ومرت السنين ( قصة من تأليفي أتمنى تعجبكم )

[متكحلة بدم خاينها]

ومرت السنين ( قصة من تأليفي أتمنى تعجبكم )

--------------------------------------------------------------------------------





ومرت السنين ( قصة من تأليفي أتمنى تعجبكم )

--------------------------------------------------------------------------------



(( ومرت السنين ))

.................................................. .................................................. ..............................


بسم الله الرحمن الرحيم

السلام عليكم

كيفكم اخباركم .. ؟
عساكم بخير

هادي قصتي ثانيه اتمنى تعجبكم

وإذا عجبتكم راح انزلها كلها

(( ومرت السنين ))


الشخصيات :

لعنود : عمرها 22 سنه متوسطة لجمال حنطيه طوله زين عيونها واسعة شعرها مصبوغ طويل دوم تبكي حساسة تزوجت من خالد قبل سنتين ولم يرزقوا بأطفال
السبب عدم موافقت لعنود على علي لاانا لعنود تعتبر علي مثل أخوها واكثر وهوا كان يحبها واهي كانت تكلم خالد قبل ما يزوجها على المسنجر وحبته وحبها وتالي قال يبي يعرف بيتهم عشان يخطبها وكل ما يخطبها علي اهي ما توافق ويوم خطبها خالد وافقت بس عمها فيصل ما كان ما وافق
وهي خلت عمها فيصل يوافق على زواجهم

خالد : عمره 24 سنة طويل الإقامة عريض أبيض له هيبة عاطفي حساس يحب لعنود بس اهو على وشك زواج

عائلة لعنود ::
فيصل ( عم لعنود) : عمره 26 سنة طويل اسمر عيونه واسعة مأخد خالة لعنود
يحب بنت أخوه بس كان رافض انه تتزوج من خالد

علي( ولد عمها) : عمره 22 سنة أكبر من لعنود بشهر طويل ضعيف أبيض جميل يحب لعنود من صغره خطبها ثلاث مرات بس اهي رافضته ومن رفضته لعنود متزوج ما يبي إلا لعنود لآن متعلق بها وايد واهو وحيد أمه وأبوه

خلود ( خالة لعنود) : عمرها 25 سنه طويلة بيضا جميلة بمعنى لكلمة طيبة وبسرعة تنحب مزوجه من عم لعنود عندها ولد وبنت لولد مشعل ولبنت لوجين

أمل ( بنت خالة لعنود): عمرها 22 سنة بيضا طويله شعرها قصير أسود طيبة عند لكل حياتها كلها مزح وضحك وناسه

ريم ( بنت خالة لعنود): عمرها 24 سنة متطفلة ملقوفة إلى أقصى حد وإذا عطيتها خبر تنشره لك في نص ساعة بس تدخل لقلب بسرعة

جيران أهل لعنود:
هم بنتين

سارة : عمرها 24 سنة طولها متوسط حنطيه جميلة وطيبة وحبوبه وصفات وايد فيها
هند ( هذي لبنت للي راح خالد يزوجها) : عمرها 23 سنه بيضا طوله زين شعرها طويل عيونها ناعسه محبوبة ومرحة وطيبة مثل أمل له نفس صفات وطيبة على نياتها

البداية (الجزء الأول )
لعنود يالسة تذكر

(( منذ طفولتي كانوا يقولون لعنود إلى علي وعلي إلى لعنود وكنت اردد هالجملة مستحيل آخذ شخص من العائلة ............ وفي أيام مراهقتي صرت أفكر بعريس المستقبل تمنيتها طويل عريض يقدر الحياة زوجية حساس مثلي وإذا أمه عصبية
ماريده في بيتي .............. وكل للي تمنيتها أصبح حقيقة ........
17 / 12 تاريخ زواجنا ))
خالد ( قطع ذكريات لعنود ) : لعنــــــــــــــــود لعنــــــــــــــــــود
لعنود : نعم شو تبي مني
خالد: بغيتج تذكرين هاليوم لو نسيتيه
لعنود: أنسى نفسي ولا نساه
خالد: لعنود ليوم بوصلج بيت يدج
لعنود: ليه مابنحتفل ليوم
خالد: لا اليوم وايد مشغول وعندي عرس واحد من ربع
لعنود: ..........
خالد:عنودي لاتزعلين
لعنود: مازعلت بس انتظرني بأخذ شاور
خالد: أوكية انتظرج
(( مسكينة لعنود على نياتها خالد ليلة بيعرس عليها واهي ياغافلين لكم الله ))
لعنود حملت له فستان أسود قصير عشان أتروح مع خالتها صالون عشان إذا رجعت لبيت تحتفل مع خالد
في بيت يد لعنود
مكان حد هناك ولعنود كل ماتتصل لهم يعطوها مشغول ساعة تسع ونص طلعت لعنود برا من بيت يدها شافت بنت عم هند نوف
( بنت عم هند ) نوف: لعنود ليه ماتعدلتي
لعنود: ليه اتعدل
نوف : ليلة دخلت هند
لعنود ( انصدمت من كلام نوف) : شنو من متى اهي مخطوبه وليه محد قال لي
نوف : من ثلاث شهور يمكن بس خلود وأمل يدرون
لعنود: شلون أمل ليه ما قالت لي وسارة بعد ليه ما قالت لي
نوف : ما يبون حد يدري
لعنود: ليــش
نوف: لان ريلها عنده وحده من قبل
لعنود: هههه ليه وافقت عليه إذا عنده حرمه وغبية حرمته متدري عنه شنو اسم حرمته اعرفها؟؟
نوف : مدري شنو اسمها
لعنود: عيل ريلها شنو اسمه؟؟
نوف : اسمه خالد سعيد السبيعي
لعنود( ماقدرت تتكلم) :.............
نوف : لعنود بتروحي معانا
لعنود: انتظريني بروح ابدل ملابسي
(( لعنود لبست لفستان الأسود للي كانت بتلبسه إلى خالد ليله كان ثوب اسود قصير كان جنان عليها حطت له كحل ومرطب وراحت معاهم ))

