انقدوني يا المغربيات (النحافة)

[desamis]

انا بنت مغربية عمري 24 سنة وطولي 1.65متر اعاني من مشكل النحافة وا عباد الله بغى نغلاض و ما خليت ما درت جربت appetine,periactine ........كينات وسيرويات وجربت الكتيرة من عند العطار و اخير دواء جربت من الصيدلية هو decadrone الصراحة والله الى غلضني ولكن سمعت عليه انو ماشي مزيان وكايدير الماء في الركابي اصلا هو دواء للضيقة و صراحة حتى انا حسيت بركابي كيضروني اقطعت الحمد لله و اخير حاجة جربتها من عند واحد العطار كتعرف الولدة مزيان هو واحد الاعشاب مطحونة و مخلطة مع العسل البلدي كليتها النهار الاول والتاني والثالث مقدتش نكمل لان مداقها خايب و مر بزااااااااف و الله العظيم غير كنحطها فمي كنبغي نتقيا حشاكم والله الى القرعة مازال عامرة كتشوف فيا ولكن مقدتش العفو لله.
سمحولي طولت عليكم بزاف ولكن والله ماشي لخاطري راني وليت كنخلع و خصوصا دابا منين سليت الامتحانات منقلكمش كوليت الله يستر نزيد نقص كيلو يوليو غير حوايجي لغادين ههههههههههههههههههه.
كنشوف بنات بزاف لكنعرفهم كانو رقييييييييييييييييييقات و معرفتش اش دارو باش ولاو غزالات تبارك الله وحتى واحدة متبغي تقوليك اش دارت الله يستر اش هاد السم يا ربي كن كنت ف بلاصتهم وغلاضيت والله منخلي لمن نقولهل اشنو درت ولكن كل واحد وقلبه.
بنات طولت عليكم و الله الى قصتي خصها شهر وتكمل هههههههههههههههههه.المهم قريت فبزاف المنتديات على واحد الحبوب كتباع عند العطار سميتها حبوب اغادبر((اغدير ماجيك كبسول))لزيادة حجم الارداف و ((اغادير نو سليمينج)) لا لنحافة الوجه.وانا صراحة بغى نديرها ولكن معرفتش واش كاينة عندنا في المغرب او لا .
عافاكم ساعدوني متقللش ديري الحلبة اولا شي وصفة ديال الاكل لاني جربت كلشي و لله الحمد مادار حتى نتيجة انا نبغي شي دواء لي كيغلض دغيا دغيا الله يعطيكم الستر ويحقق ليكم احلامكم يااااااااااااربي امين لما عونو اختكم .........

[layal759]

ههههههههههههههههههه

اسلوبك كايقتل بالضحك

تبارك الله عليك

شوف انا كنت عايشة في الصحراء وراكي عارفهم قداش

واله احبيبة مكايديرو غير داكشي لي راك درتي

وكايركزو على ديكادروم وحاجة اخرى لي هي الحقين غادة تكوني سمعتي بيه وكن باشرط تكوني مراة ماشي بنت

انا واحد الوقت كنت كي شي مسطرة قد الراس قد الوسط

تبعت برنابول كينة الصراحة نفعاتني

لدجة تانوض فلليل الى لقيت الحجر ناكلو

احمد لله دابة ران مزيان

طولت عليك

المهملخاصك تعرفيه انا ادوى لي غادي يغلظك دغية عرفي راسك راكي منفوخة على والو بمعنى انه

تيدير الماء بين الجلد واللحم واللي منبعد كتلاحظي جلدك بحال شي مرا شارفة

انتي دابة 2 حالات يا راكي ضعيفة حيت ماكاتكليش مزيان وهدا سبب اما نفسي او شي مرض اخر

او كاكتاكلي مزيان او مكيبانش عليك وهدا راجع لبعض الكائنات الموجودة في الامعاء { السنتة } اليي كتستهلك نصف

