صعب لامنك فشلت وصعب لامنـــــك لقيـــــــت
ان من يكره نجاحك يدري انك مانجحـــــــــــــت
أمس ضقت ورحت أقلب ذكرياتي وانتهيــــــــت
عندصورة طفل صوته مثل صوتي لاانجرحـــت
وش مثل لاوالله الاهذا أنا يـــــــوم ابتديــــــــــت
أنطق حروف تلعثم في لســــــاني لاانمدحــــــت
هذا أنايوم الحياة بنظرتي عشــــــرين بيــــــــــت
ومسجدين ومدرسه من طين كم فيها اصطبحــت
هذا أنا وأصبحت أتمتم هذا أنا حتــــــى بغيــــــت
أختنق بس القدر عيا على موتــــــي وطحـــــــت
وصاح صوت الطفل فيني انت من وين ارتميــت
قلت أنا المستقبل اللي فيه كم همت وطمحــــــــت
أمس كنت أبيك تكبر بس والله لـــــو دريــــــــــت
اني اللي عشت لجله مت عندك واسترحــــــــــت
لودريت ان الزمان يجر رجلـــــــي ماعديـــــــت
ولو دريت ان البحور بلا مواني ماسبحــــــــــت
كان دربك لي طويل وكل ماشفتــــــك هويــــــت
قلت لك كبوة جواد وماكبيــــت الا وجمحــــــــت
ليه تسمعني وتمشي؟؟..آآآآآه ليتك مامشيــــــــــت
وآه ليتك من كثرعثرات الأيام انتصحــــــــــــت
ضاعت أحلامي وظل الحزن فيني واهتديــت
للطريق اللي يوديني على دمعي ورحــــــــت
يالحزن ليتك مثل دمعي وتـــنزل لا رقيــــــت
بس أعرفك لو مسحت الدمع تبقى ما انمسحت
كان حلمي في وجود انسان يبكي لابكيـــــــت
وصارحلمي في وجودانسان يفرح لافرحــــت
كنت أشوف الناس مثلي كل ماجعت وضميت
مادريت ان الأوادم ناس فوق وناس تحـــــــت
آآآآه يااول ذكرياتي خذني بحضنك نسيـــــــت
لسألك عن وجه أبوي اللي معه ياما سرحـــت
وخذني بحضنك أبغفى ياااه مبطي ماغفيـــــــت
وان لمحت دموع عيني سونفسك مالمحـــــــت
خذني بحضنك وبعثر في جروحي وان قضــــيت
هزلي كتفي وقل لي(عيب تبكي لو سمحـــــت)
اضحك وعلم زماني من أنامن وين جيــــــــــت
طق باب الحزن واصرخ في لامني فتحــــــــــت
وضمني يمك وكمل ضحكتك لامن بكيــــــــــــت
ودي أذكر كيف كانت ضحكتي لامن فرحـــــــت
.............................................
م ن ق و و و و ل
اخووكم القحطاني ,,,
11-02-2007, 08:40 AM
((’’,, صعب لامنك فشلت وصعب لامنـــــك لقيـــــــت ,,’’)) 
المواضيع المتشابهه 
العرض العادي
