ضاحي ولد وحيد امه وابوه ( ابوه متوفي من خمس سنوات) وهو الحين بيدش الثانوية .................
ام ضاحي "تكلم ضاحي عن اهمية مرحلة الثانوية"
يا بوية انت تعرف انك بدش مرحلة الثانوية وهي مرحلة صعبة
في الدراسة ومرحلة بتتعرض حق ظغوط نفسية تاثر عليك ...
ولا تنسى انك غيرة مدرستك وبل الاخص تعليمك من الخاص
للحكومي الان مدرستك الجديمة مافيها ثانوي و المدارس الي
تتوافر فيها الامكانيات بعيدة عن المنطقة فحاول انك تتاقلم مع
اولاد صفك اليديد ...............
ضاحي : اميه لا توصيني انا الحين كبرت وبدخل الستعش سنة
يعني بودع مرحلة الطفولة وعقلي بدء يفهم الامور بشكل اوضح
ام ضاحي "تدمع عيونها": يا بوية انا اوصيك لني احبك وما
عندي في هدنيا غيرك انت نور عيوني وسندي ف الدنيا من بعد ابوك الله يرحمه............................................. ........
ضاحي : الله يرحمه ويرحم موتانا اجمعين ............اميه رمسيني عنج يوم كنتي في عمري
ام ضاحي: شتبابية الحين انتة تريد تصيحني وتذكرني بزمان اول حياتي كانت غير عن حياتك بكثير........................
ضاحي :ليش
ام ضاحي : لني حرمه وانته ريال
ضاحي : شو الفرق
ام ضاحي : الفرق ..........البنت اول ما تتطلع من البيت الا
للمدرسة والحين العكس قامن يطلعن حالهن حالهن حال الاولاد
اهنية ضاحي على وشك الكلام ...........لكن ترن ترن ترن
ام ضاحي : الوووووووووووه
المتصلة:السلام عليكم
ام ضاحي :عليكم السلام ..............مرحبا
المتصلة:مرحبتين
ام ضاحي :والله ختيه ما عرفتج
المتصلة: فديتج يا الغاليه ما عرفتيني
ام ضاحي : لا والله اسمحيلي
المتصلة:انا وحده .........كنت وياج في مدرسة الثانوية
ام ضاحي : في الثانوية........اعرف وايد بنات
المتصلة: بذكرج بشي ........يا صومالي ريحك جاني
ام ضاحي :بـــــــــــــــــــــــــــــــــس "هنيه في هذي اللحظه
تسارعت دقات قلبها وغمضت عينها وتذكرت يوم كان اسمها
رفيعه يوم كانت ابله E غايبة .........شو رايكم لو نتمشى في
الممر....خلوديه شو بتسوين.......... خلود : بمشي فوق مظلة الممر و طفت البنت الله سلمها من الطيحه ..........بس مكتملت
الفرحه الممرضه شافتها و شافتنا ............خلود: اشردوا
وشردنا من هناك وتراكظنا في الممر و الابلوات يسمعن
اصواتنا وضحكنا ...........................................
ام ضاحي :خلوديه يا الخاينه من عرستي ماشفناج
تعرفين من كم سنه
ام ثريا :انا عرست من بعدج بشهر والحين اكبر عيالي بنتي
ثريا وما شاء الله عليها بتكمل الستعش سنه........
ام ضاحي :تركض السنين ولا تفكرين في ربيعج .......مب حرام عليج ................................................
ام ثريا :والله انتي تعرفين ان ريلي نقيب ودوم يطرشونة برع
ام ضاحي : قولي لي كيف عرفتي رقمي
ام ثريا :eazy ............سويت حق بيت هلج وخذت الرقم
ام ضاحي : اخيراااااااااااااا حفظتي الرقم الي دوووووووم تنسينه
ام ثريا: لا هذي المرة سجلته في المبايل
ام ضاحي:كم عيالج
ام ثريا : كم تتوقعين
ام ضاحي : احيدج مصممه على اكثر من خمس
ام ثريا : ثريا وحمد وخليفةو فاطمه وروضه
ام ضاحي : ما شاء الله .............. الله يخليهم لج ولبوهم
ام ثريا:وانتي
ام ضاحي:ضاحي وحيدي
ام ثريا : الله يخليه لج ........................
