البارت الثاني
أبو سلمان : يا جماعة أستأذن بروح مشوار وبرجع ما بطول إن شاء الله .
أبوسعد : خير إن شاء الله.
أبو سلمان : الخير بويهك بس عندي زبون جاي من لندن بروح أشوفه وراجع .
أبو طلال: أنا بروح وياك .
أبو سلمان : ياريت , تعرف هذا وفد مهم ولازم أحد يكون وياي.
طلع أبو سلمان وأبو طلال من الديوانية ولا أحد كان شاك بشئ أبدا .
^^^^^^^^^^^
وبعد ساعتين
رجع أبو طلال وسلمان وأشكالهم مو طبيعيه أبدا وكأنهم كانوا يبجون .
الجد : خير إن شاء الله يا عيال .
أبو سلمان : ماكو شي رحنا عند الوفد واتفقنا معاه نروح فرنسا يقول عنده بظاعة وايد مهمه للشركة وأول مرة تجي الديرة .
أبو سعد : هذا خوش خبر ومتى بتروحوا .
أبو طلال: بكرة الصبح .
أبو فهد : بهاذي السرعة شدعوة ما يقدر ينطر جم يوم.
أبو سلمان : لا نحن قلنا له بأسرع وقت لا تطير منا هالصفقة إلي ممكن تأثر على الشركات .
الجد: خير البر عاجله , تروحوا وترجعوا بالسلامة .
أبو سعد: أنا بكرة عيل راح اوصلكم المطار.
أبو طلال : لا ما يحتاج لا تتعب روحك خبرنا دريول الشركة يكون بالمرة يمر على الوفد .
^^^^^^^^^
صباح اليوم الثاني أبو طلال وأبو سلمان سافروا إلى فرنسا الصبح مبكر .
^^
في بيت أبو سعد: يلا يا عيال بنتأخر على جدكم أهوه تقدمنا المزرعة وقاعد ينطرنا .
سعد : يا هناء يلا وينج وينج يا يمه
جاسر : بابا ممكن نروح الثــوبر ماركت ؟
سعد : لييش بابا خاطرك في شي ؟
جاسر : أي ابي حواوه
هناء و اهيه نازله من الدرج
هناء :لا بابا تو الناس على الحلاوه بعد ما نوصل المزرعه ديده
بتعطيك حلاوه زين جسور
جاسر : لا مابي ابي اكل حواوه الحين .
سعد : زين عمي انته تامر امر
هناء : اذا تبي حلاوه جوم اشربلك كوب حليب
جاسر : لا ما ابي عمي بدر يقووول الحليب ويييييع
انا ابي اشرب بـــــيـــبــثـــي
سعد : لا عمك بدر يحب الحليب غصبن عنه عشانك
ام سعد : اذا ما شربت حليب ما رح تكبر و تصير ريال
جاسر : اثـلا انا ريال و الحليب حج الاطفال و العيايز
نوف : هيي انت امي مو عجوز انته يالمخرف
جاسر : عييب الي يثـــب الله ما يحبه
نوف : انته روح تكلم عدل بعدين تعال حاسبني
بدر : يلا مشينا
ام سعد : يلا ..سعد جوم يبه
سعد : يلا جاسر روح نادي امك و عمتك العنود من المطبخ
جاسر : ذييييييييييييين
^^^^^^^
و في المزرعه
الجدة و ام طلال و ام سعد و ام سلمان و ام فهد في المطبخ لما
دخلت عليهم العمه فوز ( ام جاسم )
ام جاسم : هلا يمه .
الجدة : هلا و غلا ببنتي
ام جاسم : و الله اشتقت حج هاللمه الحلوه
دخلة لبنى و دانه يسلموا على جدتهم و بعدين لراحوا عند البنات
الجدة : وينه ريلج القاطع
ام جاسم : مسافر عندة شغل
الجدة : عيل من جابكم ؟
ام جاسم : جاسم و اهوه عند الرياييل في الديوانية
^^^^^
في الديوانيه
فهد : جاسم شكلكك نسيت كيف تلعب
نادر : الي شاغل عقلك يتهنابه ؟
جاسم : ندور خل عنك حركات اليهال .
