج يعني بكمل الناقص من ديني
تقول نويت أخربها.. أشوفك عمرتها يوم انك تزوجت يالدب
فارس: طيب ومن تعيسة الحظ
هذي الي تبغاك؟ (يضحك)
محمد (يطالعهم):
انتو ربع انتو الله ياخذكم
فيصل: حرام عليك يالظالم! أنا توني متزوج لي اسبوعين يعني شهر العسل ماخلص!..
أبي زوجتي وتبيني (يضحك)
فارس: وأنا أبي أمي وتبيني
وأبتزوج قبل لا موت (يضحك)
محمد (يوقف):
انتو ماعندكم احساس؟!
هالموقف صعب على الرجال أكثر ماهو صعب على البنت..
خصوصا" إذا هالبنت يتمناها.. البنت مطلوبه والرجال طالب يعني يمكن ينرد.. ينرفض!
فيصل: زين من تبي انت؟
محمد: بنت اخت زوجتك
فيصل: بنت محمد؟!
محمد: إيه بنت محمد.. وحيدته
فيصل (يضحك):
لعنبو ابليسك أنا للحين ماصرت أبو بتسويني جد؟!
فارس (يضحك):
حمود شحلاتكم لايقين على بعض.. فيصلو صار عمك؟!
فيصل: فيصل يالدب (يضحك)
بس تدري ان أحسن شي اني وديت زوجتي قبل أجيكم هناك
(الساعه 10)
محمد: هلا يمه.. أنا جاي
فارس: بترجع؟
محمد: إيه إيه برجع بس باخذ امي واختي بوديهم البيت..
فيصل: بس عاد لاتطول علينا
(فسيارة محمد)
محمد (بلهفه):
ها يمه بشري!
أمه: البنت تبي اسبوعين تفكر
محمد (بنبره حزينه):
اسبوعين؟ واجد!
شهد (تحاول تكتم ضحكتها): هيه هيه انت! طالعني هنا
شتحسب صديقتي؟ ها؟!
جاريه من جواري الجاهليه يابو لهب إشتريتها ب5 دينار؟!
محمد: يمه سكتي بنتك لألهب خدها بكف يسكتها 6 شهور
أمه (تلتفت ورا):
شهد يمه اسكتي
شهد: انشا الله يمه
أمه: يايمه هذا حق للبنت
محمد: الله يعينك ياقلبي
(فبيت ريم)
أمها (تبتسم):
ها يمه ريم..
ريم (منزله راسها):
نعم يمه..
زهره (تضحك):
يمه يمه ريموه وين لسانك؟
ريم (ترفع راسها):
وش شايفتني يعني؟!
زهره (تضحك):
إيه هذي الدبه بنت اختي
ريم (تضحك):
يالبقره الفاتنه يعني الحين انتي مامريتي بهالموقف؟
زهره: شفتي يانوره بنتك؟
ريم (تضحك):
معاك انتي يالبقره الفاتنه..
أنا لساني طويل وقليلة أدب
أمها: ريم يمه وش بتعشينا؟
ريم: الي تبينه يالغاليه
أمها: خالتك ضيفتك واسئليها
ريم (تلتفت وتضحك):
مسز بيوتيفول كاو..
زهره (تبتسم):
في توصيل طلبات للشقق؟
ريم: في تكسير روس
زهره: عشا بالإهانات مابي
ريم (تبوس خدها):
أفا! كم زهور عندنا؟ وحده!
زهره (تضحك):
بقوم أسوي العشا معاك
أمها (تضحك):
وأنا بعد بساعدكم
(فالكورنيش)
فيصل: هلا بالعريس
محمد (يقعد):
آمين الله يسمع منك يافيصل وتوافق العروس انشا الله
فيصل: بتوافق صدقني بتوافق
فارس: صدقني فيصل عيار يبيها توافق علشان يصير عمك
محمد: عمي عمي بس توافق!
