رواية غرور يوسف

[سيزرر]

الفصل العشرين

قرب منها ومسك يدها بكل حب وحنان رفعت رأسها جاف عيونها المليئه بالدموع ابتسم لها ابتسامه امل وضغط على يدها مسحت دموعها بيدها الثانيه وابتمست

غرور: يوسف طلبتك حبيبي

يوسف: اَمري يا بعد عمري

غرور: ودني لسمر موب قادره ايلس احاتيها

يوسف وهو يمسح على شعر غرور ويناظرها بحنيه الدنيا كلها:والله حاس فيج يلا قومي وانا اقدر اقول لحبيبتي لا

ابتسمت غرور ابتسامه امتنان : يلا عيل

ركبو السياره والصمت سيد الموقف موب قادرين يتكلمون شنو يقولون يقولون ان حياتهم مهدده للخطر

يوسف" حبيبتي

غرور: هلا

يوسف" انتي مستعده تقابلين سمر وانتي متوقعه الحاله الا اهي فيها

غرور: موب مهم المهم اني اقابلها انا خايفه وايد عليها سمر طول عمرها البلسم الا يداوي جروحي

يوسف: الله كل هذا سمر عيل انا وين رحت؟

غرور: انت بقلبي متربع

قال بتأكيد: وببقى متربع بقلبج وحياتج

فهمت غرور قصده وابتسمت بامل وقالت: مستحيل تقل مكانتك مكانتك بقلبي كبيره

يوسف: انتي قد كلمتج؟

غرور: تشك بكلامي ؟

يوسف: لا

غرور: عيل انا قد كلمتي ونص بعد

يوسف بتردد ما يمبي يضايق غرور : وسيف؟

اختفا حماس غرور : سيف اهو سبب علاقتنا لو نسيت

كان يوسف يحاول يجرجرها علشان تقول الا بقلبها ولكن غرور ما حبت تتكلم بالموضوع ولا حتى تسمح لسيف ان يدخل حياتها ويوثر عليها اكثر ما اهو موثر على نفسيتها ما تمبي تحمل يوسف طاقه وهم جديد في حياته وخصوصاً ان يوسف الا ناوي يسوي كل شي او اي شي بس علشان يجوفها سعيده


سمر دخلت الغرفه وسكرت الباب تسندت عليه طاحت على الارض مازالت مجرزحه بكت باعلى صوتها يا ترى للحين تحبيه يا سمر؟

تذكرت خداعه وكلامه مع غرور وغزله ..
حمد الا موب قادر يظل بره اكثر من جيه يمبي يتصل على غرور لكن شنو يقول لها تركي بيت ريلج وتعالي بهذا الوقت مهما يكون غرور الحين متزوجه وفي الوقت نفسه ما يقدر يدخل لاخته ويجوفها بهذه الحاله

طق الجرس حمد هرول بسرعه وفتح الباب

غرور: حمد

حمد وهو موب مصدق عينه: هلا يتي بوقتج

غرور: شلونها؟

حمد: مدري من ينه واهي يالسه بدارها

غرور: ما كلمتها؟

حمد: ما قدرت انتي تعرفين شكثر سمر غاليه عنديه ومع هذا حاولت بس اهي رافضه التكلم بالموضوع

غرور: انا بدخل لها

حمد: تفضلي

طقت الباب غرور مره ومرتين وثلاث ... وبالاخير فتحته لقت سمر وكانها تمثل انها نايمه وحتى لو نايمه صج بعد هالطق بتصحى يلست يمها تمسح على شعرها

قالت بهمس: سمر حبيبتي انا اعرف انج صاحيه قومي كلميني ترانه كلنه نحاتيج

فتحت سمر عيونها المملؤه بالدموع عدلت يلستها وحضنت بنت عمها ويلست تصيح وتكرر هالكلمات : اكرهه اكرهه

غرور: هذه الامور ما تنحل بهذه الطريقه.. اهدي حبيبتي

سمر: ما اقدر اجوفه غرور افهميني انا من اجوفه انهار من داخلي اتدمر

غرور: كل انسان ممكن يمر بتجارب وممكن تكون ناجحه وممكن تكون فاشله

سمر: حطي نفسج مكاني بعد ما كانت حياتي مستقره وحلوه ومحدوده تنكدت بلحظه وما صار عندي شي مضمون غير الدراسه

غرور: سمر الله يهداج شنو هالكلام احمدي ربج على هالنعم الا عطاج اياها

سمر وهي تحاول تهدأ: الحمدالله

غرور: ما شاء الله عليج بنت جميله ومثقفه ودمج سكر ومليون من يتمناج

ضحكت سمر على كلمه بنت عمها: مليون عاد؟

غرور: ايه ضحكي والله سيف مسكين لانه خسر معدنج الطيب


يوسف تحت ينظر غرور بالسياره سند راسه على الكرسي ومن شده التعب نام ..

اجت غرور وركبت وابتسمت بعطف وحنان: يوسف حبيبي

فتح عينه كانه طفل توه جايف امه: متى يتي ؟

غرور تنهدت: توني الحين

[سيزرر]

يوسف: ما حسيت فيج

ابتسمت : ما تنلام يا عمري وانت حاس بالدنيا من شده التعب خلني انا بسوق عنك

يوسف: شدعوه

غرور: ما تجوف عيونك الا حتى موب قادر تفتحها من التعب

يوسف: ايه اليوم ما يلست بالبيت كلج

بدلو الاماكن

يوسف : اقول غرور شخبار سمر ؟

غرور بنبره غريبه: ملزمه على الطلاق

يوسف حس ان هالموضوع يضايق غرور : ما عليه حياتي الله يعوضها خير

حب يلطف الجو: اشوه انتي الا تسوقين والله احنه بداهيه

ابتسمت غرور : انا وانت واحد حبيبي

يوسف: ومن قال ان احنه موب عايشين بدواهي الحب واي حب بعد قصه حب غرور يوسف الا يقطع كل المراحل ويستمر

غرور والدمعه بعينها: احبك يوسف

ابتسم يوسف وقال: ادري

غرور: يا غرورك

ضحك يوسف وقال: من حقي

غرور : يا سلام وشنو هالاسلوب اليديد بعد؟

يوسف: موب من حقي اعتز واغتر والغرور كله عندي

غرور : من تزوجتك وانت دنيتي

يوسف: وانتي حياتي وفرحتي

من جهه ثانيه ..