وصـــلوا صالة الفيصلية

تتوقعون شو بتسوي لعنود إلى هند
وش بتكون حياة خالد ولحين عنده حرمتين
ولعنود شنو بتسوي مع أهلها لان مخبروه عن زاوج خالد من هند

[متكحلة بدم خاينها]

(( الجزء الثاني))

(( لكل كان يطالع لعنود بدهشة وألو شخص
سارة ( أخت هند) (( كانت لابسه فستان أحمر ذيل وكان عذاب عليها ومكياجها كان روعه ))
لعنود ( شافت خالتها خلود متكشخه على الاخر )
خلود كانت تدري بسالفة خالد وهند بس محد قال إلى لعنود
لعنود ما مسكت نفسها من لصياح يت سارة تهديها )))

سارة : لعنود خلاص اهدي مانبي مشاكل ليلة
لعنود: شلون تبيني اهدا واهو مأخد عليي حرمة ثانيه عشان شو عشان ما يبت له عيال
سارة : خلاص لعنود سوي نفسج ليلة دارية بالموضوع قدام ناس
لعنود : شـــــو
سارة: عنودي بليز
لعنود : ما قدر يا سارة اتحمل للي يصير لي
سارة : سلمي عليها قدام ناس عشان ما نبي حد يتكلم
لعنود : ما قدر
سارة : عشان خاطري وعشان خاطر خالد سلمي عليها
لعنود( بنفاذ الصبر) : أوكيه
سارة: رويني الابتسامة الحلوة
لعنود ( ببتسامة مصطنعة ) : ....
سارة: لعنود قولي تم
لعنود: تم
سارة : ترقصي معانا بعد شوي تظاهري قدام ناس أنج راضية وفرحانة وش رايج
لعنود ( وسكاكين يقطعون قلبها ) : إن شاء الله

صعدت لعنود ولكل كان يطالعها بدهشة
سلمت على هند
لعنود: مبروك عليج خالد يا شريكتي
هند(( كانت مصدومة من ردت فعل لعنود واندهشت انه ما سوت مشاكل )) : الله يبارك فيج ( قامت وحضنت لعنود) : ما توقعتج تيي
لعنود: أولا ما قلتي لي وثانيا لازم احظر ( لعنود نظارتها كله غرور ) : اهو غالي وأنتي غالية
(( نزلت لعنود من الكوشة واهي كارها هند من كل قلبها ))
بعد طق ورقص والوناسة بيدخلوا المعرس لكل قام يلبس عباته وللي بيتغشى

نوف: يحضج ما بتتغشي من ريلها طبعا ( قاطعتها لعنود )
لعنود : اهو ريلي قبل ما يكون ريلها
سارة : نوف خلاص سكتي لعنود هدي نفسج

(( دخل المعرس ( خالد ) وحطوا أغنية هلي لا تحرموني لعنود ما مسكت نفسها من لصياح لآن خالد دوم يحط له الأغنية وكيف هالمرة لغيرها ))

صعد خالد لكوشة سلم على هند وباسها وحضنها
خالد : مبروك
هند : الله يبارك فيك
( المصورة طلبت من خالد انه يسوي حركات رومنسية بس اهو مطاع يسوسهم كلهم)
لعنود ( والغيرة تأكل قلبها ركبت تسلم على خالد) : مبروك منك المال ومنها لعيال
خالد ( كان مصدوم من وجود لعنود) : الله يبارك فيج لعنود سلمي على هند
لعنود ( ونظرات الغرور وتكبر في عيونها طالع هند من فوق إلى تحت) : مب لازم اسلم عليها لان سلمت عليها من شوي
خالد : سلمي عليها مرة ثانية
لعنود ( راحت سلمت على هند وباركت له مرة ثانية)
خالد: لعنود تعالي صوري معاي
لعنود : مابي شكرا كمل صورك معاها
خالد ( بكل حنان) : عنـــودي عشـــاني
لعنود : إن شاء الله
(( خالد صور مع لعنود عشان ما تحس بالغيرة أكثر))

