|  |
 | 
|
|
|
#1
03-07-2009, 03:58 PM
| ||||
| ||||
 مشكلتى هى: الاول انا فرحانه جدا ومبسوطه من كل اللى شاركنى وانا زعلانه ودعالى وبقول لكم بجد انا بحبكم فالله وربنا يجعله فى ميزان حسناتكوا وبعدين مشكلت هى : انتوا ممكن تحسوها مش مشكله كبيره بالنسبه للكلام اللى قلته قبل كده وانى حموت يعنى . بس والله اللى تعيشها ثانيه بثانيه حتعرف بس انا برضه معترفه انى عطيت الموضوع اكبر من حجمه وعرفت كده لما قفت من الصدمه عرفت اننا لينا ربنا هو مش ده كفايه ولا ايه .............. ............كنت اعرف واحد هو اكبر منى ب16 سنه عرفته وانا كنت فى سنه تانيه سنوى كان عندى 15 سنه عرفته هو طيب ارتحتله جدا حسيت ناحيته بوقار وحب وحنيه كأنه ابويا (بس انا كنت وقتها معرفش يعنى ايه حب وعاطفه واحساس) وبعدين انا اتعرفت عليه صدفه ...معلش انا بحكى بالتفصيل عشان سبب معرفتى بيه والذنب اللى عملته هو اللى بتعاقب عليه دلوقت. فى الوقت ده كنت اعرف واحده صديقتى جدا كانت تعرف اخوه وهى انسان لعبى بيعمل كل حاجه حتى (الجاجه الحرام) فهمنى طبعا عرفته ولانى كنت حلوه وشيك ومكبره دماغى من الكلام الفاضى ده الحب يعنى ومكنش ليا سوابق حب يتعرف عليا . وطبعا حب يوقع بينى وبين صحبتى دى . وفعلا حصل وقالى انها مش امينه عاى اسرارك ولازم تبعدى عنها. وانا كنت هبله وعملت كده وفضلت معاه على اساس انه هو الانسان الوفى اللى خلصنى من صحبتى الخاينه مع انها كانت بتحبه اوى وانا جرحتها جدا لما استمريت معاه بس انا معذوره كنت صغيره ومعرفش فالحاجات دى والله ما كنت اعرف . بعدها طلبت منه انى اشوف مامته انا كنت بكلمها فالتيليفون وكنت دايما اقوله دى صوتها حلو اوى وطلبت منه انى اروح عندهم عشان ازورها ......... وطبعا رحت انا عارفه ان فى كتير منكم حيصتنقصونى بس والله ربنا اللى يعلم انى مكنتش اعرف يعنى ايه واحده تروح لشاب بيته وخصوصا ان مامته فى البيت وكنا كمان فرمضان . رحت وانا على باب البيت هى ماما فين قالى ادخلى بس ودخلت للاوضه وقالى اصلها نايمه اجيبلك ايه تشربيه فقلت مش عايزه وكنت عايزه امشى قالى طيب استنى شويه وبعدين حاول انه يعمل معايا (انتو فاهمين) بس طبعا محصلش وكنت كل اما اعلى صوتى يسيبنى عشان مامته متصحاش وطبعا مامته اصلا مكنتش تعرف انى جايه من اصلوا هو خطط مع نفسه واللى خلانى مديش لنفسى فرصه للتفكير هو انى انا اللى طلبت الزياره... ومشيت وبعدها متكررتش بس حاول يصالحنى فكنا نتكلم فالتيليفون وبعدها اتعرفت على اخوه ........ طبعا كنت احترمه جدا هو كان اخوه الكبير ويعتبر راجل البيت وكان هو اللى بيسرف عليهم وانا حبيت فيه تحمله للمسؤليه. وبعدها حصلت مشاكل وبعدنا ....لغايه مرجعنا تانى فاول سنه فالكليه كان هو بيمر بظروف صعبه ...وفالفتره دى كنت فهمت يعنى ايه حب .