قصيدة الم...........

[حب في الصحراء]

يضيق الكون من حولي إذا شفت الحزن يغشاك

وهمك ليلـة البـارح يكفـي مأخذك عنـي

وش اللي زعلك عمري عساني فدوه لرضـاك

وش اللي كدر الخاطر عسى ماهو خطا منـي

تركت القلب في حيره عجزت افهم سبب مسراك

سرحت بهاجس افكاري سهام الشـك تطعنـي

تموت الفرحة في عيني أذا طريت لـي فرقـاك

لأني فبعـدك أتألم وحـزن الكـون يسكنـي

نزفت الجرح لعيونـك ودمـعٍ غالـيٍ يفـداك

ولبست من الحزن ثوبٍ نقشـت بداخلـه فنـي

حبيبي بهجـة ايامـي تعـال ومدلـي يمنـاك

وثقت فحبك الغالي وابد ماخـاب بـك ضنـي

اناجي بالغلا روحك وصوتٍ مـن ولـه نـاداك

أبسمع أصدق احساسٍ عشقته من صغر سنـي

تبسم يا بعد عمري عسى الفرحة تجي دنيـاك

تبسم تضحك عيوني وعصافير الهـوى تغنـي

يا سبحان الذي ابعد جميع الخلق لـي وأدناك

عرفت أن الهوى قسمه وربـي فيـك مافـات ..



منقــــــــــــــووول

دمتم بـــــــود

تسلم أناملك ويسلم منقولك
بالفعل الأنامل اللي نقلت هالرائعة
المفروض تتلف بحرير

يعطيك العافية ولا يحرمنا من جديدك


تقبلي مروري

[أمنية]

حب في الصحراء
الله عليك وعلى ذوقك الحلو زيك مشكورة عزيزتي على الكلمات ولاتحرمينا جديدك.