انتهى العرس ولكل راح بيتها
خالد سكن اهو وهند في قسم لوحدهم في بيته

(( في صباح ليوم ثاني))

كانت هند نايمة
خالد طلع برا عشان يسلم على لعنود لقاءه في الطبخ تشرب قهوة

خالد : السلام
لعنود: وعليكم السلام شخباارك ؟؟
خالد : بخير إذا أنتي بخير
لعنود( شلون يبيني أكون بخير واهو مأخد وحدة على راسي ) : بخير
خالد ( مسك يد لعنود) : لعنــــــــــــــــــود
لعنود: خير
خالد : بروح أنا وهند لندن
لعنود : نعـــم
خالد: للي سمعتيه
لعنود ( بكت ) :...................
خالد : أي بروح
لعنود: أنت قاسي ليه تعمالني جيه قدر مشاعري واحسياسي
خالد( وهو يشوف دموع لعنود قلبه يتقطع عليها ) : لعنود أنتي في شهر لعسل قعدتي شهر ونص واهي راح تقعد أسبوعين بس
لعنود: ودني بيت يدي
خالد : لازم أعدل بينكم
لعنود : عيل سفرني معاكم
خالد: شنو أصلا لحين مافيه حجر حتى لو فيه مابي أخدج معانا
لعنود: آآف لحين اهي لها دلع وحنا خلاص ما بندلع
خالد: من قال ما دلعج
لعنود : عيل ليه بتخليني في بيت لوحدي
خالد : أنتي قلتي من البداية ما تبي حد وياج في لبيت
لعنود ( بدت تزعل) : خالد بليز لا تجرح مشاعري
خالد : أنتي تجرحي مشاعري وتهينيني عادي بس أنا أقول لج أي شي علطول تبكين وتزعلين أبي أعرف ليه تسوين جي
لعنود : الله يأبو المشاعر أقول خلي وحده من خواتك تيي عندي
خالد ( خلاص نفد صبره وبدء يعصب) : سمعي عاد أنتي تكرهي أمي عشان اهي عصبية وخواتي ما يقدرون عليج أنتي بسرعة تزعلين ودوم تجرحيهم بكلامج شلون تبيهم يتحملوج أسبوعين
لعنود: خلاص بيلس في لبيت لوحدي ما صارت
خالد : أحسن ( ركب عشان يأخد شاور )
هند: حبيبي يله طلع عشان تصلي ورح المطار
خالد : أوكيه عمري

( طلع خالد من الحمام شاف هند توه قايمة من نوم بعدها كانت لابسه ثوبها نوم
أول مرة خالد يدقق في جمال هند كان يطالعها بكل رقة ونعومة شعرها طويل وعيونها ناعسة كانت تينن ) : الله يا هند تهبلين أنتي عذاب ( قام خالد يغني تنحط على جرح وقعد يرقص)
هند( قعدت تضحك على خبال خالد ): خالد بس
خالد: ليه كوني مثل لعنود كل شي عادي
هند ( هين يا خالد إن مخليتك تنسى لعنود وأهلها ما أكون أنا هند) : إن شاء الله
( خالد كان في كامل كشخته طلعت هند من لحمام كانت لابسه بنطلون جينز أسود وبلوزة حمرا كانت طالعه غرام لبست عبتاها وبرقعها وطلعوا خالد طلع لسيارته عشان ما يودع لعنود ولعنود ذبحت نفسها من لصياح لان خالد ما ودعها )

انطلقت طيارة إلى لندن
وصلوا إلى لندن

خالد حجز شقة كانت غرام
كان كل شي فيها حلو ناموا عشان يرتحوا من عناء السفر وبعد ما رتحوا
راحوا المطعم يتغذون وبعد ما تغذوا
راحوا المتحف

( وقفت هند تناظر تماثيل عجبها تماثل كان عذاب نادت خالد)
هند : خـــــــــــالد شوف هالتماثل ينن
خالد ( تذكر لعنود يوم يون لندن عجبها تماثل ) :..............
هند ( قطعت ذكريات خالد) : خـالد خــالد حبيبي في شو قاعد تفكر اكيد بالعنود صح
خالد : لا ما أفكر بها كنت افكر شلون ايب لج مثله
هند ( أي كذب على غيري ) : أنا ما ابي مثله بس قلت لك رأيي إذا يهمك
خالد : أكيد يهمني

.. مرت الأيام بسرعة عند خالد وهند
... وطويلة عند لعنود

في لندن عند خالد كانوا في سوق يشترون هدايا لآن باقي يومين ويرجعون

هند : خلودي حبيبي اشتريت شي إلى لعنود ؟؟
خالد : بشتري له شي من محل ذهب وأنتي اشتريتي شي
هند : أيه اشتريت فستان إن شاء الله يعجبها
خالد : أكيد بيعجبها
هند : واثق
خالد :: أيه لأن من ذوقك
هند : تسلم خالد شرايك محل هالذهب
خالد : أوكي
(( دخلوا المحل كان الذهب غرااام ))