خساره الانسان الوحيد الا عطيته قلبي قلبه موب لي
قرأ المسج مره ومرتين وثلاث والله شكلها هالانسانه فاضيه انا قلقان على اختيه واهي تدز مسجات غلق موبايله ودخل المطبج
طبعاً هذه الحركه صدمه لشوق الا قلبها محترق محترق بعد الا عرفته وودها تصارحه بطريقه غير مباشره وترتاح رمت نفسها على السرير ويلست تبجي على الحب الجديد الا دخل حياتها

احب ولا يحبوني
خلاص اهم كرهوني
شنو يمبون من عيوني
خذو همي وذبحوني
ضربوني ولا تكلموني

يا قلبي وينك عني
تركتني وحدي بهمي
عطيتني وشنو اهو ذنبي
اخذت احساسي ودفنت اسمي

سيف : اووه عاد مليت من الشكاوي ما منج فايده

سناء: سيف والله موب قادره

سيف: انا ما لي دخل خدماتج واستغنينه عنها

سناء: ما تخاف اقول لهم

سيف: قلت لهم قبلج والحين يلا فارجي

سد التلفون بويهه ابو غرور طلع من الحمام

ابو غرور: من تكلمين بنصف اليل

سناء وواضح عليها الارتباك":هذه مها رفيجتي

بو غرور: الساعه 12 الحين

سناء : ادري بس كنت محتاجه اشكي لها صعوبه حملي واهي فديتها ما قصرت خففت عليه بالكلمه الطيبه

ابو غرور: لا تأذين الناس معاج بنصف اليل

سناء : ما فيها اذيه طول عمرنا نشكي لبعض لا تكبر الامور بس انت

قامت وكانها طالعه من الغرفه واهي متاكده ان ابو غرور مصدقنها

ابو غرور: على وين؟

سناء: نازله المطبخ بشرب عصير

طلعت وتركت التلفون بالغرفه ابو غرور صار له فتره شاك فيها طلعت وقرر يتاكد من شكوكه ويتصل على الرقم الا توها داقه عليه

سيف من غير ما يسمع منها حتى كلمه الو : انتي ما تفهمين انتي بهذه الحركات تخونين ريلج ابو ولدج اذا ما تحبيبنه حبي ولدج

سكر ابو غرور التلفون والدنيا تدور موب قادر يصدق رغم انه كان متوقع هذا الشي من فتره

يت سناء : انت للحين ما نمت؟

جافت بعينونه نظرات اول مره تجوفها قالت بخوف : شفيك؟

ابو غرور بنبره حاده: انتي طالق اخذي اغراضج وروحي لابوج

مر من جدامها واهي موب مصدقه الكلمه الا طلعت من لسانه انت طالق

طلعت من الغرفه جافته يالس بالصاله وجاط يده على ويهه

سناء: انا شنو سويت

ابو غرور : جب ولا كلمه

سناء: ابو غرور تكفى طلبتك

ابو غرور: تخونيني وتقولي لي طلبتك

سناء واهي تبجي : ها""

ابو غرور : مستغربه بعد لاني كشفتج انا الغلطان الا تزوجت لي بنت كبر بنتي علشان الولد لكن شلون يتربى الولد والام موب متربيه..

ارتفع صوته وازدادت عصبيته: طلعي بره بره ما امبي اجوفج بهذا البيت

بجت باعلى صوتها ودخلت الغرفه ابو غرور على طول طره على باله حمد دخل غرفته حمد ولد اخوه ولده ما يدري شلون قسى قلبه عليه لام نفسه بدل المره الف على كل الا سواه بعياله غرور وحمد وسمر"

من جهه ثانيه
ناصر..

موب قادر ييلس على الكرسي يحاتي سمر وسمر بفتره قصيره شغلت جزء كبير في حياته سمع صوت غرور ويوسف وهو رادين عرف انهم رادين من عند سمر ما قدر يكتم شوقه ولهفته خلاص نقدر نقول ناصر يحب سمر لكن سمر شنو؟

ناصر: يوسف لو سمحت امبيك

يوسف: خير

ناصر: الخيربويهك

غرور: اوكي عيل انا اخليكم تصبحون على خير

ناصر: وانتي من اهل الخير

طلعت غرور

ناصر وهو يمسك يد اخوه: ها بشر؟

يوسف: مدري ليش مكبرين الموضوع سمر ما فيها الا العافيه

ناصر: اكيد

[سيزرر]

تابع للفصل العشرين ..

ناصر: اكيد؟

يوسف : اكيد بس انت ريح نفسك ونام

ناصر: يصير خير اطلع انت بس لزوجتك

يوسف : اوكي يلا تصبح على خير

ناصر بذهول: وانت من اهله

غرور استغلت يلست يوسف مع ناصر ورمت نفسها على السرير ويلست تصيح متشائمه من وجود سيف بحياتها وخايفه على حبها وحياتها مع يوسف

اتعلم انك نعمتي ..
وكلامك افعالي...
اعطيتك دنيتي
واهديتني رضائي
متى نكبر ونرتوي
لنجمع معن اوراقي ...
كالورده انا في الموطني
وانت باقه ازهاري ...

يوسف الا دخل الغرفه من غير ما يدري لقاها تبجي ومنظرها يقطع القلب قرب منها ويلس مجابلها ومسح على شعرها بحنيه وبعيونه دمعه حب حس ان غرور تتعذب

قال بحنيه: غرور

رفعت غرور راسها ضماها يوسف ويلس يطبطب عليها ..

