مـــــ يهمك ــــــا!؟

[رمـــش الغـــلا]

قصيدة بعنوان ( مايهمك ) للشاعر السعودي.. صالح الشادي
.................................................. ......................

مايهمك.. ومن متى كانت سواليفي تهمك..!؟
ومن متى كانت عباراتي تهمك..!؟
ومن متى كان الشعر.. ولا أنا حتى أهمك !؟
اكتشفت اليوم إني كنت ماضي..
كنت شاعر يحرتق يملا حياة انسان فاضي..
واكتشفت ان الهوى ماهو بدمك..
كان شي من الوهم..
كان افتراضي..
يعني في تعبير سطحي..
كان سطحي..
كان ممكن ينتهي
أو مايهمك..

كان..
ياهي توجع القلب وتذله..
كان يعني العرش ماعاد بمحله..
يعني دورلك مكان..
يعني كل اللي حصل.. غلطة زمان..
يعني شف لك تاج غيري وصولجان..
يعني مالك حق تشكي..
يعني مالك حق تبكي..
يعني غيب بهالعجاج ولا تبان..
كان.. عند الناس يعني كان..
يعني موجود..
له ابعاد وحقيقة.. له كيان..
يعني نيران
وغضب..
ريح وحريقة.. وعنفوان..
وعندك انتي كان
كلمة..
من بعض ماقال فمك..
يعني من ذاك الكلام..
اللي يعدي في سلام..
ولا يهمك..

عندك انتي..
والله اني ماضعفت..
بس عند الحب من طبعي ضعيف..
حبي اللي فيه من قلب إعترفت..
وغيره أوهام تخاف.. ولا تخيف..
لا تقولي يالطيف..
شاعرك لو جاع..
يخبز من ألم جوعه رغيف..
شاعرك.. لو شاف ضيف
يصير عن الضيف ضيف..
شاعرك.. وبل ورفيف..
شاعرك من وين مارحتي وليف
شاعرك من وين جيتي وليف..
شاعرك حريف..

أقصد انه لا نوى الصعبه كسرها..
واقصد ان قذيلتك يعرف شعرها..
لمها ياما.. ولو يبغى يلمك..
وبعد هذا.. مايهمك !؟

إســــــــــــــــــــــــــتويتي!

صار لك عنقود يغري الارض ويفجر ضماها!

استويتي !؟

صرتي اشهى من عروق الذكريات ومن صباها!

استويتي !؟

بس من وين ارتويتي؟!

من سقى روحك حياة..؟
ومن رعاها..؟
من وصل فيك النجوم.. ومن تباها؟
من هذاك اللي على صده غفيتي؟ من يكون؟

الله واكبر.. كيف عنه مادريتي؟

إستويتي..

وبان لي وجه الحصاد..
آه ياوجه الحصاد..
آه ياذاك الشحوب اللي تلاطم بالسواد..
آه ياذيك الخدود اللي يصفعها الرماد..
ما وفت !؟
أو ماوفيتي ؟!

مايهم..

ومن يقول إن الوفا همي وهمك..

إرحلي.. ماني بيمك..

إرحلي.. كانك تبين.. لا يهمك..

ومن متى كانت سواليفي تهمك..

ومن متى كانت عباراتي تهمك..

ومن متى كان الشعر.. ولا انا حتى أهمك!؟
............................
تحياتي

تسسسسسسسسسسسسسلمين يالغلا

قصيدة جد جميلة

[رمـــش الغـــلا]

تسلمـــــــين حبيتي تواجدج الاحلى

[نعنوع]

روووووووووعه
يسلمووووووووو
وتسلم الايادي

[رمـــش الغـــلا]

تسلم عالتواجد

[بوعلي]

رووووعه
تسلمين اختي على القصيده الجميله

[رمـــش الغـــلا]

تسلم عالمرور