هو اللى علمنى كل حاجه واتعلقنا ببعض اوى ومرينا بمشاكل كتيره كنا نبعد ونرجع .. والله ربنا اللى يعلم ان نيتنا كانت خير واننا كنا عايزين بعض بالحلال وانه هو السبب انى اكون كويسه ومعرفش حد غيره الصداقات التانيه يعنى بتاعت الكليات وانا كمان بعدته عن حاجات كتيره غلط كان بيعملها لانى كنت عرفت امور فدينى مكنتش اعرفها الاول.... مشكلتى هى: انه لما حب ارتباطنا يكون رسمى الكل رفض واول مشكله هى 1- اهلى مش راضيين بيه لاسباب ماديه وغيرها والسن كمان 2- اخوه اعترض وقاله انه مينفعش تاخد واحده نمت معاها(بالله عليكم مش ده افتره)انا كنت صغيره وهو عارف رغم انه محصلش حاجه وحتى لو كان حصل انا دلوقت انسانه كويسه وملتزمه ومش بعمل حاجه غلط وحصون جوزى وعيلتى كويسه وجميله مش كل ده يشفعلى واكتر من ده انى احبه جدا بقى هو اللى مربينى بقى حته منى مش عارفه ابعد عنه ومكفهوش كده جاب ناس ربنا اللى عالم بيهم وسماهم رجاله وشهدهم وقال ينفع اخويا ياخد واحده نمت معاها وقال تفاصيل مش حينفع اقولها فقالوا لا من غير مايتأكدوا انه كداب ولا لئه بحجه انه مينيكب اخوه (دول ينفعوا يكونوا رجاله) 3- عرفت انهم جايبين له عروسه غنيه وابوها كبير فالسن يعنى ممكن تورث قريب وعايزينه يوافق فقاموا عملوا القاعده دى واتكلموا عليا وعلى عرضى وافتروا عليا عشان يبعد عنى . 4- امه كل يوم تعيطله وتقوله مش حينفع تتجوزها دى كانت بتيجى لاخوك كام مره وانا شفتها وهى طبعا كذابه دنا كنت بعاملها زى امى وبسال عليها واطمن عليها دايما تفترى عليا كده عشان الفلوس كنت فاكراها كويسه . ..........كان بيقولها حجه ان العروسه هو مش عايزها لانه مش طايقها عشان وحشه كانت تقوله فلوسها حتحليها. ..............دى تنفع تكون ام ........... بس المشكله اننا مش عارفين نبعد لدرجه انه حاول يتلكك للبنت دى ومامته قالت له عادى كل البنات كده المهم لما تتجوزها حتبقى ايه . وتقوله ابعد حتزعل يومين بس فالاخر حتروق وكلمتها بس كدبت عليا فوشى وقالت لى انى رحت لاخوه كام مره وانا شايفاكى وهى منها لله.. ابنها ليل ونهار يعيط وانا كمان كان نفسى اموت انا معرفش اعيش مع حد غيره بحس انه حلالى للابد مش حعرف اتجوز غيره وهو لدرجه انه فكر انه يتجوز البنت دى عشان يرضى امه وبعدين يتجوزنى بس انا استناه بس مش حعرف انى اكون كده حيبقى مليش حق فيه وهى ليها كل الحق يحكى معاها وولاده يكونوا منها مش حعرف استحمل... ليه مامته بتعمل كده 000ليه مش تتقى الله وترضى واهله واهلى كمان عشان احنا احنا مع بعض ....ربنا بس اللى حاسس بيتا...........سؤالى بقى : هو مش طايق العروسه ينفع انه يرفضها بس مامته حتغضب عليه هل يجوز لها تغضب عليه هو كده ربنا يزعل منه؟ انا فاكرت انه يكلمها ويحكيلها ان مامته هى اللى عايزه كده وانه بيحب واحده تانيه ولازم هى اللى ترفضه؟ هلده ينفع. بس هو خايف يعمل كده عشان الكلام ميوصلش لمامته وتموت بسببه مامته ست كبيره؟ مش عارفه مفيش حل هو نفسه ربنا يهديه بطل يصلى بسسب الحاله اللى فيها بس انا رجعته تانى مبقاش بيحب البيت بسبب الزن بتاع مامته واخوه وان اخوه اتكلم عليا ادام صحابه ...... احنا مش عارفين نعمل ايه ....احنا خايفين نعمل حاجه من ورا اهلينا مش عارفين نعمل ايه انا عارفه ان هو نفسه مقصر المفروض يعمل عشانى ويدافع عنى بس كل اما يحب يتكلم بيسكتوه بالكلام بتاع اخوه وطبعا مينفعش يسدقنى ويكدب اخوه ... بيقول انه حيكون انسان وحش لو مخدنيش وهما السبب . انا عارفه ان ربنا مش حيظلمنا وبدعى ليل ونهار يكون من نصيبى انا احق بيه انا حتعذب لو مختهوش وهى البنت التانيه سنها كبير يارب يكرمها باحسن منه عاجلا بس هو لئه هو ليا انا بس ..... شوفولى حل ربنا يخليكوا.      |