فيصل: وينهم الشباب؟
علامهم بطو عيالك يافارس
فارس: أنا ماشفت أم عيالي تسألني عن عيالي؟! (يضحك)
محمد (يضحك):
قومو نروح نتعشى
فيصل: ياشباب أنا والله انسان لساتني عريس يعني لازم أدلع زوجتي والساعه 11
آخذها وأتعشى معاها فمطعم
بتأكلوني شي خفيف أوكيه
فارس: قومو والعشا علي
(الساعه 11)
فيصل: هلا والله بزهرتهم
زهره: هلا فيك يالغالي
فيصل: أي مطعم نروح؟
زهره: بس أبغى عشا خفيف
فيصل: على قلبك ياقلب فيصل
زهره: يسلم لي فيصل وقلبه
فيصل: ها بشري وافقت ريم على المعرس ولا وافقت؟
زهره: انت شدراك؟
فيصل: تراه صاحبي حيل
زهره (تضحك):
قام يقولك عمي؟
فيصل (يضحك):
بيقولها قريب
(فبيت ريم)
أم ريم: بنتك بتخلينا يا أبوها
أبوها: شلون؟
أمها: بنتك كبرت وجاها خاطب
أبوها: صحيح يانوره؟
أمها: إيه صحيح
أبوها: من الي خطبها؟
أمها: محمد سعود ******أبوها: ونعم فيه.. وهي وينها؟
أمها: فالمطبخ
أبوها: خليها تجي غرفتي
أمها: انشا الله
(فغرفة أمها وأبوها)
ريم (تبوس راس أبوها):
نعم يبه..
أبوها (يبتسم):
تحبين الكعبه يبه.. اقعدي
ريم (تقعد):
نعم يبه..
أبوها: ريم يبه تعرفين اني فهالدنيا هذي انتي بنتي وحيدتي ماعندي أغلى منك
ريم: الله يطول بعمرك ويخليك لي ولايحرمني منك
أبوها: ولا عندك اخوان وخوات
أوصيهم عليك لاغمضت عيني
ريم: عمرك طويل يالغالي
أبوها: وصيتي لك نفسك..
محمد رجال ونعم فيه وفأبوه واخته اختك وأعز من اختك..
أبوه أخوي وعشرة عمر وأمه
هي أمك شالتك حطتك ياما.. وربيتي بحضنها.. علشان كذا..
أنا ماني خايف عليك مع محمد
والقرار أول وتالي لك انتي
ريم: الله يكتب لي فيه الخير
أبوها: الله يسعدك دنيا وآخره
(يوم ثاني.. فالجامعه)
ريم (تضحك):
صحيح والله؟!
شهد: أقولك بيعطيني كف! ريم: ليته عطاك كف.. خساره!
شهد: ليته عطاني كف ها؟!ريم: ليش تقولين عن زوجي حبيبي أبو لهب يا أم جهل شهد: وأمس صدع راسي قيس
غزالي ريم وغزالي ريم!
لا ووصاني أوصلك سلام
ريم: فديت قلبه وروحه وحياته
شهد: مادري شفيها ريم زود!
ريم: اسمعيني زين يالسباله حمودي حياتي ماشافني بس كله نظر فديته وفديت عمره وانتي هالزين كله قدامك ولا انتي شايفه شي يالبومه
شهد: هين! تعالي بيتنا بس
ريم: إيه.. قوليله هالأسبوعين هذي لايوصلك الجامعه بليييز
شهد: وليش انشا الله؟
ريم: عروس وما أبيه يشوفني
الا لما أعلن موافقتي (تضحك)
شهد: زين يلا ورانا محاضره
(ظلت ريم فمحاضرتها تتخيل محمد وتبتسم وتكتب اسمه وترسم قلوب وتكتب أغاني حب وشوق ووله وتكتب بيوت قصايد وأشعار..مسويه حفله!) الدكتوره: ريم
ريم: نعم
الدكتوره: انتي من أحسن الطالبات عندي علشان كذا خليني محافظه على صورتك ريم: أنا آسفه
الدكتوره: خلي تركيزك معاي
ريم: انشا الله
(بعد الجامعه)
محمد: خلصتي؟
شهد (تداري ضحكتها): شهالسؤال الغبي؟!
أكيد خلصت! ولا أنا منحاشه؟!!
وبعدين يعني كل هالبنات ذي
منحاشه من الجامعه يعني!
محمد: أنا آسف
شهد: على فكره
محمد: خير انشا الله
شهد: هالأسبوعين لاتوصلني
محمد: ليش؟ صاير شي؟
شهد: ريم تقول انها ماتبغاك تشوفها طول هالأسبوعين
محمد (بحزن):
أها.. هي تبي كذا؟.. أوكيه
شهد (بينها وبين نفسها):
مسكين ياخوي.. ريموه انتي وش ناويه تسوين في أخوي؟!