بدر : شكلك نسيت اصلا اهوه ياهل
نادر رمى المخد على بدر
بدر : هين يا نادر القوطي
نادر : انا قوطي اجول اسحب
احمد : ههههههه على فكره انا فز ت
فهد : اشك فيك
احمد : لييش ؟؟!
فهد : شكلك تغش .
احمد : أي مسوي طبوب و حروز
بدر : فهد خل عنك الحسد .
فهد : الله يسامحك انا حاسد يالدعله
جاسم : اجول انته ما خبرتني ان ابوك واعدك يشتريلك سياره جديد
بندر : أي بس شكله كشت فيني
فهد : شنوعها السياره
بندر : كنت ابي همر بس الحين باخذ كاديلاك إكس إل أر (في )
احمد : يالله التقليد حتى سيارتي القديمه تبي تشتري مثلها
نادر : أي احمد اول مرة اسمع احد عندة سيارتين همر اتش 4 و بورش 2007
وهو ما يشتغل و انا سيارتي حالتها حاله
احمد : أي الهمر حج طلعات العابله المزرعة و البر الحداج و البورش حج طلعاتي المهمه
فهد : أي سئلوني انا عن طلعاته المهمه هذي
الجد : نادر جوم شوف جدتك جولها تنشب الغدى .
نادر : زييييييين .
بدر : و ليش تقولها من غير نفس
نادر : و اذا قلتلك جدي يقول روحي بدالي وش رح تقول ؟؟!
بدر : بقول خل نادر يروح عشان اهوه الاصغر
نادر : و الله اشكره تقولها في وجهي انا بس هين
بدر رمى عليه المخدة : رووح عند الحريم يالله
نادر / هين يا راعي السوالف انا اوريك
^^^^^
و في الصاله عند البنات
لجين : بصراحة ودي العب
ملاك : أي و الله ملل
نوف :اوووف
ساره : ابي اللعب لعبه حلوه
دانه : شرايكم نلعب جراه و صراحه
ساره : زين
العنود : كيف يلعبونها
دانه : نسوي دايره و نجيب قلم عريض و ندوره الثنتين الي ياشر عليهم القلم وحدة تسال و الثالنيه تجاوب اما
جرأة و فيه حركه او صراحه الي فيه احراج
نوف : زين يالله
و البنات عملوا دايره و دورا القلم و توقف و هو ياشر على ملاك و العنود
ملاك : انا اسئل صراحه و انتي جاوبي
العنود : اوكي
ملاك : انتي تحبي احد في العائله
العنود حمرت من الحيا : شهل السؤال الغبي الي ما له معنى
ملاك : جاوبي
العنود :اصلا انا شلي العب ويا اليهال
ريناد : يعني في احد
البنات : اووووووووووووووووووه و التصفير و الضحك
العنود : اصلا انا مالي جعدة وياكم انا رايحة عند الحريم العاقلات
لبنى : روحي عند المتزوجات نادي العزباوات يتعذرج
ليان : باااااااااااااي
جامت العنود و راحت تسولف ويا هناء و نوف دورت القلم مره ثانيه
ووقف و هو يأشر على لجين و لبنى
دانه : لجين تسأل و لبنى تجاوب جرأه
لجين : روحي عند اخوي فهد و جولي له يجي يرقص هني
لبنى : صج انج مخرفه
ريناد : يعني بتطلعي من اللعبه مثل العنود يا خوافه
لبنى : تتحدي
ريناد : أي اتحدى و نص بعد
لبنى قامت من مكانها و دقة باب ديوانية الرياييل
طلع جاسم : خير لبنى في شي
لبنى : لا بس ناد لي فهد لو سمحت
جاسم : ممكن اعرف ليش شتبي منه
لبى : بعدين
جاسم : زين لحظه
جاسم : فهد
فهد : شنو
جاسم : لبنى اختي تبيك
فهد قلبه نقز لما سمع اسم لبنى لانه يحبها و احمد قعد يطالع عليه لانه يعرف
فهد راح حج لبنى
فهد :خير
لبنى : الخير بويهك ... ممكن طلب
فهد في خاطره "افديج انا يا بعد طوايفي ":أي تفضلي
لبنى: بس و الله ما ادري شجول و الله مستحيه
فهد "فديت الي يستحي ": لا تستحي جولي ؟
لبنى ما قدرت تقول الحقيقه : نبيك تمشينا .
