دبله مقسومه

[كنزى]

انا بنت وعمرى 20 سنه ومتدينه واغلى حاجه عندى فى الدنيا ربنا وانا طالبه وانا صليت الفجر ونمت وحلمت الحلم ده وبتهيألى كان الحلم ده فى رمضان انا عملت استخاره عن انسان معين وحلمت انه جابلى دبله وهو اسمه khaled بس الدبله كان مقطوع منها حته كان الجزء الاول مكتوب khale والجزء التانى d بس انا كنت فرحانه اوى ولبست الدبله واتحولت لخاتم حلو اوى وكان له فص حلو اوى وبيلمع وبعدين كلمته فى التليفون قالى تعالى ضرورى رحت واخويا وصلنى ليه ورحت لقيت حفله وهو لابس بدله ولابس نضاره مع انه فى الحقيقه مش لابس وبعدين مسك ايدى وفى بنت اسمها رقيه قالتلى شوفتى كرم ربنا وبعدين مامتى قالتلى ان انه كتب كتابى مع بابا بس انا ماكنتش معاهم ياريت اعرف الرد بسرعه وياريت لو الحلم وحش حضرتك ماتفسروش لانى سمعت ان لو الحلم وحش واتفسر بيتحقق وشكرا على استماعك ليا والسلام عليكم ورحمه الله وبركاته

[كنزى]

انا غير متزوجه ولا مخطوبه وعلى فكره فى جزء فى اول الحلم بس انا ماقلتوش لانى حسيت انه مش مهم بس حضرتك قلت لازم الرؤيه كامله فمعلش ياريت تقرا الكلام ده الاول انا حلمت اننا قاعدين فى فصل وكان فى ناس كتير والانسان اللى كان معايا اللى اسمه خالد كان بيبص عليا على طول وكان قاعد على الكرسى اللى ورايا وانا كنت كل شويه ابصله وبعدين اتخنقت معاه لانه عمل حاجه ضايقتنى(مع العلم انه فعلا ضايقنى فى الحقيقه)المهم اتخانقت معاه وقعدت ازعق جامد وطلعت اجرى وسبت المكان وقعدت استنى انه ييجى يصالحنى ماجاش فعلشان انا بحبه قلت هروحله انا وانا فى طريقى اليه لقيته كان بيجرى وجاى علشان يصالحنى ولما شافنى رجعت وقف الجرى وعدا من جنبى ومصالحنيش وكان معايا واحده صاحبتى اسمها هناء قالتلى انت رجعتى ليه هو كان هيجى يصالحك المهم قعدت استناه كتير يكلمنى عشان يصالحنى مسالش فيا بس لقيت رقم اخوه عندى على الموبايل يعنى يارنلى ياكلمنى بس انا ماردتش وبعد ايام كنت قاعده فى المطبخ وكان معايا واحده مش عارفاها وسمعت صوت خلاط فقعدت ادور الصوت جاى منين لغايه لما لقيت حاجه زى صينيه وفيها تقريبا فول بس مش مطبوخ وكان تحته الدبله وده كان الجزء الاول فى الحلم معلش انا اسفه على اللخبطه دى

[abu kareemo]

[color="DarkGreen"][size="4"]

المشاركة الأصلية كتبت بواسطة كنزى

ياريت اعرف الرد بسرعه وياريت لو الحلم وحش حضرتك ماتفسروش لانى سمعت ان لو الحلم وحش واتفسر بيتحقق وشكرا على استماعك ليا والسلام عليكم ورحمه الله وبركاته

اختي العزيزة
من قال لكي ان الحلم اذا كان وحش وفسر يتحقق هذا تخريف

رؤياكي بتدل

على خوف شديد وقلق من الارتباط

اما كسر الدبلة فهو دليل عل ان الموضوع لن يتم واحتمال للنهاية قريبة

وذلك من قصر نظر خالد وعصبيته
والله اعلم ولا يعلم الغيب الا الله

ممكن ان يكون خالد عصبي المزاج او انه يوجد به خصله معينه انتي خائفه منها "الكمال لله"

[كنزى]