(فالبيت)
ريم: يمه متى بتحطين غدا؟
أمها (تضحك):
ريميه شفيك؟
ريم (تحط شنطتها وتقعد):
جوعانه ماميتو بموت جوعاانه
أمها (تضحك):
بسم الله الرحمن الرحيم عليك
شسوي فيك أمس ماتعشيتي زين واليوم مافطرتي معانا
وبعدين وش ماميتو هذي؟!خلي عنك الدلع بس ياريم
ريم (تضحك وتحضن أمها):
ماميتو أنا بنتك وحيدتك حبيبتك أتدلع شوي شفيها؟ مافطرت فكافتيريا الجامعه
أمها: ناويه تمرضين انتي؟!
ريم (تضحك):
المهم شطابخه ياتاج راسي؟
أمها: الطبخه الي يحبها قلبك
ريم: يلا ماماتي حطي غدا
أمها: ماميتو وماماتي!
قومي روحي ودي شنطتك واسبحي وتلقين الغدا جاهز
ريم (تضحك وتحط شنطتها بحضنها وترجع ظهرها):
ماميتو وماماتي ومامايا وأمايه
كلهم انتي ياست الحبايب يمه
أمها (تضحك):
زين بس يلا قومي بدلي
ريم: باكل أول وبعدين بقوم أسبح لأني جووو عـ اااا نه
(فبيت محمد.. الساعه 3.30)
محمد: شهد شتسوين؟
شهد: أدري ريموه عذبتك
محمد (يقعد قبال شهد):
يعني قالت بتفكر اسبوعين وآمنا بالله وقلنا ياصبر أيوب
لكن تقول ما أوصلك! ليش؟
شهد أعتقد اني خطبتها لاني مغازلها ولاني مرقمها ولاقلت لها بكلمك ولا أبغى أطلع معاك
شهد (تمسك يده):
بس ريومه تستاهل..
والله العظيم انها قمر وتهبل
محمد: أصبر وأشوف آخرتها
شهد (تبتسم):
آخرتها انك بتاخذ ملاك
(المغرب)
ريم: هااااي (تضحك)
شهد: ها ريموه مانمتي؟
ريم: خبله انتي؟ شلون تبيني أنام وأخوك حبيبي فبالي؟
ميصحش كلش كلش (تضحك)
شهد: أخوي فبالك؟ ما أصدق!
انتي الي فباله 24 ساعه
ريم: فديته بعد عمري.. بس!
بزيد النار حطب علشان ينكوي
بنار شوقي وفرقاي زين
شهد (تشهق):
ريموه شبتسوين فأخوي؟!
ريم: قوليله الليله يجيبك عندي
شهد: مابيرضى!
ريم: جربي إذا ماطاع تصرفي
شهد: مابيرضى!
ريم: قوليله اني أسلم عليه
شهد (تبتسم):
إذا كذا؟.. في أمل
(الساعه 9)
شهد (بأدب):
محمد وصلني
محمد: وين؟
شهد (تبتسم):
عند حبيبة قلبك زوجة المستقبل
محمد: أها! طيب وأمك..؟
شهد: أمي بتروح بيت جارتنا أم عبدالرحمن بتقعد معاها
محمد: أوكيه
شهد: ريم تسلم عليك
محمد (يبتسم):
الله يسلمها من كل شر.. يلا
شهد (بقلبها):
أشوا انه ابتسم
(عند بيت ريم)
محمد: متى أجيك؟
شهد: بعد ساعه ونص
محمد: 10.30 خليها 11 لأني
أنا بعد برجع البيت 11
شهد: أوكيه.. مع السلامه
(بعد 13 يوم كانت طويله وبطيئه وممله على قلب محمد
لولا ان سلامات ريم له تحليها)
محمد (نازل على الدرج):
ها يمه؟ الجماعه ماردو
أمه (بتركب له.. تبتسم):
الا يمه تو أمها صكت السماعه
محمد (بلهفه):
ها يمه وافقو؟!
أمه (تبتسم):
ألف مبروك ينظر عيني وافقت
محمد (يحضن أمه):
تسلمين يالغاليه.. أحلى بشاره
أمه (تضحك):
الله يسلم عمرك يايمه..