فهد : و لا يهمج بس تجهزوا و انا انطرعند السياره
لبنى : مشكور
^
فهد جاعد يعدل نفسه جدام السياره جات لجين من وراه
لجين : الحبيب شيسوي
فهد : و الله خرعتيني .. انتي وين رايحه
لجين : السينما .. طبعا وياك انته ما قلت حج لبنى رح تطلعنا
فهد استوعب الموضوع : ركبي
لجين ركبت قدام و فهد تحسف يبي لبنى تجعد جدام
و لما البنات ركبو سيارة سعد الجيمس فهد خذهم و مشاهم و حوط فيهم و لما رجعوا المزرعه
نزلت لبنى قبل ما يقدر فهد يقوللها كلمه
دخل الديوانيه
فهد جعد سرحان
احمد : ها قلتلها شي ؟!
فهد : تصدج كنا بنفس السياره بس ما كلمتني و لا كلمتها
احمد: ليش ؟
فهد : ما ادري حتى تصدج !
احمد : حاول مره اخرى
فهد : هههه بايخ تنكت انته أي مره ثانيه انا خربت على نفسي
^^^^^^^
اليوم الثاني
الامهات كانوا جاعدين من النوم مبجر
و هناء جاعده تاكل و لدها و لا يدخل مشعل و اخته ريما عيال
طلال و بعدين دخل طلال و مرته طيف
الكل كان فرحان بوجودهم لانهم ما يشوفونهم دايما هناء راحت
تجعد البنات من النوم الي كانوا سهرانين بالرقص و الغنه و اللعب
و الي كانوا منقسمي ن في اربع غرف للبنات
هناء : قوموا يالله في مفاجأه تحت يلا
لجين وهي تتغطى : طلعي خلينا ننام
هناء :شنو تنامين قومي الحين الساعه 10
ملاك : اوووف طلعي
هناء فتحت الستاير و سكرت المكيف و راحت الغرفه الثانيه
الي فيها لبنى و العنود و نوف
هناء : نوف جومي
نوف : بس ثواني
هناء الثواني بتصير ساعات
هناء شدة المخدة من لبنى و من العنود
هناء : ابله العنود كوني مثال زين حج طالباتج
العنود : شفيج
هناء : في مفاجأه تحت يلا
طلعت من الغرفه و لما دخلت الغرفه الي فيها ليان و ريناد و دانه
شافت ليان تلم شعرها و دانه ترتب اسرير
هناء : وين يناد
ليان : في حمام
زين الحمد لله انكم جاعدين يلا في تحت مفاجأه نزلوا
و دخلت غرفة ساره و جاسر
هناء صباح الخير
سارة صباح النور
هناء : انشاء الله جاسر ما تعبج
ساره :بالعكس وايد حبوب .. هناء بنزل وياج
ولما نزلوا البنات شافوا طيف مرت طلال و مشعل و ريما
ريناد : هلا وغلا بعيال اخوي العزيز
البنات يموتون في ريما
ساره: تعالي حبيبتي ريما شلونج
ليان فديتها ريما في الفستان الوردي
لجين : شوي شوي عالبنت لا تفقسونها بالاحضان
دانه : هلا بالشيخ مشعل
ملاك: يا حلوهم
لبنى :عاد هناء المره الجايه جيبي توأم
هناء : الي يجي من الله حياه الله
و مع جيت طيف استانسوا و جاسر حصل احد يلعب وياه مشعل و ريما
^^^^
بعد ايام رجع كل منهم لبيته
^^
في بيت الجد
ابو سعد : على فكره اخواني صلاح و طارق رجعوا من فرنسا اليوم الفجر
الجد :الحمد لله على سلامتهم
الجدة : و ليش ما اتصلوا ولا جو يسلمون علينا
الجد : الله يهديج الولد جال رادين الفجر يعني ما ناموا و لا ارتاحوا 7 ساعات راحوا بيوتهم يرتاحون
و بعدين اهمه مو يهال عشان تتشرهي و لا تحاتي عندهم عيال الحين اولادج كبروا
الجده : قلب الام يا ابو محمد
ابو سعد :انا الحين استأذن يلا