غرور بنبره ترجي وصوتها رايح من البجي : يوسف تكفى لا تتركني

يوسف: حبيبتي شفيج اهدي انا ااترك الدنيا كلها ولا اتركج

غرور : اَخ

يوسف : شفيج غرور ((صرخ باعلى صوته شفيج غرور ))

اغمى عليها ..

يتبع في الفصل 21

[سيزرر]

الفصل الحادي والعشرون ..

اخذ العطر ورشه فتحت عينها بصعوبه تريد تتذكر الا صار

غرور : انا وين؟

يوسف: شلونج الحين حبيبتي؟

غرور: انا ما فيني شي

تريد تقوم حست بدوخه مسكت راسها ويد يوسف بقوه

يوسف: لا هالموضوع ما ينسكت عنه قومي معايه

غرور بنظره خوف وعينها الا تدمع: وين؟

يوسف: المستشفى

غرور وهي تطالع الساعه وبصوت رايح: بهذا الوقت؟

يوسف: لا تناقشيني بتقومين معايه ولا اشيلج؟

غرور: لا حبيبي هذا مجرد ارهاق وبعدين انت بعد تعبان وتمبي ترتاح

يوسف: انا ما برتاح الا الوقت الا اطمن عليج

غرور: انا ما فيني شي وحتى الدوخه راحت بغير ملابسي وبنام

يوسف: والمستشفى؟

غرور: الصباح رباح

يوسف : انا ملزم نروح هاتي يدج

غرور بنبره دلع: يوسف

يوسف بنبره عذاب: عيونه

غرور: تسلم عيونك يا الغالي بس والله ما امبي اروح

يوسف: غرور لا تصيرين ياهل

غرور: حبيبي والله

يوسف : وانا اقدر اقول لج لا خلاص اوكي (( قال بنبره تهديد ))بس بكرى

غرور ما صدقت ع الله: من غير ما تقول ولا تكمل اوكي كم يوسف عندي انا

من جهه ثانيه

طق الباب

حمد: سمر سمر

سمر وهي تمسج دموعها: تفضل

دخل حمد وابتسم: ان شاء الله هدأتي

ابتسمت وقالت: دائماً بعد الهدوء عواصف

حمد: يه ليش كل هالتشاؤم

سمر: انا اتكلم عن الواقع

حمد: ما تعودنا نتكلم عن الا جاي لانه ما نعرفه

ابتمست سمر بمراره

حمد: موب يمكن الا ياي احسن من الا فات

سمر: محد يدري شنو خاش له الزمن

حمد: لا هذا موب كلام سمر اختيه الا اعرفها

سمر: مت علينه حمد انا الحين زينه واقدر اتكلم بموضوعي انا وسيف

حمد بنصف عين: اكيد

سمر: ايه

حمد: وشنو قررتين يا اخت البطل

سمر ببتسامه: لا تمدح نفسك

حمد: امدحج بعد شنو تمبين

ابتمست سمر وقالت : ايه اضحك عليه ما علينه خلينه بموضوعنا

حمد: ايه خلينا بموضوعنا والا اهو شنو؟

سمر : حمد شفيك اليوم موضوعي انا وسيف

حمد: شفيج ما لج مزاج .. طيب شنو قررتين؟

سمر: افضل حل بوجهه نظري الطلاق

حمد: سمر فكري بالموضوع كويس

سمر: لا حمد انا فكرت بالموضوع بطريقتي الخاصه وكلام الناس مو مهم

حمد: يا سلام موب مهم اذا كنتي وحدج بهذه الحياه لكن طول ما اهم معاج ما بيسكتون هالبنت تطلقت وعمرها 22....... الى اخ

قاطعته سمر : كفايا حمد وانا عندي كلام الناس اهون من ان اعيش مع انسان ما يحبني

حمد: وانتي تحبينه سمر صارحيني

سمر: كنت صدقني يا اخوي ان سيف ما يصلح لي ولله يعلم لو انا مقتنعه فيه واصلت معاه من غير تردد ومن غير الافكار الا في باللك لكن احنه لثنين موب عايبين بعض ولا مقتنعين ببعض والله يعلم اني اقول رايي هذا بعقليه تامه واقتناع

حمد: ما عليه هم فكري

&&
صباح عذب باعذب الكلمات وارقى المشاعر والاحساس خطاه قلمي ليكن وليقرأه الطف الناس "

المستشفى

يوسف : ها دكتوره بشري عسى مدامتي ما فيها شي

غرور وهي تطالع يوسف بطولت بال مكبر السالفه وهي ما تستاهل بوجهه تظرها

يوسف يطالع الدكتوره وهي تبتسم حس انه صج زودها

الدكتوره : مبـــــــروك المدام حــــــامـــ ـــل

غرور ويوسف مع بعض : حــ ــامــل
موب مستوعبين الامر

غرور برتباك : لكن دكتوره احنه عرسان جداد ما صار لنا حتى 3اشهر

الدكتوره: هذه هديه من رب العالمين وعليج المحافظه عليها

يوسف فاج الحلق وموب مصدق الا يسمعه كان يسمع وصايا الدكتوره لغرور وهو موب مستوعب للحين

الدكتوره: وزي ما وصتج ثقيل لا تشيلين وابتعدي عن كل الا يقلقج ويوترج على الاقل بالاشهر الاولى

غرور : امم لحظه دكتوره خليني استوعب اني حامل علشان استوعب النصائح

ضحكت الدكتوره ودارت ليوسف: ما اوصيك عليها يا استاذ

يوسف وبعالم ثاني : ع منو؟

ضحكت الدكتوره على حالهم وقالت: الف مبروك

تلاقت نظراتهم وبعينهم فرحه الدنيا كلها: الله يبارج فيج

طلعو من عند الدكتوره ويدهم بيد بعض ركبو مصعد العياده ولحسن حضهم ما كان حد موجود معاهم

