من بغا الفرقا لقاله عذر واسباب ودليل !!

[ليديا]

من بغا الفرقا لقاله عذر واسباب ودليل

--------------------------------------------------------------------------------

من بغا الفرقا لقاله عذر واسباب ودليل
خل عنك العذر والاسباب دام الحب ضاع
كان ودك بالفراق ابشر عسا عمرك طويل
لاتردد وانت لك كلمه ولك امر مطاع
لي عليك انك كتبت بكلمة تشفي الغليل
ولك علي اني لوقف وقفة الرجل الشجاع
لاتجاملني مخافة قال مدري خوف قيل
عمر هرج الناس مايسمن ولا يغني جياع
كان قصدك سر حبك اوعدك لاصبح بخيل
واحمل اسرارك معي للموت قدر المستطاع
بس قلها..قل ماحبك وابشر بصبر جميل
لاتحسب اني مثل من طبعهم لوي الذراع
صاحبك ماهو كذا ياصاحب القد النحيل
صاحبك طبعه غريب وغربته غربة اطباع
فالهوى مايقبل الحل الوسط والا القليل
مثل ماهو لاشرى يشري واليامن باع باع
ثابت لوهي تميل الارض حدره مايميل
يدري ان الفقر ماهو عيب والدنيا متاع
ماعشق لذة حياته كثر عشق المستحيل
ولاكره حتى مماته كثر كره الانصياع
كم تعلم من شديد البدو وش معنا الرحيل
وكم تعلم من غروب الشمس وش معنى الضياع
وكم تعلم من سحاب الصيف وش معنى الحصيل
وكم تعلم من ليال البرد وش معنى الضياع
ايه انا هذا طريقي موحش وصعب وطويل
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وانا قلبي معك من وين
وجهت الشراع
يكفي اني لاذكرت بسالفة عشاق قيل
عاشر احبابه شجاع وفارق احبابه شجاع

منقول

[_Capron_]

لاتجاملني مخافة قال مدري خوف قيل
عمر هرج الناس مايسمن ولا يغني جياع
كان قصدك سر حبك اوعدك لاصبح بخيل
واحمل اسرارك معي للموت قدر المستطاع


تسلمين الله قصيدة روعة

[الراسية]

يعطيك العاااافية يالغلا

[ليديا]

وجودكم اروع

ياهلا فيكم