خالد : هنوده اشرايج حلو على لعنود مو
هند ( ياربي شفيه احنا في شهر العسل واهو يالس يتكلم عنها ) : ايه حلو يناسبها
خالد : شرايج بهذا حلو عليج عمري
هند : تسلم حبي
خالد : يلا حبي ابي احاسب عشان نطلع ونروح المطعم نتعشى
هند : بس أختي سارة مأشتريت لها شي
خالد: شرايج نشتري له عقد ناعم
هند : على راحتك
خالد : شرايج بهذا حلو وناعم
هند : حلو يلا نطلع

وصلوا المطعم
أكلوا لهم خفايف

هند : الحمد الله شبعت
خالد: وين مأكلتي شي
هند : لابس شبعت عمري
خالد : على راحتج بروح احاسب ونرجع الشقة
هند : آآآآف
خالد : اشفيج
هند : من صجك بنرجع الشقة
خالد : ايه تعبان
هند : حوط بنا شوي
خالد : حبيبتي تعبان حدي ابي ارتاح
هند : إذا تعبان نرجع
خالد: عشانج كل شي يهون

طلعوا من المطعم حوط بها في الحديقة ورجعوا الشقة
خالد مقدر يقاوم أول ما شاف السرير رمى نفسه ونام
أما هند شلت الهدايا في شمطتها وبدلت ونامت

(( في سعوديه عن لعنود ))

لعنود كانت يالسة تطالع صور زواجها وقعدت تبكي من لقلب

لعنود : أموت وأعرف لحين اهم في وين أكيد يالسين في مطعم يتعشون ويأكلون بعضهم لبعض شنــو يســون ياربـــــــــــــــي

( لعنود من زواج خالد على هند واهي ما تكلم حد غير سارة بنهم زيارات واتصالات أما أهلها قطعت علاقتها فيهم لان ما خبروها بزواج خالد من هند )

في صباح ليوم ثاني

خالد : قومي هنوده قلبي بسج نوم
هند : بليز ابي انام
خالد : عيل راحت عليج كنت بحوط بج
هند ( وهي تقوم من السرير ) : صــــــــج
خالد : ايه صج يلا قومي أخدي شاور

في سعوديه
( بيت يد لعنود )

خلود : لعنود وحشتني لا تتصل ولا شي ولا حتى تيي اصلا
أمل : من حقها
ريم : لو قلتوا لي عن خطوبة خالد وهند كان قلت إلى لعنود وخليتها تعلم هالخبل خالد
خلود ( عصبت من كلام ريم ) : ريــم عطينا مقفاج
ريم : آفــــــــــــــــ

(( تتوقعون شنو بتسوي لعنود إذا رجع خالد وهند ))

[أميرة الورود]

شكرا على المشاركة الرائعة

في انتظار التكملة

ينقل لقسم القصص الطويلة

[سلطان !!! زمانه]

وايد حلوه

مشكوورين

[متكحلة بدم خاينها]

(( الجزء الثالث ))

عند لعنود

كانت فرحانه على الاخر لآن حبيب قلبها بيي بكره نظفت وعطرت لبيت بس مب اهي أكيد الخادمة لأن لعنود مستحيل تخدم غيرها

في لندن ساعه 12 ونص


خالد : يلا قلبي نبي نرجع الشقة عشان بكره موعد الطيران
هند : أوكي يلا

رجعوا شقتهم

في صباح

هند : خالد يلا قوم ما بقى إلا ساعة وحدة على موعد الطيران
خالد ( قام مثل المينون) : صـــــج
هند ( نقعت من ضحك على شكل خالد ) : أمزح معك باقي أربع ساعات قوم يلا
خالد ( يمثل أنه متعصب ) : مرة ثانية لا تعيديها
هند : مرة ثانية هههههههههه

روحوا المطار
وصلوا السعودية

خالد راح يسلم على أمه وخواتها وبعد ما سلم عليهم وصل هند بيت أهلها عشان تسلم عليهم

ورجعوا بيتهم
أول ما دخلوا البيت

لعنود ( قامت حضنت خالد بقوة ) : وحشتـــني
خالد ( مب طايق لعنود ) : تسلمي
لعنود ( راحت تحضن هند ) : الحمد الله على سلامة شخبارج ويا خالد إن شاء الله تمام
هند : تمام عال العال الله يسلمج
خالد : عن أدنج لعنود بروح نرتاح يلا هنوده قلبي
هند : اوكي عمري
لعنود ( وار تشتعل في قلبها ) : أذنك معك

( لعنود راحت غرفتها واهي تبكي قهر من خالد قالت تتصل لسارة قالت في نفسها شلون اشكي لسارة للي صار بين خالد وهند أكيد بتقول عني غيرانة تالي هدت )