|
#2
03-07-2009, 09:14 PM
| |||
| |||
| رد: مشكلتى هى: السلام وعليكم .. "أختي أنا بس حبيت اعطيكي رأيي بالمشكله .. اذا كنتي عاوزه تعيشي حياه سعيده فهلا.. اول شي .. حبيبك داه مارح ينفع تتزوجيه بعد كل المشاكل اللي صارت .. لأنو من البدايه صارتلك مع اهلو مشاكل .. صدقيني لو اهل زوجك عسل بعد الزواج رح تصير بينكم مشاكل اصلن .. فمابالك لو كانو ناس بيفترو عليكي .. كيف أولادك رح تصير نفسيتهم لما يسمعو جدتهم تحكي عليكي هيك؟ وتاني شي .. من تجربه ..إذا اهلك رافضين شخص .. أوعك تتمسكي فيه .. لأنو أهلك مالك غنا عنهم حتى لو أتزوجتي تخيلي لو انك أتزوجتي حبيبك غصبن عن اهلك .. لما تتخانقو بعدين انتي وزوجك .. كيف رح تتطلعي بوش اهلك؟ ولا حتى تقدري تشكي لأحد .. هدول سندك وضهرك أوعك تخالفيهم في شي .. وتالت شي .. انتي لساتك صغيره .. اتعرفتي عليه وانتي صغيره وكان اول تجربه بحياتك ... لسه قدامك العمر كله هوه اللي راحت عليه.. وبعدين لازم تعرفي انو أقوى العلاقات اللي تبدأيها وانتي شخصيتك قويه ساعتها بس بيكون اقوى حب عرفتيه .. طيب خليني اعطيكي نصيحه تعيشي بيها الباقي من حياتك .. لو عملتيها بتكوني سعيده السعاده والتعاسه كله بمخ بني آدم وعلى حسب ما يفكر .. ربنا قال (عسى ان تكرهو شيئا وهو خير لكم وعسى ان تحبو شيئا وهو شر لكم) كل شي في الدنيا له ناحيته الإيجابيه والسلبيه .. يعني حتى مشكلتك هاذي فيها اشياء إيجابيه كثييييييييييير وانتي غافله عنها .. مثلن .. انتي الآن عندك خبره أكتر ورح تقدري تتحكمي بعواطفك يعني لو انك رح تتزوجي واحد تاني رح تتفادي اغلاط كتير عملتيها مع حبك الأول .. و فن التعامل عندك بيكون متطور اكثر من الآن .. ومن ناحيه تانيه .. فكري انو يمكن يجيكي شخص قريب منك في سنك .. تجربو الأشياء مع بعض تعيشو نفس الإحساس ويكون التواصل بينكم اسهل ورح تفهمو بعض أكتر من لو كنتي مع واحد اكبر منك بـ 15 سنه .. حتى مشاكلك التافهه اللي تتمنى انو احد يسمعلك فيها القريب من سنك بيكون احسن وحساس اكتر .. آسفه على التطفل ... بس حبيت اشاركك همك .. اتمنى انك تكوني ارتحتي شويه  الله يوفقك بحياتك وانشالله ما تشوفي يوم وحش |
|
#3
03-07-2009, 09:53 PM
| ||||
| ||||
| رد: مشكلتى هى: والله انتى كلامك صح وانا فكرت فيه كتير بس انا حتى لما ييجى فى بالى انى اتجوز بدون رضى اهلى الغى الفكره على طول للاسباب اللى قولتيها وكمان عشان ربنا بقول لو جرالهم حاجه بسببى ربنا مش حيسامحنى ابدا وحاجه كمان الانسان ده سبب تمسكى بيه انه غير اى حد لما احتاج لابويا الاقيه ابويا ولما احتاج لامى الاقيه واختى وحتى ابنى وصاحبى وحبيبى كل اللى بيحتوينى هو اغنانى عن اى حد مبقتش حتى بصاحب بنات ولا اى حد هو كل حياتى وفاهمنى جدا وعلمنى كتير واكلنى وشربنى وربانى والله انتى لو كنتى شفتيه وهو بيحكيلى ودموعه فعينه وبيقولى لو سبتينى حندم وحكون وحش انه نفسه يعيش معايا انا ويموت وهو معايا لانه واثق فيه جدا وبالنسبه لاهله هما مش بيسالوا على حد هو دايما يقول انه ملوش غير ربنا واحنا كده اوكده حنعيش بره فى مكان شغله حياخد شقه وحنعيش فيها وكمان اخواته البنات راضيين بيا وعارفين انى مظلومه من كتر ماهو متمسك بيا وعلى فكره انا عشانه اتحمل اى حاجه واصبر على حماتى لو وحشه عشان ربنا يجازينى بالجنه انا بس عايزه اكون معاه ومش عايزه اى حاجه...