رسالة من جماهير الإمارات الي جماهير الجيران

[حزن الصحاري]

تحدث عدد من الإعلاميين والصحفيين عن دورة الخليج18 بشكل أدي الي وجود بعض الحساسيات بين الجماهير وخاصة بين جماهير الإمارات وجماهير السعوديه وعمان.. واللي مب عاجبنه التنظيم.. واللي مش مقتنع في الحكم... وغيرها من التصريحات الي نادي فيها بعض الجماهير.. وشككت في أحقيتنا باللقب... لكن بتضلون أهلنا وربعنا وجيرانا.. يأهل الأراضي المقدسة.. يا أهل دار بومتعب الله يحفظه.. وفرحنا يوم شاركتونا مسيراتنا وإحتفالاتنا بالكاس.. ونسيتوا مع فرحتنا كل شيء وما تذكرتوا إلا التهاني والتبريكات اللي قدمتوها إلنا بكل حب وإخلاص يعبر عن سمو أخلاقكم الرياضية وبأننا خليج واحد.. وشعب واحد .


ومن جهة أخري... بصراحه حسينا بعض الإخوه العمانيين زعلانين منا وحاطيين بخواطرهم علينا من خلال بعض الردود... والرسائل الخاصه... وأنا عن نفسي عندي أصدقاء وايد من عمان وما بودي حد منهم يآخذ في خاطره علينا بسبب مباراة كرة قدم ... لذلك نحب نقول لكم شيء... ونرد ونكرره.. مع إنا قلناه من قبل في ردودنا... نحن صح فزنا بالكاس.. وفرحنا.. بس مب معناه إنه إنتوا فريق سهل .. أو نحن مستهينين فيكم أو نقصد تجريحكم بعباراتنا.. لا الكل يعرف مهارتكم في اللعب يا برازيل الخليج... وكل المتابعين والمعلقين الرياضيين أشادوا بمنتخبكم... والكل يحسبلكم ألف حساب.. وصدقوني فريقكم ولاعبينكم وعلي رأسهم الحبسي كسبوا إحترام الكل.. لكن الكــــــوره مجنونه.. والحمد لله... الله وفقنا وفزنا وخذنا الكاس لانه حرام ما نآخذه وهو عندنا.. وانتو الله يوفقكم وتاخذون الكاس بعد.. يوم بتكون الدورة عندكم في مسقط في خليجي 19 .. فلا تزعلووون منا يا أحلي جيران.. بتضلون أهلنا.. وما لنا غنا عنكم.. بس لازم نفرح بالكآس.

وهذي أبيات طرشتها لي الأخت عاشقة النجوم

نحـــــــــــــنا الــــــــــــجــــــــــار وأنــــــــــــتم أهـــــــــــــل الــــــدار

أنــــــــــــتم كـــــــــسبتــــــــــــوا الــــــكــــــــــأس ونـحـــــــــنا كــــــسبنــــــــــا

لـــــعــــــــــب شــــريــــــــــــف وحـــــــــــب وأحــــــــــــترام الــــــــــــنـــــــــــاس

عـــــــــــــمــــــــــــــانيــــــــــــــــة وأفــــــــــــــــتخــــــــــــــــــر

ونحب نقول إلها

نحن دخلنا الملعب وكسبنا الكاس
بلــــعب وعـــــزيمه ما لها قــــــياس
وشيوخنا فوق المنصه وهالنـــــــاس
ياخذون منهم أبطالنا صادق الإحساس
وإنتم يأهل عــــــــــمان لا بـــــــــاس
ربي يعوضكم و دايم الدوم عالـراس

[بنت بو خليفه]

يسلمو الغلا نحن دخلنا الملعب وكسبنا الكاس
بلــــعب وعـــــزيمه ما لها قـــياس
وشيوخنا فوق المنصه وهالناس
ياخذون منهم أبطالنا صادق الإحساس
وإنتم يأهل عــــــــــمان لا بـاس
ربي يعوضكم وقدركم دايم الدوم عالـــــــراس

[حزن الصحاري]

شرفني مرورج يا بنت بوخليفه... ويسلم غاليج

[قطرة عسل]

في اول مبارة التي خسرناها من عمان اخو صديقتي كان في مسقط بسيارته مع عائلته على الكورنيش وكانوا العمانيون يردون عليه (كليناكم) والبعض يهدف بعبارات النصر ، مايستحون

[كلي حلالك]

حزن الصحاري تسلم على الموضوع الجميل والله يعطيك العافيه......

[العماني]

تسلم ايدك اخوي على الكلام اللي كتبته..
احنا اخوان اولا و اخيرا و بيننا من الحسب و النسب الشي الكثير..

انا كنت حاضر في الملعب في المباراة الاولى و بصراحة شفنا شي من الجمهور الاماراتي ما يسر الخاطر, و طبعا كان في ردة فعل من الجمهور العماني, و الكل يعرف اللي صار لعلي الحبسي لما انحط الليزر في عينه, بس ندري انها فعلة فاعل واحد و ما نقدر نعمم على الكل..

و المهم اللي صار صار و خلاص لازم ننسى..


فيه حركة صارت من قناتكم الرياضية ( دبي الرياضية) بصراحة يشكروا عليها و المفروض كانوا يعملوها من البداية , و اللي هو البرنامج اللي كان مع حسن حبيب اللي جمع فيه بين رئيس رابطة الجمهور العماني و رئيس رابطة الجمهور الاماراتي , و طبعا كان الهدف واضح من هالبرنامج, و هو تلطيف الجو بين الجمهورين بعد ما صار اللي صار من الحساسية بينهم..


و اريد اعقب على كلام الاخ او الاخت " قطرة عسل" يا ليت انك ما تعمم على كل العمانيين في انهم ما يستحون , و ترى هالفئة من الناس موجودة بكل مكان و في اي دولة , احنا بعد سمعنا من بعض الاماراتيين مثل هالكلام و اقوى بعد .. بس ما نقدر نعمم على الكل طبعا..

و سلامتكم

[بنت بو خليفه]

اخوي العامني ممكن ارد على كلامك ترى بعد العمانين ما قصرو فينا ربيعتي قالتلي احدري الشات شوفي كيف العانين وحدرت والله وراس امي الغاليه انهم كانو يسبون سب والله
حتى بو خليفه كانو يسبوه الله برحمه والله


وبعد يوم المباراه كانتو يتعمدون يسبونا وسولنا حركات والله

والله حتى الشارع يلفون علينا وكانو يصرخون الكاس عماني واثقين والله هذا اشوي الي اقولك اياه

المهم الحين خلاص الكأس اماراتي وبس خلاص انسو الموضوع

[محمد 99]

اختي بنت بو خليفه

اذا بنجعد على الكلام اللي جاله العمانين فالاماراتين والعكس الاماراتين فالعمانين
ما راح نخلص ابدا


هذا جدرنا لاننا جيران وبينا دربي مع بعض



والي زادنا بعد لقاءات الفريقين مع بعض في الاونه الاخيره
مرة فكاس الخليج ومرات التصفيات الاسيويه



اللي احب اجوله ان لقاءات الامارات وعمان فالسنوات الاخيره صارت نار مولعه


اتمنى التوفيج لمنتخبنا وللامارات انشالله

[بنت بو خليفه]

اخوي اول شي كلامك صح بس يعني والله حتى يوم حد من الاهل سافر عمان هو مطر والله قالو كلام ماينقال ولدرجه انهم غلطو على بو خليفه والله هذي كله عشان كوره بس والله ما يرزا ابد

[الطائر الجريح]

الف مبروك للفوز

مشكور اخوي على الموضوع