أنت حتــى الجـرح منك أشتهيه
من غلاك أظما عذابك وأرتويه
أنت حبك شئ مـا أقدر عليه
كن حبـــك ضيـف والقلب بدوي
الحب أكبر من سهر ليل وطيوف
ما تفهمه حتى القلوب الكسيرة
تدرين أصدق حب يطلع من الجوف
حب الفقير اللي عشق له فقيره
الليلة هذي واضحة ليلة فراق
حاولت أعديها وعيت تعدي
تعال أخذني بين أياديك مشتاق
قبل نتفارق حط يدك بيدي
بجلس معك ساعة حبايب وعشـاق
من بعدها كيفك لو صرت ضدي
يا كثر شرهاتي عليك انت بالذات
والا على غيرك تراها قليلة
تعبت أجي بسكات وأروح بسكات
ساكت وأنا متني حموله ثقيلة
سـافر واخذ قلبي معك وين ما رحت
أخذه معك في غيبتك وش أبيبه
يمكن معك يرتاح لا شافك ارتحت
يمكن يجيبك لي أو تجيبه
ان قدر الله مع الايام نتواجه
تمر مثلك مثل ناس يمروني
في عيوني تصير ما تسوى ولا حاجه
من عقب ما كنت تسوى الناس في عيني
صدقني ما ضقت من فرقاك بالمره
بس ما ذبحني سوى حاجة بجوالي
تدري وش اللي ذبح قلبي من الحره
انـي مخـزنك في جوالي الغـالي
ما قلت لي وينك ولا شفتك اشتقت
احساس حطم كل الحساس فيني
أكذب عليك ان قلت لك ما تضايقت
وأكذب عليك ان قلت لك لا تجيني
ودي أسلي خاطري باجتماعه
وأروي فؤادي من غلاه وحنينه
ودي على شوفه لو ربع ساعة
لا غاب عني يسأل القلب وينه
أرتاح في قربه وأحب استماعه
وأفرح انا لا شفت طلت جبينه
16-07-2008, 06:28 PM
رد: تدرين أصدق حب يطلع من الجوف....حب الفقير اللي عشق له فقيره 
العرض العادي