اهنية ضاحي مل ويا يستاذن من امه عشان يسير بيت يارهم
ضاحي : اميه بسير بيت يرانا بو بطي
ام ضاحي : سير الله وياك ولا تبطي عليه عشان بنسير دبي
بعد المخرب ان شاء الله ...................
ضاحي "خايف": اميه ابويه محمد فيه شي لا سمح الله
ام ضاحي : لا............ ماتريد تفري عن نفسك شوي وبعدين ابوك محمد وامك عليا بيموتون ويشوفونك
ضاحي :خلاص بسير وبرد بعد ساعه عشان اكل الحمام و ازهب قشاري..........................مع السلامه
ام ضاحي : الله يحفظك ويحميك
وبعد ساعة يا ضاحي من عند يارهم بو بطي وساراكل الحمام
وبعدين زهب قشاره
ام ضاحي : ضاحي بويه يالله بنسري ورانا درب العين دبي
و الدريول يتريانا..............................
ضاحي :يالله خلاصة
"وفي السيارة"
ضاحي : اميه انتي ليش ما سرتي دبي يوم توفى بويه وشتغلتي هناك ؟؟؟؟؟
ام ضاحي: انا بغيت اشتغل في دبي بس مالقيتةو بعدين ما اريد ابعدك عن عمومتك........الا قولي وين تحب انته
ضاحي:وين يكون الغالي اكون انا
ام ضاحي : الله لا يحرمني منك
وبعد مرور ساعة و نص من الوقت وصلوا دبي الساعه تسع وربع في بيت ابوه محمد ..........................
بو راشد : مرحبا الساع مرحبا ملايين الحمد الله ع السلامه
ضاحي : الله يسلمك من الشر ويخليك لنا
ام ضاحي: شحلك ابويه عساك بخير
بو راشد : بخير الحمد الله
ام ضاحي: بويه وين عيوزك
بو راشد : المتعبلة في المطبخ تخدم القرص حق ضاحي
ضاحي "طاير من الفرحه بيتعشا قرص و روب ": انا ساير المطبخ عندها .
طلع ضاحي من البيت وسار المطبخ .............
ضاحي: السلام عليكم
ام راشد: مرحبا مرحبا ملايين ...... انورت الدار بوجودكم
ضاحي:تضحكين عليه البيت منور بوجودكم فيه
ام راشد: غلبتنيه يا ولدي في هذي شرات ابوك الله يرحمه
ضاحي: عطيني المدق بدق القرص .................بيطلع حلو
وبعد ما دق ضاحي القرص غمسوا الروب عليه وتعشوا الشواب ................وبعد العشا
بو راشد : بنتي رفيعه ان شاء الله بتبطون فيانا
ام ضاحي: اسبوع ورانا اوراق ضاحي و التسجيل
ام راشد: مرحبابكم ان سرتوا و ان يتوا ..............محمد رمس غلام عشان يذبح ذبيحتين
ام ضاحي : اسميج متعبلة شحقه الذبيحتين
ام راشد: بعزم خواتج و خوج و عيالهم
طول عمرج ما تقصرين يا اميه..........
ضاحي : اميه بنام انا ويا بويه محمد في الميلس
ام ضاحي : لا تسهر ابوك وايد تراه ما يروم ع السهر
ضاحي: تصبحين ع خير ..................................
سار ضاحي عند شويبته الميلس
ضاحي "مبتسم" : بويه برقد عندك وباجر بنغبش الع********************ه وبنشد القلايص و بنلحقهن لين دورة الرجاب.....................
بو راشد : لحقهن يني وين بتفزع لهن من الفير
ضاحي "يدلع":بويــــــــــــــــــه فديتك ودنية فياك
بو راشد: صدعتني تراك يوم تريد تغبش لازم تنام.........
لحف بو راشد ويهه و قا ل : بند الليتات حرقنا
يتبع
02-12-2006, 06:50 PM
صمت الحب 
المواضيع المتشابهه 
العرض العادي