الماكلة لي كاتاخدي

النصيحة الي غادة نقول بعد ماتعرفي اي حالة عندك الطبيب ديال التغدية وتلعبي الرياضة باش تفتح ليك الشاهية غير متكتريش

او باركة ماتجربي في صحتك ديال العجب هدي تنفع هدي ضر

انتي معارفاش اش يجي معاك واش مايجيش

بالتوفيق

[girls-land]

katri min akl lbanane(3 aw 4 dyal lbananate yamiyan) o roz
o toun o tamr
mais khasak tab3ih yawmiyan o ghadi tchoufi natija bsor3a inchaallah

matansaych d3iy m3aya btayssir l'omour

[webmaya26]

des amis أختي أن يلاه سمعت بواحد الوصفة ولكن معرفاش واش مفيدة أولا لا المهم انا غادي نعطيها ليك أجربي على الله
قال ليك أختي كيخذو سيرو activia و كيخلطوه مع كاوبيل يعني :
activia + كاوبيل كيخلطوهوم
يشرب 3 مرات في اليوم والنتيجة فعالة كما قالو ليا
كنتمنى ليكم دوام الصحة والعافية
وخصوصا desami سيري الله يعطيك الصحححححححححححححححححححححححة قولي آمين

[أميرة الورود]

ههههههههههههههههههههه و الله قتلتني بالضحك

أسلوبك روعة بصراحة

الحل الوحيد تزوجي

وتفكريني

ان شاء الله نكون افدتك هههههههههههههه

[conchita]

السلام عليكم ورحمة الله اختي العزيزة عرفي ان الاكل هو مصدر الطاقة يعني الى كنتي كتحرقي اكثر ملي
كتاكلي عمرك ما راح تغلاضي وكلي وزيدي الدهون والسكريات ونقصي اتاي او ماتشربيه اصلا
انا شخصيا ملي تنضعاف تناخد واحد سيرو اسمو nuravite ولكن تينعس

ياربي تغلاضي ونغلاضو حتي احنا آمين

[jodia]

انا بحالك وليت ضعيفة يمكن من كثر السهر قدام pc
المهم انا في الاول كنت جربت appetine وعطاتني نتيجة غلطتني
ولكن من بعد قطعتها رجعت كيف ما كنت
ولكن انا من كنت حنشربها كنت كناخد 4 حتى 5 حبات في اليوم
ومخاصكش تقطعيها ابداا ولا يوم غلطتني فشهرين حتى بداو فخاد كيتحكوا مع بعض ههههههههههههههههههههه
دبا كاميو يدوز بينهم ههههههههههههههههه
وكنسمع على واحد قويلبة كتباع في جنوب المغرب كتغلط
انا سمعتها من واحد الجارة ساكنة حدانا
والله اعلم حاولي تسولي عليها
وربي يوفقك ويغلطك ونغلاطوا معاك ههههههههههههه

[wisegirl]

لو عرفتى الحل قوليلى

[أم عيسى]

أم عيسى أنا راني في هذا المشكل من زمان حتى وين صار زوجي يضحك عليا إلى لقيتي حل غير قوليه لنا

[desamis]

البنات و الله الى كنشكركم من كل قابي بزاااااااااف حيت ساعدتوني باقترحاتكم والله الى لطف منكم هذا.
بالنسبة للاخت layal759 كنشرك بزااااااف اختي والله الا هنتني من جهة الصحراويات كان ديما راسي دارني باش هما غلاضين ولكن دابا رتاحيت اللهم لك الحمد.قلتلي على decadron لجربتها وعلى برنابول كينة والله حتى هو جربتو هو مزيان كيفتح الشهية لكن كيجيب النعاس بزاف ومكتبنش نتيجة دغيا سييييييييييييير حتى شي نهار نتكرض اولا منبقش نبان هههههههههه وقلتلي على السنتة صراحة كانت فيا ولكن مابقتش الحمد لله هذي شي 12 عام دارت لي الولدة عشبة الشيح والحمد لله ما بقى والو.
المهم هو الحقين هذا اللي بغيت نعرف شنو هو وكيفاش خسني نكون امراة على مالو مكيصلحش لبنات? وفين نلقاه هذا الحقين?الله يعطيك الستر الله يجازيك بخير.
وبغيتكي تقوليلي على حبوب اغادير للارداف والوجه واش كاينة في المغرب اولا لا?.شكرا اختي وسمحلي.