ساعه خمس ونص

(لعنود يالسة في صالة كانت تشوف أغنية عزاه في نجوم شافت خالد وغيرت الأغنية

يلس خالد يم لعنود مسك يدها وحضنها وعطاها لهدية وباسها في خدها ورح عنها

اهني لعنود ما قدرت تصدق خالد يايب لها هدية وباسها وحضنها بعد )

هند ( يت وعطت لعنود هديتها ) : إن شاء الله يعجبك
لعنود : تسلمي حبيبتي
هند : الله يسلمك بس هذا الواجب

.. ومرت الأيام ولعنود وهند كل هواش ونجره

مر شهرين ع زواجهم

هند : آف ملل أبي اطلع
لعنود : قولي لخالد يا العروس
هند : بقول له ليش لا
دقت على خالد

خالد : ألو هلا
هند : اهلين
خالد : في مشكلة بعد
هند : لا نبي روح لبحر بليز خالد
خالد : إن شاء الله تجهزوا انتي واهي وانا جاي
هند : أوكي باي
خالد : بياات

سكرت هند
هند : قومي لبس عبايتج بيي
لعنود : كلوووش وآخيرا بنطلع

خلصت لعنود قبل هند

دق خالد
لعنود : ألو هلا
خالد : يلا طلعوا
لعنود :أوكي باي

طلعت لعنود وقالت لهند تنزل
ركبت لعنود قدام يم خالد

هند ( انصدمت من الموقف فتحت لباب ) : لعنود ركبي ورا يلا
لعنود : يا ســلام تبيني اجلس ورا
هند : مب ع كيفج انا للي اتصلت لخالد
لعنود : للي سبق لبق
خالد ( عصب ) : بس انتوا معدكم للي نجره
هند : هي سبب المشاكل
لعنود : أنتي سببها
خالد : هند حبيبتي ركبي ورا وخلي الموضوع ينتهي
هند : إن شاء الله
لعنود ( يسلت تطالع في الأشرطة تبي تختار شريط في أغنيه حلوه ) : خالد حبيبي ابي أغنية حلوه
خالد ( مسك ايده ) : حبيتي في شريط في الدرج افتحي الدرج واخدي شريط
لعنود : يا علني أفداك يا خالد
خالد : يسلموو
هند ( ميته قهــر من حركاتهم بس هين يا لعنود ان ما كسرت قلبج ما اكون انا هند ) : . . .

وصلوا البحر

هند : بس نرجع اكون قدام فاهمة
خالد : آآآف بدينا أقول بتمشى يلسوا بوحدكم ما بتأخر
لعنود : بيتمشى بوحده وش هالحض
هند : سكتي لوفيـج خير كان يبتي عيال
لعنود ( تحطمت من كلام هند ) : شقصدج هند انا العقيم مب خالد
هند ( يت في بالها فكره انها تكون حامل) : ايه
لعنود دقت على خالد

لعنود : خالد نبي نرجع
خالد : أحسن

يا خالد
ركبت هند ورا

وصلوا البيت

لعنود ( دقت على عمها فيصل ) : ألو هلا عمي
فيصل : هلا والله بالقاطعة
لعنود : عمي ممكن تمر عليي ابي اروح المستشفى ابي احلل
فيصل : خير إن شاء الله
لعنود : لحين عمي ابي اروح
فيصل : ليه
لعنود : بس
فيصل : إن شاء الله جهزي عيل
لعنود : مشكور يلا باي

سكرت لعنود

( يا عمها وراحت معه وحللت
ومر أسبوع وأخدت تحليل وطلعت ما فيها أي شي أكيد خالد العقيم مب اهي)

(( هند سوت نفسها حامل وخالد المسكين صدقها سنتين ما عنده عيال أكيد لحين بيصدق ان العيب مب فيه في لعنود ))

في غرفة لعنود

لعنود : شلون هند حامل وخالد فيه العيب ابي أعرف لأزم اروح إلى خالد

لعنود شافت هند وخالد في صالة

لعنود : هندوه شلون انتي حامل وخالد ما ييب عيال
هند : من قال خالد فيه العيب أنتي للي فيك العيب
خالد : أيه والله صدقتي
لعنود : يعني أكذب عليك
هند : غيرانه
لعنود : وععع مغار للي منج
خالد : لعنــود بس خلاص كافي تحملتج سنتين
لعنود : والعشره ليي بينا
خالد : أي عشره
لعنود ( بدت تبكي ) : طلقني يا خالد
خالد : ابركها من ساعة روحي بيت يدج وأنا ارسل ورقة طلاقج
هند ( حست بنصر ) : .......................
لعنود : إن شاء الله انا طالعه

