الله على الحب وعمايله ؟؟؟؟؟ ابتضحكون... ( لاتفوتكم)

[طربوش طايش]

الـمــــكـان: الـــصـــمـان
الـــزمــان: فـصل الربيع



تكثر في فياض الصمان الابل لكبر المساحة وحسن المرعى وكثرة الربيع وقت الأمطار( الله يجيب السيل) وأيضا وجود الدحول التي تختزن الماء في الصيف(الدحول : جمع دحل وهي الحفر العميقة الملتوية في الأرض وتكون في أماكن منخفضة من الأرض تنحدر السيول فيها أثناء موسم الأمطار)من هذه الابل حاشي مراهق ممشوق القوام ابيض اللون كثيف الشعر على الرقبة والحلق والرأس وذروة السنام يمشي متبختراً بجماله( ولا رامي عيّاش)كل همه يتندح بين هالنياق الصغار خاصة(البكار) ويضمنها لا هيئة ولا شي المهم00 مرّت الايام وهو على هالحال همه أكل وشرب وغزلي في هالنياق00 يوم جا ذاك اليوم على عادته الى هاك البكره واردة الماء وتبي تشرب وماقدرت قال هذي فرصتك وقم وافتح لها حنفية الوايت كلها قال: اشربي لعن ابو الفقرلا تروحين للدحل وانا فيه على غير اهلها ماتجيب راس مالها0
شربت لين رويت ومسحت شفايفها بمنديل عشان مايتلعوط الروج وقالت الله يعطيك الف عافيه توني زملة من نزلت هالدحل وعلي هالخف الكعب يزلّّق!!

قال الحاشي :
على شانك تحملت الصعايب *** اذوق المر لأجل رضاك حالي

ابتسمت البكره وصكّته بذيك النظره اللي بغت تجيب اجله0

تنهّد وقال:
الله اكبر كيف يجرحن العـيون *** كيف مايبرى صويب العين ابد
احسب أن الرمش لا سلهم حنون *** واثر رمش العين ماياوي لاحـد
يوم روّح لي نظر عينه بهــون *** فزّله قـلـبي وصـفّق وارتعـد

ضحكت البكره ودرت انها لعبت في سستمه00عطته وراها ومشت على هونها وهي تومي بذيلها00 يمنة ويسره00 وقلبه يروح يمين ويسار 0

00قال آآآآآآه
وانعطف هاك الشعر فوق المتون *** وانثنى عوده وقفى وابتعد

000 طال الليل على خوينا الحاشي متى يجي الصبح؟ 00كل شوي يطالع في ساعته الريموندويل ماصدق اانه يسمع صوت الراعي يذّن0طمر من محلّه وراح يدور عند الشبك وهو يطقق خفوفه طبعاً ماله أصابع
ويروح ويجي لين طلع النور وجاالراعي وفتح لهم 00 هو يقاله صغير والا الأبل مايصّك عليها00 ماصدق خبر وراح عند الوايت يحتريها تشرب 00 جا الراعي
قال : خير انشاالله وش جايبك انت وخشّتك كل ذا ضما؟؟
تلعثم الحاشي00 قال : هاه لااا أبد مافيه شي بس طاح كبكي امس هنا وجيت ادوره0

قال الراعي:اقول بلا استهبال كبك وانت عليك ثوب ساده يالله ظف وجهك مع البعارين لا ألكمك!!

لٌقّط وجهه خوينا وراح0
قال: خيره انها ماسمعت وش قال لي الراعي كان طحت من عينها ولا عطتني وجه00المهم وهو يكلم نفسه الا هذي رفيقته تقابله يوم شهق من الفرح
( أمّا بعير يشهق كثّر منها)

وقال :
كفاني عذاب الله يجازيك بافعالك *** جرحت الضمير ولا طرالك تداويني

ضحكت البكره ذيك الضحكة اللي شلعت قلبه وقالت:

ياعل قلب ماشكا الحب والتاع *** تنهار مـن فوقه محاني ضلوعه
ياما نهيت القلب لا شك ماطاع *** ماطـاع يدله والليالـي تلوعـه
أثر الموّلع دمعته تجـرح القاع *** والى ذكر مافات هلت دموعه

اييييييييه00 الحين تاكد الحاشي انها تبادله نفس الشعور00 ارتاح خاطره واسفهلّ وماعاد خذته الدنيا00 مرّت الايام وكبروا وكبر حبهم معهم ،يلتقون كل يوم ويتبادلون المشاعر والاحاسيس 00 وفي يوم من الايام وهم قاعدين على ذاك الطعس الا يوم مرت ذيك الناقه العفراء00 طيّّر عيونه رفيقنا مشبّّه عليها00مهوب قصده شي! انتبهت له البكره خويته وطمرت من محلها قالت خلها تنفعك الله يمّليك بركتها00 انتبه خوينا انه اخطأ ولحقها
وقال: وّقفي اشرح لك الموضوع 00التفت عليه وقالت:

مدام قلبي لك شفــوق وميلاف *** وراك ياخـلي قليل الـمـروفـه
قلّي عسى مابه على الخاطر خلاف *** عـسى حـبيبي ماقصر دون شوفه
لا لا تعسر القلب في كل محراف *** واحذر يجـي عقب الموده حسوفه
دوك الدموع بحاجرالعين وقّاف *** لاانت بماسكـها ولاهـي ذروفـه

تحسّف ابو الشباب ودرى انه غلطان وانه حسّها رد عليها وقال :

لك حق تزعل ثم لك حــق نرضيك *** مااقوى زعل حبيب قلبي وعيني
مدام قلبي ياريـش العـين مغليك *** اطلب ولك روحي ومافي يديني
يوم الله احسن صورتك خصّني فيك *** فيك الجمال وصادق الحـب فيني

وقفت وتبسمت 00 وارتاح خاطرها00 وهو تنهد قال هاه طاح الحطب ؟ قالت اه ياااني لو كنت أأدر اسيبك (شويكار مهيب ناقه) وعاشوا في سبات وتبات وخلفوا حواشي وناقات0(نياق بس لغرض الوزن)0

ههههههههههههههههههههههههه

الله مير إنه يقطع سوالفك
والله إنك منسم
وانا أحسب القصيدة لخالد الفيصل
وأثرها لخوينا

والله إنك بطل


تقبل مروري ،،،،

[طربوش طايش]

ههههههههههههههههههههه

مشكور على المرور وانتظر الجديد

[شاعر خيالي]

ضحكت البكره ودرت انها لعبت في سستمه00عطته وراها ومشت على هونها وهي تومي بذيلها00 يمنة ويسره00 وقلبه يروح يمين ويسار 0

00قال آآآآآآه
وانعطف هاك الشعر فوق المتون *** وانثنى عوده وقفى وابتعد


ههههههههههههههههههههههههههههههههههههههههههه
موووووووووووووووووو طبيييييييييييييييعي

مشكووووووووووووووووووووووو طربوش طايش

[الكابتن مدرديه 7]

ه هههههههههههههههه..

مشكور خيوووووووووو..

[طربوش طايش]

مشكور على المرور

ههههههههههههه

[ولد السعوديه]

الف شكر على الموضوع

خالص تحياتي

[الطائر الجريح]

ههههههههه
مشكور اخوي

الله لايحرمنا جديدك

[طربوش طايش]

للجميع

مشكوووووووووووووووور على المروووووووووووووووووووور

[طربوش طايش]

للجميع

مشكوووووووووووووووور على المروووووووووووووووووووور