محمد بن حمد بن فطيس شاعر المليون

[شوق الدلوعه]

هذه مشاركه الشاعر (محمد بن فطيس المري)

ممثل قطر في برنامج شاعر المليون



( ماني بمن ياتي ولا يدرَى به ) = شطر ٍٍ حفظته ما اعَرِف كتّابه

شطر ٍ يناسبني لِمثْل اللّيله = واشوفني في ذالمكان أولَى به

ابا اتّكِل بالله ونعْمٍ بالله = اللي ما يوصِد دون خَلْقه بابه

باقول واللّجنه تقيّم قولي = ومن كَثْرة الشّعار ماني آبه

الحمدالله واثق ٍ من روحي = وان كِنْت ذيبٍ .. في الرّجال ذْيابه

ما اقول انا أشْعَر واحد ٍ في العالم = لكن قصيدي كَفْو وانا ادْرى بَه

الشّعْر جمّعنا لو تْفَرقّنا = حْدود وظروفنا الغلاّبه

الله يبيّض وجْه راعي الفكره = عِزّ الله انها تِنْحسب لِحْسابه

والله يبيّض وجْه من يرعاها = ( محمد ) الله يحفظه لاحبابه

( محمّد وَلَد زايد ) عَريب المَجْنى = وَلِيّ عَهْد الدّيره الخلاّبه

الشّعْر تاريخ ٍ لنا مِبْطي = واعْلامنا يوم السّنين نْهابه

الشّعْر بيت ٍ والوزن عِمْدانه = معناه طَنْب وْقافِيته حْجابه

الشّعْر واد ٍ فيه صيدٍ واجد = وكل ٍ على الوادي يِهِجّ ركابه

والافكار صيد وكل شاعِر قانِص = وكل ً يدسّم شاربه مخلابه

أحد ٍ خياله ( حر ) وأحد ٍ ( وكري ) = وأحد ٍ خياله ( كوبج ٍ) بقطابه

وانا خيالي كلّما هدّيته = حَوّل على الوادي وصاد ( عْقابه )

شاركْت أمثّل ديرتي ورْبوعي = وكلّ ٍ يمثّل ديرته واقْرابَه

والله الى الله راد والله قاله = إنّي لا اسلّمْها الفَخَر وكْتابه

داري ( قطر ) وانا هنا امثّلها = المجد مَطلوبي وانا طَلاّبه

حتى دَمي من حبَها عنّابي = وحماستي من ضوّها شبّابه

عهد ٍ علي ّ انّي لا اجَمّل داري = ترّك صِبي ٍ مايِعزّ اترابه

شاعر خليجي والعروبه بيتي = والبيت ما ياقَف بدون اطْنابه

وان عَوّدت بين القبايل فََزْعه = انا اشهد انْ لي في اللّوازم لابَه

لي في القبايل رَبع .. وآقدّرهم = ماني بمن يِجْهل مقام اصحابه

وان عودّت لاصلي فانا اصْلي ( مرّي ) = من صُلْب ( يام ) أهْل القَنا وِخْضابه

قوم ٍ لنا فوق المعالي بيرَق = والسّيف قوّة سَلّته بِنْصابه

الشّعْر طوّقْني وانا طوّقْتَه = قمت آتمشّى به وافكّ أبوابه

يابنت ياللّي تِفْرقين بْعودِش = ما الومهم لاكِثْروا الخَطّابه

لا مر بِشْ دَرْبِش على خَلقْ الله = قالوا كذا .. بالإصْبَع السّبابه

زينش يزينه فِعْل أبيش وْجَدّش = وانتي بدورِشْ للشّرَفْ كَسّابه

قومي تباهي بي وفلّي راسِشْ = عليش من لِبْس النّقا جلبابه

وان ماسِتَرْتِشْ بالفُعول وباسْمي = فعّقبْني الفِنجال ياصَبّابه

محمد بن حمد بن فطيس المري

[شوق الدلوعه]

انشا الله ياخذ المليون ابي ردودكم

[غـرك زمآنكـ]

حتى دَمي من حبَها عنّابي = وحماستي من ضوّها شبّابه

عهد ٍ علي ّ انّي لا اجَمّل داري = ترّك صِبي ٍ مايِعزّ اترابه

مشكوره اختي على القصيده روعه ^ـ^

[strong love1]

شكرآ ياشوق على الموضوع الحلو
وانا من المعجبين بالشاعر محمد بن فطيس

[_Capron_]

الحمدالله واثق ٍ من روحي = وان كِنْت ذيبٍ .. في الرّجال ذْيابه

ما اقول انا أشْعَر واحد ٍ في العالم = لكن قصيدي كَفْو وانا ادْرى بَه

الف شكر ياشوق على القصيدة .. وانا يعجبني شعره وطريقة إلقاءه ..

تحيتي

[cute nano]

مشكووووووووورة على القصييدة
الله يوفقه

[شوق الدلوعه]

مشكورين على ردودكم منورين صفحتي شكرا

[اسيرةالماضي]

يستاهل ابو حمد

[قمر الدوحه]

شوقه حيااااااتي
فديتج مشكوره على الذوق لرفيع اللي تتميزين فيه
الله لا يهينج بليز تقبلي مروري
قمر الدوحه

[شوق الدلوعه]

مشكورييييييييين على ردودكم