لمحبي العندليب الاسمر حليم

[Halim_Lover2986]

في البداية يا جماعة اتمني ان موضوعي ينال اعجابكم و رضاكم و خاصة انه اول موضوع ليا و اللي خلاني افكر فيه حاجتين اولا حبي الشديد جدا للفنان الراحل عبد الحليم حافظ و ثانيا اني قريت في منتدي الاغاني تحذير لاغنيه حسين الجسمي ان بيها جزء فيه شرك بالله و العياذ بالله .
فحبيت اوضح انه في برده بعض الحاجات دي في كام اغنية لحليم علشان ناخد بالنا اثناء سماعنا ليها اما اننا منسمعهاش خالص او نعمل في الجزء ده من الاغنيه الجهاز علي وضع صامت علشان ربنا يرحمه و يرحمنا احنا كمان .
اولا : بالنسبة لاغنية لست قلبي من كلمات كامل الشناوي و الحان محمد عبد الوهاب ، في احد كوبليهاتها بيقول ( قدر احمق الخطي سحقت هامتي خطاه) بالرغم من شدة جمال الاغنية دي و صورها الجميلة الا ان الجزء ده منها يخلي الانسان اللي بيسمعها يتضايق و خاصة انه في حديث قدسي عن رب العزة سبحانه بيقول ( لا تسبوا الدهر ، فأنا الدهر) العياذ بالله من ذلك غفر الله لنا و له . آمين .
ثانياً : بالنسبة لاغنية كان فيه زمان قلبين نلاقيه بيقول( زمن خاين غدر بيهم كانوا فاكرينه ناسيهم ) نلاقيه برده دخل في خط الدهر و الزمن و الايام و ده برده حرام .
ثالثاً : نلاقي أغنية لاتكذبي اللي غناها هو و عبد الوهاب و نجاة الصغيرة بيقولوا ( فرأيت انك كنتي لي ذنباً سألت الله ألا يغفره فغفرته ) برده حرام لانه زي ما بيقول مصرّ علي الذنب ، و كمان بيطلب من ربنا انه ميغفرهوش و كأنه بيتفضل عليه و العياذ بالله .
ده بقي كله كوم و الكوم الكبير في أغنية ( أي دمعة حزن لا ) كل ما يخلص كوبليه يقول ( و ال ايه جاي الزمان يداوينا من ايه جاي يا زمان تداوينا )كأن الزمان واحد صاحبه و بيفاصل معاه كمان . لا حول و لا قوة الا بالله العلي العظيم .
و أغنية ( علي حسب وداد قلبي ) بيقول في الكوبليه الاخير منها ( لا هسلم بالمكتوب و لا هرضى ابات مغلوب ) يعني ايه مش هيسلم بالمكتوب ؟ هي فيها عايز و مش عايز؟ ده كله بأمر الله . استغفر الله العظيم .
و للا أغنية نبتدي منين الحكاية بيقول فيها في الكوبليه قبل الاخير ( نمشي و نبعد ده الهوي جبار يلعب بينا) كان لازم جبار دي؟ ما فيه غدار كانت علي نفس الوزن و هتتماشي مع المعني لكن جبار من اسماء الله الحسني ، لكن هنقول ايه؟ زين لهم الشيطان اعمالهم .
في النهاية احب اقول اني حبيت اوضح لكم يا جماعة عشان محدش يقع في اللي وقعت فيه لاني ماخدتش بالي الا بعد ما سمعتهم كتير اوي اوي ، و بالرغم من ده انا لسة عاشقة العندليب بدليل ان اسمي هنا هو داخل فيه . و يمكن يكون اللي بعمله ده عشان مياخدش سيئات كتير ، و في نفس الوقت انتوا كمان تلحقوا نفسكم . اشكركم لانكم قريتوا اول موضوع ليا و اتمني انه يحوز علي اعجابكم و رضاكم . و متبخلوش بالردود .

[emanadel]

مرسيه علي الملاحظات المهمة دي

اللهم اغفر ذنوبنا جميعا

[Halim_Lover2986]

انا اللي مرسيه على مروركم الكريم
شكراً جزيلاً

[سحرابوعبيد]

مرسييييي كتير
ماكنا ناخدبالنا
شكرا الك

[@$الـــــنـــــمـــــر$@]

مشكوووور اخوي على التنبيهات موضوع رائع ومميز

كروعة كاتبه

تم تثبيت الموضوع

[Halim_Lover2986]

انا متشكرة جدا علي التثبيت استاذي العزيز
الف الف شكر
و بهديك باقة ورد تعبيرا عن امتناني و شكري
halim_lover2986

[haye]

شكر

[رورو_فتافيت السكر]

الله جميل اوي انا كمان من محبي العندليب
بارك الله فيك
غفر الله لنا و له

[mohamed naga]

okkkkkkkkkkkkkkkkkkkkkkkkkkkkkkkkkkkkk

[sadooo0]

ما فيها شي

عادي

الجبار من اسماء الله
بس جبار ما تنتسم الو

شكرا ليك