الجده :على وين يا محمد
محمد: من زمان ما سمعت اسمي كل احد يناديني ابو سعد
الجدة: ما يكفي الناس يقولولي يا ام محمد
ابو سعد راح باس راس امه و ابوه
ابو سعد : يلا مع السلامه
الجده : اجعد تغدى ويانا
ابو سعد : ما نتغانى بس انا اليوم بتغدى ويا رفيجي ابوناصر
الجد : سلم عليه ... صج ولد حلال
الجدة : في حفظ الله و رعايته
و لما طلع بو سعد
الجد: هيييييه هيييييه و الله انا كبرنا و شيبنا الحين احفادنا عندهم عيال
الجده : و الله عيالنا احنا كبرو صاروا اجداد
الجد : هذي سنة الحياة
الجده : كان نفسي اشوف عيال و لدي عبدالله بس الله
يهديه حرمني من شوفته يتزوج و يجيب عيال اربيهم
مع كل الي صار تراه ولدي آخر العنقود
الجد :هذا كله من عند الله و لي صار صار
الجدة : و النعم بالله
الجد : متى آخر مره جلتلج اني احبج
الجدة :خليفه يوز
الجد : بصراحه انتي اذا تبي تعجزي بكيفج بس انا شباب
الجدة : الله يقطع سوالفك
الجد : يلا قومي بدلي
الجده : ليش ؟
الجد : انا عازمج عالغدى
الجده : نحنا كبرنا على هالسوالف
الجد :جتلج نحنا بعدنا شباب
الجدة : زين أي مطعم هذا
الجد : مطعم هندي اسمه (كيري هاوس )
الجده : ما ادري ..
الجد : يلا قومي بدلي يلا .
^^^^^^
في الليل
في بيت الجد
الكل كان مجتمع على طلب من ابو سلمان بحجة انه يبي يشوفهم كلهم
الحريم و الرجال في نفس الصاله
البنات مسوين حزب يتسولفون
لبنى حست بنظرات فهد بس اهيه استحت منه و كانت تطالع ساره و اهيه في عالم ثاني
لجين قامت من مكانها و راحت حج اخوها فهد
لجين و هي تهمس : بسك بتاكل البنت بنظراتك حرام لا تحرجها
فهد : ها زين .
لجين : يعني كنت تطالعها موجذي
فهد : و انتي شكو روحي
لجين : هين
و رجعت مكانها
ملاك : اشفيج ساره
ساره :لا بس تعبانه شوي ( اصلا كانت حزينه لان جاسم ما كان و ياهم )
دانه و ريناد يسولفوا لانهم من نفس السن و نفس الافكار
دانه : شفتي اغنية كرستينا اغيليرا
ريناد : لا بعدني
دانه : وايد حلوه لا تطوفج
ريناد : اصلا ماكو احلى عن الفيديو كليب اللي باغنية جاستن تمبرليك
دانه : واااي صج والله
ريناد :شفتي النيو لوك الي سواها اورنالدو بلوم
دانه : صج رهيب ماكو مثله
لجين : انا رحت المول امس و شفت نعل يديدة في ألدو
ملاك :اصلا اهم يغيروا البضاعه كل شهر ما يمديني اشوف كل الموديلات
لجين :لون الموسم ابيض و اسود
ملاك : أي انا شريت وايد قطع على هالاساس
لجين :المشكله انها تنتشر بسرعه الوحده ما تقدر تلبس شي مميز الى نص بنات الديره لبسوه
ملاك : أي ساليني لما ابي شي و اشتريه اجول للبياع ما يبيع مثلها
لجين : وانتي صدقتي ؟
ملاك : لابس ملاقه
لجين :زين طلعت منج مو مني
ملاك : اشقصدج ؟
لجين :ولا شي سلامتج
ملاك : يلا عاد غيري السالفه
و في الجهه الثانيه
نوف و العنود و لبنى يرسلو ا اغاني عبر البلوتوث
لبنى : عندج اغنيه احلا
نوف: شوفي هذي
لبنى : حلوه وايد
ليان : اشفيج وايد متعلقه فيه جذيه
ساره :ماادري !