لعنود راحت بيت يدها وأخدت كل أغراضها من عند خالد

وصلت بيت يدها

لعنود : السلام
لكل : وعليكم السلام
لعنود ( راحت حضنت خالتها خلود ) : خالد يا خالتي
خلود ( خافت على بنت ختها ) : شفيها مات
لعنود ( بدت تبكي ) : طلقني وبيرسل ورقة طلاقي
لكل ( بدهشة ) : شو
أمل ( بدت تبكي على حال بنت خالتها ) : شلون اهو يحبج ويخاف عليج ليه يطلقج
ريم : أكيد من هند
لعنود : أي أكيد عيل منو غيرها
ريم : عيل لا تكلمي أختها
لعنود : شو تقولين سارة مالها ذنب ليه احملها ذنب مو ذنبها
خلود : لعنود حبيبتي اهدي أنا بكلم عمج يحل الموضوع
لعنود : مابي عمي يحل المشكلة بس قولي لهم لعنود تطلقت من خالد
أمل : عنودي قومي أرويج غرفتنا
لعنود : يلا

عند خالد وهند

خالد ( يحس بتنيب الضمير على للي سواه بالعنود هذي آخرة حياتهم زوجية تنتهي بطلاق )
هند : خالد شفيك
خالد : ما فيني شي
هند : أكيد تفكر بالعنود مو
خالد ( برتباك ) : لا أي لا
هند ( عصبت ) : خالد لعنود طلقته خلاص لتخلينا في مشاكل بسبها عاد
خالد : إن شاء الله

في بيت يد لعنود

خلود : تدرون إنا علي خطب لعنود
لكل : شــو . . . ؟
خلود : سكتوا ما نبي لعنود تسمع عمها قال لي انتظرها لين تهدى عشان بيكلمها اهو
ريم : مدري ليه ينتظر لعنود تزوجت وتطلقت وبعده ينتظرها الحب وما قتل
أمل : ريموه وش هالكلام كلش ولا لعنود حنا ما صدقنا كلمتنا
خلود : صح بتيي سارة تبي تشوف لعنود
ريم : بتيي تشوفها لها عين والله انه ما تستحي
أمل وخلود : ريـــــــم

يت سارة
( لكل سكت )

سارة : السلام
لكل : وعليكم السلام
سارة : أخباركم عساكم بخير
أمل + خلود : بخير إذا انتي بخير
سارة : يسلمـو أموله وين لعنود ابيها
أمل : تعالي وياي

ركبت أمل وسارة
طقت سارة لباب فتحته لعنود
لعنود ( أول ما شافت سارة حضنتها ) : وحشتيني
سارة : وأنتي أكثر
لعنود ( يلست تبكي ) : آآه ي سارة
أمل ( بخوف ) : شنو فيج
سارة : أمل خلينا بروحنا
أمل : ما قدر اخلي لعنود بالحالة هادي
سارة : أمل
أمل : إن شاء الله

طلعت أمل
سارة ( تقطع قلبها على لعنود ) : شنو فيج
لعنود : وحشني خالد
سارة : شنو ؟ اهو طليقج شلون يوحشج
لعنود : سارة سموحة منج
سارة : ليه تتأسفي
لعنود : عشان انتي اخت هند وأنا يالسه اشكي حالي عندج
سارة : لا تقولين هالكلام معزتكم من معزت هند
لعنود : بس حمل هند كاذب
سارة : شلون
لعنود ( طلعت تحليل ) : شوفي إذا انا سليمة وما معاي أي شي أكيد العيب في خالد طالعي تحليل
سارة ( شافت تحليل واهي مصدومة من أختها ) : ايه انتي صادقة عيل ليه هند تكذب على خالد لآزم اعرف سالفة مع سلامة تأخرت وااايد
لعنود : أوكيه باي

روحت سارة بيتهم نزلت لعنود

خلود : لعنود ركبي فوق عمج بيي يبيج في موضوع
لعنود : ليه شنو الموضوع
خلود : بعدين تعرفي
لعنود : يلا بركب عيل

يا عمها فيصل

فيصل : خلود وين لعنود
خلود : فوق في غرفتها تبي تكلمها في الميلس لو في غرفتها
فيصل ك في غرفتها
خلود : ايي معاك
فيصل : لا انا ابي اكلمها بوحدي

( ركب دق باب الغرفة )
لعنود : منو . .؟
فيصل : أنا عمج

( فتحت لباب )

لعنود : هلا عمي شخبارك . .؟
فيصل : بخير وأنتي . .؟
لعنود : بخير
فيصل : لعنود اخدي ورقة طلاقج
لعنود : لا مستحيل
فيصل : خلي ورقة طلاق بعدية عن الموضوع
لعنود : يعني مو هذا الموضوع
فيصل : لا موضوع ثاني
لعنود : تفضل عمي
فيصل : علي ولد عمج يبيج على سنة الله ورسوله
لعنود ( صرخت ) : لا مابي حد مابي اتزوج
فيصل : مب ع كيفج
لعنود : انا وحده عمرة 22 سنه ومطلقه بعد
فيصل : بس انتي مطلقه وابوج وامج متوفين وما عندج اخو ولا عندج عيال
لعنود : بــس
فيصل : انتي مطلقه يبالج ريال سند للسنين ليايه
لعنود : عمي حرام عليك
فيصل : شنو قلتي
لعنود : ...............
فيصل : ابي رايج
لعنود : ....
فيصل : لعنــــــــــــــــود
لعنود : موافقه
فيصل : انا بمشي بيت عمج ويا خالتج تروحي معانا
لعنود : مابي اروح فيصل : على راحتج يلا نزليني تحت
لعنود : إن شاء الله