غرور طالعت يوسف وابتسمت ابتسامه كبيره: مستانس يا حبيبي

مسك يدها وصرخ باعلى صوته كانه مينون : احـــ ـــبــج احــ ـــبج

وغرور تضحك ع جنانه بخجل ..فتح المصعد وطلعو ولا كانه مسوي شي
وصلو لسياره فتح لها باب السياره: تفضلي يا مولاتي

غرور وهي تضحك وما تدري ليش : شكراً

ركبت السياره وركب بعدها عدل يلسته وقال: مبروك غروري

غرور: الله يبارك فيك توه الناس

يوسف وهو يبتسم : انا للحين موب مصدق

غرور وتبادله الابتسامه: لا يبه صدق بيك ولد ولا بنت ويقولو لك بابا

يوسف: يا حلاه كلمه بابا من لسان عيالج

ضحكت غرور

يوسف: غروري

غرور: عيوني

يوسف: تسلم عيونج حبيبتي خاطرج ببنت ولا بولد

ضحكت غرور : يوسف هالكلام بدري عليه انا توني بالشهر الاول

يوسف: الايام تركض معنى ما اتوقع تمر هالايام بسرعه

غرور: شدعوه

يوسف: متى اصير ابو

غرور: بعد 8 شهور ونصف اصبر الله كريم معني وايد خايفه

يوسف: من شنو؟

غرور: الولاده

ضحك يوسف ضحكه كبيره ويلس يتطنز عليها واهي تتطنز على امنياته بالايام اليايه لولدهم او بنتهم

غرور: حبيبي ممكن طلب قبل ما نروح البيت

يوسف : تدللي يا الغاليه ياام الغالي

غرور: امبي افرح ابويه اول واحد

يوسف: رغم ان نظامي موب جيه موب الروحه للبيت لكن معليه بعد ما نطلع من عند عمي نروح نحتفل بهذه المناسبه باي مطعم تمبينه

غرور: لا وخالتيه

يوسف: ندق عليها نقول لها

غرور: لا حبيبي اسمح لي انا خاطريه اجوف الفرحه بكل عين زي ما جفتها بعيونك

يوسف: انا عاد غير ما صدقت اتزوج غرور ومره وحده زواج وعيال يعني حب واستقرار الحمدالله

غرور: الحمدالله

موب ملاحظين ان ابطالنا نسو سالفه سيف احسن ما نمبي ننكد عليهم

غرور اتصلت ع مكتب ابوها وخبروها انه ما داوم قررت اهي ويوسف يروحون له البيت ويفاجونه

نزلت من السياره ونادته بهدوء: يبه

دخل يوسف : ها فيه احد

غرور: مدري

نزل ابو غرور وعليه هدوم النوم : هلا هلا بحبيبتي

ضماها لحضنه وغرور دمعه عينها لكنها مسحت دموعها الا طاحو غصباً عنها وقت الا جافت يوسف يبتسم لها
سلم يوسف ع عمه

يوسف: عمي عندنا لك خبر بمليون دينار

ابو غرور: خير

يوسف: خير ان شاء الله

توه بيتكلم قاطعته غرور بدلع كانها ياهل : يوسف انا يقول لع

يوسف: اوكيه كل شي ولا زعلج

ابو غرور: شفيكم شوقتوني وبعدين انا بعد عندي لج خبر حلو يا غرور

غرور: موب احلى من خبر انك بتصير جد

ابو غرور قام يصفق من فرحته وضم بنته غرور وفي خاطرها يا الله يا يبه اي قد ولهانه عليك

ابو غرور ويده اليمنى على كتف غرور واليسى على كتف يوسف: الف مبروك يا عيالي

يوسف : الله يبارك فيك يا عمي ومن قدك بتصير جد وابو مره وحده

ناظر ابو غرور غرور علشان يجوف ملامحها الا ما توقع يجوف ابتسامتها
غرور: انا الا من قدي بصير ام واخت اخيراً

ضحك يوسف : ما بصير فرق في السن بينهم يا ليت تكون علاقتهم زي علاقتج مع سمر

غرور: علاقتي مع سمر ما فيها زيها

ابو غرور: غرور انا طلقت سناء

غرور: ها"

يوسف : والياه

ابو غرور: ما بقصر عليه

غرور: يبـــه

قاطعها ابو غرور وقال: اتصلي لحمد قولي له ايني

غرور صج استانست من جمله ابوها لكنها ما تمبي تكون انانيه وتظلم سناء واخوها

غرور موب عارفه شنو تسوي ولا حتى مستوعبه

يوسف : انا بتصل فيه

[سيزرر]

موبايل حمد يرن
سمر: منو؟

حمد: هذا يوسف

سمر: الله يستر اخاف غرور فيها شي

حمد: ليش يعني

سمر: يا بعد عمري البارحه اهي روح بلا جسد من التعب

حمد: موب باين عليها

سمر: طول عمرها جيه قويه

حمد ابتسم ورد: هلا هلا يوسف

يوسف: هلا حمد اخبارك

حمد: عال الغال شخباركم عسى ما فيكم شي

يوسف: ما فيني شي لا انا ولا غرور اخبارنا تمام بس بغيناك بشغله اذا ما كنت مشغول

حمد: لا موب مشغول خير ان شاء الله

يوسف: نمباك تمر بيت عميه بو غرور

حمد موب مستوعب: شنو؟

يوسف: الا سمعته لا تطول في امان الله

حمد سكر الموبايل وما زال يفكر

سمر : حمد شفيك؟

حمد: يوسف يمبيني امر بيت عميه بو غرور

سمر:لا يكون عميه فيه شي

حمد: الله يستر انا رايح

سمر: انا بيي معاك ما اقدر ايلس جيه

واه فرحتاه دخلت على قلبي
تغني وتؤيد الحبي

وصلو بيت عمهم ..

