قصيدة اعجبتني حبيت انقلها لكم ارجوا ان تنال استحسانكم
--------------------------------------------------------------------------------
ياجنون الارض قومو وانضمو سرب الخيـال***المحال اصبح متـاح ولا محـال الا المحـال
انتم النـواب عنـي فالشعـر لاجـال مجـال***العـدد سبعيـن جنّـي كـلً يكمـل خـويّـه
لاتهقويـتـو صــراطً ماتحمـلّـه حـمـل***ازهموني والله انـي لاجعـل الطاغـي يمـل
وزن طاغي ...والله ان يصبح كما وزن النمل***والحكاوي ماتجي من غيـر حزمـاتٍ قويّـه
ياهـل التاريـخ حطولـي علامـه مستديـره***لاتخلوني خـلاف اعـن المثنـى والمغيـره
دام الـي رايـه تعلّـت للنجـوم المستنـيـره***تعلمـون ان القـيـاده ماتقدّمـهـا سـريّـه
لو تجاهلتو قصيدي مانسـوه اهـل القصيـد***كمّ واحد ينتظـر موتـي وانـا حـيٍ فريـد
اضرب القاسي مع الليّـن وحـرٍ مـع جليـد***واتعلـى فالنـوايـف والنـوايـف كايـديّـه
ابتلانـي شاعـرٍ يسقـي خصيمـه سـم داب***عرق سمه بين(ن) مابين نـاب وبيـن نـاب
جيتلـه ثـم شلـة نيبانـه وسمـه فالتـراب***يحسبنّه شاط قلبـي لامسكـت انيـاب حيّـه
مـادرى انـي فالـجٍ فرّيـس قـومٍ طيبيـن***لاغزو يغـزون مكسـب مايجونـك خايبيـن
بس جاهم حظً اقشـر يـوم جونـي مقبليـن***وارجعو والحد عقب الالف صار الحـد ميّـه
ويش اجـل ياواحـدٍ مايـوذي بشـرّه سهـل***والله انـي ماحسبتلّـه ولـو انّــه جـهـل
لو عطيته من سمومـي نفحـةٍ تعمـي فهـل***يعرف اني قاسـي(ن) ثـمً يفارقنـي شويّـه
مادرى ان جنون الارض اللي تحت تحكي بفنّي***نصف مكتوبي تناقل عند جنّـي ليـن جنّـي
وقّروني واعرفوني واعرفو حكمـي وصنّـي***ويش اجل عاد البشر وعلومها الصـم الخفيّـه
يالريـاح العاتيـه هبّـي وشيلـي كـل بـوم***اكنسيهم واقلعيهـم واقلعـي حـدب الرخـوم
الرخوم تشيل حدب(ن) كيـف ذالدنيـا تـدوم***كيـف بقعـاء حللـة للساقطيـن العنجهـيـه
القصايد لعبة(ن) لي مبطي(ن) من يوم صغري***لاكتبت البيت يدخل فالقلوب الخضـر دغـري
لو محيا من كتبتـه مغـريً فالبيـت مغـري***يعنـي ان ابيـات شعـري كل ابوهـا شايخيّـه
شفت عابر قاطـعٍ طرقـه يوصلّـي كلامـه***يوم جاني ماعرفنا وش حلالـه مـن حرامـه
شايـلٍ حملـة ملامـه ثـم خلاهـا ختامـه***قلت يالعبـر تكلّـم قـول وش حملـك عليّـه
قال انا جيتك اقـول وكـل ذا العالـم يقولوا *** انت سباح البحـور ولولـوك ماهـوب لولـو
لولوك لو طب سوقـه تنبهـر منـه العقولـو ***ليه ماتسمـع كلامـي وانـت راع الاولويـه
قال انا لي خاطـرٍ مايحتمـل قـول البجاحـه***يوم ابرّق وآتطلّع في قصيـدٍ وسـط ساحـه
والله انك لو دخلته تاخذ امـن اكبـر مساحـه***ثم قفـى مـن وراه مواسـي شـداد المطيـه
ثم لحقته قلت يالعابـر تعـال ابشـر بخيـر***انت تامر والمراد اللي تبيـه ابشـر يصيـر
لوّ تطلبني عسير(ن) من ورا حجـب العسيـر***والله ان يصبح سهاله والحكاوي مـو قضيـه
بس فـي بالـي خطـابٍ ودي انـك تسمعـه***لدّلـه بالـك وروّح كـل فــرجٍ تقطـعـه
هو كلامٍ يشبـع اللـي وسـط بالـك يشبعـه***يعني انك تقتنـع والقـول مقفـول(ن) بليّـه
لي رفاقه وسـط ساحتهـم يشيلـون الحمـول***مبتداهم خير مبـدى يعنـي اسيـاد الزحـول
صاحيٍ ينوي عليهـم مايجـي غيـر مهبـول***هم ثلاثه ماخذين(ن) عن مساحـة سـت ميّـه
محمد ابن الذيب راع الطيـب مسكانـه قطـر***لاحكا يالعابري مـن بـوزه ايفـوح العطـر
كايـدً للـي يهيـم بغزوتـه يعنـي خـطـر***يعنـي ممنـوع التقـرّب للرجـال الهايميّـه
والسبيعي ناصر اللي لانـوى المغـزى غـزا***مـن نـواه العالـم الله يلحـق لربعـه عـزا
امتفرعـن قـد ماسمّـي وهـذا لـه جــزا***والحقايق صايبه..ومصوّبـه..... للصايبيّـه
والغبيوي شاعر(ن) لاساق منظـوم القصايـد***ينرضخله كل صلفٍ كل صعـبٍ كـل كايـد
الجزالـه فالغبيـوي مـن قديـمٍ لـه عوايـد***يخمد الصاحي مع الماحي على اليمـه سويّـه
سادة الساحـه ثلاثـه كـل رجـلٍ يعتـرف***هـم رفاقـه والرفاقـه مبتداهـا بالـشـرف
هذا منطوقي وقلته بـس مـن شـان اتعـرف***كل مـا فالبـال قلتـه مابقـى لوهـو بليّـه
قال مانـي مقتنـع منّـك ولـوّ انّـك حكيـة***جيت يمّك وانت تدري ليـه انـا بالله جيـت
يايتـم الامـر ولا عدّنـي مقفـي مشـيـت***ادخل الساحه وخل النـاس تضربلـك تحيّـه
قلت تبشر والصبيحي عـدّه انـه قـد وصـل***وانت مطلوبك يتم وغايتـك تبغـى تحصـل
لجل عينك والله ان العاصي ان يزرع بصـل***دام راسـي حـي يالعابـر ودنيانـا مـديّـه
المتيـــــــــــــــــــــــم
27-02-2008, 05:05 AM
جنون الأرض للشاعر/ بدر الخالدي (شاعر المليون ) 
رد: جنون الأرض للشاعر/ بدر الخالدي (شاعر المليون ) 
العرض العادي