بس الحين لازم تسوي فحص الله يبلغني فيك وفأختك يارب
شهد: قوه..
أمها: هلا يمه هلا حبيبتي
ها شلونك مع هالحر؟
شهد (تطالع محمد):
بخير يمه وانت مابتقول هلا؟
محمد (فرحان):
هلا بأختي حبيبتي
أمه: بروح أشوف الغدا
شهد: خلاص وافقت؟
محمد: إيه وافقت
شهد: ياشين هالمزح ياريموه ماله داعي هالحركه هذي قعدتي أخوي على أعصابه وانتي أول وتالي موافقه
محمد: شنو؟! شقصدك؟!
شهد: ريموه كانت تمزح معاك هي موافقه من البدايه بس حبت تخليك تنتظر شوي
محمد (معصب):
تستهبل علي يعني؟!
أوكيه ليلة الجمعه ملكتنا وأنا أعرف شلون بتفاهم معاها
شهد (بخوف):
محمد ريم ماتقصد شي
(شهد يزيد خوفها)
والله ريم كانت تمزح معاك!
محمد: امي لاتعرف شي
شهد: بس..!
محمد: مابي أسمع شي!
شهد: مو انت تتمنى ريم؟
محمد: وللحين
شهد (بنبرة رجاء):
محمد لاتزعل من ريم
(تركته بالصاله وراحت غرفتها
وعلى طول دقت على ريم..
ريم توها فاصخه عباتها)
ريم (تضحك):
شهد أخوك زوجي ما اشتاق لي كثر ما اشتقتي لي!
شهد (بنبره حزينه):
ريموه.. محمد!
ريم (عيونها غرقت بدموعها):
محمد؟! شهد محمد شفيه؟
شهد: محمد عرف بمزحتك وهو
الحين معصب ومتضايق حيل
ريم: الحمدلله انه بخير أهم شي.. والله يعينني على زعله
شهد: يقول ليلة الجمعه الملكه
ريم: ربك يعين ياشهد
(يمضي الأسبوع سعيد على الكل وفيه ضيق على محمد ويمضي فيه خوف وبطيء وبالوقت نفسه سريع على قلب
المسكينه ريم.. وماننسى شهد)
(بعد الحفله.. الساعه 11 يدخل محمد على ريم..)
محمد: مبروك ياريم
(صوت محمد يزلزل كيانها)
ريم (بصوتها الناعم):
الله يبارك فعمرك
محمد: ريم
ريم: عيون ريم ونظرها
(يتفاجأ بردها لكنه يبتسم)
محمد: منو فينا أحلى؟
أنا ولا شهد اختي؟
ريم (تضحك ضحكه خفيفه):
انت أحلى
محمد: ضحكتك حلوه
(ريم حست بنوع من الأمان)ريم: الله يحلي سنين عمرك
محمد: طيب شلون أنا حلو وأنا من دخلت عليك وانتي منزله راسك قوليلي شلون شفتيني؟
ريم: عند بيتكم لما جيت بزور شهد قلتلي شهد فالمستشفى وشفت بعد صورك عند شهد
محمد: منهي أم وليد؟
ريم (تتفاجأ بسؤاله):
أنا أم وليد
محمد (يبتسم):
ومنهو أبو وليد؟
ريم (تبتسم):
انت أبو وليد
(محمد وهو يبين لها انها غلطانه إذا ظنت انه نسى)
محمد (بلهجه جاده):
ليش كذبتي علي؟
ريم: أنا آسفه
محمد: بكل بساطه آسفه؟!
ريم: انت ليش مكبر الموضوع!
محمد: من أولها تكذبين علي؟!
ريم (وهي في قمة ضعفها والمسكينه مخنوقه بعبرتها):
قلت لك أنا آسفه! شسوي؟!
محمد: تكذبين وتقولين آسفه؟!
ريم: ..........
محمد (يرفع وجه ريم بيدينه ويشوفه لأول مره):
ليش دموعك هذي؟
ريم (مقهوره):
من زود فرحتي الليله!
محمد (يمسح دموعها):
علميني شقصدك لما تكذبين وتقولين لي ماقصدت أكذب!
ريم (تلتفت صوب ثاني):
عن اذنك طال عمرك
محمد: مابتقعدين معاي؟
احنا لنا ربع ساعه بس
ريم (بحرقة قلب):
من الكلام الحلو الي أسمعه؟!