حمد: سمر انتي دخليه وجوفي لي الوضع اذا كويس بدخل

سمر: حمد احنه متوقعين كل شي يلا ننزل مع بعض

دخلت سمر جافهم يالسين بالصاله ابتسمت بعفويه

ابو غرور: هلا بنيتي

ابتسمت سمر ياي اي اقد اهي مشتاقه لهذه الكلمه

سمر: هلا عميه

ابو غرور: شفيج واقفه بعيد اقربي

سمر: حمد برع (( قالت بتردد))اقول له يدخل ؟

ابتسم وقال: البيت بيتكم قبل ما يكون بيتي

دمعت عيون سمر ناظرت غرور وفي عينها علامه الموافقه

طلعت سمر وقالت: حمد ادخل

حمد: السلام عليكم

الجميع: عليكم السلام

ابو غرور والدمعه بعيونه شلون سمح للايام انها تحرمه من ولده ولد اخوه الا عنده اياه بالدنيا كلها: حياك يا ولدي

قرب ابو غرور من حمد وضماه: شلونك يا وليدي يا الغالي

حمد بدأ يبجي : موب بخير طول ما انت موب راضي عني

ابو غرور: وانا راضي عليك سامحني يا وليدي

حمد: لا يا عمي ارجوك لا تقول هالكلام

وعادت المياه الا مجاريها جلسه عائليه ..

سمر: والله غرور حامل

ضمت بنت عمها وباركت لها عن خاطر

سمر: هذا احلى خبر سمعته بحياتي

غرور: مشكوره حبيبتي

حمد: من قدك يا يوسف بتصير ابو

يوسف غمز له وقال: انت بتصير خال

حمد: احم احم عاد ما اوصيكم اذا بنت سموها رغد

غرور: شمعنه رغد يعني؟

حمد: عن القافه

غرور: انا ملقوفه هين يا حمد

يوسف: لا تعصبين يا عمري العصبيه موب زينه لج وللجنين

حمد: ايه والله مشكله علشان رغوده خلاص اسحبها

ضحكو ..

سمر: الله الله كل هالحب لرغد

يوسف: يعني خلاص سميتو بنتي

غرور: ومن قال انها بنت اصلا

يوسف: احساسي

ضحكت غرور ع هبال يوسف وحمد

حمد: جوفو بما انه غرور انها ويوسف ابوها قررت اتبرع واتروجها

سمر: كبير وايد وايد عليها

غرور: وموب بايعه بنتي عشان ازوجها لك

حمد: يا بنت الحلال لا تستعيلين انا ما يرضيني بنتج تطيح في حضج وتعنس

اهني رن تلفون يوسف يوسف عرف ان المتصل سيف ...

[سيزرر]

ملحقات من الفصل 22

الحمدالله انك للحين تذكر اني ولد عمك وعيب كل الا تسويه

طلاقي من سمر انا ما بطلق سمر الا اذا انت طلقت غرور

سيف تدري انك اغلى شي بحياتي

ليش مصمم تبعدني عنك ليش ما تمبي حبنا يكبر ويكبر

سمر الموت ممكن باي لحظه ياخذنا

سمر انا امباج بموضوع ما ينقال ع التلفون

وحشتيني

[سيزرر]

الفصل الثاني والعشرون

يوسف: عن اذنكم

حمد: جوفي ريلج من ياه التلفون انقلب ويهه شكله المتصل مهم

ويلس يشوش غرور وغرور موب مهتمه(( واثقه))

يوسف: نعم

سيف: الله ينعم عليك يا ولد عمي

يوسف: الحمدالله انك للحين تتذكر اني ولد عمك وعيب كل الا تسويه

سيف: انا ما سويت شي انا متصل لغرور لكن موبايلها مغلق بغيت اقول لها عن قراري

يوسف: قرار شنو؟

سيف: طلاقي من سمر انا ما بطلق سمر الا اذا انت طلقت غرور

يوسف بعفويه: لا والله بكل هذه السهوله والياهل الا ببطنها

سيف: شنو غرور حامل؟"

يوسف في خاطره: انا ليش قلت له الله يستر من الا بسويه الحين

سيف: مبروك بس موب كانكم مستعيلين

يوسف اعصابه خلاص: ها

سيف: هالياهل موب يمكن اهو الضحيه

يوسف عصب: سيف وبعدين معاك هذا انا احذرك ابعد عن حياتنا انا وغرور

سيف: ما تعودت احد ياخذ مني شي حبيته وتعلقت فيه

يوسف: غرور لي انا بس وعيب عليك هالكلام وانا ما ارضى لها هالمسخره الا صايره وموب مستعد اكلم واحد متخلف زيك..

قطع التلفون بويهه ومن غير ما يسمع الرد .. تنهد بعد دقائق دخل

يوسف: يا الله غرور

غرور: طيب

ابو غرور: شنو طيب ما بتتغذون معانه؟

يوسف: اريد ابشر امي واجوف الفرحه بعيونها

غرور: وانا بعد

ابو غرور: عاد لا تقطعونه

سمر: احنه معاك يا عمي

يوسف: الله يخليكم لي يا عيالي

سمر وحمد قررو يردون يعيشون بالبيت وترجع المياه الا مجاريها
استئذنو غرور ويوسف وفي السياره لاحظت غرور تغير مزاج يوسف فما حبت تساله صارت تتهرب من الكدر والمشاكل

تعبت اوصف شعور قلبي
صعب القى بذور حبي
احترت انا مدري وين عمري
صحت محتاره انهدم نبضي
رسمت حروفي على جدار الصمتي


بعد اسبوع تقريباً..
حمد: ها سمر شرايج؟

سمر وهي تدقق بلوحهه: تينن

حمد: هذه اللوحه بهديها غرور ما باجي شي ع عيد ميلادها

سمر : ايه ما باجي شي والله كبرنا

حمد: عيل تمبين تبقين ياهل دوم..

