ضحيه ذيابه !!

[غلى العبدالله]

--------------------------------------------------------------------------------

مساء الشعر والمطر


مساء الحب


كمساء الرياض المتألق ..



اليكم هاذه الذائقه الشعريه كما شاءت ان تكون..


اتمنى ان تحوز على رضى واستحسان الجميع


وهي اول مشاركاتي في هاذا المنتدى الرائع


:: ::

اعجاب وادري يازمن كللك اعجاب =كأني طعينه من زمان الصحابه
من اربع اميه والف لليوم ماطاب =كل من نهمته يلمس الجرح هابه !!
اذا جيت همي مابقت فيني اعصاب=من جور حزني والقهر والكآبه
ياامي لمسته ماعلى حسي ثياب =هاجوس ضاوي مدري الليل جابه
ونين روحي ارق صياح زرياب=والناس تاخذ صيحتي في دعابه
شيبت راسي من تهاويل الاتعاب =ياكيف ابين وانتي في كتابه ؟!
مسروج فكري ياامي الفو بثوب شياب=عليهم لباس الفخر والمهابه
تلوه ياامي ماحسبت الهم حساب=ياحيف اثرهم بالخفايا ذيابه!!
ياامي ياقويه والحشا فتت وذاب=وعناد صبري زاد ميل التهابه
اتلوج روحي بين مخلاب وانياب=حرمه ولا لي بالذرى كود غابه
حرمه ولالي في ملاجيج لغباب=نزوح عمري ماغترني سرابه
خلان قلتي ..؟!هو بقى عندي احباب..؟=كل يصيح الويل من حر مابه
من وين اجيب احباب واقراب وانساب؟؟=والكل شفتي..غلق قفول بابه !!
ابعادواقراب .. .. وقريبين واغراب = والماي باردواحرموني شرابه!!
اعوان وارهاب وجماعات واحزاب = والم وجروح وطعون اتشابه !!
لا لاح دمعي من على الكف خضاب =قالوا ضغير الجرح توه هبابه !!
هباب عمري .. من مجاريد لحراب =يهبون ياامي مالجتهم اصابه
ياامي دريتي ؟؟ لاتناجيت بعتاب =جرو من عتابي لحون الربابه
قومي فديتك سدي عنهم الباب = ذولا يزيدون المصاب التهابه
رحمتك يارب البشر رب الارباب = رجيت عفوك واحتميت بجنابه
يارب عوضني بجنات واعناب =وانهار وخوه حريم الصحابه
عزاه ياجرح قضى الدهر ماطاب =لامات بومي ولا قتلني غرابه
ماينتهي جرحي ولوكثروا الاحباب = اصلا مصابي من عموم القرابه !!
ياسامعيني صفقوا حيل باعجاب =اليوم جرحي جددوا لي مصابه
باسباب مابي .. ..والمقادير باسباب =والعمر ضايع من يعوض شبابه ؟؟
امليت قافي من عنا (آبه وآب)= سرد يشابه كاتبين الخطابه
حسافه الطيب تناهشوه اذياب =في ظل دنيا تشبه ظروف غابه
ياامي امانه سجي دموع واطياب =وقولي لهم كانت (ضحيه ذيابه !!!)
كانت صدوقه في رجا وقت كذاب = والصدق فيهم .. ..عظم الله ثوابه !!
والعنبو وقت على الطيب غلاب= واللي بقى الا اهلا ولا مرحبا به !!
تدرون ؟! حنت من عنا وجدي اركاب = ولا عاد باقي مايثير الغرابه
ياامي غفيتي ..؟! قومي ادموني ابناب =جعل تطويهم دروب الخرابه
اعجاب وادري يازمن كللك اعجاب = فتحت جرح ماحد قد درابه !!

اختكم الشاعره :: ::غلى العبدالله

دمتم بود

[_Capron_]

ياامـي دريتـي ؟؟ لاتناجيـت بعتـاب
جـرو مـن عتابـي لحـون الربابـه
قومي فديتـك سـدي عنهـم البـاب
ذولا يزيـدون المـصـاب التهـابـه


تسلمين اختي غلا وقصيدة روعة

وياهلا فيك في المنتدى شرفتينا

ومشكورة

[غلى العبدالله]

ياهلا وسهلا :: ::

"capron"

أجمل العابرين من يترك أطيب الأثر :: ::


مرور مشرق كأشراقه الشمس الدافئه :: ::


لاهنت على المرور:: ::


دمت بود