خايفة أقول وخايفة ماقولش....... دلوني.

[rosa2008]

أخواتي وأخواتي في منتدايا المفضل هأعرض عليكم موضوع شاغلني الفترة دي وأتمني لو قدرتوا تساعدوني.............................


أنا ليا أخ بيحكيلي عن كل حاجة ف حياته أتعود علي كدة وأنا أعرف معظم أصحابه
كان في واحد في أصحابه قريب منه قوي ومحترم جدا جدا جدا وأهله كمان ناس محترمة جدا وخجول وفوق كدة كمان أتعرض لصدمة عاطفية من أنسانة حبها وفقد مع رحيلها عنه الرغبة في الحب والجواز ........................

الكلام ده كان من حوالي 3 سنين بعد صدمته ف حبيبته أكتئب وتعب نفسيا لمدة سنة

وبدأ يرجع لطبيعته بعدها لحد ما جاله شغل ف بلد عربي السنة اللي فاتت وسافر...........

بعدها لاقيت أخويا بيكلمني عن أن صاحبه ده لما سافر البلد العربي دي بقي بيشرب الخمور ويروح بارات وحاجات من دي لأ والأكتر من كدة كمان أنه هناك عايش مع واحدة فتاة ليل من غير جواز (والعياذ بالله) مع العلم أن مش عنده مشكله ف السكن هناك الشركة بتاعته بتسكن المغتربين بتوعها ف شقة ...................

الكل لام عليه بس هوه مش بيسمع لحد المهم نزل أجازة من فترة ولما نزل أهله ف البيت طلبوا منه أنه يخطب علي الأقل واحدة لحد مايسافر تاني ويكون نفسه شوية ويرجع يتجوز في أجازة السنة اللي جاية وألحوا عليه فوافق وبدأ يدور علي بنت الحلال يتجوزها

المهم ف مرة بالصدفة شاف واحدة ما تطلعش غير صاحبتي لأ وأيه كمان صاحبت عمري وتوءم روحي وأعجب بيها وقرر يخطبها وطلب من أخويا أني أفاتحها أنه عايز يخطبها

المهم أنا رفضت جدا بسبب سوء سلوكه بره وكمان بسبب اني مش هأقدر أقولها عليه من غير ما أقوللها علي كل اللي أعرفه عنه

أخويا طبعا مش موافق أني لو هقوللها أقوللها عاللي كان بيعمله وقاعد يقوللي بكرة يتجوز وربنا يهديه كان في واحد صاحبنا كان كدة برده ولما أتجوز ربنا هداه وعرف غلطه

المشكلة أن صاحبهم التاني ده قال كدة لما خطب وفعلا لما أتجوز ربنا هداه بس السنة اللي كان خاطب فيها وكان بره كان خاطب وف نفس الوقت عايش مع واحدة بره برده وكمان هوة لما اتجوز مش سافر تاني بس عريس صاحبتي ده هيفضل بعد كدة مسافر وممكن مش تعد صاحبتي معاه بره علي طول ممكن تروح له زيارت بس


أنا محتارة مش عارفة

ضميري بيعذبني ومشهقدر مش أقوللها خصوصا لو عرفت بعد كدة أنه كان كدة وأنا مش قولتلها وف نفس الوقت خايفة أقوللها تنهي الحكاية قبل ما تبتدي أو تحط الموضوع ف دماغها طول عمرها وتفضل تشك فيه حتي لو كان ربنا هداه فعلا ومش ناوي يعمل كدة تاني

ممكن تفيدوني ..........أنا عارفة أني طولت عليكم معلش من عشمي فيكم....

[koko973]

صديقتي روزا صدقت يمكن هذا الانسان يتوب ويمكن لأ ...أنا بدالك بقولها أنا ما اعرفش عنه شي بكفي بس بنصحك بالسؤال عنه كويس جدآ لانو كل شب بيطلع لبرا يلاقي نفسه محرر من القيود التي يفرضها عليه الأهل والمجتمع فبياخد راحته ..اسالي كويس عليه ..هيك بتكوني لمحتيلها وعملتي الي عليكي بدون ما تؤذي الشب ...وبعدين اذا رفضته.. هو الي غلطان وما حافظ على سمعته يعني حتخافي على سمعته أكتر منه هو (هذا رأيي)