ضحكت وقالت: يا ليت

حمد: تمبينها من الله

سمر: ما في احلى من براءه اليهال

حمد: باجر من تولد غرور بنجوف من يكبر قبل انتي ولا ولدها

ضحكت بعفويه تنهدت وقالت: حمد كلمت سيف؟

حمد: اتصلت فيه كم مره يا مغلق يا ما يرد وسالت عنه بعد في بيت عميه دوم موب محد

ابو غرور وهو نازل سمع الحوار: سمر

سمر: هلا عمي

ابو غرور: لا تخافين يا بنيتي انا بكلمه بس موب ملاقي سبب مقنع لطلاق

ابو غرور ما يدري عن الا صار

سمر: فتره الخطوبه فتره تعارف وانا تعرفت عليه وما عجبني

ابو غرور: براحتج يا بنيتي بنهايه هذا زواج موب لعبه معني موب مقتنع ان بعد 3 سنوات خطوبه تقررين هالقرار

حمد: يا عمي الزواج قسمه ونصيب بالنهايه الا كاتبه رب العالمين اهو الا بصير

من جهه ثانيه

سيف حاس بنار ما يدري شنو نهايتها شنو نهايه عمايله وتصرفاته هذه .. تذكر سمر ضحكتها ابتسامتها كلامها ولقافتها وعفويتها وخجلها
تذكر بدايه ايام خطوبتهم والايام الحلوه الا عاشها معاها بتردد على بيت عمه والطلعه معاها

فوق رمال البحر الذهبيه سيف وسمر يالسين..

سمر: سيف

سيف: هلا

سمر: تدري انك اغلى شي بحياتي

سيف: لا توني ادري

سمر: انا موب بس احبك الا....

سيف: ههه يا مينونه ((تنهد وقال بتردد: انا بعد احبج

سمر: صج مايبين عليك الا يحب يبين ويضحي ويعاتب ويسامح ,,

قاطعها سيف: وايد رومانسيه

سمر: لا بس انا اتكلم عن الحب عامهً

ضحك سيف وبعدها لحظه صمت

سيف : انا بالنسبه لي الحب معركه وعذاب

[سيزرر]

سمر: موب دوم دام حبيبك معاك

سيف: سمــ ــر لا تتعلفيم فيني ترى والله الحياه قاسيه وغداره

سمر: ليش عاد مصمم انك تبعدني عنك ليش ما تمبي حبنا يكبر ويكبر

سيف: لانه واقع

سمر: واذا واقع

سيف: والواقع اهو الا يحكما ونتعايش معاه

سمر بتردد: سيف ممكن سوال

سيف: اكيد حبيبتي

سمر: بما ان الحياه غداره ووممكن انها تغدر بحبنا ممكن انه نفترق ؟

((قالتها وبعينها الف دمعه موب متخيله حتى الموقف

سيف ببرود: ايه

سمر موب مصدقه: تقول ايه

سيف: سمر الموت ممكن بأي لحظه يأخذنا

سمر: محد يقدر ياخذك مني

ابتسم سيف وناظر جدامه

سمر: سيف حبيبي

سيف: هلا

سمر: ليتك تعرف شنو انت بالنسبه لي

سيف: وانتي بعد عزيزه وغاليه

مسك يدها يطمنها وضغط عليها...

صحا على الواقع وافترقنا يا سمر وقدرتي تجوفيني وتصدين عني حس بحنين وبالوقت زيه حس بكرهه اتجاه غرور ويوسف لان حبهم الا بقى وحبه الا مع ولادته مات وانتهى واعلن رحيله
قرر انه يحاول استرجاع الماضي قبل التهور مسك التلفون بتردد وطلب رقمها ..

بين احزني انا جالسه متعبه يائسه محبه للغد ومتردده
سمر دخلت غرفتها حاولت تشغل نفسها بالدارسه تحس نفسها ضعيفه امام هالموضوع ولكن بالنسبه لشخصيتها فهي جداً قويه
رن موبايلها اندماجها بالدراسه منعها تجوف الرقم ردت..

سمر بصوت هادى: هلا

سيف في خاطره تقول لي هلا

سمر: الو

سيف راجع نفسه ما يقدر يوصف الاحساس الا ياه اشتاق لسمر ايه ايه اشتاق لها ما يقدر ينكر هالشي

سمر: لو

سيف: سمر

كلمته ولفظه لاسمها على لسانه رجعها الى العالم الا هربت منه العالم الا رفضته عالم سيطر عليها شوشها دمرها عذبها قتل احساسها وحبها لحظه وحده

دمعت عيونها الا طاحت دموعها

سيف: سمر انتي معايه ع الخط

سمر ما حبت تبان ضعيفه اخذت نفس ومسحت دموعها وقالت بشده: خير شنو بغيت؟

سيف: سمر امبي اكلمج

سمر: صج

سيف: سمر انا تعبان

سمر بسخريه: سلامتك

سيف: سمر انا امبيج بموضوع ما ينقال ع التلفون

سمر: والمطلوب

سيف: اجوفك لو نصف ساعه بروحنه

سمر: ما بيني وبينك كلام

سيف: ولو قلت لج اني ما بطلقج الا اذا جفتج وانتي تعرفيني عنيد وما ارجع بكلمتي

سمر: طيب تعال البيت

سيف: لا لا شرايج نروح البحر

سمر: شمعنه؟

سيف: جو رومانسي

سمر: سيف احترم نفسك وتكلم عدل

سيف: اوكي اسف

سمر: بحر ما بروح

سيف: وبيتكم ما يصلح مثل ما تعرفين حمد بييلس بالوسط وهذا غير تدخلات غرور هانم وريلها الباشا

سمر: لا تغلط ع احبابي

سيف: لا يا سمر احبابج احبابي

سمر: عمرنا ما كانو حبايبنا حبايب بعض ولا بكونون

سيف: شوشتج عليه غرور

سمر: سيف

سيف: خلاص اسف شرايج الساعه 8 بالمطعم الا دائماً نروحه بليز سمر كلها نصف ساعه

سمر: طيب

سكرت الموبايل بويهه وهذه صدمه لسيف بس موب اول صدمه غمض عينه وانزعج وايد

من جهه ثانيه ..
شوق..

