الشخصيات الاساسيه :
عبير: بنوته حلوة ومرحه وعمرها 18 سنه ولها توأم واهي من النوع الكتوم
شوق : أخت عبير واكبر منها بس ماتحب عبير مع ان شوق مرجوجه وعمرها 20 سنه
عبدالعزيز: أخو عبير الكبير ومسافر لأستراليا له سنتين ونص وقريب يرجع لأهله وعمره 22سنه
تركي : أخو عبير واللي اهو توأمها واهو اقرب شخص لها بالعائلة واهو على رغم شطانته الا طيب وحنون
متعب :اصغر واحد بالعايلة وعمره 9سنوات واهو من النوع اللي مايحب يتكلم كثير
ابو عبدالعزيز : اللي اهو ابو عبير والوحيد الحي من اخوانه وام عبدالعزيز : اللي هي ام عبير واسمها نوره
ساره: واهي صديقة عبير الروح بالروح وتموت فيها واللي اهي بنفس الوقت بنت عمها وهي نعومه وحلوه
الجزء الأول
الأحــــــــــــــــــداث :
في يوم الاربعاء جت ام عبير تقومها علشان تروح للمدرسة فمارضت عبير تقوم (تعرفون النوم سلطان وتموت فيه ) وامها مالقت غير تركي تناديه ويقومها بطريقته الخاصة وتعرفون المرجوج تركي جاها مفحط وبصراخ قوم البيت كله عبيرررررررررررررررررررررررررررررررررررررررررر وقعد جنبها بالسرير وقعد يحن فوق راسها والى الان عبير مارضت تقوم فجت خطه جهنميه في بال تركي فقعد يصارخ عبير صرصور عاد تعرفون عبير بس سمعت صرصور نقزت مثل الحصان وقعدت فوق سريرها تناقز وتصارخ وتركي ميت عليها ضحك فدرت انه يكذب وقامت عليه تكفيخ لحد ماتركته
قعد يطالع فيها ويقولها : صباخ الخير
عبير : تو الناس بعد ماخرعتني تقول صباخ الخير
تركي : حقك علي بس شسويلك اذا رفضتي تقومين وقام وباسها وتأسف منها
عبير : يابعد هالدنيا مااقدر ازعل عليك
تركي: قام وضم اخته وباسها على جبينها يلا عبوره قومي للمدرسه
عبير: طيب بس يلا اطلع وسكر الباب معاك
تركي : افا طرده
عبير : ياربيه وانت ماتترك طبايعك يلا قوم خلني البس
تركي: لازم تروحين للمدرسه ( يبي ينرفز عبير )
عبير : لاوالله الحين تجي تخرب نومتي وبعدين تقول لازم تروحين يلا قوم بسرعه
تركي: طيب بس صبري علي انا اوريك
عبير : تركي خلصني راح الوقت كله بسبتك
طلع تركي بس حب ينرفز عبير وولا سكر الباب
عبير تتحلطم ياربيه وش اسوي فيه جنني هين انا اوريك ياتركي بس خلني اخلص لابسه (عبير تكلم نفسها )
فيوم قربت للباب تتسكره الا هذا تركي طلع بوجها بووووووووووووووم
عبير من الخرعه قعدت تناقز وتركي ميت ضحك فقال بنفسه خل الحق على عمري قبل لايجيني تهزئ
فقام وباس عبير على خدها وماتشوفون الا غباره هج فقعدت عبير تضحك عليه وسكرت باب واهو نزل وكانت كل العايله متجمعه الا عبير وشوق تعرفون بنات لازم يتكشخن
نزل تركي وباس ابوه على راسه وصبحه بالخير وامه باس راسها وصبحها بالخير وقعد معاهم على طاولة الأكل علشان يفطر معاهم الا وشوي وتنزل عبير
تركي: هلا وغلا تو مانورت الغرفه هلا بحياتي وبقلبي وعمري كله
ام عبدالعزيز: وانت خلاص كافي تغزل بأختك
تركي: لو مااتغزل فيها اتغزل بمين
عبير : ومستانسه يابعد قلبي انت
وراحت وباست راس ابوها وامها وصبحتهم بالخير
متعب : وانا مالي رب او نسيتوني
عبير : انت كافي امي وابوي مدلعينك تبي بعد
متعب : هين عبيروه اوريك بعدين
وتعرفون قعد تركي يهبل بعبير وشوي وتنزل شوق فأنتبهت لها عبير وسكتت وقامت اخذت شنطتها وقالت انا استأدن تبون شي استغرب تركي ليش قلبت عبير
ام عبدالعزيز: وش فيك عبير ليش تونا بدري
عبير : يما انا بروح عندي امتحان وبقعد اذاكر مع خوياتي ( اول مرة تكذب على أمها )
تركي: قام وقال بيروح مع عبير بيمر المكتبه وبياخذ له اغراض (واهو كذب على امه بس وش فيه الحين تعرفون )
طلعت عبير ومعاها تركي وركبوا مع السواق
ومرت لحظات صمت مو من عادته تركي يسكت وقعد يقول في قلبه لازم اكلم عبير بالموضوع هذا
تركي : عبير ممكن اسألك سؤال
عبير : وفهمت على تركي وقالت تفضل
تركي : عبير ممكن اعرف ليش دائما اذا شفتي شوق تقومين بيناتكم شي
عبير : تركي اذا ممكن قفل على الموضوع
تركي : لايمكن عبير انتم خواتي ولازم اشوفكم مع بعض مو كأنكم اعداء
عبير : تركي لخاطري سكر الموضوع
تركي : عرف ان عبير ماراح تتكلم واهو عارف انه بيوم عبير راح تقوله كل شي وسكت
وظل الصمت على السيارة لحد ماوصلوا عند مدرسة عبير
عبير : وهي نازله من السيارة تركي تامر على شي
تركي : حب يشوفها تضحك فقام وقال ايه
عبير : امر تدلل
تركي: رقميلي سارة وكم بنت معها
عبير : قعدت تضحك وقالت تامر امر
تركي: صدق وتعدل بالجلسه عبير صدق
عبير: وهي ميته ضحك وتعطيه طراق وانت مصدق انت ووجهك
ضحك تركي وقال : ياحلو هالضحكه تسلمين واخيرا شفتك تضحكين
عبير: تسلم ياخوي والله لايحرمني منك يلا باي
تركي: بايات
وش تتوقعون بيصير بين شوق وعبير؟
وتركي وش موقفه من الموضوع ؟
كل هذا تلقونه بالجزء الثاني
انتظر ردودكم
05-01-2007, 03:36 PM
εϊз .. ملاك روحي.. εϊз 