بالنسبة للاخت girls-land كنشرك بزااااااف اختي على نصيحتك والله انا كنكول البنان ولكن ماشي بزاف كنخاف يدير ليا الامساك ولكن دابا اللي لها لها غادي نبدا نكلو صباح وعشيا هو والتمر والطون والرز وخى مكنبغهش ولكن اش غادي ندير لبغى لعسل يصبر على قريص النحل هههه.شكرا بزاف والله يسرليك الامور يل ربي.


بالنسبة للاخت webmaya26 كنشرك بزااااااف اختي على الوصفة والله غادي نديره. وامين والله يغلضني انا وياك ياربي.

بالنسبة للاخت اميرة الورود كنشرك بزااااااف اختي على النصيحة ولكن تما فاش بقات شكون هذا اللي غدي يدفن راسو وحياة مع واحدة ضرو غير فجنبو ههههههههههههه.اوا يسهل مولانا علي وعليك يا ربي امين.

بالنسبة للاخت conchita كنشرك بزااااااف اختي على النصيحة وبالنسبة لnuravite والله اختي راني جربتو هو زوين ولكن مفعول ديالو ثقييييييييييييييييييل.اوا اش غادي نقوليك الله يستر هاد الكرش ولات عندي فرمسيان ههههههههههههه دوايات كلهم دخلو ليها الله يحضر السلامة.شكرا اختي وسمحلي والله يغلضنا كلنل يا ربي.

بالنسبة للاخت jodia كنشرك بزااااااف اختي على النصيحة وبالنسبة لappetine حتى هو راني جربته كيغلض ولكن كما قلت غير كتقطعيه كنولي كما كنت زعما كنتفش هههههههههههههههههه كنت نفاخة هههههههههههههههههه.قلتلي على قويلبة كتكون فجنوب المغرب كتغلض هذيك اللي بغيت نعرف اش هي? الله يخليليك ما عز ما عندك لما سولي جارتكم عليها اش سميتها? وفين كتباع واش عند العطار اولا فرماسيان? الله يعطيك اللي بغيت ويغلضنا انا وياك يا ربي امين.

بالنسبة للاختين wisegirl و ام عيسى والله اخوتي هانتما كتشفو على عينيكم الاخوات كيعونونا باش عالله نقفزو شويا فهاد الصيف وراني سمعت على واحد العشبة سميتها:الفصة الصحراوية واحد البنت كانت رقييييييييقة بزااااااف وعندها واحد اختها عايشة فالصحراء على ما قالولي فطانطا وقالولي هي لي جابت ليها هاد العشبة وتبارك الله شفت فيها بعين الرحمة الى ولات غزالة كتهبل. واذا سمعت شي حاجة تانية والله حتى نقولها لكم ما تكنو غير على خاطركم وخاطري والله يغلضنا حتى ما يبقى يدخلنا حتى باب هههههههههههههههههههههههه قولو اميييييييييييين.


تذكير: شنو هو الحقين?وكيفاش خسني نكون امراة على مالو مكيصلحش لبنات? وفين نلقاه هذا الحقين?
حبوب اغادير للارداف والوجه واش كاينة في المغرب اولا لا?.
قويلبة كتكون فجنوب المغرب بغيت نعرف اش هي?اش سميتها?وفين كتباع واش عند العطار اولا فرماسيان?
الفصة الصحراوية واش بصاح كتغلض اولا غير كذبو علي المسمومين ههههههههههه

الله يخليها قاعدة فيا كنطول بزااااااااف والله غير سمحولي ماشي لخاطري غير نغلاض تزال مني هههههههههههه.شكرا بزاااااااااااااااااف .