تصوروا انكم طالعين كشته ورايحين للبر
يالله تصوروا انكم طالعين كشته ورايحين للبر في الصمان وانت جالس ومعك شاهي تقهوى من ابريق
مسود ومنعفط , الله الله طعم ولا في الاحلام ياي ياعمري ,
المهم هذا بعد العصرفوق لك طعس يامال الطعس الي يشق جبهة العدو
وجالس تشوف العالم , عالم؟ وش عالمه ؟ قصدي تشوف الي في البر وتتأمل هذا اذا تاملت طبعا
وتلقى ناس مخيمين وغنم ترعى بعيد عنهم وبعارين لونها فوشي على تركواز ماهنا بعد عنهم
وزول كاشخ وعليه جنز وراكبن له جحيش نص تنده وكفرات منسمه شوي علشان مايغرز
المهم جا واحد من الشباب الي مخيمين وطلع من الخيمه وهو ذهين يعني الدلاخه مايعرفها ابد
ولا سمع عنها وتمغط وطق صدره كنه طرزان وجلس على كبوت السيارة وفرق قذلته يمين
طبعا لازم يمين علشان الصورة تصير واضحه لان الارسال مايغطي
المهم جلس وقال :
ليتني فوق ونيت وسط الصمان ..... والاحق فيه كل ضب وجربوع
ولو اني الهث واتعب وعطشان...... الثوب طاير والشماغ مجدوع
الشوشه مغبرة والجيب مليـان...... رمل وحصى ونصه بعدمقطوع
اتعكرف واطيح واقوم فرحان ...... واكمل اللحق والحيل مجمـوع
على يميني سعدوتعبن وخدران ..... ويشتكي وجع رجله والضلوع
والدحمي يدربي كرشتـه لهثـان ..... ويفكر في بطنه من كثر الجوع
ورانا الصلحي وفهد وسليمان ..... ابو براطم وابوسعبوله والكـوع
الجربوع من الزهق واصلتن معه
قال :
وش حيلتي ياقلب بين هالمشافيح .... ياقلب لاتشتكي من حال وخطرها
ودي اناأهج واركض ولوإني اصيح .... مجانين ومهبل وكرشتن ياكبرهـا
العـود ريان واللـون والقد بعد مليح .... هذا انا تواصيفي مابي بعد اعدها
وركضي مناقز والخيـل مني جريح .... ولويقدر كان بعد من زمان قلدها
الضب تكلم بس لاتحارشونه تراه قافلتن معه على الآخر يعني
ومايدري وش يسوي
قال :
لحول وش هالبلوة مع البشر ..... آه ودي امسكه لوبعكرتي وايديني
واغوله وكل هذا والله بعد قهر ..... مايصدقون يشوفون طلتي وزيني
واتركوا المزيون قريب الزهـر .... ياهوه ودان ودان آه ياليل ياعيني
مملوح انا وما أحب كثر السهر .... مابروحش لحد والي يبينـي يجينـي ( اقعد يالوسم )
شكلي بنقرض صرت ترى بخطر .... الله يقطع ذركم بلى وقولوا آميني
خروف تاركن باقي الخرفانات ( خرفانات ) جمع دبش
جالس فوق طعس يتفرج عليهم ومطنش ولاهي بحاله ويقول :
مبـاع ومبـاع وقلبي عليـهم التـاع ..... آه ياعنزن وعليها قلبي شفوقِ
ياليت من يوصل ونتي لها هالساع ..... ومن شافني عقبها قال مطفوقِ
حبيبتي في حوض وانيت تحت شراع ..... داقه الكحلةوعينن كنها بروقِ
تنادي وتمـامي وتقــول يابو كـراع ..... آه ياعمري روحي ذبحني الشوقِ
طبعا فيه ناقه تشوف لها بعير مغرور وعافط الخشة ويمشي وهو مرررروق وراد بالشعب
وتقول آآآآه بس لو يعطينا وجه او شفايف ورديه!!!!
ومن زود الوله والعشق قالت غصبن عليها :
يابو سنام ياخـلي يابعد خـلي .... ليه ماتعبرنا ياهوىوتناظر لو شويه
أنااعطيك عمري وروحي وكلي .... ودي اجلس معاك ولو جلسـه هنـيه
ودي اتمقل خشتك وبراطمك الي .... متدودله من زينها ياعمري ليتها ليَّه
عطنا وجه جعلك للماحي واللي .... يمحى عمرك ياجلف منسي الهويـة ( امحق )
البعير وهو زعلان ومسوي فيها ثقل ويانظرها بطرف عين وهو توه لاقي له وظيفه ولازم يشوف نفسه شوي وقال :
يؤ يابنت لبون ياخبله اركدي ..... خلك ثقيلة ماعمرك شفتي جمالي
انا ماني خكري وانا ولد جدي ..... وانا اتعب الليل واسـهر لحالي
مشغول اناوآكل من شغلي وكدي ..... وذبحتني الفواتير من اول وتالي ( عنده جوال )
بقولك كم هي واحسبي معي وعدي ..... وكله من مغازل نياق الرجالي
هونت انا مابي اكلم وانا مـابدي ..... وعلى قولت الي قايل ولد خالي
من بغى الدح ماقال أح يامقدي ..... على الهامة وجعلك لقل الرقادي
وزول جالس يرعى الغنم وهو منسدح على حماره ومخليه يمشي براحته وعلى مايبي ومن الكسل
( من زود النشاط )
مخليه على دربه وين مايروح لانه مايدري من وين هي هابه وقال :
آي وآي آي وآي وداير شنو .....يازول مالك وهادا من زاتو
وانا شغال وجالس معا بدو .....وكل شويه هذا جيبوه وهاتو
طفشوني عمري واهلي والعدو.....نسيناالنوم وريحتو ورقادو
وبدوي شافهم وهو يفتل شواربه ونازل من الجمس الونيت يتفقد حلاله
ويهوجس ويقول :
ابك اقول انتم ياورعان يامهبل .... اقول يانواعم اهلكم ياعلومن رديه
ابك اتركواالبر ومن عقبكم تعطل .... ولابارك الله فيكم من نسل وخطيه
ملاحق ومشاهق وبعدها تجطل ....عجعجتونا واقلقتونا من كثر الاذيه
وانتي ياناقه اهجدي وخلي التمقل ....وابعدي عن بعيرنا بوسط هالبريه
وانت يالزول يالهيس الاربد ترقل .....شغلتين ونومن ومشاخر الى الظهرية
اها بس يامكينة وانيت الى تعطل .....تبي تشتغل ولاالباب جعلك للعربجيه
وانت يالخروف الوعد قصاب ومفتل .....مابقى الاهي ترقم تنادي يانرجسيه
25-04-2008, 09:32 PM
تصوروا انكم طالعين كشته ورايحين البر 
رد: تصوروا انكم طالعين كشته ورايحين البر 
العرض العادي