محمد: انتي حديتيني على كذا
ريم: عن اذنك قلبي مريض وتعبان أخاف إذا طالت قعدتي
معاك انه يوقف قلبي وأموت
محمد (باستهزاء):
هذي كدبه جديده؟
ريم (تلتفت وتطالعه باحتقار):
عن اذنك طال عمرك بطلع لأني خايفه يزيد علي حزني يوقف قلبي وأموت المفروض الليله أنا أسعد بنت فالدنيا كلها
(توقف ويمسك يدها اليمين)
محمد: لاتنامين.. انتظري اتصال مني الساعه 2.00
ريم (من دون ماتلتفت):
خلني الحين بروح
محمد (يترك يدها):
..........
(طلعت ريم وفالغرفه الثانيه ارتمت بحضن أمها بكت وبكت وبعدين خذتها شهد بحضنها..
الكل ظن بكا ريم دلع بنات الا
شهد الي كانت عارفه السالفه
وتأكدت من دموع المسكينه ريم ان محمد سوا مشكله!)
شهد: ريام حبيبتي خلاص والله العظيم عورتي قلبي!
ريم (ترفع راسها):
أقوله قلبي مريض وتعبان أخاف يوقف قلبي وأموت
يقولي كذبه جديده هذي!!
أخوك ذبح فرحتي ياشهد!
(فغرفة محمد.. بعد مانامو أبوه
وأمه راحت شهد علشان تكلمه)
شهد: محمد أبي أكلمك
(محمد كان يدق على ريم وهي تشوف اسمه فالجوال يتصل "حياتي" ويتصل بس هي متضايقه ومقهوره منه فما بغت ترد عليه ساعتها)
(فغرفة محمد..)
محمد (ماسك جواله ومعصب):
صديقتك فوق انها كذبت علي بعد انها الحين مطنشتني
دقيت عليها فوق 20 مكالمه وهي مطنشتني! على الأقل ترد وتقولي بنام مو تحقرني!شهد: محمد ليش بكيت ريم؟
محمد (بكل برود أعصاب): كل البنات يبكون هالليله
شهد: البنات يبكون فرحه..
بس ريم بكت مقهوره!
محمد: وأنا ما انقهرت؟!
شهد (تطالعه وتوقف):
الله يهديك بس! (طلعت)
(راحت شهد غرفتها ودقت على ريم 3 مرات وريم مطنشه لأنها ظنت محمد يتصل
قامت شهد ورسلت لها مسج..
"ريام حبيبتي أنا شهد والله
ردي علي تكفين ريومه..)
ريم (بصوتها المبحوح):
هلا شهد.. سامحيني طنشتك
شهد: مسموحه يالغاليه
ريم (تنفجر فصياحها):
شهد يعني حتى لو قلت له اني أبغى شهر أفكر يقوم يسوي فيني كل هذا ياشهد!!
شهد: ريم حرام عليك الي تسوينه بعمرك ارحمي حالك
ريم: ماسأل عني؟!
شهد: معصب لأنك مطنشته
ريم (معصبه):
معصب معصب معصب!
أنا الي من حقي أعصب ياشهد
إيه أنا مطنشته ولا برد عليه
شهد: ريم حبيبتي نامي انتي الحين وارتاحي وبكره إذا صحيتي دقي علي نتكلم
ريم: انشا الله ياشهد
شهد: تصبحين على خير..
مع السلامه حبيبتي
ريم: وانتي من أهل الخير
(رمت ريم جوالها فالجدار من قهرها واستسلمت لدموعها.. دفنت وجهها بمخدتها وبكت..
ظلت تبكي وماحد درى عنها لين الساعه 3 صابتها نوبه قلبيه حاده جاهدت ريم ووقفت ورجلينها ماتشيلها وطلعت من غرفتها يدها اليمين على قلبها ويدها اليسار تحاول انها تستند بها على الجدار والتعب ذابحها لين وصلت غرفة أمها)
ريم (تطق الباب):
يمه! (تتنفس بصعوبه)
يمه!.. يمـ..
(طاحت عند الباب! طلعت أمها انصدمت على شوفتها طايحه
قعدت.. قصدي انهارت!
طاحت من طولها ضمت بنتها)
أمها (تبكي):
محمد الحق علي الله يخليك!