نزلت يا عمها

لوجين + مشعل : يبه نبي نام مع لعنود
فيصل : لا بروح بيت علي
مشعل : آآف مانبي علي تمللنا منه
لعنود : عمي خلهم يناموا يغيروا جو
فيصل : عشانج بس
لعنود : تسلم عمي
فيصل : قولي لخالتج انتظرها في سيارة
لعنود : إن شاء الله
فيصل : مع سلامه
لعنود : الله يسلمك

( طلع عمها وبعده طلعت خالتها )

ركبت لعنود غرفتها
يلست تبكي
يت أمل

أمل : عنودي فرحي بتكونين عروس
لعنود : آآآآه عروس لا ذكريني
أمل : علي يحبج لا تفرطين فيه
لعنود : صج أنتي منو للي خبرج . .؟
أمل : اهو خطبج ثلاث مرات وانتي رفضتيه وتزوجي من خالد وانتظرج وتالي تطلقتي من خالد وخطبج هذا يدل على الحب
لعنود : أمل تركيني بوحدي تعبانه
أمل : بس تملجون لازم نروح سوق نشتري لج أشياء لعرسج
لعنود : يصير خير

عند فيصل وخلود

خلود : عمري لحين وش رد لعنود
فيصل : موافقة
خلود : وافقت
فيصل : ايه وافقت خايف عليها
خلود : لا تخاف علي بيحطها في عيونه
فيصل : لخوف مو من علي لخوف من لعنود حالتها ما تسمح لها بزواج وطق واهي مطلقه
خلود : عادي في غيرها مطلقين ومسوين عرس وعدهم عيال بعد ما صار شي
فيصل : بس
خلود : خالد معطاها المؤخر لو ما بيعطيها
فيصل : بيعطيها 55 ألف
خلود : بس المؤخر 50 ألف
فيصل : يقول خايف عليها ضيع لو تحتاج إلى أحد
خلود : لو خايف عليها ما طلقها
فيصل : خلود حبيبتي غلقي الموضوع اهي بنت اخوي لوحيده
خلود : اهي بعد بنت اختي
فيصل : بس مو الوحيده
خلود : بس لعنود غالية
فيصل : ............................
خلود : اني سعيده لاني اخدتك
فيصل : أنا أكثر
خلود : بتروح بيت اخوك تبشرهم
فيصل : ايه يلا قومي وصلنا

في بيت أبو علي

علي : هلا والله بعمي وحرمته وين مشعل ولوجين
خلود : بينامون في بيت يدهم خلاص شافوا لعنود ما بيتركوها
علي ( فرح لان طروا اسمها ) : عمي بشر وافقت
فيصل ( يبي ينرفز علي شوي ) : والله يا علي البنت ما اقدر اكمل
علي ( ضايق ونعفس ويها 180 درجة ) : مب موافقة صح
خلود ( تضرب كتف فيصل بخفيف ) : مبروك علي وافقت
علي ( صرخ من الفرحة ) : صــــــــــــــــــــــــــج
فيصل : ايه
علي : ليه عيل تقهرني
فيصل : بس
علي : حرمة عمي فستانج لعرسي وتعديلج كله عليي بس لوجين على أبوها
فيصل : يا سلام تدفع عن حرمتي
علي : غيور
خلود : مشكور علي بس تحمل سعر الفستان
علي : عساه بمليون اشتريه لج
خلود : كل هذا عشان لعنود
علي : أنا مسوي تحليل
خلود : اهي بعد مسويه تحليل من اسبوعين
علي : عيل الملجه بعد يومين وحفلة الملجه بعد اسبوع
خلود : مستعيل
علي : وايد
خلود : إن شاء الله بقول لها
علي : ليه ما يت معاكم
خلود : تعبانة
علي : ما تشوف شر إن شاء الله
خلود : الشر ما يجيك

عند هند وخالد

(( هند كانت تكلم سارة ))

سارة : هند انتي حامل
هند : شلون اكون حامل وخالد عقيم
سارة: عيل ليه تقولي انتي حامل وليه خليتي خالد يطلقها
هند : ساروه حسيت بالغيره تأكل قلبي توقعي يسولف لي عنها كل يووم حتى في ثاني يوم من زواجنا في شهر العسل
سارة : عادي اهي حرمته مثل ما انتي حرمته
هند : حرمت عيشته
سارة |: ليه تغيرتي يا هند . .؟
هند : انا ما تغيرت
سارة : عن أدنج
هند : أدنج معج

هند راحت لخالد في صالة

هند : ما دريت آخر الاخبار
خالد : شنو . .؟
هند : على خطب لعنود واهي وافقت
خالد ( انصدم ) : شو خطبها وافقت
هند :ايه بس انت ارسل المؤخر وفكنا
خالد : إن شاء الله
راحت هند
خالد ( بعده في تأثير الصدمه ) : كيف يهون عليه والعشره للي بينا انتهت بكل هالسهوله شلون توافق عليه

في بيت يد لعنود
لعنود : ياربي ليه وافقت
أمل : احسن لج

يت خلود

خلود : لعنود جهزي نفسج الملجة بعد يومين والحفلة بعد اسبوع
لعنود : شنو ليه هالعجلة
خلود : ريال مستعيل فيها شي
لعنود : ...........................
خلود : يلا بلا دلع
لعنود : على أمرج

مر هاليومين على لعنود بسرعة . ................
وعند علي دهر .....................