شكلك بتقولى مفيش فايده فيكى ... بس والله لما كنت معاه حافظ عليا وعرفنى الصح والغلط وكان كل اهلى مش عارفه انساه وحاولت انى اوافق على خطوبطى من اى حد بس مش عارفه حتى السلام مش بعرف ارد مخى وعقلى رافض اتقفل عل انا بدعى ليل ونهار وبقوله يدعى واللى فيه الخير ربنا يقدمه وعلى فكره حتى لو متجوزتوش هو ميتجوزش حاسه انى حتجيلى سكته قلبيه لو عرفت كده دا مش عارف ياكل ولا يشرب ولا حتى يشتغل ولا انا مش معقول ربنا يحرمنى منه بعد كل ده انا احق بيه منها هى محبتهوش زى وربنا يخليكى ليا يا رب ويكرمك زى ماشاركتينى همى |
|
#4
06-07-2009, 02:46 AM
| ||||
| ||||
| رد: مشكلتى هى: السلام عليكم والله حبيبتى مشكلتك دى مشكلة حقيقى وبدون زعل انا حسيت انى بتفرج عل فيلم عربى بس قديم قوووووى وانا اتفق مع اختى ف كلامها غير كدا حبيبتى مفيش اى سبب يخليكى تتمسكى بيه لهذه الدرجة حبيبتى دا انتى بتقولى رباكى رباكى يعنى بمثابة اخ كبير او اب ليكى هتعملى ايه لما تحتاجى واحد من سنك يفهمك ويحتويكى ويهتم بيكى لما تكونى انتى لسة ف ربيع عمرك وبتجرى وتروحى هنا وهنا وهو ف اواخر عمره ومش قادر وتعبان وووووو اهلينا حبيبتى اكبر مننا سنا وتجارب ويعرفوا عننا وعارفين مصلحتنا كويس ازاى هتدخلى عائلة بالشكل دا يعنى دا خاضوا ف سمعتك وشرفك دا انتى بنت وعارفة يعنى ايه سمعة بنت هتوجيهم ازاى فين كرامتك انتى مفكرتيش ف اهلك والكلام اللى ممكن يكون بيتقال عنهم بسبب اخ فاسد سوء سمعتك انا صراحة مش عارفة اقولك ايه ويعنى اللى خلق الشخص دا مخلقش غيره يقدر يكون اب واخت وامك وحبيب وزوج وصاحب ف نفس الوقت ومن سنك كمان وتعيشوا سوا مراحل عمرك تكبروا سوا واحدة بواحدة تكافحوا للحياة طب اولادك ف المستقبل ترضى يكون لهم جدة او عم زى دول حكمى عقلك حبيبتى صدقينى مينفعش خلى يرضى والدته ويتزوج البنت دى بس لو بيحبها فعلا انما لو بغرض خداعها عشان فلوسها ف حرام عليهم ربنا مش هيبارك لهم ويسبوها لواحد يقدرها ويحترمها لذاتها انا اريد وانت تريد ويفعل الله ما يريد شوفى حبيبتى لو ليكى نصيب ف الشخص دا هتخديه انما لو ملكيش نصيب خلاص مفيش حاجة اسمها ان بعد كل دا ربنا هيحرمنا من بعض اة حبيبتى يحرمكم لان دى مشيئة الله وما بنى عل حلال فهو حلال وكل شىء بامره وربنا مبيكتبش لينا حاجة وحشة يالعكس ربنا بيعمل لينا اللى فيه الخير عسى ان تحبوا شيئا وهو شر لكم واللى عايزة ربنا هيكون حبيبتى والخيرة فيما اختراه الله ربنا يوفقك حبيبتى بما فيه الخير والصالح ويكون قرارك ان شاء الله صائب ونابع من عقلك
__________________   " ألا بذكر الله تطمئن القلوب "
|
 |
| أدوات الموضوع | |
| طريقة عرض الموضوع | |
| |
|
|
العرض العادي