انا متشكره اوى على رد حضرتك بس هو كتب الكتاب مايعنيش اى حاجه حلوه من عنده اصل الحلم ده مهم اوى عندى لانى حلمته بعد لما اللى بحبه جرحنى وعملت استخاره ودعيت لربنا يريحنى مافيش اى حاجه حلوه فى الحلم

[abu kareemo]

المشاركة الأصلية كتبت بواسطة كنزى

انا متشكره اوى على رد حضرتك بس هو كتب الكتاب مايعنيش اى حاجه حلوه من عنده اصل الحلم ده مهم اوى عندى لانى حلمته بعد لما اللى بحبه جرحنى وعملت استخاره ودعيت لربنا يريحنى مافيش اى حاجه حلوه فى الحلم

اختي العزيزة

انا لست بكاهنا او عرافا انا اجتهد هنا في التفسير بحكم ماتعلمته في هذا الموضوع فقط

واعلمي انني بشر قد اصيب في التعبير وقد اخطئ

ابن سيرين كان يفسر من 40 رؤيا / واحدة فقط

ونبي الله يوسف لما عبر رؤيا صاحباه في السجن قال"قضي الامر الذي فيه تستفتيان"
اي هذا حكم الله وقضاءه سينفذ حتما ولا بد
اما انا وغيري من المعبرين لا نقول الا الله اعلم لاننا لسنا انبياء ولا في منزلتهم
شكرا

[كنزى]

معلش انا اسفه انا سالت السؤال ده بس عشان كان نفسى فى حاجه تطمنى من الموضوع ده لانى متعلقه بيه وشكرا اوى لحضرتك وجزاك الله كل خير وجعل ماتفعله فى ميزان حسناتك وجمعنا واياك فى الجنه مع رسول الله امين

[abu kareemo]

المشاركة الأصلية كتبت بواسطة كنزى

معلش انا اسفه انا سالت السؤال ده بس عشان كان نفسى فى حاجه تطمنى من الموضوع ده لانى متعلقه بيه وشكرا اوى لحضرتك وجزاك الله كل خير وجعل ماتفعله فى ميزان حسناتك وجمعنا واياك فى الجنه مع رسول الله امين

مرحبا بكي اختي الغالية في اي وقت ويشرفني ذلك جدا

وادعوا الله ان يعطيكي مما سألتي

اشكرك مرة اخرى

[رحاب محمد]

حضرتك بتقولان الحلم اذا كان وحش وفسر يتحقق هذا تخريف مع العلم ان الشيخ سالم على قناه الناس ان الرؤيا معلقه ولو اتفسرت بتتفسر سواء صح او خطا بيتفسر

[abu kareemo]

المشاركة الأصلية كتبت بواسطة رحاب محمد

حضرتك بتقولان الحلم اذا كان وحش وفسر يتحقق هذا تخريف مع العلم ان الشيخ سالم على قناه الناس ان الرؤيا معلقه ولو اتفسرت بتتفسر سواء صح او خطا بيتفسر

اختي العزيزة رحاب

ارحب برأيك وبرأي الشيخ سالم الذي هو تاج على رأسي ولا اترك حلقاته ابدا ومن اشد المعجبين به

لكنني درست التفسير واخذت هذا العلم من الله ثم الامام إبن سيرين والشيخ فهد بن سعود العصيمي

وهما يختلفان معه في ذلك في ان الرؤيا اذا كانت سيئة وفسرت تتحقق

كيف هذا ؟

انسيتي ان القضاء نازل من السماء ودعاء المؤمن صاعد الى السماء وانهما يتقابلان ويدفع بعضهما البعض

أأقول لفلانا من رؤية انك ستموت فيموت

أأقول لفلانا من تفسير انك ستفتقر فيفتقر

هذا من علم الله مع احترامي لشيخنا الجليل الشيخ سالم

فهذا رأيه وهذا رأي ابن سيرين

فأيهما اقوى

شكرا لكي مرة اخرى واهلا بكي في اي وقت

[رحاب محمد]

انا اسفه اذا كان الكلام ده زعلك بس دى مجرد وجه نظر مش اكتر ومعلومه سمعتها وحبيت اقولها وجزاكم الله خيرا