ليان : صج انج غريبه
ساره : انا مو اول ولا اخر بنت تحب و لد عمتها
ليان : و يا خوفي من هالحب وين رح يوصلنا
^^
رن تلفون ابو سلمان على رقم الدريول منير
منير :بابا انا في ينطر عند الباب
ابو سلمان : دقايق و اجيك
ابو سلمان استأذن و طلع
و الكل كان يسولف و فجأه الصمت عم المكان لما دخل ابو سلمان
و كان في احد وراه .
(منو الي كان وراه )
..
..
..
..
..
الكل كان متفاجئ شافوا بنت متوسطة الطول ضعيفه
بيضه وملامحها اجنبيه عيونها رماديه, و شعرها بني فاتح يوصل للكتف وفيه خصل هاي لايت
اشقر وعاملته مموج على خفيف مثل المغنية إليسا كانت لابسه برمودا اسود ضيج فوق الركبة و توب من الحرير لونه بنفسجي غامج و فيه دانتيل بدون أكمام وعليه جاكيت قصير أسود
اسود ماركة (اناريتان) و النعال كعب عالي ماركة ,’و جنطه كبيره لونها بنفسجي غامج في ورده على الجنب ماركة (بي اتش اس) و عمراها بين17 او18 سنه ) طقم دايمن (الماس) خفيف على شكل ورده
(( ام سلمان في خاطرها : سويتها يا ابوسلمان و اتزوجت وحد كبر بناتك ))
البنت مبين عليها مستحيه ومستغربه من الي حولها
ابو سلمان : تفضلوا يا جماعه و انا بفهمكم السالفه
العيون على البنت الغريبه محد شال عينه من عليها من جمالها و لبسها الي كان
غريب بالنسبه المجتمع الي تعيش فيه العايله
ابو سلمان قعد و البنت قعدت يمبه
ابو سلمان : الكل يتساءل منو هذي .. هذي غزلان بنت اخوي عبد الله
الجد بدهشه : عبد ..عبدالله
نادر بصوت منخفض : جات بوقتها .
بدر يهمس :اسم على مسمى
ابو سلمان يكمل كلامه : انا قبل اسبوع في المزرعه جاني اتصال من محامي شركة
اخوي عبد الله يخبرني عن خبر ...( ما قدر يكمل كلامه )
ابو طلال يكمل على كلامه و هو يتنهد : يبه يمه اخوي عبدالله توفى .
الصدمة كانت بوجه أبو محمد وأم محمد إلي سالت دموعها وبدأت تبجي على ظناها إلي مات في الغربة
و ما شافتة.. غزلان ما قدرت تتحمل الموقف وبدات دموعها تسيل تذكر أبوها بس بجت بهدوء ومسحت دموعها بسرعة من مرارة إلي كانت حاسة فيه , دموعها كانت ناشفة من كثر ما كانت بالشهور الماضية تبجي على أبوها حبيب قلبها إلي مالها غيرة .
الجد وهو في صدمة : عبدالله ولدي شلون مات شصار ومتى.؟؟
ابو سلمان: سكته قلبيه قبل خمسة اشهر ... و انا ما قدرت اخلي غزلان هناك فجبتها الديره تقعد معانا الصيف .
أبوطلال : نحن أخذنا وقت كبير نقنع أمها ونقنعها لأنها وايد متعلقة ببنتها بس أنا وعدتها إنها بعد شهرين ترجع فرنسا عند أمها.
أبو سعد : والنعم فيكم هاذي بنتنا الدم عمره ما يصير ماي .