وقفت تطالع العالم الخارجي حاسه بالاكتئاب دائماً يالسه بروحها وما لها خلق احد

طق الباب

ام ناصر: شوق

شوق: هلا يمه

ام ناصر: يمه عندي لج موضوع

شوق: خير يمه

ام ناصر: الخير بويهج عائله بو سعود خطبوج لولدهم سعود

شوق: ها

ام ناصر: عائله محترمه وغنيه وسعود خوش ريال

شوق: انا صغيره

ام ناصر: انتي للحين بالعشرين وانا بعمرج عندي يوسف وناصر

شوق: على ايامكم يمه لا جامعه ولا مستقبل

ام ناصر: كاهي غرور تزوجت واهي تدرس

شوق: غرور غير باجي لها بس هالسنه

ام ناصر: وانتي يا يمه باجي لج 3 سنين والسنين تركض وسعود ما اعتقد يعارض دراستج

شوق باصرار: بعد يا يمه ما امبيه امبي اتهنى بشبابي شنو لي بالزواج وعوار الراس حمل ونساه وولاده وكاني اجوف غرور حالتها لله دوم دايخه ومالها مزاج وتوها بالشهور الاولى

ام ناصر: اجلي سالفه لعيال

شوق: زي ما ااجل سالفه لعيال ااجل سالفه الزواج بكبرها احسن

ام ناصر: بس يا يمه فشله ام سعود رفيجتي وانتي تعرفين علاقه ابوج بابو سعود

شوق: اذا صج زعلت ما اسمها العلاقه الا بينكم صداقه وبعدين شنو الا يضمن لكم اني ما ارد لكم بعد سنه ولا كم شهر مطلقه

اقتنعت ام شوق وطلعت وشوق تفكر متى بتتحرك يا حمد علاقتنا صامده تتراجع بدل ما تتجدم انا لازم اقول له لمتى بظل جيه..

المغرب

غرور ويوسف بالمول

غرور: يوسف شرايك بهذا الصندل

يوسف: حلو بس وايد وايد رفيع موب زين لج ولا نستي انج حامل يا مدام

غمز لها حست غرورباحباط وهو يتمشون

يوسف: غرور جوفي هالمجل

طالعته اهو عباره عن محل العاب ضحكت غرور وقالت: بدري

يوسف: بدري من عمرج لا توجل عمل اليوم الا الغد

مسك يدها وسحبها للمحل

يوسف: والله هالمحل رومانسي

غرور ابتسمت حاسه بتعب قررت تيلس وتجوف اَخر جنونه ويوسف اشتره دببه وايد وغرور تطالعه وتبتسم حاسه نفسها اسعد انسانه بالدنيا دامها تجوف يوسف مبسوط طلعو من المول وراحو مطعم فخم بتعشون فيه

يوسف: كل الاغراض الا اشتريتهم بالون الوردي

غرور: امم يعني انت تمبي بنت

يوسف: حلوه زي امها

غرور: اقول لج ع سر وام تقول لها اذا بنت

[سيزرر]

سمر: الو

سيف راجع نفسه ما يقدر يوصف الاحساس الا ياه اشتاق لسمر ايه ايه اشتاق لها ما يقدر ينكر هالشي

سمر: لو

سيف: سمر

كلمته ولفظه لاسمها على لسانه رجعها الى العالم الا هربت منه العالم الا رفضته عالم سيطر عليها شوشها دمرها عذبها قتل احساسها وحبها لحظه وحده

دمعت عيونها الا طاحت دموعها

سيف: سمر انتي معايه ع الخط

سمر ما حبت تبان ضعيفه اخذت نفس ومسحت دموعها وقالت بشده: خير شنو بغيت؟

سيف: سمر امبي اكلمج

سمر: صج

سيف: سمر انا تعبان

سمر بسخريه: سلامتك

سيف: سمر انا امبيج بموضوع ما ينقال ع التلفون

سمر: والمطلوب

سيف: اجوفك لو نصف ساعه بروحنه

سمر: ما بيني وبينك كلام

سيف: ولو قلت لج اني ما بطلقج الا اذا جفتج وانتي تعرفيني عنيد وما ارجع بكلمتي

سمر: طيب تعال البيت

سيف: لا لا شرايج نروح البحر

سمر: شمعنه؟

سيف: جو رومانسي

سمر: سيف احترم نفسك وتكلم عدل

سيف: اوكي اسف

سمر: بحر ما بروح

سيف: وبيتكم ما يصلح مثل ما تعرفين حمد بييلس بالوسط وهذا غير تدخلات غرور هانم وريلها الباشا

سمر: لا تغلط ع احبابي

سيف: لا يا سمر احبابج احبابي

سمر: عمرنا ما كانو حبايبنا حبايب بعض ولا بكونون

سيف: شوشتج عليه غرور

سمر: سيف

سيف: خلاص اسف شرايج الساعه 8 بالمطعم الا دائماً نروحه بليز سمر كلها نصف ساعه

سمر: طيب

سكرت الموبايل بويهه وهذه صدمه لسيف بس موب اول صدمه غمض عينه وانزعج وايد

من جهه ثانيه ..
شوق..

