في شارع التحليه

[طاهش]

اسعد الله اوقاتكم جميع
بعض الاحيان تحصل للواحد مواقف ما يقدر ينساها او يشوف الانسان شي يحس انه وده يكتب عنه او بالاحص يطلع الكلام بروحه يحكي وش صار لتبقى الكلمات المكتوبه ذكريات لا تنسى
هذا الشي حصل لي مره في شارع التحليه في الرياض كنت في مشوار وقبل لا اركب سيارتي حصل معي اللي ابقوله




يا صاحب النظره الخجوله
كيف تصطاد بسهوله
رمش عينك لا نتفض
حرك بقلبي شعوره
عيدها نظره فديتك
يابو ناصر لو تشوفه
الهوى يداعب عباته
يظهر الحسن بحروفه
يمشي في خطوه تأني
خايف ٍ ينشاف ثوبه
واضح انه يبتسم
محرج ٍ من اللي حوله
يا بو ناصر قصتي
كني فـَ يّام الطفوله
اللقافه تشدني
وكل وقت وله ظروفه
ما قدرت عن ناضري
اغمض إلا اني اشوفه
اااه محلى عودها
واحلى منه اللي بجوفه
ادعج القامه غنج
ترقص بمشيه عُطوفه
اشرق الصبح انبلج
يوم حرك هو سيوفه
غرته جت ترتخي
ردها بكف من كفوفه
والشعر عيا معصي
قام وتدلى من كتوفه
وهبة النسمه عـَلي
بعطرها اللي كازنوفه
قلت بالله وقفي
ما سمعت كانت عجوله
تمشي لم سواقها
و الشفر اعلن وصوله
تفتح الباب وتـَنهد
كنّها فازت بجوله
ياهو مشوارٍ تَعبها
يا بو ناصر وشهو طوله
سبع خطواتٍ عددها
كنه مضمار و درنا حوله
جت بتمشي بسيارتها
قـَزت ابعين امكَسوفه
ناظرت كنها تقولي
اللي شفته لا تقوله





وسلاماتكم



---------------------------------------------------------------------
بدون توقيع




طاهش

[نجمة]

رائع يسلموووو

[طاهش]

هلا بنجمة تضوي سما الموضوع
اسعدني مرورك وما تحرمينا الطله الحلوه



تحياتي

----------------------------------------------------------
بدون توقيع

طاهش

[ابا الوليد]

السلام عليكم

ما اجملها كلمات

واعذبها الحان

رائع قلمك متميز

احسنت اختيار الكلمات

دوم ان شاء الله

تميزك وروعة حرفك

[طاهش]

ا هلا وسهلا بالعزيز ابا الوليد
شاكر لك مرورك واطراءك الجميل
وما ننحرم من طلتك ودعمك



------------------------------------------
بدون توقيع

[شمبعانه]

كلمات جميله

[طاهش]

الله يخليكي شمبعانه
والاجمل من الكلمات مرورك
حياكي الله وما ننحرم الطله



-------------------------------------------------
بدون توقيع

طاهش