[أمل الجزائر]

انا من راي ان لزم تصارحي صديقتك

[حورية الاستبرق]

السلام عليكم والرحمة:
عزيزتي وأختي في الله...في الإسلام وخاصة في امور لخطوبة والزواج لابد لابد لابد ان نلتزم الصدق والصراحة في الاخبار عن الشخص الخاطب مهما كان ولو كان لاقدر الله اخوك فهذا زواج وعشرة عمر وأي إخفاء لاي معلومات لصديقتك وانت تعلمين يعد غشا وخداعا فلابد ان تعرف وهي من تقرر ان ارادت الاستمرار او الرفض....اتمنى ان توفقي في قول الحق والتوفيق بينهما ان كان ذلك بس على فكرة لازم تعرفي لو تاب ولا لا لانه لو تاب لازم تخبري صديقتك انه تاب حتى تعرف انه ابتعد عن الحرام تحياتي

[tota_alex]

بسم الله الرحمن الرحيم
حبيبتى الغاليه كلام اخواتى العضوات كلام صحيح ومنطقى والتدخل بامور الزواج يجب ان تكون بكل صدق وصراحه
ويجب عليكى اخبار صديقتك بكل ماتعرفيه وازا رغبت وقادره على تغير ذلك الشخص او معرفته جيدا وتحكم هى ولكن انتى تفعلين مايوجب عليكى حتى لاتعلم بيوم اخر من اى جهه اخرى وتعاتبك لمعرفتك وانكارك عليها
اما عن الشخص فالعالم الله فلا نحكم عليه لعله يتغير ويتبدل حاله مع الارتباط وتحمل السؤليه وعليكى بالتحدث مع اخيكى بكل صراحه ووضوح

تقبلى تحياتى
توتا

[walaaamr19]

لا تخبريها

[rosa2008]

متشكرة قوي ياأخواتي علي ردودكم عليا ربنا يجعلها في ميزان حسناتكم ان شاء الله

أنا ميالة قوي لأني أقوللها عشان أريح ضميري بس أخويا هيبقي شكله وحش قوي قدام صاحبه كونه قاللي علي حاجة زي كدة

وخصوصا أن الصديق دلوقتي راح لصاحبتي وأتقدم رسمي ولو قلت لها هتعرف أهلها لأنها مش هترفضه من غير سبب خصوصا انه كعريس مش يتعيب

مش عارفة............................................. ..

[المدينية]

اختي انصحك بالصراحة معها لانو اولا هادي امور زواج وعشرة سنين طويلة اذا مو صديقتك لازم تصارحيها فما بالك اقرب انسانة لكي ولو اتقدملها شخص اخر غير صديق اخوكي وتعرفي انو رجل سئ هل كنت سترضينه له او انك ستصارحيها من واجبك مع صديقتك ان تكوني صريحة معها ولو انه خطبك انتي اخوكي ما كان راح يوافق حطي نفسك مكانها ولو حصل شي وفي النهاية اكيد حتلوميها لو كنتي مكانها
وايضا لما الناس بتسال عن العريس ممكن تكون في اشياء وسلوكيات وحشة في حياته لكن وقت خطبتو بيكون تركها لكن هذا العريس خطب وهو على نفس حاله السئ اليوم ما بتضمنيه فكيف حفكر على اساس بكرة وحتى لو زعلت في البداية حترجع وتلاقي مية زيو الصداقة ماتتعوض لكن الزواج حيجيها نصيبها ودا رايي ومن حقها عليكي

[engys]

حرام عليكى لو ماقولتى لها الحقيقة فممكن يخطبها بغرض الانتقام لنفسه مما فعلته الأخرى فيه فلا تجعلى صاحبتك هى كبش الفدا لأن يدمر نفسه وأخلاقه ودينه لازم تقوليلها

[حبيبي روح]

انا برأيي لازم تخبريها ضروري وهي الموضوع عندها بعدين
بس بغض النظر في اشخاص كتير بتكون مو منيحة وبعدين بتوب لرب العالمين
وبرأيي الشخصي ممكن الشخص اللي عنده ارادة قوية انه يتغير مشان شخص ممكن يتغيرواحنا لازم نشجعه
وربنا موفق انشالله