بسم الله الرحمن الرحيم
ارجوكم اريد تفسير لاحلامى ضرورى جدا لانى مش حلمت حلم واحد انا حلمت اكتر من حلم فى تلات ايام ورا بعض واصحى على وقت الفجر فبجد قلقانه جدا
اول مره حلمت انى كنت تعبانه والمفروض انى ادخل اعمل عمليه وكنت قبلها قاعده فى بيتنا وبعيط جامد اوى ومعايا شخص اعرفه بيحاول يهدينى وانا بوصيه يبلغ مامتى واختى سلامى وانى بحبهم اوى وبعد كده هما جم وقعدت ابوسهم واحضنهم جامد وانا بعيط وكنت فى الحلم متأكده ميه فى الميه انى داخله اموت فى العمليه وصحيت وانا بعيط
وتانى يوم حلمت انى فى بيت ومعايا ناس كتير اعرفهم وكنت عاوزه ادخل استحمى فاخدت هدوم ودخلت الحمام وقفلت عليا وبعد ما قلعت هدومى بصيت لقيت فيه شبابيك كتير حواليا وكل الناس بتتفرج عليا وانا بحاول استر جسمى باى هدوم وخرجت من الحمام وروحت حمام تانى وحصل نفس الموقف
وتالت يوم حلمت انى كنت فى الشغل وورايا شغل كتير متأخر ومعايا ناس زمايلى فى الشغل والمفروض نقعد نخلص الشغل المتأخر ده وفعلا قعدنا علشان نشتغل لكن بعد شويه مقدرتش اقعد فنمت على المكتب ولما صحيت من النوم لقيت جسمى مكشوف وحسيت انى متعوره فى رجلى وضهرى وشكيت ان واحد معين هو الى عورنى وانا نايمه بس مكنتش متأكده وصحيت من النوم
ارجوكم يا جماعه حد يفسرلى الاحلام دى فى اسرع وقت لانى خايف جدا
وللعلم انا انسه 23 سنه
26-02-2007, 01:16 PM
ارجو التفسير ضرورى جدا 
المواضيع المتشابهه 
العرض العادي
