راكان بن حثلين ( ياما حلا الفنجال ) ,,

[كـاسـ vip ــبر]

راكان بن فلاح بن حثلين شيخ قبيلة العجمان
(( ياما حلا الفنجال ))



يا مـا حلا الفنجـال مـع سيحة البـال = فــي مـجلسن ما فيــه نفسه ثقيـله
هـذا ولــد عـم وهـــذا ولـد خال = وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال = ويا ليت فـي بــدلا الـرياجيل حليه
يـا بـو هـــلا طير الهوى خبث البال = الطـيـر نـزر والـحـبــارى قـليله
يـا الله يـا الـلي طـالبه مـا بـعد فال = يا اللي مــن الضـيـقـات نجى دخيله
أفــرج لـمـن قـلبه غـدا فيه ولوال = والنوم ما جـــــا عـيـنه الا قليله
لا مـن ذكـرت ارموس عصر لنا زال =شـوف الـفياض وفقد عـــز القبيله
يـا زيـن شدتهـم ليـا روح الـمـال = يتلـون بـراق حــقــوق مـخيلـه
يســقـى خصيـفا والثمان أرضها سال = مـرتـع معطره السيــــوف الصقيله
عـجـمـان لا ركـبـوا على كل شملال = يفرح بهم راعـــى الـنـياق الهزيله
مـن جــو سـاقـان إلى السيف همال = وينوش حسنــــا والـرديـفة هميله
ولا قــادنـا مـن يـمـه الـقفر خيال = يـصـبح شديد البدو عــــجل رحيله
قــاد السـلـف واستجنبوا كل مشوال = والعصر يا محـلا تخيبـط نـزيــلـه
وإن شرف البادي عـلى روس الأقـذال = والـمـا كـثـر الـــزول زود جفيله
تـلافـحـت مـا بينــا شهـب الاذيال = ومن ضيع الـــمفتاح يـا عـزتى لـه
ركـبـوا على طوعاتهم كــل عيــال = وكل لبلج يحـرى بـكــــسب النفيله
تـغانـموا المـفزاع ذربيـن الافعــال = مـن قبـل تسبق غارة تنثنـــى لـه
يبغون طوعـه روسـهن قبل الادمــال = وتـغانمـوا خلف كــثـير هـجيلــه
وحال الكمى مــن دون عطرات الاجهال = ومروا ولحقوا مقحــمين الدبيلــــه
واللــى تريض عقبهم يلبـس الشــال = من صنــع داود دروع ثقيــلــــه
يلزم عليهم علة عـقب الانـهــــال = ومن غارته لـزم يـضيع دليـــلــه
والدم مـن قحص الرمـك يثعل اثعــال = يزعج عــلى وروك السبايـا وشيــله
هـذى براعيها مـن المعرقه مـــاله = وهـذى شكـلها مطرق مــا تشيــله
من وقـع كـل مجرب قدله افـعـــال = وفـروخ صـاد الحبارى فـصيــــله
ولـيـا ركبنا فوق عـجــلات الازوال = وبايمنـا حـدب السيوف الصقيلــــه
ومـا حـن نحسب لا شتـبك عج واكتال = وتـرك صـبى يفتنع بالفــشيــلــه
وصلاة ربي عـد مـا زايـــــل زال = على نبى الحـق راعـى الفــضيــله

صح لسانك والله

لبى قليبك ويسلم منقولك


الله لا يحرمنا منك


تقبل مروري الصغنون ،،،

[بنت حايل]

يا مـا حلا الفنجـال مـع سيحة البـال = فــي مـجلسن ما فيــه نفسه ثقيـله
هـذا ولــد عـم وهـــذا ولـد خال = وهذا رفيق مـا لـقـيـنـا مـثـيلـه
يـا لـيـت رجـال يـبـدل بـرجــال = ويا ليت فـي بــدلا الـرياجيل حليه

صـح الســانك وسـلمت يمـناك والله لايحـرمـنا من جـديـدكـ

[الراسية]

صح لسانك ويعطيك العااااااااااافية

[ولد السعوديه]

يعطيك العافيه على القصيده

خالص تحياتي

[shark woman]

تسسسسسسسسسلم يالغلا

[صافي القلب]

صــــــــــح لسااااااااااانك
وسلمت يمنااااااااااكـ

[كـاسـ vip ــبر]

اسعدني مروركم جميعا

ويعطيكم العافيه

والله لا يحرمنا من طلتكم الحلوووه

خالص تحياتي