غزلان إلي كانت تسمع الكلام ما كانت تفهم كل الكلمات لأنها ماتتكلم عربي غير شوي أبوها الوحيد إلي كان يكلمها خليجي .
سارة و اهيه تهمس لليان : راح مني جاسم لي شافها
ليان : صج حلوه قمر تجننن.
لجين : شنو هاذي عارضة أزياء .
ملاك تكمل عليها : لا ملكة جمال.
نوف : شفتي الشباب بياكلوها بعيونهم
دانه : ولا ليندزي لوهن
ريناد : ولا باريس هيلتون و لا هيلاري داف .
لبنى : انا بطلع وياها قدام رفيجاتي
العنود : انا حاجزتها قبل .
لجين : ههه شنو سياره
ملاك : احسدها على الجمال ما اجول غير مالت علي ليش امي مو فرنسيه
^^^^^^^^^
و في جهة الشباب
فهد : انا الحين يتخلى عن بنات الجامعه عشانها
بندر : حتى بنات العايله ما يسون ظفر منها
نادر : يات في وقتها انا حاجزها لي خلاااص
احمد :بصرااحه ما تشبه احد من العايله ماكو احلى منها
بدر : وينها عنا من زمان
فهد : و انته الصاج
سلمان : استحوا هذي بنت عمكم بسكم جز ليش انتو ترضون على خواتكم
نادر : اسكت الله يعافيك
^^^^^
و عند الاعمام و الجد والجدة بعد ما بجت راحت عند غزلان وحظنتها من قلب .
وقعدوا يسولفوا معاها ساعتين وهية مسكينة ما فاهمه نص الكلام .
الجد : يا غزلان ما رح تقعدين الى في بيتي انا و جدتج
No need I will sit at the hotel . غزلان :
الجده : شتقولين يابنيتي
غزلان وهيه متوهجه ما تدري شلون ترد : لا بقعد في الهوتيل
الجده : لا ما تروحي الى لبيتي
ok غزلان وهيه تتحلطم بالفرنسي وقالت بعدها :
بعد العشا الجدة اتصلت بالخدامة عشان ترتب الدار وتسنعها, وغزلان إلي ما حطت لقمه في فمها كانت قاعدة ويا جدتها وجدها يتحكون عن ولدهم عبدالله ويسألوها عن حياتها برع وشلون عايشة وهي كانت تحاول توصل الكلام كثر ما تقدر بالعربي , وقت العشا الأعمام والعيال دشوا داخل عشان يعطوا الجد والجدة فرصة يتحكون مع البنت على راحتهم اهيه ما أكلت لأنها قالت لهم إنها إكلت بالفندق قبل لا تجي ( اهيه ما أكلت شي بس كانت تتهرب من القعدة وياهم لأنها حاسة نفسها غريبة).
الجدة :يابو محمد خلنا نروح البيت البنت شكلها تعبانه .
الجد وهو يوقف : يلا أنا بروح أخبر العيال وأنتوا ألحقونا عشان نسلم عليهم بالمرة.
الجدة وهيه تطالع غزلان وتمسك يدها . يلا نروح بعرفج على عيال عمج .
غزلان ما كانت مرتاحة لأنها حاسه الكل يطالع عليها لما كانوا قاعدين بالديوانية .
^^^^^^^^^
دش الجد الصالة وشاف العيال مخلصين العشا ويشربون الشاي .
الجد:يلا يا عيال أنا رايح لأن البنت تعبانه قلت عشان ترتاح .
نادر وهو يهمس : يا ربي ما مدانا نشوفها ونتعرف عليها ونقعد ويها .
بندر: وبالمرة ناخذ رقمها تعرف بنت عمنا نتطمن عليها إمكن تبي شي ولأتبي تروح مكان نحن بالخدمة .
فهد: وإيميلها إمكن تحس بملل آخر الليل فنقعد نتحكي وياها .
وعلى كلامهم دشت جدتهم ومعاها غزلان وراحت جهة البنات عشان تعرفها عليهم.
الجدة وهي تأشر على البنات:هاذي هناء مرت ولد عمج سعد وهاذي جاسر وفيصل عيالها .