بنتي مدري وش صار فيها!
بسم الله الرحمن عليك يمه
(تم نقل ريم إلى المستشفى..
دخلو ريم العنايه المشدده.. أول ماطلعت دكتورة ريم)
أمها (بدموعها ولهفتها):
دكتوره شلون ريم؟
الدكتوره: ريم كانت تعبانه حيل والحين هي بغيبوبه بس الحمدلله نبض قلبها طبيعي
أمها (تنفجر صياح):
ياحسرة قلبي عليك يبنيتي! الدكتوره: ياخالتي اذكري الله أمها: لا إله إلا الله..
الدكتوره: على أقل حالة قلبها الحين تعدت مرحلة الخطر أمها وأبوها: الحمدلله
أمها: دكتوره بشوف بنيتي
الدكتوره: روحي نامي انتي الحين وبكره تعالو زوروها
أمها: شلون أنام يادكتوره وبنتي وحيدتي نور عيني طايحه فالمستشفى بهالحاله الدكتوره: ريم الحين بخير أمها: الحين انتي لو بنتك ارتفعت حرارتها تنامين؟!
الدكتوره: ..دقيقه وحده!
أمها (تبكي):
ثواني بس!
الدكتوره (تبتسم):
الله يخليها لك انشا الله وتشوفينها عروس وأم بعد
(تروح الدكتوره وتدخل أم ريم ودخل وراها أبوها..
لقو ريم نايمه على السرير الأبيض الكبير وسط الغرفه وأجهزة التنفس عليها وجهاز تخطيط القلب عن يسارها..
الشيئين الي يدلون على ان ريم عايشه الذبذبات الي يعرضها جهاز تخطيط القلب وأنفاسها.. فقط لاغير!!)
أمها (تزيح شعر ريم عن جبينها وتبوسه وتبكي):
سلامتك يمه ريم سلامتك
سلامتك انتي وقلبك يمه
أبوها (يوخر أمها):
نوره ادعيلها ان الله يشفيها
أمها (تشيل يدها ويرجع شعر
ريم يغطي جبينها من جديد):
الله يشفيها هي وكل مريض
أبوها (يبوس جبينها):
يبه ريم سلامتك يالغاليه..
أجر وعافيه انشا الله
(يطلعون وقلوبهم مع بنتهم وحيدتهم نور عينهم.. ريم)
(فالبيت..)
أمها: بتقول لمحمد؟
أبوها (يتصل):
أكيد بقوله هو الحين زوجها ولازم يعرف الي صار..
ألو!.. هلايبه محمد
محمد: عمي! خير صاير شي؟!
عمه: تعال بغيتك
محمد: دقيقه وحده
(بعد ماوصل محمد..)
محمد: السلام عليكم
(ما انتظر يردون السلام.. ماشاف ريم سأل عنها..)
عمي وين ريم؟ ماني شايفها عمي ريم فيها شي؟!
عمه: ريم تعبت علينا وهي الحين منومه فالمستشفى
محمد (ينبح صوته):
متى صار هالشي؟!
خالته: من ساعه
محمد (بلهفه وخوف):
وريم الحين بأي مستشفى؟
عمه: مستشفى سعد
محمد: أنا رايح أشوفها (طلع)
(فالمستشفى.. الرسبشن)
محمد (يحاول ياخذ أنفاسه):
اختي تكفين الله يخليك..
ريم محمد *****
البنت: جابوها من ساعه؟
محمد: إيه إيه حالة طوارئ
دكتورة ريم: انت قريبها؟
محمد: أقرب لها من أي انسان
أنا خطيبها يادكتوره..
الدكتوره: للأسف ان ريم فالعنايه المشدده..
الله يطمنك عليها انشا الله..
(دخل محمد وانصدم لما شاف ريم ونزلت دمعته على خده على حالة ريم..قرب منها وش شاف؟ شاف وحده ثانيه! مستحيل تكون هذي ريم الي قبل 5 ساعات كانت قاعده قباله كنها قمر ليلة اكتماله..
قبل 5 ساعات كانت تضحك! والحين ماتحس بأي شي!!
حب راسها وقعد جنبها..)
محمد (بضعف وانكسار):
سلامتك يالغاليه
(مسك يدها وحبها وبكى)
كان المفروض ياريم هاليد أبوسها لما قعدت معاك!!
