بتوحشني

[بنت الرياض]

انا قريت هالقصه وحبيت انقلها لكم
وانشاء الله تنال اعجابكم بس ابغى ردوكم
قبل القصه راح اكتب تعريف بسيط للشخصيات
عايلة ابوسعود عياله
سعود :عمره 30 سنه متزوج بنت عمه ناصر وعنده ولد واحد عمره سنه ونص تقريبا(سالم)
بدر:عمره 28سنه توه راجع من برا وحاصل على الماجستير في ادارة اعمال
نواف:عمره 24سنه يدرس برا بيرجع على نهاية السنه
نوف:اختهم الكبيره من البنات تعرف اخوانها من غير مايتكلمون متزوجه وعندها ولد واحد(احمد)
ريوف:عمرها 21سنه باسنه الثالثه من الجامعه
ريم:عمرها 19سنه اول سنه بالجامعه
عا يلة ابو خالد عياله
خالد :عمره 28 سنه وانسان مختلف والكل يعرف هالشىء دائما قوي بافكاره واختياراته وصريح ومحبوب يشتغل بشركتهم والاهم انه حنون على اهله وهذي ميزه فيه
امل:زوجة سعود
عايلة ابو سلطان
سلطان:عمره 27سنه يحب ريوف بنت عمه وتقريبا الكل يعرف انها له يشتغل بالشركه وهو انسان مثقف و واعي وطيب
رغد:عمرها 22سنه تدرس مع ريوف وهي توامها وكاتمة اسرارها
عبدالله:عمره 24سنه وهو شاعر مبدع واغلب الوقت بعالم ثاني قليل ما يطلع مع اهله
وشخصيات نتعرف عليها من القصه
الجزء الاول
14/12/1423ه
يوم له ذكرى جميله عند عائلة ابو سعود ففي هذا اليوم قام كل البيت على صوت سعود وهو يصارخ
باعلى صوته ينادي امه الي جت مسكينه تسرع من الخوف لحد ماوصلت غرفته وحصلته عند باب
سعود:يمه لحقي على امل تعبانه شكلها بتولد الحين شسوي
الام:قرب السياره وخلي خواتك يساعدونك ونزلوها تحت وانا بجيب عباتي يالله بسرعه
وراحت ام سعود لغرفتها تاخذ عباتها وسعود ينادي خواته
ريوف ريم تعالوا بسرعه
وطلعوا خواته من غرافهم

[كـاسـ vip ــبر]

مشكووووووووووره

[shark woman]

مشكورة حبيبتي

[بنت الرياض]

اسفه اتخرت عليكم بتنزيل القصه
ومشكورين على الردود
والتكمله جايه في الطريق

[بنت الرياض]

وراحوا صوب غرفة سعود وساعدوه ونزلوا امل الي مسكينه كانت مره تعبانه ركبت امل وام سعود
مع سعود وراحوا للمستشفى وسعود ما عاد يشوف دربه مع كل صرخه لحبيبة قلبه امل يحس وده يطير حتى يوصل المستشفى والحمد الله سهل عليهم وصلوا للمستشفى ودخلت امل غرفةالولاده وتم سعود رايح راد وامه تحاول تهديه وبعد ثلاث ساعة طلعت الممرضه وبشرت سعود انه جاه ولد وسعود من غير تفكير صار يقول صرت ابو سالم !!سالم الصغير شرف وراح وحضن امه وبعدها بنص ساعهحضن سعود ولده الي من غير شعوره بمجرد ما حضنه نزلت دموعه
سعود:آه يا بدر لو احكي لك من اليوم لبكرا عن احساسي ذاك اليوم وفرحتي ما اقدر لكن هذا اليوم له اهميه عند امنا وابونا وكل العايله وعقبالك بدر ان شاء الله قريب نشيل ولدك
بدر:لا وين عقبالك انا توني راد من برا ومحتاج وقت وبعدين الزواج يبي له استعداد وتهيىء وانا توني ماتهياءت
سعود:اي استعداد يا شيخ عمرك 28سنه استح على وجهك واخذت الماجستير ووظيفه وتوظفت وشتبي بعد
بدر:الموضوع التهيىء النفسي لزواج
سعود:بدر لاتطبق دراستك علي ابوك محضر لك مفاجأه الليله وياخوفي من الليله وش بيكون فيها

[اية المهدى]

شكرا حببتى على القصة

[بنت الرياض]

بدر:سعود خير لاتقول الوالد بيخطب لي
سعود:بدر انت عارف ان الوالد مابيخطب لك لان خطيبتك معروفه وهي تنتظرك
بدر:خطيبتي!!معروفه!!منهي؟
وقبل مايرد سعود دخل ابوسعودوقاموا العياللابوهم الي توهم كانوا معه باشركه وجلسوتموا يسلفون لحد ماقال ابوسعود
ابو سعود:ها يابدر نتى بتحدداليوم الي يكون كل شيء رسمي بينك وبين بنت عمك
بدر من قوة الصدمه صار يناضر ابوه واخوه
ابو سعود:وراء ماترد يابدر
بدر:اي بنت عم يايبه طال عمرك
ابو سعود:وش هالحكي يابدر رغد بنت عمك الي الكل يعرف انها لك من سنين
بدر:بس يا يبه انا رغد عمري ماشفتها الا يوم كانت صغيره
ابو سعود:اشوفك جبت مع شهاتك طبايع الغرب ومن متىبناتنا يكشفن على عيال عمهم
بدر:لا طال عمرك ماهو هذا القصد انا اقصد رغد صغيره ولا فكرت فيها زوجه

[الكابتن مدرديه 7]

مشكورة حبيبتي

[بنت الرياض]

ابو سعود:اسمعني وانا ابوك انت رجال وماعليك قصور وبنت عمك شيخة الحريم وتقدم لها رجال ماينردون لكن ابو سلطان ردهم عشان يشتري قرب ولد اخوه ورضى اخوه العود بنت عمك القريب والبعيد يعرف انها لك لا تهدم مابنيت بسنين عشان كلام الكتب الي قريته بامريكا ياابوك انا علمتك وانت قرر واذا تبي رضى ابوك اشر بنت عمك
وقام ابو سعود وراح لغرفته ولقى ام سعود توها مخلصه صلاة الوتر وجلس عندها
ابو سعود:ياام سعود بدر شكله بيسود وجهي قدام اخوي
ام سعود:افا والله ليه خير ان شاء الله
ابو سعود:شكله ماهو رايد بنت عمه
ام سعود:رغد كامله والكامل وجه الله وين بيلاقي مثلها وبعدين مافيه مكان مالت فيه انها مرت ولدي خله عنك انا بفهم بدر وان شاء الله مابيكون الا الخير قم نم يابو سعود ولك العلم الطيب
ابو سعود:ان شاء الله ربك كريم

[بنت الرياض]

مشكوره على الرد
يا دلع الكويت
وايه المهدي
تحياتي:بنت الرياض