في ليل
بعد ما ملج الشيخ على علي ولعنود
روح علي بيتهم

كان لكل يبارك إلى لعنود

فيصل : مبروك منه العيال ومنج المال
لكل ( ضحك على كلام فيصل )
لعنود ( يلست تبكي ) : ........................
فيصل ( حضن بنت أخوه ) : شنو فيج حبيبتي
لعنود : مضايقه يا عمي
فيصل ( عرف ان كلامه زعلها ) : آسف يا بنت اخوي على لكلام للي قلته ليوم يومج أسبوع لياي حفلتج خلج رايقة
لعنود ( باست راس عمها ) : بحاول
فيصل : روحي رتاحي
لعنود : تبيني انام في بيتكم
فيصل : ايه
لعنود : ما قدر وبنت خالتي منو للي بييلس معاها رجعني
فيصل : حنونه مشاء الله
لعنود : اكيد طالعة على خالتي خلود
فيصل ( يطنز ) : أي واضح

مر الأسبوع ...............

ليوم الحفلة
لعنود : خايفة يا أمل
أمل : من شو . .؟
لعنود : عندي احساس غريب
أمل : يلا قومي بلا دلع عشان تروحي صالون
لعنود : إن شاء الله

عند علي

علي : آآآآآه يا عمي فرحان
فيصل : إن شاء الله تموت من الفرحه
علي : شنو فيك يا وجه العنز
فيصل : احترم نفسك لا ليلة ما اخلي لعنود تيي
علي : ضحكتني وما فيني ضحكه
فيصل : سخيف

عند هند وخالد

هند : ليلة الحفلة
خالد : حفلت منو . .؟
هند: لعنود طليقتك
خالد بهالسرعه
هند : علي مستعيل
خالد : مو مهم شخبار البيبي . .؟
هند : تمام يسلم عليك
خالد : هنوده عن دلع زايد
هند : زايد لو جابر ههه
خالد : شكلج ليوم رايقه
هند ( اي اكيد ) : ايه
خالد : دوم

ساعة 9 ونص بليل

أمل : علي ليوم بيموت ليلة من ها لحلاه
لعنود ( إن شاء الله يموت وافتك منه ) : تسلمي

(( ( لعنود كانت لابسه فستان ذهبي كان شعرها منفوخ وكان المكياج مفتوح كانت طالعه غرام )
( سارة وأمل لبسوا فستاين قصيره وناعمه والمكياج ناعم نفس كل شي بس الألوان غير )

( خلود تينن كانت لابسه فستان احمر ومكياجها ناعم وحلو يناسبها )
( ريم لبست فستان جلد النمر ذيل كان حلو عليها بس لسانها يبيله قص دوم تحش ) ))

ساره : عنودي يا حلوج
خلود : لعنود يلا قومي
لعنود : شو
خلود : أي بيلبسج وتالي رجعي
لعنود : مابي
خلود : لعبه اهي
أمل : عنودي قومي يلا
لعنود : إن شاء الله

دخلت لعنود وقف علي عشان يسلم عليها

علي : مبروك
لعنود ( شوي وبتبكي ) : الله يبارك فيك
فيصل : يله لبسها الشبكة وخلصونا تعبنا
علي ( عصب ) : آآآآآآآآف منك
لعنود ( يمه منه هادي اولها عصبي ياربي ) : . . . علي .........
علي : لبيه
لعنود ( نزلت راسها ) : ...............
لبسها شبكه
قطعوا الكيكة

علي( بيأكل لعنود من الكيكة ) : يلا لعنود
لعنود : ما احب اكل كيك
علي ( مد لها كأس العصير ) : عيل شربي
لعنود : ما شرب عصير

طلعوا قاريبهم من الغرفة
وصارت لعنود وعلي بروحهم


بس منو للي بيكون ويا علي ولعنود . .؟

وش بتكون ردت فعل لعنود بس تشوف هند . .؟

[framell]

مشكوووووووووووووره حبيبتي على القصه

[مودي السوداني]

قصة جميلة

[ضى الليل]

قصه جميله جدا

[زهرة فلسطين]

قصة روووعة

الله يسلم هالايدين متكحلة

ربي يحميكي

[أرق المشاعر]

حلوة لقصه ياليت تكمليها