شوفو كيف الناس تخلص لما تحب

[X-SEMSEM-X]

الســـ ـلام عليكــــ م ورحمــــ ـة اللـــه و بركاتـــ ـه


قبل قــراءة القصيـــدة لازم تعرفون قصتهـــ ـا....

واحد اسمه خالد جاه مرض و قالوله انه بيموت..

كتب الشعر لصديقه يقول له فيه انه يحب وحده و يبي من خويه هذا انه يخليها تنساه اقرأ القصيده والله تستاهل ....

وراح تعرف معنى الحب الصادق ....


وصاتي لك من بعدي تموت فيها علشاني
ابيها تعيش و تحيا بك واظل بالذاكره مفقود
وصاتي لك تنسيها ملامح وجهي و تنساني
وتعزفها قصيدة حب على عكس اللي عزفته بعود
وصاتي لك تبعدها عن اشعاري وقيفاني
تراها مغرمة بالحيل ويشهد لي عدد الردود
وصاتي لك تسايرها ترى فيها من احزاني
طلبتك لايضيق بالك طلبتك والطلب مردود
وصاتي لك تناديها حياتي..عمري..ازماني
انا عودتها دايم ادلعها وانا موجود
وصاتي لك تعاملها بطيبه قلب و احساني
تراها تذرف الدمعه ودمعتها بليٌا حدود
وصاتي لك تحفظها سور وآيات قرآني
وتخبرها عن الميت رحل لايمكنه بيعود
وصاتي لك ترسمها على قبري وأكفاني
ابيها لوحة تبقى على طول الزمن محدود
وصاتي لك تمازحها وتشوف الضحكة بأسناني
سعيتك ياضحك هالكون طلبتك لاتصير جلمود
وصاتي لك تقهويها من دلالي و فنجالي
تراها تعشق السمرا ويكفيها دخون العود
وصاتي لك تركبها على خيلي و على حصاني
وربي فارسة من قلب شهادة ماهي لشهود
وصاتي لك تسفرها بلاد الشام و لبناني
ترى يحلالها تقطف ورده وردة من بلد الورود
وصاتي لك تراقصها على الحان رحباني
ترى فيها عرق خالة وفيها من جنون السود
وصاتي لك تحببها فأبونورة بعد هاني
وتنسيها ندم غلطة انا فيها ترى المقصود
وصاتي لك تكرهها في تاريخي و عنواني
أبيها تلعن اللحظة وتلعن كل فرح موعود
وصاتي لك تكلمها عن المجني وعن الجاني
وتخليني انا الظالم وانا من حرق الاخدود
وصاتي لك تشبهني بدم أحمر قاني
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصية قالها لساني
أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني
أمانه ضمها بقلبك... ترى خالد رحل مايعود


قصيـــدة تدمــع العيــ ـون بمــرارة ما يحـــ ـسّ هـذا الحبيــ ـب تجـــ ـاه حبيبتــ ـه
و مـــ ـدى إخلاصــ ـه وهــــو يــ ـذوق المــ ـوت..

الحــ ـب وصــ ـل لأعلـــ ى درجاتــ ـه و هــ ـو بوفائـــ ـه و حنانــ ـه ينهـــ ـي قصتـــ ـه معهـــ ـا حتـــ ى
لا تشقـــ ى من بعـــــ ـده....................

[X-SEMSEM-X]

لهالدرجه القصيده سيئه !!

محد كلّف خاطره حتى يقراها بدون رد

الله يسامحكم .. حطمتوني من اول موضوع لي

[_Capron_]

وصاتي لك تشبهني بدم أحمر قاني
وانا هالقاتل السفاح مجرم من عصر نمرود
وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود

اختي
Semsem القصيدة أكثر من رائعة وتسلمين

تقبلي تحياتي

[عنوده]

وصاتي لك تحلفها تتوب تحبني ثاني
ترى يكفيها ماعانت ويكفي حيلها مهدود
وصاتي لك تنسيها وصية قالها لساني
أنا اخبرك رجل موقف وانت قدها وقدود
صديقي مالقيت غيرك يعرف وشلون تنساني
أمانه ضمها بقلبك... ترى خالد رحل مايعود


القصيده حيل حلوه وتأثرت فيها حيييل
تعيشي وتجيبي ياقمر