نزلت غزلان لمستوى جاسر وفيصل وقالت بالفرنسي.:
Quel est joli!
الترجمة ( شحلاتهم )
وقام جاسر وحظنها .
بدر : يا حظة هذا جسور من قده.
الجدة وهيه تمشي عند البنات: وهاذي العنود وهاذي لبنى وهاذي لجين وهاذي ملاك وهاذي نوف وهاذي ليان وهاذي سارة وهاذي دانة وهاذي ريناد .
غزلان كانت تسلم عليهم وتبتسم كان شكلها جنان خاصة لما تطلع غمازتها.
وراحت الجد صوب الشباب وراها غزلان .
الجدة وهيه تأشر : هاذول عيال عمج بحسبة أخوانج .
فهد في خاطرة : أخوانها طل.
الجدة : ما يحتاج تسلمي عليهم .
نادر في خاطر وهو متحسف ( جدتي حرام عليج ).
الجدة:وهذا سلمان وهذا سعد وهذا بدر وهذا بندر وهذا نادر وهذا أحمد وفهد .
غزلان مو مستوعبة الأسماء وبعد جذي راحت الجدة عند الحريم وعرفتها على حريم عمامها.
الجدة: عمتج فوز وولدها جاسم مو موجودين راح تتعرفي عليهم في وقت ثاني .
الجد: يلا يا أم محمد نمشي خلي البنت ترتاح راح تتعرف عليهم بوقت ثاني .
طلع الجد ووراه الجدة وغزلان بعد ما سلمت على عمامها .
^^^^^^
نبذة عن غزلان
غزلان عمرها 18 سنه دلوعة أمها وأبوها طلبتها مهما كانت مستجابة وهيه متعودة عل حياة العز ما تعمل شي بروحها بالبيت بيتهم كبير قصر في منطقة ريفية برع العاصمة بجم كيلو مو بعيد , بيتهم مساحته كبيرة في حديقة بالخلف روحة تطل على منظر طبيعي ولأعشاب وأنواع الزهور بالحديقة وحوض السباحة بالخلف بس شكلة مثل الشلال وايد حلو وفيه عندهم ملعب تنس ( غزلان تحب تلعب تنس ويا رفيجاتها)
بالبيت درج منقسم قسمين بينهم باب زجاجية للحديقة الخلفية وفيه أكثر من أربع خدامات وحارسين وثلاث سواقين ومزارع للحديقة وطباخين .يعني عايشه حياة ملوك , وهيه صديقة أمها ما تقدر على فراقها , وهيه متعودة تسافر بروحها ويا رفيجاتها بس مو بالمسافة البعيدة ,غزلان تحب التسوق وتصرف كثر في التسوق وخزانتها غرفة كاملة لأن البيت كبير وما عند هم غيرها , غرفتها وايد حلوة كبيرة لونها وردي فاتح وفيه جدار كامل فيه صور لها ولرفيجاتها مرتب بطريقة وايد حلوة وسريرها بالوسط وعلى ستاير ورديه خفيفة فيها فراشات وفوق السرير مرسوم تاج كبير وفيه لمعة , غزلان تحب مسابقات الجمال ومن هيه ضغيرة كانت تشارك بمسابقات الجمال المخصصة للأطفال , ففيه بغرفتها خزانه زجاجية فيها جم كأس و أكثر من 30 تاج ووشاح وصور لها بهالمسابقات و ورفيجاتها هم : أماندا , ليزا ولبنانية اسمها ألين و .................. وماثيو ( راح نعرف من هذا بأحداث القصة وشنو دوره )).
...
...
هذا نهاية البارت الثاني
شنو راح يصير لغزلان بالكويت ؟
وهل راح تقدر تتكيف معاهم ؟
هل تقدر ترجع فرنسا مثل ما قالوا عمامها؟
وشنو راح يصير بين فهد ولبنى ؟
وسارة وجاسم ؟
هذا كله راح يكون بالأجزاء الجاية .
( وهاذي بس البداية )
07-07-2008, 02:07 AM
رد: رواية (( غريبة بين أهلها )) رواية كويتية تجنن ... 