وقفت تطالع العالم الخارجي حاسه بالاكتئاب دائماً يالسه بروحها وما لها خلق احد

طق الباب

ام ناصر: شوق

شوق: هلا يمه

ام ناصر: يمه عندي لج موضوع

شوق: خير يمه

ام ناصر: الخير بويهج عائله بو سعود خطبوج لولدهم سعود

شوق: ها

ام ناصر: عائله محترمه وغنيه وسعود خوش ريال

شوق: انا صغيره

ام ناصر: انتي للحين بالعشرين وانا بعمرج عندي يوسف وناصر

شوق: على ايامكم يمه لا جامعه ولا مستقبل

ام ناصر: كاهي غرور تزوجت واهي تدرس

شوق: غرور غير باجي لها بس هالسنه

ام ناصر: وانتي يا يمه باجي لج 3 سنين والسنين تركض وسعود ما اعتقد يعارض دراستج

شوق باصرار: بعد يا يمه ما امبيه امبي اتهنى بشبابي شنو لي بالزواج وعوار الراس حمل ونساه وولاده وكاني اجوف غرور حالتها لله دوم دايخه ومالها مزاج وتوها بالشهور الاولى

ام ناصر: اجلي سالفه لعيال

شوق: زي ما ااجل سالفه لعيال ااجل سالفه الزواج بكبرها احسن

ام ناصر: بس يا يمه فشله ام سعود رفيجتي وانتي تعرفين علاقه ابوج بابو سعود

شوق: اذا صج زعلت ما اسمها العلاقه الا بينكم صداقه وبعدين شنو الا يضمن لكم اني ما ارد لكم بعد سنه ولا كم شهر مطلقه

اقتنعت ام شوق وطلعت وشوق تفكر متى بتتحرك يا حمد علاقتنا صامده تتراجع بدل ما تتجدم انا لازم اقول له لمتى بظل جيه..

المغرب

غرور ويوسف بالمول

غرور: يوسف شرايك بهذا الصندل

يوسف: حلو بس وايد وايد رفيع موب زين لج ولا نستي انج حامل يا مدام

غمز لها حست غرورباحباط وهو يتمشون

يوسف: غرور جوفي هالمجل

طالعته اهو عباره عن محل العاب ضحكت غرور وقالت: بدري

يوسف: بدري من عمرج لا توجل عمل اليوم الا الغد

مسك يدها وسحبها للمحل

يوسف: والله هالمحل رومانسي

غرور ابتسمت حاسه بتعب قررت تيلس وتجوف اَخر جنونه ويوسف اشتره دببه وايد وغرور تطالعه وتبتسم حاسه نفسها اسعد انسانه بالدنيا دامها تجوف يوسف مبسوط طلعو من المول وراحو مطعم فخم بتعشون فيه

يوسف: كل الاغراض الا اشتريتهم بالون الوردي

غرور: امم يعني انت تمبي بنت

يوسف: حلوه زي امها

غرور: اقول لج ع سر وام تقول لها اذا بنت

يوسف: افا عليج سرج في بير

غرور: انا من الحين قمت اغار من حبك لها

ضحك يوسف: من صجج

غرور: ايه من صجي من حملت وانت ما قمت تقول لي كلام حلو كل كلامك عن بنتك

يوسف: انا مستانس لانج امها ومستحيل مستحيل تغارين منها لان ما في وجهه مقارنه اصلاً انت لج قلبي كله

غرور: يوسف بسالك سوال

يوسف: اوكي بس بس سوال واحد

ضحكت غرور: اوكي لو كنت انا ما اييب عيال شنو بتسوي

يوسف: زي الا بتسوينه لوانا ما ايب عيال

غرور: احبك

يوسف: انا اكثر

غرور: متأكد

يوسف بمرح: لا بستعين بصديق

انتبهه انها يالسه تسولف وموب قاعده تاكل : غروري

غرور: هلا

يوسف: ليش ما تاكلين

غرور: ما لي نفس

يوسف: انتي ما لج نفس ولدي ولا بنتي دوم نفسيتهم مفتوحه زيي ..

ضحكت غرور وقالت: لا تحاول ما باكل يعني ما باكل

من جهه ثانيه..

حمد: سمر

سمر: حمد لا تحاول بروح بروحي يعني بروح بروحي انا موب ياهل

حمد: طيب ديري بالج ع عمرج واي شي يصير دقي عليه

سمر: الله يخليك لي يا احن اخو

ابتسم حمد وقال: ويخليج لي يا احلى سموره بالدنيا

سمر: يلا ادعي لي سلملم

حمد: الله يسلمك ويوفقك

ركبت السياره وطول ما اهي بالطريق تفكر بسيف تدعو ربها انها تقدر توصل للقرار الحكيم

تذكرت غبائها وحبها الجنوني له..

السائق: ماما وصلنا

ابتسمت وفتحت الباب وقالت: انطرني ما بطول

دخلت المطعم جافت الزاويه الا تعودت تيلس فيها مع سيف والطاوله الا من بدايه خطوبتهم ما غيروها ... وتذكرت

سمر: نمبي طاوله دائماً نيلس عليها اذا اجينه اهنيــيه

سيف: ما يفرق

سمر: بالعكس عشان حتى الطاوله يكون لنا ذكريات فيها

سيف: وايد متأثره بالافلام العربيه

سمر: متاثره والله موب متأثره المهم انك تسمع كلامي

ابتسمت ع ماضي ودعته بكل معانيه .. وقفت متردده نروح تيلس ع الطاوله ولا لا

انتبهت لصوت: سمر

دارت وراها ضعفت نزلت راسها لثواني ورفعته بقوه: مساء الخير

مسك يدها فكت يدها بهدوء من يده الكبيره رغم قلبها الا يدق طبول

سمر: ما في بيني وبينك شي مشترك

سيف: اوكي براحتج اختاري الطاوله الا تمبينها

سمر وقعت عينها ع طاوله جريبه منها يلست وطلبت منه بيدها انه ييلس يلس سيف مجابلها تلاقت عيونهم ابتسم سيف تهربت سمر من الابتسامه بسؤالها: نعم

سيف: وحشيتيني

سمر: شكراً على الخدعه اليديده ومن فضلج قول الا عندك

سيف: سمر انا متمسك فيج وامبيج ومستعد اتغير علشانج سمر انا فعلاً حبيتج غصباً عليه بعفويتج وبرائتج سمر بليز صارحيني وانسي كل الا فات وقولي لي انتي للحين تحبيني ؟

يتبع في الفصل 23
مع تطورات واحداث يديده

[ruba]

مشكوووووووووور سيزر على الفصول
وبنستنى التكملة