يالله عفوك

[barbiy]

	يالله عفوك يوم تصفيـة الحسـاب .. يوم حصاد لما زرعنا في السنيـن يوم الحشر قرب ولا معنـا زهـاب .. اليوم في الدنيـا وبكـرة راحليـن نجني ذنوب ونرتجي عفـو وثـواب .. وعلى نصر ربي لنـا مستعجليـن تدرون ليـه آمالنـا مثـل سـراب .. تدرون ليه النصر سيف الأولييـن الأوليين أعمالهـم وفـق الكتـاب .. قاموا عليه وباعوا الدنيـا بديـن وحنـا غفلنـا بيـن مالـذ وطـاب .. والنصر سيف ما يسلـه غافليـن نصبح على شوف انتهاكات وخراب .. ونمسي على دمع وتنهات وونيـن بصدورنا شي تذوب الـه الهضـاب .. وأفعالنا والواقع رياح .. وطحيـن وعلى العيون من الفتن مثل الضباب .. معد درينا من يسار ومـن يميـن ما للضيف الا الدعا لو مـا يجـاب .. ما غيره الا الشوف مكتوف اليدين يالله زلزل تحـت الأعـداء التـراب .. والطف بنا واحقن دماء المسلمين ندعيك يا قادر على جعل السحـاب .. جيش لنصـرة قلـة مستضعفيـن أغرقهم بنوع مـن أنـواع العقـاب .. غرق الغلام اللي يحسب انه فطين لوما عصى نوح نجا به في رحـاب .. سفينته وأمضى معه في العمر حين لكنـه اختـار الخسـاره والذهـاب .. اصنع بهم صنعك به وانت المتيـن والا اخذهم يا مجري سود الحقـاب .. أخذ العجوز اللي بقت في الغابرين ذوقهـم اللهم أنــواع الـعـذاب .. اللي عثوا في أرضك أمن المفسدين وألطف بمن لبسوا من التقوى ثياب .. عبـادك المستهدفيـن المتقـيـن تكالبـت عليهـم أنيـاب الـذئـاب .. ولا غير عونك يا معين الصابرين من بينهم شيبه يعجـزون الشبـاب .. من وقفته من طولها في الركعتين ومن بينهم بنت تـون بـلا حجـاب .. أحجابها لفوا به الجـرح المكيـن وطفل عن عيون أمه الثنتين غـاب .. تبكيه عين وتلتفت لأخيـه عيـن من هول ما يجري لهم شاب الغراب .. يا وسع حلمك وانت ما فوقك مدين أدعيك وانت ادرى بحال أهل المصاب .. وأمد كفي لك يا أكـرم الأكرميـن ، الشاعر محمد بن فطيس المري، اللهم آمين