ريم.. سامحيني يابعد عمري..
يمكن أنا ماعندي تبرير للي سويته معاك بس عندي تبرير لدموعي هذي ما أعيش بدونك
ريم سامحيني يالغاليه..
(وقف حب راسها وطلع)
(فالبيت..)
شهد: محمد! شفيك؟!
محمد: ريم
شهد (بخوف):
ريم؟! شفيها ريم يامحمد؟
محمد (مو قادر يطالع اخته):
ريم طاحت مغمى عليها..
شهد (تقاطعه بخوف أكبر):
شلونها الحين؟!
محمد: هي فالمستشفى.. ريم بغيبوبه ياشهد وأنا السبب
شهد (تبكي):
محمد حرام عليك!
محمد (ضايقه فيه دنياه):
أنا الي زعلتها وبكيتها!
قالت لي.. قلبي مريض!
وأخاف أموت! قلت كذبه جديده!
شهد: والله العظيم حرام عليك!
أنا قلت لك قبل ان قلبها مريض
انت شفيك؟! وين احساسك؟!
محمد: سامحيني ياشهد!
شهد (معصبه):
ان صار فريم شي مابسامحك
ريم مو صديقتي ريم أختي!
(تتركه وتروح غرفتها..)
(بعد نص ساعه قضاها محمد لحاله بالظلام وراسه بين يدينه
نزلت أمه عشان تصلي الفجر)
أمه: محمد؟! شفيك يمه؟
محمد (يرفع راسه):
ريم يايمه!
أمه (تقعد جنبه):
ريم! شفيها ريم؟
محمد: آااااااه ياريم!
أمه (بانفعال):
محمد رد علي! شفيها ريم؟!
محمد: ريم فغيبوبه يايمه!
أمه (بلهفة الأم):
شقاعد تقول؟! شلون وليش؟!
محمد: يمه أنا وانتي عارفين ريم قلبها مريض من صغرها
أمه: عارفين وراضين بريم بس
فهمني وش الي تعبها؟؟ البارحه فرحتها باينه بوجهها وابتسامتها مو مفارقه شفاها!
محمد: ما أدري يايمه ما أدري!
يمه ادعي لريم فسجودك يمه
أمه: أكيد يايمه.. قبل لاتخطب ريم ومعزتها من معزة شهد
شلون الحين وهي زوجتك؟!
محمد (يبوس راس أمه):
عن اذنك يمه بروح أصلي وأرتاح شوي ريم هدت حيلي
أمه: الله يشفيها ويريحك يايمه
ولاتقول لشهد لأنها ان درت بتزعل حيل.. ريم غاليه عليها
محمد: انشا الله يمه
(راح غرفته وأمه راحت بعد غرفتها بس هو مانام..)
(الساعه 7.30.. فغرفة شهد)
محمد: شهد مابدلتي ملابسك؟!
منتي ناويه تروحين الجامعه؟
شهد: لأ ضيقت خلقي على ريم
محمد: حتى أنا زعلان علشانها
شهد (تصفق باستهزاء):
مبروك! صار عندك احساس؟!
محمد (معصب):
شــهـــد!
شهد (معصبه):
شرايك تطقني؟!
محمد (بصوت هادي):
شهد.. أنا مو هذا طبعي!
شهد (بصوت هادي):
علشان كذا أنا موقادره أفهم سبب تصرفك مع ريم ومتى؟! فأول قعده لكم مع بعض..
محمد: عن اذنك ياشهد (التفت)
شهد: محمد
محمد (يلتفت):
خير شهد
شهد (تبتسم):
سامحني ياخوي.. وانت تعرف
زين ريم شكثر غاليه علي
محمد (يبتسم):
شهوده حبيبتي انتي اختي الوحيده ما أزعل منك..
وادعي للإنسانه الي طايحه بالمستشفى ان الله يردها لنا كلنا بالسلامه قريب انشا الله
شهد (تبتسم):
آمين ياخوي الله يسمع منك
(فترة وجود ريم فالمستشفى كان محمد يزورها كل حزه ويقرا عند راسها القرآن..
الكل زار ريم الكل تعنا للريم
بس ما استفادو شي لأن ريم
المغذيات مركبه عليها وللأسف
ان ريم تحت تأثير الغيبوبه..)
14-02-2008, 11:42 PM
حـــــبي الكبيــــر 
